تويت
لا تظن اني ابحزن لو توادع او تغيب ...................والا تحسب اني بسهر في دموعي غارقة
ولا يسافر بك خيالك شي يودي وشي يجيب .........مرة فكرة تبقى ساعة ومرة فكرة مارقة
انت حبك يا اناني ماله بقلبي نصيب ...........جيتك و وإلا بعادك عندي ماهي فارقة
بعد ما ايقنت انك تتبع الدرب المريب .............انخدعت بصوت دافي والعيون السارقة
انا حرة بنت ابوي وجدي الجد العريب .................ما يخوفني ظلام وشمسي دايم شارقة
مهرة هي تاج راسك سهمها دايم يصيب ..................ولا اشعلت جمر الهوى نار نار حارقة
ولو جرحت اجرح بقسوة وادمي الجرح العطيب ................غايتي ارضي غروري مثل نجمة بارقة
لا تظن ولا تحسب .. دايم ظنونك تخيب ..............لاني شيخة بنت شيخ وبين جيلي فارقة
خل تفكيرك بحجمك .. يمكن هالمرة تصيب ................وتلقى اللي ترضى فيك .. وبهمومك غارقة
لكن ابعد عن طريقي .. دامني اتكلم بطيب .......قبل ما انهي حياتك .. وتنسى شمس كانت شارقة
تعليق