اليوم احب اقول حاجه مهمة
يعني أنت الي جالس تصنف هالبشر هذا شمال وهذا جنوب
وهذا قبيلته تسذا وهذا تسذا
وهذاصديق وهذا عدوو.. وكأنكـ مركز هالكوون
ياخي ورب هالكون الوسيع
في بشر موشايفتك اصلا ولا هي منتبهة لوجودك ع هونك بسس
ليطق لك عرق ونبلش فيك

{صباح الخير والمسرات والبشاير الحلوهـ..}

ياخي يوم اتكلم أنا في علوم القبايل بمدونتي
هالحين مقصود فيها ناس قبلين وكذا والبشر الي مالها شغل
بـ علوم القبايل وأني اصلا احشم نفسي ولساني عن ذكر اسمهم
وش حارق رزهم << خلني مترفعه عن هالنوعيات مابي اعطيهم
فرصه يتبجحون بمحتواهم يلاقونها فرصه .."

بعض الأشياء تكمن في نقائها وجمالها
ولن يصل لهذا النقاء والجمال ..
سوا الأشخاص المتأملون.."

يوم اقول لوحده انك ماشاءالله ذربة تزعل
طيب معناها عندنا مره حلوو..
ويوم قلت للبنت يالدوبا زعلت طيب انا امزح
يعني انا ادلعك بنظري الدلع تسذا هههه
انا اقول عن نفسي دوبا وانا مودوبة
يعني بوجهة نظري لاني ماعرف احش
بكلمات موحلوهـ ع هونكم وسعو صدروكم
يا بنوتات خلكم ريلاكس وتسذا << هههه
يسعد مساكم الجميع .."

يسعد ربييه اوقاتكم أحبائي متابعين مدونتي
اولا مبارك عليكم الشهر الفضيل وجعلني واياكم
من الصوامين القوامييين ..

وثانيا..
كانت نفسيتي مره مو حلوه بسبب تأخر الاداره لـ اعلان النتائج
بسس كما يقال ختامها مسسك ..
هاليوم من أجمل الايام في دنيتي كلها نجحت وبالنسبة ممتازهـ
وتكرمت احلا تكريم صح حسيت بالحزن لحضات
لاني ابودع ايام حلوهـ قضناهـ مع بعض
سبحان الله مانشعر بقيمة ايامنا الحلوهـ الين يحين الوداع ..
والي حسسني بالحزن اكثر المديره اتهاوشت معها في بداية العام
لانها شافتني اتكلم ع الجوال في الفسحة طبعا هذا ممنوع
جتني واتكلمت علي تقول هذا وانا اقول انتي الطالبه المثاليه
وكلام واجد حزز في خاطري بالحييل
وخليتها تتكلم والخط مفتوح الين خلصت توبيخ ..
قلت لها الله يسامحك اتفضلي شوفي مع من اتكلم ..
وانا عاد اتكلم مع ابوي بعد حييي الله لايحرمني منه
جاي ياخذني هو بنفسه يسوي لي مفاجئه
لانه ظابط وكان غايب عننا لفتره طويله أتكلمت هي معه ..
وطلبت يرسل لها اثباته
عشان تخليني اطلع ارسل لها الاثبات مع الحارس
جلست تناظرني وتتعذر لي وحسيتها تبي تصيح
تقولي قدري موقفي بسس من حقي احافظ ع القوانين ..
وتميت اخذه منها موقف الين اليوم جت اثناء تكريمي
وقالت قدام الجميع اضافه للتكريمها ابكرمها انا
لانها الطالبه المثاليه وأنا غلطت عليها بيوم من الايام
وهي ماتستاهل "سامحيني "
<< كلمة سامحيني وهي قد أمي خلتني أحب راسها وبكيت غصب
وقدمت لي هالباقة الحلوهـ بمعناها المعنوي ..




<<عذرا ع التصوير السيئ صورت لكم الباقه لايف مباشره
ماصبرت الين توصل البيت وخافت احد يشوف
ممنوع التصوير وتسذا خخخ

صح مقدر اسوي الحفلة الموعدهـ فيها من ابوي بعد عمري
الين بعد رمضان بسس الهدايا مالها شغل جالسه احتريها ههههه

دمتم بسع ـادهـ تملأ الكون .."