للبوم تحليقه وللحر هده
والدلو ماله فايده غير برشاه !!

علما يحجرش بالمعاليق بده
وصاحبك حذرك لاتحده على أقصاه !!

وباب" يجيب الريح لازم تسده
من شان ماتقضي حياتك معاناه !!

ومن يئتمنك بسر لاتبيح سده
ومايقضي اللازم كثير المراواه !!

ولاشفت هاجوسك خشير المخده
وض وتقبل وارفع يديك لله !!

واليسر بعد العسر مع كل شده
وصبرك على الشده فضيله مزاياه !!

للطيب وقت وللمشاريه فده
ومن ينتخي بك لاتخيب نواياه !!

وعلم" يجي مابين روحه ورده
لاتعتجل لازم تميز بمعناه !!

ولاجاك رمح من العدوين صده
ترى الرخامه تهدم الصيت والجاه !!

من ماتغداء في عدوه وضده
الياهدفت شمس المغيرب تعشاه !!

وان شفت حبلا منكرب لاتشده
بعض الامور تحلها بالمهاداه !!

ومن ماحتساء للدرب ببدره وعده
يطيح في دو" خلي" ومضماه !!

وبيت" بلا ساس العواصف تهده
لو صار في عينك هذا زين مبناه !!

والطيب ورث الرجل من ورث جده
ان مامشابه مدح جده تعداه !!

ومن لايعدك محزمه لاتعده
وكثر المجامل قارن الذيب بالشاه !!

والوقت غيرالوقت مفقود جده
كثرت سواليفه وكثرة خطاياه !!