تويت
صرخت العاشق ღ
مادريت الحب مايرحم كذا مبليه
لين ماعشته وجربته بكل حالاته
وش عمل فيه؟ عمل كل الهوايل فيه
من عذابه عفت كل حلوه وكل لذاته
من رماني بالغلا من يسكن الشرقيه
حالتي حاله ورجواي انتظر جياته
اتذكر كل كلمة حب قاله ليه
كني اسمعها بكل لحظه صدى كلماته
يوم عيشني معه باحلامي الورديه
انصدمت بواقعي ياشين معي اسواته
ساكن الجهرا وكن روحي معه منفيه
تلها تلت رشا من بير بعد ادلاته
تسهر عيوني وحالي بالجفا مبريه
والحشا بين المحاني ينزفن طعناته
هو يجي؟ يمكن 00ويمكن ماتجيبه جيه
ماجداي الا الظنون بقلبي وحسراته
صرخت العاشق من الضيقه تجي مدويه
في زوايا وحشته لامن زعج وناته
مايجاوبني ليا ونيت في جديه
غير شعري لابدا ينزف جزيل ابياته
ليت خلي شاف حالي بالجفا مبريه
ولايهمل بعدها لامن عرف بشقاته
كان مايطلع بديه ولاطلع بيديه
لايقول انسى وحبك تنطوي صفحاته
دام لازالت معالم قصتي مخفيه
ودي اطلع في خلاصه واكعم الشماته
شف (علي) لاتهجره ياساكن الشرقيه
حاول انك قد ماتقدر تلم اشتاته
م/ن ☺
تعليق