تويت
باستا الخضار (ميكس صوص)
بسم الله الرحمن الرحيم
بمناسبة حلول شهر رمضان المبارك حبيت اعطيكم وصفة باستا لذيذة مره وميكس صوص وطعمها نفس طعم المطاعم 
المقادير كلها تكون متوفرة عندك بالبيت : 
- صحن صدور دجاج فيلية.
- حبة بصل واحده ( افضل صغيره ) .
- فصة واحده ثوم .
- حبة واحده فلفل اخضر .
- اربع ملاعق كبيرة مشروم معلب .
- اربع ملاعق زيتون مقطع شرايح .
- ماكرونة ( اي نوع ) .
- ملح + رشة ابهارات ايطالية ( تلاقينها بسوبرماركت التميمي).
- ملعقة صغيرة خل .
- صوص الماكرونة ( الحمرا + البيضاء )
- جبنة موزريلا مبشورة .
الطريقة سهلة ومتاخذ منك وقت : 
- اول شي طبعا راح نسخن موية ونحط الماكرونة مع شوية ملح و زيت زيتون عشان مايلصقون مع بعض .
- راح نقطع ( البصل + فلفل اخضر + صدور الدجاج ) مربعات او الي تبين وثوم مفروم بعدين راح نصخن المقلى ونحط شوية زيت زيتون وراح نحمس البصل مع الثوم لين يحمرون شوي وراح نضيف الدجاج لمدة 5 دقايق .
- بعد ما نخلص من الدجاج راح نضيف على الدجاج ( الفلفل الاخضر + المشروم + الزيتون ) ونحمسهم شوي بس وانا افضل ان الخضار تحتفظ بقرمشتها وراح نضيف ( خل + الابهارات الايطالية ) ونتركهم لمدة لا تقل عن دقيقتين .
- بعدها راح نضيف الماكرونه على الدجاج ونقلبهم حتى يندمجوا بعدين نضيف الصوص ( الاحمر + الابيض ) 3 ملاعق لكل منهم ونقلبهم بعد مايخلص نحطهم بصحن وفوقهم جبنة موزريلا مبشورة .
و بالعافية عليكم 
تعليق