رواية ضحية الحب المستعار

**السحاااااااااااب** · 14-07-2015, 06:40 AM

رد: رواية ضحيـــة الحب المستعـــار

لاتفوتكم الفرصه مع بقية أجزاء رواية
(ضحية الحب المستعار)
من الجزء(21)وحتى الجزء(25) والأخير
وهي الأجزاء المهمه بهذه الروايه
تحياتي وتقديري للجميع

**السحاااااااااااب** · 15-07-2015, 04:58 AM

رد: رواية ضحيـــة الحب المستعـــار

.. حل اللغز ..

من أشهر المطاعم عالميا يتكون
اسمه من (6)حروف فما هو؟
.. كنتاكي ..

1 – 4 – 3 = اسم حيوان اليف باللغة الإنجليزيه..
.. كات ..

5 – 4 – 2 = أداة للرفع والنصب لها(7)أخوات وليس لها أخوان..
.. كان ..

5 – 6 – 1 = من انواع الحلويات...
.. كيك ..

3 – 2 = عدد عشري باللغه الإنحليزيه..
.. تن ..

1 – 6 = يقال أنه اخر الدواء..
.. كي ..

**السحاااااااااااب** · 15-07-2015, 05:00 AM

رد: رواية ضحيـــة الحب المستعـــار

الجزء(22)
من رواية
ضحية الحب المستعار
صياد / يامجروحه لاتقولين كذا انا تائه بها الدنيا والان توني أفكر صح انا مالي بها الدنيا غيرك وماقدر
أعيش من دونك ..أعطيني الفرصه الأخيره..
مجروحه / ياصياد انا تعبت معك وأخذت قراري ..انت ماعاد تسوى عندي شئ ولا تحاول فاتك القطار وانتهى كل شئ بيننا...
صياد / يعني خلاص مافيه أمل..حتى لو كتبت الشاليه باسمك ..انا مستعد اتنازل عن كل شئ في حياتي من شانك..أهم شئ تراجعين عن قرارك..
مجروحه / انا ياصياد يهمني راحتي ..وماتهمني الأموال..وانت عارف ان كل الوقت انا اللي أصرف عليك ..تنكر هذا الشئ..
صياد / لا..يامجروحه خيرك كثير ولا أنكر كل اللي سويتيه معي..أدري انه كله من صالحي.....
وقال هذه الأبيات....
خلاص انتهى اللي كل شئ ابحياتي
.........من بعد مجروحه من اللي يسلين
وشلون ابانسى حبها مع ذكرياتي
......وشلون ابانسى صوتها وهي تنادين
تغريد / تتصل على رداد ترررررن...ترررررن..
صياد /بشخصية رداد....أهلين تغريد كيفك تمام..
تغريد / الحمد لله بخير وانت كيفك..وينك ماعاد اتصلت صارلك كم يوم...
رداد / والله مشغول ياحياتي لكن هالحين فاضي عندك شئ تبي تقولينه.....
تغريد / انا ياصياد (95بالميه) اني اتطلق من وضاح هل انت على وعدك تتزوجني...
رداد /إسمعيني زين ياتغريد..انا ماأتعامل مع هالجنس والأشكال انتي حبيتيني على زوجك
وشلون أثق فيك... بكرا تروحين تطلعين مع غيري ولكن شوفي غيري يقبل فيك...
تغريد / بس يارداد انا طلعت حامل منك هذا شئ يربطنا ببعض ليش تهرب مني..
رداد / ولا لي علاقه بحملك هذا ولا أعترف لافيك ولا باللي في بطنك ...دوري على غيري ..مع السلامه..باي..
تغريد / لعنة الله عليك وهقتني فيك حسبي الله عليك الله يجيب لك من هو أقوى منك....
مجروحه/ يالله ياصياد خلينا نمشي للقاضي اليوم موعدنا بشأن قضية الطلاق...
صياد / يعني مصممه على رأيك مافيه حل ثاني..
مجروحه /لا....لا... والف لا...ياصياد....
صياد / يالله توكلنا على الله..ودموعه على وجنتيه..ولكن لن يفيد الندم..لافات الفوت ماينفع الصوت...وصلوا عند القاضي..ويبدأ صياد بالسلام على القاضي...
القاضي / وعليكم السلام ورحمة الله وبركاته..
صياد / فيه ياحضرة القاضي الله يطول بعمرك قضية طلاق مرفوعه ضدي من زوجتي مجروحه...
القاضي / انت الأخ صياد..
صياد /نعم ياحضرة القاضي انا صياد..
القاضي / لو سمحت ياصياد أعطيني بطاقتك الشخصيه..وبطاقة زوجتك مجروحه...وهل هي معك الان...
صياد / هذه بطاقتي وبطاقة زوجتي مجروحه وهي الان باستراحة النساء....
القاضي / ينادي لمجروحه ويسألها عن الأسباب التي تجبرها على الطلاق من صياد...
مجروحه / لاتسألني ياحضرة القاضي إسأل صياد إذا أراد ان يخبرك بالحقيقه الكامله عن قضية الطلاق...
صياد / إسمعني ياحضرة القاضي بدون أسأله وخير الكلام ماقل ودل..أنتي يامجروحه .. طالق....طالق...طالق...بالثلاث...حرر الصك ياحضرة القاضي والله يستر علينا وعليها وعلى كل مسلم..
القاضي / ليش إستعجلت بالطلاق ياصياد يمكن نصلح بينكم..
صياد / خلاص ياحضرة القاضي انتهى كل شئ..ولاعاد تسألني بشئ عن الطلاق..
القاضي / هل انتي يامجروح لك بذمة صياد حقوق.
مجروحه / لا..ياحضرة القاضي انا متنازله عن المهر المتأخر..وحتى السيارة اللي يركبها انا اللي اشتريتها له من عرق جبيني..ومتنازله عنها لوجه الله..وماأبي الا..... صك الطلاق..وابي راحتي..
القاضي / خلاص يامجروحه خلال ساعه يكون صك الطلاق بايدك اذهبي لإستراخة النساء...وانت ياصياد خليك بالصاله حتى اناديك وتوقعون اثنينكم على الصك..انتهت القضيه.....
تغريد / تروح لنديمه هاه يانديمه ويش قررتي انتي واختك من شأن موضوع اللي في بطني...تريد التخلص منه الان بعد ماكتشفت رداد على حقيقته..ولكنها تكتمت على موضوعها مع رداد وتريد ان قرارها هو الأول والأخير....
نديمه / والللليييييييه ..انا بورطه وهي جايتني تبي تمشي أوامرها علينا..من وين ابدأ بموضوعي والا بموضوعها..خلاص ياخالتي خليني أتصل على أختي مستوره..وأشوف وأخبرك بعدين...
تغريد / اتصلي على اختك الان وبسرعه لأني ماني فاضيه..وأعصابي متوتره....
نديمه / تتصل على أختها مستوره ترررررن...ترررررن..
مستوره / أهلين اختي نديمه كيف حالك وشلون ابوي ....وعسى ماتسوي لك مشاكل خالتك..
نديمه / إلا...يامستوره هالحين جتني تقول ويش صار على موضوعنا...
مستوره / اسمعيني زين يانديمه ونفذي اللي اقوله لك بالحرف الواحد..انا بعد شويه جايه عندك واباطلع عندك بغرفتك واتركي جهازك المحمول شغال وحطي فيه سيديه فاضي..بعدها تنادين لخالتك واذا جت عندنا بالغرفه تقولي اباروح أجيب لكم العصير
وإذا جيتي تطلعين الدرج ترشينه بصابون تايد وفيري وشوية ماء..بس انتبهي انتي لاتوقعين...
فهمتي..واذا جيتي عندنا فوق ومعك العصير نزليه على الطاوله وأغلقي جهازك المحمول واسحبي السيديه منه ابسألك عنه ويش فيه وأرفضي تعطينياه
واستنجدي بخالتك..خوذي ياخالتي السيديه..تراه امانه معك ماأبي اختي مستوره تشوفه..فيه اسرار تخصني خبيه عندك تحت بغرفتك...بعدها ابهجم على خالتي على شان اخذ السيديه هي أكيد تبي تهرب ..وتنزل مع الدرج بسرعه...ساعتها الصابون والفيري والماء ينتظرها تبي تزحلق من أول الدرج الى اخرها..أكيد بهالحاله يصيبها نزيف ويكون سقط الجنين اللي ببطنها .ونبي نوديها للمستشفى ويسوون لها تنظيف ويعطونها العلاج اللازم..ويادار مادخلك شر...
نديمه / والله خطه جهنميه خلاص يامستوره اتفقنا..
مستوره /توصل لبيت ابوها وتسلم على ابوها وعلى خالتها وتطلع عند نديمه بغرفتها على حسب الخطه..
نديمه / ياهلا باختي الغاليه..والله انتي داهيه..
مستوره / خلي الكلام هذا بعدين ..نادي لخالتي..
نديمه / تنادي لخالتها.....ياخالتي تغريد تعالي انا ومستوره ننتظرك بالغرفه بسرعه تعالي...
تغريد / تحضر..هاه ويش سويتوا لموضوعنا...
مستوره / اللي انتي تأمرين فيه يخالتي يصير مايكون يخاطرك الا الطيب..روحي يانديمه جيبي لنا عصير...
نديمه / تنزل وتنفذ الخطه وتجيب العصير وتدخل الغرفه..وتنزل العصير على الطاوله وتروح وتسحب السيديه وتطفئ المحمول ...
مستوره / ويش هالسيديه اللي سحبتي من المحمول انا لازم اشوفه وتهجم على نديمه...
نديمه /لا....لا....لا... يامستوره هذا فيه أسراري الحقيني ياخالتي خوذي السيديه وخبيه عندك بغرفتك لاتشوفه مستوره...
مستوره / تهجم على خالتها بشأن تأخذ السيديه..
تغريد / تهرب وتنزل مع الدرج بسرعه وتزحلق من أول الدرج...اه......اه....اه....
الحقوني انا ويش صار لي...الى ان استقرت باخر الدرج ..وتصيبها بعض الكدمات..وتسبح بدمائها..ويطلبون الإسعاف لإنقاذها...
القاضي / ينادي لصياد ومجروحه للتوقيع على صك الطلاق ويحضرصياد ويوقع على الصك...ومجروحه..مثله وتستلم صك طلاقها...
صياد / تبين أوصلك بيتك يامجروحه...
مجروحه / لا.......أطلب لي ليموزين هو يوصلني للبيت..والله لايسامحك ..لادنيا ولا اخره...وتوصل لبيتها وتبدأ بتسجيل أرقام البنات اللي لهن علاقه بصياد..
1 – نديمه
2 – مشتاقه
3 – مفتونه
4 – مضمونه
5 – محبوبه
6 – مطنوخه
لتبدأ الإتصال فيهن الوحده تلو الأخرى....
صياد / يتصل على نديمه تررررن..ترررررن...
نديمه / نعم ياصياد ويش اللي تريده مني الان خلاص انتهى اللي بيننا.....
صياد / يانديمه فيه موضوع اباكلمك فيه موضوع مهم...انتهى الجزء...أعطونا توقعاتكم...لمجروحه.
لتغريد...لنديمه...لوضع صياد.....
لغز الجزء(22)
معركه حصلت بالتسعينات الميلاديه
يتكون اسمها من(12)حرف فماهي؟
(3 – 7 – 6 – 5 – 11 – 7 – 1 – 8 – 10 = فرض واجب علينا كمسلمين)
(4 – 10 – 8 – 5 = إذا فاتت لاتعوض)
(1 – 4 – 6 – 7 = شعار يلبسه الخليجيين ككل)
(11 – 7 – 3 – 9 – 10 – 2 – 12 = يعني المكان الخالي)
يالله شدوا حيلكم وموفقين باذن الله
حقوق الطبع محفوظه للسحاب (الساري)

**السحاااااااااااب** · 29-07-2015, 10:16 PM

رد: رواية ضحيـــة الحب المستعـــار

جواب اللغز(22)

معركه حصلت بالتسعينات الميلاديه
يتكون اسمها من(12)حرف فماهي؟
(3 – 7 – 6 – 5 – 11 – 7 – 1 – 8 – 10 = فرض واجب علينا كمسلمين) ( صلاة العصر)

(1 – 4 – 6 – 7 = شعار يلبسه الخليجيين ككل)
(11 – 7 – 3 – 9 – 10 – 2 – 12 = يعني المكان الخالي) ( الصحراء )

(4 – 10 – 8 – 5 = إذا فاتت لاتعوض) (فرصه)

( عاصفة الصحراء ) في حرب الخليج

**السحاااااااااااب** · 29-07-2015, 10:22 PM

رد: رواية ضحيـــة الحب المستعـــار

الجزء(23)
من رواية
ضحية الحب المستعار
صياد / يانديمه فيه موضوع اباكلمك فيه موضوع مهم ولازم تسمعيني زين والله ماتندمين..
نديمه / ويش عندك ياصياد..يكفي غدر يكفي خيانه
يكفي انك دمرت مستقبل حياتي...
صياد / يانديمه انا طلقت زوجتي كله على شانك والان انا مستعد أجي وأخطبك من أبوك وخلينا نبدأ
صفحة جديده واللي تبينه انا مستعد فيه...
نديمه / ياصياد انا لن أقبل بشخص مثلك انتهى اللي بيننا..وانا وعدتك إني سأنتقم منك..انتقام شديد تتمنى إنك تموت ولا تمضي العمر بالحاله اللي انت فيها..وتشوف كلامي ياصياد...
صياد / الله يكفينا شر نديمه..الله يستريعني ويش هالإنتقام..شكله مامر على أحد قبلي..يالله خلينا نشوف ويش احنا عليه..خلينانشوف لنا طريقه نعيش من وراها...مالي غير الشاليه أعرضه للأجار... ويقوم بوضع لوحه على الشاليه مكتوب عليها...(شاليه السعاده للاجار)يومي ...شهري....سنوي...للإستفسارالإتصال على الرقم
(؟؟؟؟؟؟؟؟؟؟).....
تغريد / تصل للمستشفى ومعها مستوره ونديمه وبالطواري يسوون لها الإسعافات الأوليه والتحاليل اللازمه وتحضر الدكتوره....
الدكتوره / سلامات يامدام ويش فيه ويش اللي حاصل اشرحي لي بالتفصيل...
تغريد / وقعت من الدرج يادكتوره ومثل مانتي شايفه يادكتوره..أرجوك أسعفيني...اه يابطني..
الدكتوره /هل يوجد عند حمل قبل وقوعك من الدرج...وكم لك من شهر حامل...
تغريد / نعم يادكتوره عندي حمل ومن مدة شهر..
الدكتوره / الحمد لله على سلامتك واللي عندك نزيف بسبب سقوط الجنين والله يعوض عليك.
وتخرج الدكتوره..شويه وراجعه لك يامدام..
مستوره / طمنيني يادكتوره ويش صارعلى خالتي تغريد.
الدكتوره / إطمأني يابنتي كان عندها نزيف بسبب سقوط الجنين اللي ببطنها والله يعوض عليكم..كلها ثلاث ساعات نعمل لها تنظيف للرحم ونعطيها العلاج اللازم وتطلع معكم ان شاء الله...
مستوره / نديمه.....نديمه....بسرعه تعالي..
نديمه / خير ان شاءالله ويش عندك بعد أشوفك مبسوطه وتضحكين بعد...
مستوره / إيه يانديمه أصلك ماتدرين عن شئ..
نديمه / ويش فيه انتي يامستوره مخبيه عني شي..
مستوره / النزيف اللي بخالتي سببه سقوط الجنين وهالحين ماعاد عندها حمل..لكن هين ياتغريد الان جاء دوري اللي أذلك فيه مثل ماذليتيني...
نديمه / صحيح الله يبشرك بالخير...والله خطتك جهنميه يامستوره..وهالحين ويش تبي تسوين مع خالتي ويش تبي تقولين لها ياأم الخطط...
مستوره / انا اباروح لخالتي وأشوف ويش صار عليها وترا الدور جاي لك يانديمه ماعاد ينفع السكوت..وبعدين تعرفين...وتروح مستوره لخالتها وتدخل عليها بالطوارئ...الحمد لله على سلامتك ياخالتي وماتشوفين شر..
تغريد / الله يسلمك يابنتي ويمدك بالصحه والعافيه والله لايذوقك اللي انا ذقته...
مستوره / خالتي ترا اذا رجعنا للبيت ابفتح الموضوع..مع ابوي بشأن طلاقك...
تغريد / لا...لا.....يابنتي الجنين وسقط من بطني خلاص ماله داعي....
مستوره / لكن ابوي وأخوي هلال يبي يسألون ويش فيك وانا ماقدر اخبي عليهم اباقول لهم الحقيقه...
تغريد / لا..يابنتي إستري عليه الله يستر عليك دنيا واخره..وانسي الموضوع...
مستوره / انا مستعده أستر على الموضوع ولكن بشرط ياخالتي اذا وافقتي عليه فاعرفي كأن ماصار شئ..
تغريد / انا من دون ماتقولين شرطك موافقه عليه...
مستوره / شرطي اذا رجعنا للبيت تسلميني جهازك الكامبيوتر ولاعاد اسمح لك باستعماله...وجوالك تسلمينه لي اسوي له فرمته وامسح كل البرامج اللي فيه والأرقام وأرجعه لك..وتستعملينه للإتصال فقط.
تغريد / خلاص يامستوره انا موافقه على اللي تقولينه بس لايدري ابوك واخوك هلال عن شئ.
الله يفضحك يارداد مثل مافضحتني....
الدكتوره / الحمد لله على سلامتك يامدام تقدرين تطلعين مع بناتك وانتبهي لنفسك.....
نديمه / تتصل على اخوها هلال... تررررن....تررررن...
هلال / أهلين نديمه فيه شئ...
نديمه / لا......بس ابيك تجي تأخذنا من المستشفى.
هلال /يالله عشر دقايق أكون عندكم...وصل هلال وسلم على أمه..الحمد لله على سلامتك ياأمي ..
تغريد / الله يسلمك ياإبني والله شوي تعبت وهالحين شعرت براحه الحمد لله....
هلال / يالله اركبوا خلونا نوصل للبيت بسرعه لأن ابوي ماعنده أحد.....وصلوا للبيت ودخلوا...
وضاح / الحمد لله على سلامتك ياتغريد.وماتشوفين شر..ان شاء الله....
تغريد / الله يسلمك ياوضاح وسامحني يمكن اللي سوا فيني كذا لأني ماهتميت فيك...
وضاح / ماتقولين كذا ياتغريد انتي أم إعيالي وبيننا عشرة عمر وكلنا لبعض....
تغريد / خالتي لاتنسين تعطيني الكمبيوتر..والجوال..
تغريد / تعالي يامستوره خوذيهن قبل مانسى..وتستلمهن مستوره....
مستوره / انا أستاذن اباتصل على ابوصالح يجي ياخذني اباروح للبيت...
وضاح / الله يستر عليك يابنتي موفقه مع السلامه...
صياد / بالشاليه لوحده ويفكر بمستقبله..ويرن جواله...تررررن....تررررن.. ويفتح الخط مين.
مدحور / انا اسمي مدحورأخذت رقمك من اللوحه اللي انت وضعتها على الشاليه..هو فعلا للأجار...
صياد / نعم أخوي مدحور للأجار...
مدحور/ انت بالشاليه أجي لمك نتفاهم..
صياد / انا موجود تعال عندي نتفق انتظرك على الباب وبسرعه لاتطول..
مدحور / يحضر ويقابل صياد السلام عليكم..
صياد / وعليكم السلام تفضلوا ياهلا بالضيوف مين اللي معك هذا ....
مدحور/ ماعرفتنا على اسمك الكريم...
صياد / انا اسمي صياد ولي الشرف في مقابلتكم..
مدحور/ والله والنعم فيك وأعرفك على زميلي شاهور...عضيدي الأيمن بكل شئ....
صياد / ياهلا فيكم..اباحضر لكم القهوه...ويروح صياد لتحضير القهوه ويتذكر ايام مضت...
شاهور / اقول اخوي مدحور شكل هالشاب متبهذل بحياته وأظنه هو صيدتنا الدسمه....
صياد / ياهلا..والله بالغالين تقهووا المحل محلكم..
مدحور/ تسلم والله ياصياد ماقلت لنا كم أجارالشاليه.
أسعاره معروفه بالسنه(12000) ريال..
وبالشهر(3000) ريال..
واليوم(500) ريال..
شاهور / شوف ياخوي صياد نبي نستأجره منك سنه ندفع لك الأجار مقدم..واحنا مانجيه الا بالأسبوع يومين وبالتحديد الأحد والأثنين..وباقي الأيام انت حر فيهن أهم شي هاليومين يصير فاضي...
صياد / خلاص اتفقنا ويستلم المبلغ بالكامل(12000) ريال...
مدحور / اخوي صياد شكلك متعذب بدنياك تحب نساعدك ويش وضعك المادي وهل انت متزوج
وهل عندك اعيال...
صياد / خليها على الله يامدحور...والله كنت بأحسن حال كان عندي محل أسترزق من وراه وكنت متزوج وفاتح بيت ولكن خسرت كل شئ بين ليله وضحاها..والان على ماقالوا على الحديده...
شاهور/ اسمع ياخوي ياصياد عندي لك مشروع تكسب فيه ذهب شهر واحد فقط وانت تملك فيه بيت وزوجه...وتضيق عليك الفلوس ماتدري وين توديها...
صياد / معقول ياشاهور اللي تقوله كيف اشرح لي.
شاهور / تجارة المخدرات والله ان تكسب من وراها ذهب...
صياد / لا....لا....أعوذ بالله فكني الله يخليك من هالشغله...
مدحور / خلاص يامشهورخليه يفكر على راحته يمكن يغير رأيه ..يالله احنا نستأذنك ياصياد...
شاهور / مع السلامه ياصياد وهذا جوالي اذا بغيت شئ..وفكر بالموضوع..
وطلع شاهور مع زميله مدحور...لإتمام مهمتهم الا وهي توزيع المخدرات...
صياد / المشكله اني ضايع..ضايع ليش ماقبلت بهالشئ..يالله خليني بعدين أتصل فيهم هذولا مكسب لي...وان شاء الله اباشوف الخير من وراهم..وقال في هذه الأبيات.....
والله مادري ويش تخبي هالأيام
..............دنياي واخرتها انتهت بالهزيمه
وشلون انا ابارتاح وعيني تبي تنام
............وانا مهدد بانتقام قاسي من نديمه
مجروحه / تتصل على جميع البنات اللي لهن علاقه بصياد ..وتوصف لهن مكان البيت ويحظرن
عند مجروحه بالبيت كلهن جميع...
اسمعن يابنات انا زوجة صياد سابقا والان تطلقت منه غصبا عنه وبالقوه بأسباب خيانته لي معكن والان كل صوركن عندي بأجهزة المحمول والجوالات هذه هي أمامكن وسوف أسلمهن ل؟؟؟؟؟انتهى الجزء...أعطونا توقعاتكم للجزء القادم...هل ينجح مدحور..وشاهور..بأقناع صياد لتجارة المخدرات..وضع تغريد مع مستوره...ويش المفاجأه اللي مخبيتها مستوره لنديمه...وضع البنات..مع مجروحه..ويش يبي يصير....
لغز الجزء(23)
شخصيه سياسيه ورئيس دوله سابق
يتكون اسمه من (9) حروف فمن هو؟
2 – 5 – 4 – 3 = عكس نحيف..
3 – 7 – 4 – 5 = عكس صاحي..
8 – 9 – 3 = بمعنى زاويه..
3 – 1 – 4 – 6 = بمعنى صياح وبكاء..
يالله شدوا حيلكم وموفقين باذن الله
حقوق الطبع محفوظه للسحاب(الساري)

**السحاااااااااااب** · 01-08-2015, 07:31 PM

رد: رواية ضحيـــة الحب المستعـــار

جواب اللغز(23)
هو(حسني مبارك)

2 – 5 – 4 – 3 = عكس نحيف.. ( سمين )
3 – 7 – 4 – 5 = عكس صاحي..( نايم )
8 – 9 – 3 = بمعنى زاويه..( ركن )
3 – 1 – 4 – 6 = بمعنى صياح وبكاء.. (نحيب)

**السحاااااااااااب** · 01-08-2015, 07:36 PM

رد: رواية ضحيـــة الحب المستعـــار

الجزء(24)
وما قبل الأخير
من رواية
ضحية الحب المستعار
مجروحه / اسمعن يابنات انا زوجة صياد سابقا والان تطلقت منه غصبا عنه وبالقوه بأسباب خيانته لي معكن والان كل صوركن عندي بأجهزة المحمول والجوالات هذه هي أمامكن وسوف أسلمهن لكن بايديكن كل وحده بالمقطع اللي يخصها مع صياد..واذا انا ظالمه وحده منكن لاتخجل تقول لي..فهمتن...
جميع البنات يردن على مجروحه..خلاص فهمنا..
صياد / يتصل على مدحور....ترررن...ترررررن.
مدحور / يرد أهلين صياد كيفك تمام وين أراضيك.
صياد / والله موجود قريب انتم اليوم تتجون للشاليه.
مدحور / نعم ياصياد انت عارف اليوم الأحد والشاليه من نصيبنا على حسب الاجار...
صياد /ممكن أجي لكم الليله ابيك بموضوع مهم..
مدحور/ الله يحييك ياصياد انا وشاهور بانتظارك.
شاهور / يسمع الكلام اللي دار بين مدحور وصياد ويسأل مدحورهذا صياد اللي يتصل...
مدحور / نعم ياشاهور أكيد انه إقتنع بكلامنا ويبي يصير معنا بترويج المخدرات...
شاهور/ خلاص يامدحور خليني انا اتفق معه ويش يسوي لأني أفهم منك بالحاجات هذي....
مدحور / خلاص ولا يهمك والله اللي صدناك ياصياد..وتبي تريحنا من بعض الشغلات..
صياد /يحضر للشاليه..السلام عليكم وكيف حالكم ان شاء الله بخير...
مدحور / والله بخير ياصياد وكلنا بأتم الصحه..
شاهور / كيفك ياصياد ان شاء الله أقتنعت بكلامي اللي انا قلته لك الأسبوع الماضي..
صياد / والله حسبتها وقلت انا دائما فاضي ليش ماأجرب هالشغله..
شاهور / كفو ياصياد..قدها واقدودها....نبي نسلمك بضاعه ثلاث أنوع من المخدرات بالجمله وانت تبيعها بالتفريد..قيمته بالجمله(40000) ألف ريال
كل نوع تكسب فيه(15000) ريال لمدة خمسة عشر يوما يعني مكسبك من هالبضاعه بمدة( 15) يوم(15000) الف ريال وعندك ثلاث انواع يعني تكسب فيها(45000)الف ولوحسبناها بالشهر يطلع مكسبك (90000) الف ريال..هاه ويش رايك..
صياد / خلاص انا موافق لكن ويش هي انواع المخدرات...
شاهور / أشياء بسيطه..حشيش..كابتقون..وسكي...
صياد / وكيف أتصرف مع الزبائن وشلون اجيبهم..
شاهور / انت ماعليك اباعطيك شريحة جوال بدون اسم والزبائن هم يتصلون فيك..ويتواصلوا معك..
اسماء المخدرات لها رموز عند الزبائن..
اذا قال لك عندك ماء مقطر..هذا يعني(خمروسكي)
واذا قال لك عندك ورق تصوير.هذا يعني(كابتقون)
واذا قال لك عند أعلاف أغنام..هذا يعني(حشيش)
خلاص ياصياد إتفقنا...
صياد / خلاص توكلنا على الله أمرها سهل..
شاهور/ يامدحور روح نزل البضاعه اللي بالسياره وانتبه لايشوفك أحد...
مدحور / ابشر ياعضيدي ولا يهمك من اعيوني الثنتين..
شاهور/ يالله ياصياد استلم البضاعه مبلغها اللي يخصنا نستلمه بعد ماتصرف البضاعه...
صياد / أوكي ويالله على بابك ياكريم....ويستأذن
ويمشي وبضاعته معه...وتبدأ الإتصالات على صياد من الزبائن...ويوميا يصرف ماقيمته(15000)الف ريال ومبسوط على هالحال صياد..مايدري ويش ينتظره بدنياه...
مجروحه / خلاص كل وحده شافت اللي لها واللي عليها...ويردن البنات جميعهن خلاص صادقه بالأدله..مجروحه تقول فيه وحده اتصلت عليها ماردت عليه ابوريكن صورته واللي تعرفها تعلمني
شافن صورتها مع صياد وكما هو الحال معهن..جميع البنات ..لا والله مانعرفها...ماعدا نديمه...انا أعرفها يامجروحه وسوف أخبرك فيها على انفراد.....
مجروحه / يعني تعرفينها أكيد انا ماودي أظلم أحد.
نديمه / انا أعرفك وأكيد عندك طيبة قلب وتحبين الستر..
مجروحه....تشعل نار وتنادي البنات ..يالله يابنات كل وحده ترمي المقطع المسجل لها مع صياد بالنار. وانا حبيت أجمعكن عندي وأستر عليكن وحاولن تبتعدن عن الأمور اللي مثل هذي والله يستر عليكن وكل وحده تروح لبيتها واذا إحتجتن مني شئ هذا رقم جوالي(؟؟؟؟؟؟) الا انتي يانديمه خليك معي اباسألك كم سؤال...
نديمه / امري يامجروحه ويش تبين مني انا مستعده.
مجروحه / تعرفين اللي بالصوره يانديمه...
نديمه / نعم يامجروحه هذي خالتي زوجة ابوي أكيد لاعب عليها مثل مالعب علينا...
مجروحه / الله لايوفقك ياصياد غدرت بوحده متزوجه ..حتى المتزوجات ماسلمن منك...
نديمه / لا..وازيدك من الشعر بيت طلعت حامل منه لأن ابوي أجرى عمليه بالعمود الفقري ومنع من الجماع ولا عاد ينجب...
مجروحه / ايوه وبعدين يانديمه ويش اللي صار..
نديمه /أعلمك بالقصه كامله اذا حبيتي لكن بعدين انا تأخرت على البيت ولازم أروح..
مجروحه / لحظه يانديمه قبل ماتمشين هذي المقاطع اللي فيها صروة خالتك وأفعالها الشنيعه
خوذيها وحطيها بالنار بايدك الله يستر عليكم جميعا وان شاء الله أشوفك عن قريب..
نديمه / قالت في هذه الأبيات.....
الله يجازيك بالخير يامجروحه
........فضائح تقهر وانتي سترتي علينا
لو انتشرت هالصور والله فضيحه
....والأمر خارج عنا واحنا ويش بايدينا
وعادت نديمه الى البيت وتلقى أختها مستوره عند ابوها ..اهلين اختي مستوره...
مستوره / مرحبا وأهلين وين كنتي ...
نديمه / كان عندي شغل وتأخرت ولو سمحتي ابيك بعد اشوي تجين عندي بالغرفه فيه كلام مهم لازم أقوله لك...
مستوره / تطلع لنديمه بغرفتها خير ان شاء الله ويش فيه بعد تراني والله متشتت فكري..
نديمه / انا كنت أحب لي واحد وطلع نصاب لاعب على خمسة بنات غيري وحتى لاعب على خالتي..والحمل اللي كان فيها أكيد منه...
مستوره / وانتي ويش عرفك...
نديمه / زوجته اتصلت علينا كلنا وخلتنا نشوف الصور..وحتى صورة خالتي ..والله يجزاها خير
أحرقت كل تسجيل المقاطع وسترت علينا...وان الان تائبه لله..ولازم أقول لأخوي هلال على الحقيقه..وأخليه ينتقم منه....
مستوره / يامجنونه انتي تعرفين هلال عصبي ومايملك نفسه وهذي تخص الشرف والله ان يق؟انتهى الجزء اعطونا توقعاتكم للجزء القادم عن صياد...هلال...نديمه....
لغز الجزء(24)
دوله عربيه يتكون اسمها من(7) حروف
فما هي؟
(1 – 2 – 4 – 5 – 3 – 6 = قبيله معروفه ومشهوره)..
7 – 4 – 5 = وصف بالمرأة يتغزل به الشعراء.
4 – 2 – 6 – 3 = يستخرج من الماشيه..
يالله شدوا حيلكم وموفقين باذن الله..
حقوق الطبع محفوظه للسحاب(الساري)

**smile123** · 07-08-2015, 06:07 AM

رد: رواية ضحيـــة الحب المستعـــار

يعطيك العافيه على هاذا الجزء متشوقه الى اخر جزء

**السحاااااااااااب** · 10-08-2015, 02:48 PM

رد: رواية ضحيـــة الحب المستعـــار

المشاركة الأصلية بواسطة smile123

يعطيك العافيه على هاذا الجزء متشوقه الى اخر جزء

مشكوره اختي الغاليه على المرور والمتابعه
تقبلي خالص تحياتي وتقديري واحترامي

**السحاااااااااااب** · 10-08-2015, 02:59 PM

رد: رواية ضحيـــة الحب المستعـــار

حل اللغز (24)

دوله عربيه يتكون اسمها من(7) حروف
فما هي؟
(1 – 2 – 4 – 5 – 3 – 6 = قبيله معروفه ومشهوره).. ( الحربي )
7 – 4 – 5 = وصف بالمرأة يتغزل به الشعراء. ( نحر )
4 – 2 – 6 – 3 = يستخرج من الماشيه.. (حليب)
دولة(البحرين)

دولة(البحرين)

رواية ضحية الحب المستعار

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget