غيروك علي الناس ترى أنا وش سويت لك
قبل كنت تقولي مستحيل احد يفرقنا إلا الموت
واليوم افترقنا بعد ما شفت الأحباب و تركت اروع الأصحاب ,
روح معاهم وعسى تتهنى وياهم ولكن عزة نفس اهون إني أذل نفسي عليك ,
ولكن ياما قلت لي محتاج مساعده وساعدتك ياما وياما عمرها مراح تفيد شي
أدري الناس و الغيرة والحسد اللي دارت في وسط حشى قلبك,
لا تقولي الناس ابعدوك عني لو عندي معزه بقلبك ما سمعت كلام الناس وتغيرت
ورحت عني وبعثرت الكلام في وجهي ونجرح قلبي بكلامك,
ما توقعت تتغير علي بعد ما صار اللي في راسك اللي كنت تتمناه ونسيت العشرة اللي بينا
نسيت يا ناكر المعروف ولكن في هذا الزمن صاروا الاصدقاء يستغلون طيبتك العفوية ويستغلونك بأي طريقة كانت
ويخلونك تثق فيهم وانت ما عندك اي خبر بأنهم اصحاب المصلحة وسلامتك يا صديق المصالح
لا تجيني وقت الندامة والدمع في عينك يسيل مثل النهر يجري لأن راح اسكر الباب في وجهك
واقولك ارجع من مكان اللي انته فيه وخلي اللي غيروك علي هم اللي يفيدونك وربي يحفظك وين ما كنت موجود,
ولا تتوقع مني إني ارح ادعي عليك بالشر لا لا يا حبيبي لساني نظيف وقلبي أنظف بكثير ومع السلامة
ما أبي غير فرقاك لا شفت عمرك ندمان وجيتني أول مرة وسامحتك جيتني ثاني مرة وسامحتك
عاد يا عمي إن جيتني ثالث مرة امسك الباب ومع السلامة
وما دامك ما تحس في قلبي روح الله معاك واخر كلام أقوله لك
أنساني افضل بكثير وامحي اسمي من حياتك وانسى إني بالوجود.

#بقلم علي البلوشي- الهاجس