تويت
أنا أشهد جوهر الكون أب وأم
وعقبها تسلسل باقي الخلايق
لأهل لأصحاب أو خال وعم
دروع لك بزمن لاصار لك عايق
كلمت أمي وبحسهاشايله هم
أبوي اللي توه من البنج فايق
قالت أطمنك تراه بخير وتم
للعافيه ياعساه دوم له ذايق
وتخنقني العبره وحروفي تلعثم
ماغير نبرة إحساس المضايق
وشلون هالفرحه من غيره تتم
تمنيت بنظره بوجهه أوايق
من غيره أيامي شايله هم
لابسه ثوب ساعاته تضايق
بكيت مثل طفل ضايع عن الأم
بين الناس تاهت فيه الطرايق
أبي حنان حضنه وبصدره يلم
شتات نفسي من عقب العوايق
أبيه يامرني وأنا أقوله سم
قبل لاتم تنافسنا ... شقايق
كلنا فدوت له وعلى رضاه نلتم
نرخص سنين لجل بره دقايق
هذا منهج سلكناه بروح ودم
يسري بنا عروق الطيب منه سايق
فينا الوفاء والكرم والجود وكم
نعلم الجاهل يسمع منا ويتهايق
ياعساه دايم ذخر وماننحرم
وجوده عزشامخ وسط العلايق
طهور وأجر وراحه بك ترتسم
تنثر ورود فرحتي بك حدايق
يعجز الشعر بك يابوي ينتظم
يبقى الي في القلب لك فايق
منقول
تعليق