قدرت أنساك واتلاشى حنينك من وسط صدري

قدرت أهين بك نفس أبد ماهانها أنسان

قدرت أدمر احساس تهادى بناظرة قدري

وقدرت أني اهد اللي بنيته زور والبهتان

ترى من رحمة المولى نسيته كيف أنا مدري !!

نسيته سبة جروح زرعها بخافقي خوان

سحب قوسه على اخر حدود وبالعنا عذري

رمى وسط صدري قلب أبد ماكان به غلطان

كتبته اخر حروفي رجعت وخالي سطري

إذا هو ماترس عيني ياكيف العقل به مليان

غبار مصيره يتطاير وهب بطعنته قهري

بقى مثل الرماد اللي تغلغل داخله نيران

أناني عاشق نفسه بخيل بذبحته يسري

وطيت واحساسه الكاذب وطيته بسكة الهجران

هقيته في موادعنا غلانا و الصبر يشري

ولاعمري هقيت انه يجازي طيبنا بنكران


ترى اللي سابق بقولي قهر لجروحهم يغري


ولكن بأربع أبيات تجي بالتالي له عرفان

تكسر حلمي الباقي وعتم ليلتي وبدري

ياوجه الليل سامحني ضروري يزورني النسيان

من الواجب علي أقسى و أداري ذبحتي بأمري

و إذا فعلا أحبك حيل يعانق شوقي الكتمان

أبرحل والمدى جرح يمد بخافقي يجري

ويبني من معاناتي بغيبة طلتك جدران

قدرت أنساك صدقني (أكذب) إيه أنا أدري

ترى اقسم برب البيت (أحبك) والغدر (إنسان



تحياتي