رد: روايتي الاوله// لعبه القدر

واخيييرا نزل البارت معليش على التاخير
كنت كل ما امسك الجوال اكمل الروايه الوالده تناديني فما يمديني اكمل خمس سطور :rolleyes::rolleyes: بس عادي بانزل لكم البارت بس باخيركم


يا تنتظروني لين اخل الروايه كامله او تنتظرون الروايه بالتقسيط



استقبل ردودكم
والحين خليكم على الروايه








.
.
.
.
.
روايه لعبه القدر البارت الثاني





في الصاله عند البنات


رانيا فرصعت عيونها وقالت وهي مرتبكه : لا لا اصلا انغار على ايش منزينها عاد ولا على حالتها

ريم عاقده حواجبها : اش تقصدين بحالتها

رانيا بكل اشمئزاز : البنت ابوها اكبر تاجر مخدرات ويضرب امها وشرد ابوها وعمرها 9سنين وهيا من عمرها عشرسنين
تشتغل غصبن عنها

روابي وهيا تصب القهوة : خلاص بنات والله حرام صارت البنيه للغيب والنميمه


مريم وهيا معصبه : خلاص شعليك منهم

طيف : حشو فيني انا بدل ماتحشون في الكافره
على الاقل انا الحسنات بتفيدني بالاخره


(وبين الهواشات)

صوت جوال يرررررن

كل البنات سكتو كل وحده صارت تطالع لجوالها اذا هو الي يرن ولا لا

امجاد وهيى ماسكى الجوال: افففففففففففف خالي نشبه

روابي معصبه: عييييييييب استحي على وجهك

كيف تقولين لخالك كذا

نور وهيى تطل من دريشة المطبخ : ردي ردي (غمزة) يمكن صار شي لحويمد

امجاد وصار وجها احمر : اسكتي فال الله ولا فالكم

بعدين ردت
امجاد : نعم خالي

علي: السلام عليكم يابنتي

امجاد :وعليكم....... اش تبغى

مريم بهمس: على الاقل كملي رد السلام هههههههه

علي: وصلتي يا بنتي

امجاد : اي وصلنا وانا الحين ببيت الينا

علي: طيب تدرين ان محمد بيجي يكمل دراسته معاك

امجاد ببرود: اي اي وبيجي قبل الدراسه بيومين

علي: ههه لا لا يابنتي هو جاي بعد ربع ساعه

امجاد وكان احد صاب عليها مويه بارده : لا بس ليه ليه يبغى يجي وينشب لي كافي في السعوديه غاثني هناك

علي: يابنتي الولد يبغاك وشاريك ومو قادر على فراقك

امجاد : ياعمي حتى انا مقدر بس مايفرقنا الا الموت

علي بحزن: في احد غصبك عليه

امجاد بفهاوه: لا

علي معصب : اجل كلي تبن وانطقي في المطار انتظري خطيبك

امجاد : بس ا......

وقفل الخط بوجها

امجاد: يا مال السمردل ...حمده بيجي وانا مالي حيل مين

تروح عليه

دينا: ماهو بزر يروح لوحده

مريم: لالا دلوع خالو علي بيخاف

رانيا: يلا روحي امجاد وخذي هق ( وغمزت لها

روابي: لا عيب ما يجوز ربي بيغضب عليك ....فهمتو يعني انك تبوسين وتحضنين
ومن ذا الخرابيط ما تجوووز

طيف وهي تناظر للشاشه ومنسجمه: ايه ايه نشوف اول وحده

بتنط بحضن حبيبها

روابي: استغفر الله

امجاد : طيب وحده تروح معاي

طيف: مو قال بيجي قبل الجامعه بيومين ممدى واشتاق لوجه الفقر

امجاد تطنشها : ....

دينا بخبث: اوكي يلا مشينا

روابي: جيبو عشا وياكم

امجاد ودينا: طيب


.
.
.
.
.
يطالع بعيونها النعسانه اللي باين عليها التعب والارهاق
ما قدر يقول شي العبره خانته
تباعد والتفت وفتح الجوال

فهد: سلام ....ايه....ممكن تجي ...انا عند حي *** ....اوكي لا تتاخر
ريما ماتدري شتسوي : ا لو سمحت
التفت وعيونها غرقان وكان باين بوجهها التعب والارهاق

فهد :انتي بس ارتاحي وبعدين بقلك

جا واحد من البزوره: ريما ريما في سياره بره

فهد نزل لمستوا الطفل: لونها اسود

الطفل هز راسه بايجابيه :..ايه

طلع وترك ريما في المطبخ

فهد يصارخ: ايه ريان هنا

طلع من السياره شاب طويل وابيضاني شعره اسود سبايكي
وعيونه حاده رمادي انفه طويل وحاط تقويم معضل شوي

ريان: خير شتبي

فهد: شوف ....(وقال له السالفه)

ريان : اجل يلا خلنا نمشي

ريما طلعت من البيت وامها تمشي بجنبها وريما تساعدها

فتحو السياره ودخلو وضلو بحاله سكووووووووووووووون
.
.
.
.
.
وصلت الرحله المتجه الى.......

دينا بتنهد: وصلت طيارت الحب

امجاد: كلي تبن يلا طسي

دينا : ليه اطس وانا متعبه حالي منطقه بالمطار ساعه

امجاد: طيب لا تتفلسفي علي لا حب ولا رز

دينا : ......


........وبعد كم دقيقه........

دينا قامت : يالله حيهم

امجاد تدور بين الناس: وينه

دينا التفتت لامجعد وضحكت : هناك ( واشرت على واحد طويل شعره اسود وعيونه كبار شوي ولابس نظاره من ابو ريالين
ولابس شورت اسود وفنينه سوده )

امجاد ماهي مصدقه ما تدري ليه اشتاقت لحضنه فجاه

دينا طلعت الكاميرا ولحقتها تصور بدون ما تدري امجاد

محمد كان يتلفت وكانه مضيع شي

امجاد بدات تصارخ : محممممممد انا هنا

التفت لمصدر الصوت وابتسم ذي الابتسامه الي ذوبت امجاد

دمعت امجاد عيونها وراحت لعنده جري

دينا عاضه على شفايفها وتصور

راحت لعنده وحضنته لدرجه ان ظهره صك بالجدار

امجاد : اشتقت لك
محمد ابتسم : وانا اكثر
دينا تصارخ : هيي يلا خلونا نمشي
محمد يطالع باستغراب: شتبي ذي
امجاد: معرفها
دينا راحت جهتهم ودزتها: هيي مجده يلا مشينا
امجاد لفت وهي باقي حاضنته: منو انتي
دينا تخصرت: هع صدق من قال من شاف احبابه نسى اصحابه
......ختفو عليييكم

وراحت

محمد:ههههههههه شبها معصبه
امجاد: مدري...الى اقولك وين بتسكن
محمد: بشقه صاحبي القديمه عطاني ياها مؤقت
امجاد :طيب يلا نروح رجولي تكسرت
محمد : مشينا

مسك يدها وراحو

.
.
.
..
في احد الطرق تمشي وهي معصبه ماسكه الجوال بيد واليد الثانيه جوا شعرها : اففف وين انا (ناظرت للجوال)
تسعه اوكي رايحه اشتري اكل للبنات القاهم الحين فراعنه من الجوع هههههههههه

وهي تمشي تتفرج يمين يسار الي يبوس والي يدخن الي يسكر بالخمر وكل واحد فحاله
دينا: لالالا صدق خبال

توقفت عند مقهى باين عليه انه حلو
دخلت المقهى ولغتها الانجليزيه زفففففته هي تعرف تكتب وتقرا بس الكلام انسوووو

دينا: هاي
الي بالمقهى :.......
.......جا واحد عيونه بني مايل للاصفرار تحتها سواد على الخفيف وبراطمه صغيره وومايل لونها للبنفسجي وشعره رافعه على ورا لونه بني مخضر جسمه معضل طويل لابس لبس المقاهي بلوزه بيضه وبنطلون اسود ومريله سوده ......

النادل بالانجليزي: شنو طلبك
دينا ابتسمه لجماله وتلعثمه نص انجليزي ونص عربي::
اسمع (one) كوب من ( caffee)
النادل علقه عيونه بالنوت بعدين حط عينه على دينا: سعوديه
دينا استوعبت لهجته: ها
النادل: ههههههه شتبغين
دينا : كوب موكا بارد تكفى
النادل: طيب

بعد مده
النادل: تفضلي
دينا: مشكوووووور ما قصرت ( وابتسمت بوجهه
النادل استحى ونزل عيونه وبانت غمازته : العفو
وراح..

دينا طلعت الجوال ودقت على روابي
روابي: وين العشا
دينا ؛ وعليكم السلام
روابي: العشا
دينا: اخبارك
روابي: اقللك العشا وين
دينا: شيكي على الانستغرام
وقفلت وهي معصبه: بقر ذي البنت عشا عشا عشا
مسكت الجوال فتحت الكاميرا وصورت النادل وهوا يحط العشا حقها : مشكوور
النادل ابتسم: العفو
وراح
نزلت الصوره بالانستقرام وحطت الجوال على جنب
وما بسملت ومدت الملعقه الى وفجاءه

دن
دن
دن
دن
دن
دن
دن
دن
دن
دن
دن
دن
دن
دن
دينا انفجعت وفزت على صوت النغمات حقت الرسايل
مسكت الجوال فتحته ولقت الصدمه
.
.
.

في المستشفى
طلع الدكتور بعد ما سوى لام ريما فحوصات وكل شي: وين فهد
فهد وقف وراح لعنده: نعم
الدكتور : ممكن تجي لمكتبي
فهد : طيب ...... ريان رجع ريما لبيتها
ريما: بس
فهد: لا بس ولا هس يلا قدامي
ريما مدت بوزها: ليه
ريان مسكها من ذراعها بخفيف: خلينا نروح بيتك نرجعكوفهد بيقعد مع امك اوكي
ريما نزلت عيونها وهزت راسها بنعم

فهد دخل مكتب الدكتور: نعم دكتور
الدكتور: الوالده فيها سرطان
فهد: ان لله وان اليه لراجعون ليه يا دكتور
الدكتور: تعرضت لحاله تسمم بالمعده الين تحولت الجرثومه لخلايا سرطانيه
فهد: طيب في علاج
الدكتور: يمكن لو كانت بأول مراحلها بس الحين هي متجاوزه هذي المرحله....( وسكت وفتح النظاره) بس الحين هي المفروض ميته ليه باقي حيه
فهد ما لقى اجابه فالتزم الصمت:......
الدكتور: الوالده لازم تسافر لالمانيه علشان تتعالج حالتها حرجه( مد باوراق) وقع لو سمحت
فهد: طيب

.
.
.
.
فتحت السياره وطقت ببابها
ريان: هي شوي شوي بالباب
ريما طنشته:...
ريان: وهي انتي اقعدي قدام ...شايفتني سواق
ريما تمثل الصدمه: واو توك تدري من شكلك حسبتك سواق عايله فيده
ريان يكتم ضحكته: خلاص انطمي
ريما: صدق الزق زق لين يموت
ريان: شقلتي
ريما: ........

في الطريق سكوووت
ووصلت الييت دخلت ومدت نفسها بالصاله ونامت



.
.
.
.
في الرياض

واقف قدام البيت ماسك اغراضه تنهد ونادا الشغالات ياخذو اغراضه
دق الباب

نزلت من الدرج : الحين الحين جايه
فتحت الباب وكان بدر باين بوجهه التعب والهم
.......: بدر .... (حضنته) الحمدلله على سلامتك
بدر: مشكور خاله( ام الينا)
ام الينا: تفضل يبني ...الينا معاك
بدر ناظر بعيونها: لا ولاكن ابي اكلمك بموضوع الينا
ام الينا بخوف وماسكه قلبها: شبها بنتي ...ماتت
بدر : لا بس ...
ام الينا : تعال تعال استريح

دخلو الصاله
بدر وهو شابك ايديه: خاله الينا

.
.
.
.طيف: تجري لعند البنات : بنات
ربى :خير
طيف: شوفو حساب دينا بالانستا
روابي فتحت ابجوال وافتتح معاها فمه ......
...
...كانت الصوره واحد يحط الصحن ومنزل راسه شوي ودينا باينه شنطتها والصوره بمطعم : لا بارك الله فيها تبي تفضحنى
اثير: هههههه حظها يا بختك يا دينا
رانيا: المطعم مو مرره شكله
نور تظرب كف ريم: ههههههههههههه البننت من وين تطلع
الفلوس
ريم: تسرق اي واحد يمر بجنبها
طيف: او تتغزل فيهم لييين يعطوها ببلاش
البنات : ههههههههههه
بعد مده ..
.....
..........

اثير : طب بنات شرايكم نتمشى والله البيت خنقه
ربى: ايه صح ورمضان بيجي وتعرفون رمضان ما ننطلع
نور: ايه نروح برج ايفلل
طيف: برج ايفل بباريس يا ذكيه
ليان ترقع لاختها: ايه وباريس ببريطانيه
طيف مالقت جواب: ......
روابي: طيب كل وحده تستاذن من امها
طيف: مو لازم بطلع وارجع مو رايحه اجاهد علشان اقول لهم
ليان: انا امي معطيتنا الضوء الاخضر اذا رحنا معاك


مريم طالعه من الحمام: سمعت طاري طلعه قلت اعجل بالحمام
......وين رايحين
اثير: نتمشا ببريطانيه
مريم شهقت: دقيقه بروح البس واجي
ريم: اقول دقو على دينا وريما
رانيا: ليه ندق على مال الفقر
روابي بصراخ: احترمي نفسك
رانيا مدت بوزها وراحت الغرفه
.
.
.

قاعد بالصطح ويتامل ويفكر فيها ويفكر
ماخذه عقله و قلبه
روحه وسكونه
فرحه وحزنه
........
فجاه ينفتح الباب حق السطح: اتقي الله بنفسك
.........: شتبي
راح في جهته: قاعد بنص الظهر في السطح والشمس لا حول ولا قوه الى بالله وتقول لي شتبي .... تركي اعقل شوي
تركي: خلصني شتبغا يا وجه العنز
........: انا وجه العنز
تركي: ايه
...... ظربه: صدق العشره ماتهون الى على عيال الحرام
تركي: مشاري ممكن اقول لك شي
مشاري: خير
تركي: ابي اخطب
مشاري: اختي لا
تركي التفت ومستغرب: ليه من قال بخطب اختك
مشاري بفهاوا: لانك تتظارب معاها
تركي: اصلا اختك مغسول وجها بمرق ولسانها اللهم يا كافي
مشاري : ههههههههههههههه كل هاذا حقد
تركي:......
مشاري مسكه من كتفه: تعال غرفتي نتكلم ( وبمزح) شكل الشمس صقعت جبهتك ذي اثرت فيك ههههههههههههههههه
تركي ظربه ونزل معاه

..(تركي 25 سنه متوظف بشركه تجاريه مشهوره بالشرقيه طويل ابيض ملامحه حاده مرره وشعره اسود على ورا
جسمه رياضي .... ما يعرف يمزح دلخ شوي
.
.
مشاري صديقه 25 سنه متوظف بنفس الشركه طويل ونحيف مو معضل مره انفه طويل وعيونه حاده وشفايفه صغار حنطي
نسونجي ويحب المغازله يمزح وم ره طيب )

قصه تركي ومشاري(( مشاري ابوه صاحب سفريات كثييره وبيوم من الايام وهوا بسفريه لقا رجال نايم بالشارع وبجنبه ولد وعليه ورقا مكتوب ((للبيع )) في هذي اللحظه انفجر بكي واشتراه من الرجال واخذه معاه
طبعا زوجته ما صدقته قاعده تقول هاذا ولد غير شرعي ومن خبالنا احنا الحريم ليين اعطاها كف عرفت ان الله حق وان الولد مشتريه من الشارع تربا مع مشاري وصارو اخوان ))

.
.
.
.
فهد الساعه ثنتين بعد منتصف الليل طلع من المستشفى
واخذ تكسي وراح لعند شقته
مد نفسه بالكنبه وتذكر كلام الدكتور
((ان لازم امها تروح المانيا وبسرعه ولازم يجيب جواز سفرها واغراضها ))
تنهد وراح سوى قهوا واخذها وركب سيارته وراح لبيت ريما .
.
.
.
.
روابي وعيونها بدات تطلع: لا يعني لا
البنات كل وحده تتكلم وماهي داريه شيصير واعصابها تلفانه: الى الى الى......غصبن عنك بطلع....دينا طلعت وانا لا ....كلي تبن منو انتيي....انا ماصدقت اروح برا السعوديه تمنعيني اطلع..... بكيفي اروح وين ما ابي ......انتي كلبه كبيييييره بطلع من هنا .......امي مالها كلمه عليه تجين انتي .....
روابي: اصكتوووووووووووووووو
البنات كل وحده ودها تنحاش: ......
روابي : انتو لا اصل ولا فصل
ربى تبي تنكت: الى فصل ثاني
البنات ماسكين انفسهم من الضحك: .......
روابي اعطتها نظره حاده والتفتت للبنات: انتم كيف متربين ...طلعه بعد الساعه 11 لا
اثير: طب انتي قبل الشوي وافقتي
روابي: كنت حاسبه الساعه ثمانيه تسعه بس طلعت 11 الليل
اتقو الله يا بنات خافو الله
البنات الي طيرت عيونها والي تتنهد والي تخطط كيف تقتل روابي شنق او طعن او تسميم والي تتحسب فيها
ربى: اففف
روابي: تعفنت عظامك والله لاربيك من اول وجديد
وثاني شي تبغون تطلعون من دون حجاب
مريم: انا لابسه لابسه تعرفيني
طيف: وع يصير شكلي كاني شغاله
اثير: ايه ايه صدقعاد انتي حنطي يعني لابقه لابقه ههههههههه
رانيا : وع اتخيل نفسي بحجاب يمكن احط بس بطريقه كويتيه
ريم: لا روابي بحكم اننا بنات يمكن يجينا واحد من العبيد ويتعرض لنا فلا نلبس علشان لا نخلي الاسلام سبب لاعتراض واحد لنا ونكرهه وربي ما غصبنا علئ شي فيه اذيه لنا
اثير حست تبي تحضن وتبوس ريم
طيف وربى انبسطو
روابي حست بكلام ريم منطقي : بس لازم نغطي والله مايجوز
ريم: تبغين البنات يكفرو
روابي : لا
رانيا: كلام ريم مررره عجبني ( صفقت
البنات:: كللهم يصفقو
برافو برافو
.
.
.
.
تشرب قهوتها وتوزع ابتسامات
النادل: معليش بنقفل
دينا وهي تلم اغراضها : وين المطبخ
النادل باستغراب: ليه
دينا رافعه حواجبها وماسكه ضحكه: اجلي (تغسل مواعين)
النادل: ليه تبغين وظيفه
دينا: لا بس ما معاي فلووس( وانفجره ضحك
النادل ابتسم: لالا ماعليك اعطيني صرافتك
دينا بفرح؛ اووخص معاكم صرافه والله طلعتو خووش مطعم
النادل اكتفا بالابتسامه ومد يده
دينا وهي تزيد تضحك: ما معاي صرافه صرافتي بالبيت هههههههههههههههههههه
النادل : هههههههه طيب يلا تعالي المطبخ
دينا شمرت ودخلت المطبخ لبسه السماعه وحطت سوره البقره وبسملت وبدات تجلي
.
.
.
.
البنات: كل وحده رضت بالامر الواقع وراحو يتجهزو للنوم
الي تفرش اسنانها والي تلبس البجامه والي ترتب فراشها والي تجمع اكل من الثلاجه والي تقرا صفحه من القران(روابي) والي تغني والي تمشط شعرها والي ترقص مصري
بختصار انواع الطقوووس

روابي طلعت برا وهي تنتظر دينا
وتروح وتجي وتدور وتدعي ربها وماسكه السلك تتو عد دينا بظرب مبرح وتتذكر ان الظرب مو علاج وتتعوذ من ابلييس ليين انطق الباب

روابي فتحت الباب بدون ما تسال مين: دينا
دينا ويدها حمرا : نعم
روابي : وين كنتي
دينا مدت يدها : اجليي
روابي دخلتها: ليه
دينا تنهدت وقعده على الكنب: ما معاي فلوس
روابي كان ودها تسال بس دينا قامت وراحت الغرفه

روابي: يارب اصلحهم واهديهم ويسر امرهم وابعد عنهم الشر وقرب لهم الخير وعجل كل امر جميل وابعد كل امر شر عنهم واسعدهم وابعد عنهم الحزن واحسن خاتمتهم وثبت قلوبهم على قول لا اله الى الله ...........قاكت وراحت صلت الوتر ونامت
.
.
.
دخلو الشقه وهي تسكر على انفها : اففف غبار
محمد: شسوي هاجرها من سنوات
امجاد: الحين مين ينظف
محمد باستغراب: انتي
امجاد: احلم مالي حيل تنظيف وشغل وهم وكرب
محمد: افففف خليك حرمه سنعه
امجاد: شنو دخلني انت يا وجه الفقر جايبني لهني وتقول لي نظفي .....مايصير
محمد سكت ونزل راسه راح نظف الدولاب وحط ملابسه غير لبس شورت ابيض فضفاض وكت بيضا
وبدا يجيب الممسحه والشطافه والصابون وماء الغسيل
وكل ادوات التنظيف
نادا عمالين وبداو ينظفو

وامجاد مريحه راسها وحاطه السماعات وماسكه الايباد وتضحك ولا همها ومحمد يتوعدها من اليوم


بعد كم ساعه
محمد تنهد ورما نفسه بالكنبه: احححح تعب
امجاد: هي ولد قوم جب عشا
محمد بعصبيه : ليه زوجك وانا مدري
امجاد: قريب ان شاءالله
محمد تنهد وقام مسكها وقومها وصار يسحب فيها
امجاد: هي بس محمد الايباد لا يطيح محمممممممد
محمد ساكت ويسحب فيها لين وصلو غرفته وقفها قدام السرير وقعد يطالع بعيونها : ..........
امجاد وهي خايفه من شي يصير: شبك يا ولد
محمد:......( تنهد وغمض عيونه وحضنها ودفن راسه )...
امجاد: محمد صار فيك شي
وصارت تربت على كتفه

لييين طاح الولد ونام فوق امجاد وامجاد حيييلها مخنوقه
امجاد: محمد قوم قوم قامت عليك الطوفه
محمد:.......
امجاد: اهئ اهئ شصاير لي يارب

المهم نامت نومه معوقه كل عظامها تكسرت من وراه
...
.
.
.
.
.
بدر: خاله انا ابي الينا
ام الينا: هذي الساعه المباركه
بدر ابتسم لدرجه انشقه الابتسامه : من جدك خاله
ام الينا: ايه
بدر بقهر: طيب ليه رفضتو اخر مرره
ام الينا: كان ابوها مظغوط بالشغل وما قدر يتخذ القرار الصائب بدر قام على طوله: سلا خاله انا رايح بريطانيه
ام الينا: وليه مستعجل
بدر تلعثم: ام..ا... ابي... ابي اعلم الينا افرحها
ام الينا: طيب سلم على عمك وروح فامان الله
بدر: حاضر


فراح لعمه وسلم عليه وما تكلم كثير لانه مشغول وبارك له


بعدها سحب مبلغ وراح اشترى خاتم وهدايا
وحجز وراح المطار .
.
.
.
.
.
تصحى فجاه بدون سبب ولا تدري لي ومتى والساعه كم
رجعت راسها وغمضت تذكره امها.....مستشفى.....شخصين...ايه ايه فهد والي معاه ريان:اخخخخخ شبيصير يا ربي
راحت غرفتها دخلت الحمام اخذت لها شور لبست برموده رصاصي وكت سوده لمت شعرها عشوائي وسوت لها فطور كانت الساعه 3 الفجر
افطرت واخذت حبوب وفتحت الجريده تدور لوظيفه
....... .......... ........... ........... .....

طخ طخ طخ
ريما باستغراب: مين
.........: انانا صابرينا عاوزه اتكلم معاك
ريما: حياك حياك
صابرينا دخلت : ازايك يا ريما وازاي امك ان شاءالله بخير
ريما ولا طقت للهجتها خبر: ايه ايه بس نقول على الله وبالله
صابرينا: كيف تجهيزات الحفل جهز نبيه احسن من ابل يا ستي
ريما: يمكن ما بجي
صابرينا شهقت: ليه ليه ليه انت عايزه تسيبينا هيك
ريما بنضره تعب: لا بس امي راحت المستشفى
صابرينا حاطه يدها على قلبها: يا ويلي عليها

اندق الباب دق دق دق

ريما تصارخ: نعام
صابرينا: قصري حسك يا بنت مين على الباب
فتحت صابرين الباب وشهقت





نهايه البارت الثاني

توقعاتكم

وانشالله متى ما خلصت البارت الثالث انزله وبيكون اطول بأذن الله الواحد الاحد

رد: روايتي الاوله// لعبه القدر

ابداعتي روعه كاملي تكفين

رد: روايتي الاوله// لعبه القدر

ان شاءالله ولا يهمك

رد: روايتي الاوله// لعبه القدر

باذن الله بس لا تطولين علينا نحنا بشوق للروايه تسلمين يالغاليه

رد: روايتي الاوله// لعبه القدر

اعجبتني تسلمين يالغاليه فديتك

رد: روايتي الاوله// لعبه القدر

الله يسلمك
ان شاءالله انزل بارت اطول من كذا بكثييير

رد: روايتي الاوله// لعبه القدر

انا بانتظرك على احر من جمر فديتها

رد: روايتي الاوله// لعبه القدر

فداك الكو ن يا رب #^_^#

رد: روايتي الاوله// لعبه القدر

تسلمين يالغاليه

رد: روايتي الاوله// لعبه القدر

على فكره لكل الي يقرا الروايه


ثلاثه ارباعها حقيقيه وماخوذه من الواقع