كرسي الاعتراف - محكمه وتحقيق

**شمس الشتا** · 31-03-2015, 05:52 PM

رد: محكمه وتحقيق

المشاركة الأصلية بواسطة حكايه أمل

يعني حنتعشى افخم عشا <هوا هههههههههههههههههههه
بأعلمك كيف تحطي رابط استني عالخاص شموسه

ما بدي جميلتك شكرا

بعرف كيف احط رابط بس الصوره نسخ لصق مو زابطه
فاضطريت اوضع رابط يا كريمه انتي

حبيبتي أمل
من شروط التحقيق انه تختاري عضو على كيفك تحققي معه انتي نهار كامل
يعني بتكتب هون بدي اختار عضو/ه وبتكتبي اسمه وبتبعتيله للخاص انه استضفتيه
وبتمتلكي محكمتي لمدة يوم وبتسألي العضو ايش ما بدك
وتاني يوم بقفل المحكمه وببلش بضيف جديد
والضيف لجديد رح يكون مفاجأة التحقيق بس ما تروحوا لبعيد اكيد مو الصمت الجارح

ارجو أكون وصلتلك الفكره يا عسل بشكل ممتاز

والان أسئلتي

ايش السؤال الي ضايقك في المحكمه أو كنتي بتتمني ما تجاوبي عليه ؟؟

اوصفي كل من الأشخاص التاليين بكلماتك .. ( ايش بتحكيلهم يعني )

أنه حرف
فارس فلسطين
ماسة
الصمت الجارح
عبد العزيز
وأخيرا الشمس الساطعه بالصيف والشتاء ( شمس الشتا )

مين العضو الي رح تختاري تحققي معه يا عسل

لك ودي

**أنة حرف** · 31-03-2015, 06:40 PM

رد: محكمه وتحقيق

السلام عليكم
ما كنت أدري أنه حكاية بالمحكمة بس الحمدلله لحقتك ع أخر المحكمة قبل لا تطلعي من باب الخروج ورجعتك جوة

بما أنه الأعضاء ما تركتو سؤال إلا وسألوك إياه
فأسئلتي حتكون
س/متى تقرر حكاية أمل رد الصاع صاعين
س/ شيء ضاع من حكاية أمل تتمنى استرجاعه
س/ صندوق ذكريات حكاية أمل ماذا يحتوي؟ وماهي الذكرى التي تجعل حكاية أمل تبكي
تحياتي لك جميلتي

**سيدرة** · 31-03-2015, 07:15 PM

رد: محكمه وتحقيق

تحياتي الك حكاية امل
ان تأتي متأخرا خيرا من أن لا تأتي

بدي أسئلك عن اسما ء ولادك ؟ وبتحبي حدا اكتر من التاني
مين البنات الحلوين اللي بتوقيعك /؟
كيفكون ب غزة ؟
مين هنن الأعضاء اللي بتعرفيهم خارج المنتدى / اقرب شي الك بالمنتدى مين ؟
اكتر لقب عضو + عضوة بيعجبك ؟؟
ربي يخليكي امول ..
ما الي عودة بأذن الله

**حكايه أمل** · 01-04-2015, 01:53 AM

رد: محكمه وتحقيق

سؤالي لحكاية :
كيف قدرانة تجمعي بين كل هالماسي وروحك المرحة بنفس الوقت
احييكي ع قوة شخصيتك

جوابي لماسه **
انا بحييكي على سؤالك كمان
شوفي ماسه انا انسانه مش نقول انها مش مبسوطه بحياتها
بالعكس
مبسوطه كتير وراضيه كتير بنصيبي وحياتي الخاصه
وربي شاهد

وانا شخصيه من صغري بحب المرح والمزح
يعني شخصيتي همشريه زي ما بيحكو بس مش كل وقت يعني هيك وهيك

شخصيتي بتحبش النكد وعيشة النكدين
فأنا هيك وحضل على هيك حتى لو ايش ما يصير يصير
بحب الكل يحترم صبر وقوة وضحكة امل
بحب الحزن بس لإلي بخليش حدا يشاركني

انا يا ماسه واعوذ بالله من كلمة انا طبعا شلت الحداد يوم بنتي من تالت يوم ومنعت الشباب انهم يحدوا بترباية اللحيه (لأني قويه)

انا وزوجي خلينا ابن عمي (اخوه)واخوي يعملوا افراحهم بعد 35 يوم وكنت اول الحاضرين علشانهم وعلشان امي وابوي اللي فقدوا شاب طول بعرض وزوجي اللي بأي لحظه حينهار وازيده بالحداد مثلا؟؟
(لأني أقوى)

وهيك هيك حيفرحوا ان كان اليوم او بكره وانا انا اليوم او بكره الحزن هو هو بداخلي اليوم او بكره

وقصة الحزن اللي عايشه فيه زي ما تحكي خد وتعود على اللطم (حياتي الخاصه مع زوجي على جنب )
اليوم اخدت كفين مرتبين من الدنيا ...بكره بألف خدي التاني بكف تالت من الدنيا يعني حاسبه الحساب <قلبي مقبوض كل وقت
مستعده بكل وقت اسمع خبر <هو صح تفائلو خير تجدوه بس انا هيك

باختصر كل هالحكي بأني شخصيه من اساسي مرحه وبتحبش النكد وحابه تعيش يومها بكل تفاصيله

سلملم وسلمي عالوالده

**حكايه أمل** · 01-04-2015, 02:18 AM

رد: محكمه وتحقيق

ما بدي جميلتك شكرا

بعرف كيف احط رابط بس الصوره نسخ لصق مو زابطه
فاضطريت اوضع رابط يا كريمه انتي
احم احم

<تسليك للرد

حبيبتي أمل<عيونها
من شروط التحقيق انه تختاري عضو على كيفك تحققي معه انتي نهار كامل
يعني بتكتب هون بدي اختار عضو/ه وبتكتبي اسمه وبتبعتيله للخاص انه استضفتيه
وبتمتلكي محكمتي لمدة يوم وبتسألي العضو ايش ما بدك
وتاني يوم بقفل المحكمه وببلش بضيف جديد
والضيف لجديد رح يكون مفاجأة التحقيق بس ما تروحوا لبعيد اكيد مو الصمت الجارح

يلا بس أفكر بأردلكم خبر<موافقه عالخطوبه ولا لأ

المهله 3 ايام للخاطب وهنا ساعات
من عيوني

ارجو أكون وصلتلك الفكره يا عسل بشكل ممتاز<اللي بعدو

والان أسئلتي

ايش السؤال الي ضايقك في المحكمه أو كنتي بتتمني ما تجاوبي عليه ؟؟
الاسئله اللي بتعبر عن المشاعر <صعبين شويه لأنهم لإلي وبس
باحكي وباندم وبنفس الوقت في امتنعت عن الرد عليهم بطريقه تانيه

اوصفي كل من الأشخاص التاليين بكلماتك .. ( ايش بتحكيلهم يعني )

أنه حرف<انسانه لطيفه وحكيمه صح بيوم من الايام حكيت عنها ضعيفه بس أثبتت العكس ومتفهمه وهاديه <الله يحميها

فارس فلسطين<انسان ذكي غامض كتوم <بتحسه برئ بيوم وبيوم بيرجع الانسان الغامض

< بيعد للعشره بعض الاوقات قبل ما يحكي اي كلمه ..محترم .. عايش في تيه (تائه)..عنده مشاعر كبيره تحسه قادر ومش قادر يعبر عنها <متحكيش عني متسرعه اتفقنا

مش مغرور<موفق خيو

ماسة<انسانه كطفله بريئه هاديه ومش حشريه زي حالاتي وهي زي الغرقان اللي متعلق بقشه حبيتها <ربنا يحميها

الصمت الجارح<متفهم مرح هادي هيك فهمته بس ما اختلطت فيه اكتر علشان اعرفه اكتر فش عنده غرور

عبد العزيز ههههههه عبد العزيز اولها تقاتلت معاه كتير ولا واحد فينا قدر يتنازل للتاني اولها كنت احسه مغرور بس هلقيت لأ ما شاء الله عليه لما يحب يصل لشغله بيصل الها عنده عزيمة للوصول...عبد العزيز لساته عايش مرحله مش مستقره ان شاء الله بتستقر <مستألش في ايش لأنه مش حرد عليك

وأخيرا الشمس الساطعه بالصيف والشتاء ( شمس الشتا ) حيرتينا والله صيف ولا شتا ولا مشمسه على طول فش ولا شوية غيم تبعد السطوع اللي حاول عيوني

شمس انسانه عامله زي الكتاب المفتوح اكتر من حكاية امل... بتفوت على الانسان دغري دغري يعني بتفرض محبتها فرض عالانسان
متسرعه اكتر مني بس حكيمه بمواقف وطيبه كتير كتير وبتشتغل بضمير مجنونة واثقه محبوبه < شمس بحسها النسخه التانيه من حكاية أمل بس على اختلاف بسيط

مين العضو الي رح تختاري تحققي معه يا عسل
استني شويه بس اخلص رد وبارجعلك
موفقه يا سكره <ربنا يسلط عليكي نمله وتاخدك على جحرها هههههههههههههه

لك ودي

**حكايه أمل** · 01-04-2015, 02:34 AM

رد: محكمه وتحقيق

السلام عليكم
وعليكم السلام

ما كنت أدري أنه حكاية بالمحكمة بس الحمدلله لحقتك ع أخر المحكمة قبل لا تطلعي من باب الخروج ورجعتك جوة

بدي اقول انا اشد وانة حرف تشد..انا اشد وانه حرف تشد ..ومين فاز فازت انة حرف <<الله يرحمك يا ابو عمار

بما أنه الأعضاء ما تركتو سؤال إلا وسألوك إياه <
ولسا مقصرين بالاسئله ...هادول دبحوني ههههههههه

فأسئلتي حتكون واجوبتي حتكون <<

س/متى تقرر حكاية أمل رد الصاع صاعين <<لما انظلم بشغله بارد الصاع صاعين ويمكن بعشرين (الظلم)

س/ شيء ضاع من حكاية أمل تتمنى استرجاعه راحة البال

س/ صندوق ذكريات حكاية أمل ماذا يحتوي؟
صندوق ولا بيت من من عشر غرف

صندوقي يحتوي الذكرى الحلوة اللي لحتى الان لما نتذكرها بنضحك عليها انا واخواتي
<طفوله والصبا

بيحتوي التعب ... الحزن...الصبر...القوة...مأساة شعب وهي الحروب..احلام تحققت واخرى لا
.....الخ

وماهي الذكرى التي تجعل حكاية أمل تبكي

طبعا بنتي واخوي الله يرحمهم وفي شغله بداخلي _خليها بالقلب تسطح ولا تطلع لبرا وتفضح)

تحياتي لك جميلتي
منوررررررررررررررة أنة حرف
سعيده بوجودك

**حكايه أمل** · 01-04-2015, 02:44 AM

رد: محكمه وتحقيق

تحياتي الك حكاية امل
هلا هلا منوره سيدره

ان تأتي متأخرا خيرا من أن لا تأتي

بدي أسئلك عن اسما ء ولادك ؟ وبتحبي حدا اكتر من التاني
ياسين ..نادين ...نادين

لا الحمد لله عندي سواسيه

مين البنات الحلوين اللي بتوقيعك /؟
هادول بنات بيقربوني البنت اللي لابسه ابيض ماتت دهس بشاحنه هي واختها الرضيعه

كيفكون ب غزة ؟ الاحياء الاموات ..السجناء
حياه صعبه قاسيه وتعودنا عليها وكل خطوة سيئه بنتكيف معها واذا زادت سوء برضو نتكيف معها

مين هنن الأعضاء اللي بتعرفيهم خارج المنتدى / اقرب شي الك بالمنتدى مين ؟
حاليا مفيش <كان لي ابن خالي الباشا تلميذ وبنت خالتي ميرنا <طاروا
...................

اكتر لقب عضو + عضوة بيعجبك ؟؟ وزير السلطان بيعجبني اللقب كتير + الامبراطوره <طارت البنت وما رجعت حرجعها من الفيس

ربي يخليكي امول ..
تسلمي يا قطه
منورة الحته
ما الي عودة بأذن الله

ههههههههه حلوة

**حكايه أمل** · 01-04-2015, 03:01 AM

رد: محكمه وتحقيق

شمس
صعبه ..>

مش قادره اختار حدا
بأقدر احكي افرضي علي فرض انه احقق مع حدا
او اي حدا حابب يتحقق معه من المحقق كونان يتفضل

او الغي الفقره هادي معي اذا حابه

موفقين ^-^

**شمس الشتا** · 01-04-2015, 11:01 PM

رد: محكمه وتحقيق

غلاتي حكايه أسعدتيني بتحقيقي ومتعتينا بخفة دمك

ولكني أعتذر عن اقتراح ضيف لتحققي معه لأني سأظلم

الجميع , وشكرا لك مره جديد

**حكايه أمل** · 01-04-2015, 11:08 PM

رد: محكمه وتحقيق

انا سعيده بوجودي في محكمتك شمس الشتا
وسعيده بأسئلة الاعضاء

عرفت عنكم وعرفتم عني الكثير
فلكم مني اجمل باقة ورد
لوجودكم هنا
داخل المحكمة العظيمة

كرسي الاعتراف - محكمه وتحقيق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget