تويت
يعطيك العافيه
بس فيه اغنه له
اللي هي حبيبي اسف
بس فيه اغنه له
اللي هي حبيبي اسف
-
-
صدقيني قلبي يحكي لك حقيقة....
صدقيني ما أرى غيرك ملاك....
من أجل وصلك باتخذ أيّة طريقة....
ما أبالي لو طريقي لك هلاك....
بعدك ولا غيابك على نفسي ما أطيقه....
كيف أجاهد روح....
تشقى من غلاك
شرع الخطا يا زين عم الخليقة....
وإن هفا شوقي معك أبغى رضاك....
يا زمان اللوم أحرق لي وثيقة....
طيها دستور بظلمه وطاك
منهو فينا....
أو في البشر ما نشف ريقه....
كم قيل عنهم الشقي هذا وذاك....
الشك من طبعك وباحساسك رقيقه....
مقبولة عندي ولو هذا عطاك....
روحي تنادي لك بصرخة غريقه....
يوم أغرقها ليش عيني ما تراك....
رووووووووووووووعه يعطيك العافيه ياعسلتعليق
-
مشكوره
وهذا مجهود رائع رائعتعليق
-
اروع ما قرات مشكووووووووووور
تستاهل يامخاوي الليلتعليق
-
رووعهتعليق
-
وبربي انك مميزة من جد
روعة جعل ربي لايهينك
ومجهود تشكرين عليه
وجعلك ع القوووة يامجنونة خالدتعليق
-
يعطيك العافيه
مشكورهتعليق
-
صح لسانك ولسان مخاوي الليل
في قصائد للشاعره عيوض ولشاعر رشيد الدهام موجوده هنا ارجو منكم النظر لمصدر القصائد
دمتم بود
طير القوافيتعليق
-
قصائد خالد عبدالرحمن
الطرف الحنون
جازت النظرة من الطرف الحنون جاز لي باقي حلاك وحشمتك
يوم كل بالنظر عينه تخون شفت فيك اللي عصمها نظرتك
يا غريب عن عيوني من تكون أنت كل الزين كمل صورتك
منك أنا برسم على حرفي فنون والفنون أشكال وفنك قبلتك
العقل ما به حلي فال الجنون وأدري أنه ما تعوض صحبتك
جاز لي وصفك وأنا اللي ما أمون بس تقبل ما كتبته فدوتك
كلمات : ( مخاوي الليل )
ألحان : ( خالد عبد الرحمن )
=================
ظن
ظن .. كفى سوء ظن .. واستشعره مني رضاك
لن أدينك ولن .. أرتمي أطلب صفاك
أسألك عدلا .. برأي محتسن
تعتقد أن لك في مهجتي الشيء القليل
وإنني أهدف إلى حب التملك كالبخيل
أسأت بي فهما .. أسأت بي عفوا .. كفاك سوء ظن
لا يدان المرء بشيء ليس به
ولا خلق بالناس معصوم الزلل
لم التخاطب بلغة الاعتقاد .. كفاك يا جارح .. ألا لا تؤتمن
يا للعجب ..
أفي الصراحة صدق المشاعر تغتصب .. يا للعجب
كيف يبدو الحسن ظالم .. ما الخطب
يا للعجب ..
أجاهدك صبرا .. أجاهدك صبرا .. بسر لا علن
كلمات : ( مخاوي الليل )
==================
سيد الحب
أحسن بك النية وتفتح علي أبواب باب النكد يا عجل ما تفتح أبوابه
إن جيت أبين لك على رغبتي بأسباب أخطيت في تقدير ظني مع أسبابه
خليتني أخشاك ما كننا أحباب متعوس قلب ما توفق مع أحبابه
والا بغيت أطلب حسبت ألف وألف حساب يرضيك من حبك معك يسقط حسابه
إن قلت لك مرتاح والله أنا كذاب وإن كان روحي سرها البعد كذابه
الشوق يدني ربع من طولوا غياب والشوق يذبح لي تباطوا غيابه
أقولها والنفس تحفظ لك الترحاب يسوقها فكر عطاك كل ترحابه
إني بحبك سيد الحب ولا ترتاب أسكنك يا حب هجر نفس مرتابه
كلمات : ( مخاوي الليل )
ألحان : ( خالد عبد الرحمن )
=================
توني دريت
توني دريت إن حبك غلطتي .. توني دريت
توني دريت بالصمت حارت كلمتي .. توني دريت
ما قويت انطق حروف .. صابني عجز الكلام .. ولا حكيت
ما قويت انطق حروف .. صابني عجز الكلام .. ولا شكيت
توني دريت إن حبك غلطتي
يطيب لك تجريح قلبي الوافي .. لا تحمليني هم .. همي كذا كافي
ظميتك وانتي الماطر .. بكيتك ماضي وحاضر
لقيتك في حياتي خوف .. سطا بقلبي وعل الروح
وبان بطرفي الساهر .. خدعني فيك قصر الشوف
لك بجوفي المحبة من سنين .. ومنك خوفي .. خوفي إنك تجرحين
هاذي النهاية بعد جرحي وش تبين
توني دريت إن حبك غلطتي
أبابتعد واتعبتني خطوتي .. ترتعد من شعوري بغلطتي .. الألم والأسى من خفايا رحلتي
توني دريت .. إن حبك غلطتي ..
==================
عيون الحب
عيون الحب لا يمكن تناظر عيوب الخل لو هو عيب كله
تماري فيه وبوصفه تكابر ترى من فوق خلق الله محله
رفيق الليل بالشباك ناطر وأثاري الليل شباك لخله
حفظ أحلى الكلام وصار شلعر بصبر ينتظر والصبر مله
حبيب عشت في دنياه عابر حسب قوله ويا شاري قل له
أنا ضحيت له وارجي وصابر وإذا عيا أقول الله يحله
أنا اللي أنتظر يا بعد باكر يبي السلوان والذكرى تظله
عيون الحب في قلبي تناظر تشوف اللي عيوني ما تدله
كلمات : ( طلال الرشيد )
ألحان : ( خالد عبد الرحمن )
==================
على النوى
على النوى علمي بهم هجعة الليل مثل العيون من البكاء كحلها سال
واليوم غير الياس وقل المراسيل يا من يطمني عسى ليلهم طال
الله على اللي ما صفت لي غرابيل لاشك شرع الحب هم وغربال
قفا ولي في حجر عينه تعاليل تقول ياذا البعد نجزيك بوصال
وتعلقت روح الليالي المقابيل يا عن كما يامن من الوقت رجال
لا ..ما علي لو دمع عيني هماليل الموت دمع القلب لا صار همال
كلمات : ( بدر بن عبد المحسن)
ألحان : ( خالد عبدالرحمن )
==================
لعيونك
حدي نظر .. ما بغيت أكثر .. حدي نظر
الله أمر .. لعيونك أسهر .. الله أمر
واجهت عيني ملاك .. الحسن في حيره
وانعقد حرفي وخان .. الوصف تعبيره
قسمتي بك .. حدي نظر
رد لي عمري .. منك بنظرة .. دام أنا حي
غايتي شوفك .. بس لو مرة .. ما بقى شيء
لي بالعمر ليل أخاويه .. وانا أسفك الذكرى
اه يا صبري .. ما لي لقدره .. للعطش مي
شيء في صدري .. وانكشف ستره .. كشفة الظي
كلمات : ( مخاوي الليل )
==============
الله لنا
الله لنا ياللي نسى وصل الأحباب تنسى وحنا للغلا ما نسينا
بدلت ذاك الحب في هجر وغياب من علمك تنسى وتقسى علينا
كنا سوى يوم الهوى بيننا طاب والحب كان بصدق موجود فينا
لا نسمع لعاذل ولا نعرف عتاب وأحلى الليالي كلها لالتقينا
واليوم صرنا نلتقي مثل الأغراب من عقب ما كانت تتعانق ايدينا
للكل منا طبع والطبع غلاب نسيت ماضينا وحنا وفينا
كلمات : ( الحيران )
ألحان : ( خالد عبدالرحمن )
================
غلطة زماني
هذا مكاني وانت هذا مكانك والحيره اللي تجمع اثنين عله
غلطة زماني وانت غلطة زمانك مثلي تحمل ما تحملت شله
صبرك حبيبي جاير الوقت هانك
من لا تسهل لك تجنب وخله
من لا يهمه عزك وعز شانك قل له على وعد السلاطين قل له
وإن كان ظنك فيه كذاب وخانك ما ضرنا في أول العمر زله
البعض يقرب لك من أول بنانك
كم من يمين خانها الكف كله
من فوق نجم ونجم هذا ضمانك
وإليا تليته قدرك على محله
أنت الملاك الي طلب لك حنانك
وأنت الذي بالعطف يا كبر ظله
كلمات : ( شمس )
ألحان : ( خالد عبدالرحمن )
================
عظيم الشوق
تعطيني الود ولا تاخذه مني
يبلغك قلبي المقفي تحياته
اليوم يا صاحبي رد الخبر عني
ما يرخص الغالي إلا كثر غلطاته
جارت علي الليالي وأحبطت ظني
والحب ما عوض الرجال ما فاته
أدعي شفوق تجي برضاك ما جني
شاحت على الغالي اللي شفت زلاته
حمامة الحب فوق النايفه ظني
في واد تطرب الأسماع جراته
قصايدي يوم مات الحب ينعني
تذكر الوقت يالغالي سلاماته
ياللي برمح الغلا تسطي وتطعني
وأنا معك خافقي محبوس غاياته
تبي الحقيقه عظيم الشوق موهني
اليوم ساوى حسان الحب سياته
أببتعد عنك العزى مرة وردني
مشاعر نصرها يلفح براياته
العام والا يجن اليوم ينهني
عن حبك اللي جروحي من نهاياته
لك ذكريات جميلة يوم مرني
ما وسعت خاطر بإسعاد مرضاته
واليوم لولا المودة ما ضحك سني
ما شن قلبي على فرقاك غاراته
نوازع الطيف ما جني وازارني
في وحدتي تهدي الخافق مسراته
هذا وأنا خافقي للحب ما حني
قلب بعد به مكان حبي هيهاته
كلمات : ( السامر )
ألحان : ( خالد عبدالرحمن )
=================
شيرو
شيرو على المحبوب زين الشباب
خلوه للي عذبه يلتفت له
وإن كان عيا لا يرد الجواب
قولوا علشان المحبة صفت له
كان إنت ناوي يا حبيبي ذهاب اللي يحبك كيف تنوي بقتله
تراي مبطي صابر للعذاب لكن عذاب الحب ما ينسكت له
الصاحب اللي قلت أحبه سطا بي لاحد يلوم عيوني اللي بكت له
يا ويل قلبي من طويل الغياب بيني وبين المدة اللي مضت له
كلمات : ( محمد الناصر )
ألحان : ( سلامة العبد الله )
===============
الحظ
الوقت ما له يا ريش العين منه الحظ جابك والله اللي رفعني
أشوف هالدنيا لي اليوم جنة كل الغلا شفته بعينك وضعني
حساد حبك عابث خاب ظنه حتى الشديد من القوي ما منعني
هن الخفوق بصادق الشوق هنه اللي معك ما مرة قد قطعني
وإن قلت قلبي زاد بالعشق فنه أهيم صدق هيام قلبي دفعني
وإليا خفق قلبي مع الخفق ونه إن ساقني وإلا ترى ما ردعني
كلمات : ( مخاوي الليل )
ألحان : ( خالد عبد الرحمن )
=================
عهد علي
ماني بميت لا نسيتي غرامي ببكي عليه أيام لحد ما أنساه
عهد علي إني لأتمم كلامي وأرد قلبي عن طواريه وألهاه
لو الثمن عمري ولذة منامي ما أرجع لحب غير الوقت مبداه
حب بدأ ثم انتهى في ظلامي ما عانقه نور النهار وتبشاه
لو إني تحت غيمة حنانه وظامي كسير ذابحني العطش ما أترجاه
لأزحف ولو ما شال جسمي عظامي عن موقفه وأدفن عن الريق مجراه
ما عاد له بين النواظر مقامي خف اشتياقي داعي الوقت صحاه
هاذي الحقيقة لا نسيتي غرامي ماني بميت ببكي أيام وأنساه
كلمات : ( عبد الله الرشود )
ألحان : ( مشعل باخت )
==============
لا تستر الليل
لا تستر الليل والقمرة على السهران خل السهارى تموت شوي وتحيا بك
ليل طويل يداعب طرفك النعسان معذور ذاك الحرير اللي تلوى بك
جمرك رماده عسل يا سيد الخلان من عشت في روضتك وأنا أتغنى بك
عطيتني الورد يا المحبوب والريحان وصرت لي سيد أقرأ من كتابك
علمتني الحب وكيف ألعب في هالميدان علمتني كيف أشوف الصبح لا جابك
الأرض يا صاحبي والسقف والجدران استانست لك وكل البيت هلا بك
خلك هنيا ترى حنا غدينا أخوان اللي تبي ياصلك وأنت على بابك
مضيفك لين شافك همل الضيفان والله ما لي حياة زينه إلا بك
كلمات : ( بندر الرشود )
ألحان : ( سلطان الشامي )
==================
بدر طلع
بدر طلع من مغيبه نور الديرة نور ديار تضيعني غداريها
أسير فيها وأضيع مشية السيرة سود الليالي تضيع رجل ماشيها
شلت القلم باكتب من القلب تعبيره باكتب عن النفس واللي خافي فيها
لو إن قلبي نبيه ويسمع الشيره ما أقول ليله خل حاضرها وماضيها
لكن قلبي عصى وأصبحت في حيره في حيرة القلب والنفس ومناويها
يطرد ورى اللي تنحت به محاذيره له مدة صابر برجعتها يرجيها
منه عذلته وعيا ما يبي غيره يستبشر برجعته ساعة وبغيها
يرجي كريم يعيش الخلق من خيره رب خلق نفس مخلوقه ومعطيها
كلمات : ( مناور الدوسري )
ألحان : ( خالد عبد الرحمن )
=================
ألا يا روح روحي
ألا يا روح روحي ترى الفرقه صعيبة .. عقب فرقاك من لي
ما غير أسهر وأنوح علي باد مصيبة .. متى نورك يهل
يزيدن الجروح عقب طول المغيبة .. يا أبو رمش مظلي
من الوقت الشحوح ودنياي الغريبة .. وصالك ما حصل لي
معه قلبي نصوح وغيره وشاري به .. بها أرحب وأهلي
بسره ما يبوح به أوصاف غريبة .. ولا عقبه تسلي
لو إن الغالي يوحي دوا القلب وطيبه .. علالي في محليني
كلمات : ( ناصر الناصر )
ألحان : ( خالد عبد الرحمن
===============
تعالي
تعالي نسكت أحسن من كلام تاليته جروح
هلا بالصمت دام الصمت ما يجرح مشاعرنا
أنا وانتي وطول الصمت والدمعة وكثر البوح
وليل ما بقى به حيل ينهانا ويامرنا
بكى ما كنه اللي كان يغرينا فرح ومزوح
سكت ما كنه اللي كان ملهمنا وشاعرنا
توحي تسمعين الليل ما أدري وش بلاه ينوح
على ضحكاتنا ولى على كسرة خواطرنا
إذا يبكي من الفرحة علينا علميه يروح
وإذا يبكي حزن تكفين قولي له يسامرنا
ويجبر خاطر قامت هواجيسه تجي وتروح
يشوف الحال ويكف السؤال اللي محيرنا
صحيح إنا صبرنا واعتبرنا صبرنا مصلوح
ولكن ما بقى شيء عقب هذا يصبرنا
دخيل العاتق اللي له ورى ليل الجديلة ضوح
وفي جاه الشفاه اللي بنسمتها تعطرنا
وفي وجه العيون اللي بقى للدمع فيها روح
لأجل خاطر ليالينا وماضينا وحاضرنا
كلمات : ( رشيد الدهام )
ألحان : ( سلطان الشادي )
=================
وش تنتظر
وش تنتظر يا محرق القلب بالنار
ما تستلم روحي وتقضي عليها
أنا رمتني في محبتك الأقدار
والروح سو اللي تبي اليوم فيها
ما عاد فيها فايدة صار ما صار
اللي تبيه العين قلبي يبيها
لو أعتذر ما به مجال للأعذار
ليت السلامة تنشري واشتريها
ولا أتعذب طول هالوقت وأحتار
مع من خذتني لعبة في يديها
تلعب على ما تشتهي بي وتختار
وأنا الهوا ما ودي إنه يجيها
يجرح مشاعرها وأنا أخاف وأغار
حتى من الريح الخفية عليها
كلمات : ( محمد الناصر )
ألحان : ( سلطان الشادي )
=================تعليق
-
تعالي نسكت أحسن من كلام تاليته جروح
هلا بالصمت دام الصمت ما يجرح مشاعرنا
أنا وانتي وطول الصمت والدمعة وكثر البوح
وليل ما بقى به حيل ينهانا ويامرنا
بكى ما كنه اللي كان يغرينا فرح ومزوح
سكت ما كنه اللي كان ملهمنا وشاعرنا
توحي تسمعين الليل ما أدري وش بلاه ينوح
على ضحكاتنا ولى على كسرة خواطرنا
إذا يبكي من الفرحة علينا علميه يروح
وإذا يبكي حزن تكفين قولي له يسامرنا
ويجبر خاطر قامت هواجيسه تجي وتروح
يشوف الحال ويكف السؤال اللي محيرنا
صحيح إنا صبرنا واعتبرنا صبرنا مصلوح
ولكن ما بقى شيء عقب هذا يصبرنا
دخيل العاتق اللي له ورى ليل الجديلة ضوح
وفي جاه الشفاه اللي بنسمتها تعطرنا
وفي وجه العيون اللي بقى للدمع فيها روح
لأجل خاطر ليالينا وماضينا وحاضرنا
..........................
ربي يعافيك
..خالد فنان رائع وحبيب قلبي ... الله يسعدهتعليق
تعليق