تويت
أرذال تحت اعذب حروف
ومجاملة لاجل اللقا
والله فلا تقدر تشوف
غلطان قلبك لو هقى
بنت عن الزلة تنوف
مجناه من عرق النقا
ياللي على الصفحة وقوف
بعض النوايا تتقى
وش عاد لو قلبك شغوف
والوجد في قلبك رقى
ماخذت حتى لو وصوف
"عذروب" يتليه الشقى
داو الحنان بزود خوف
من خالقك واشر التقى
تلقى الرضا لامرك يحوف
وسحب المكارم تبرقا
تكفين يالريم الهنوف
العرض لاقفى وش بقى
تطلين بالغلطة صفوف
وتزهين بالسلم النقا
حتى ولو قلبك يروف
ظامي / فلا احدن له سقى
الا الذي يرد الحتوف
ولباب بيتك يطرقا
#شعر / عمر بن عبدالمحسن
تعليق