الجزء(18) من رواية ضحية الحب المستعار تغريد / اذا كان وضاح ممنوع من الجماع ولا فيه أمل انه ينجب عيال ويش يكون وضعي معه ويش الفايده منه..الرجال هذا لازم يمل من هالحياة ليش عايش ناوي يصير عله على قلبي..لكن عندي الحل بعدين... هلال / يذهب للمستشفى لزيارة والده ..وموعد خروجه من المستشفى..ويدخل على والده بالغرفه.صباح الخير يابوي.. وضاح / ياهلا بإبني هلال كيفك وكيف حالك وشلون امك واخواتك.. هلال / الحمد لله بخير يابوي وترا اليوم موعد خروجك من المستشفى..وترا الدكتور موصيني انك ماتتحرك من السرير لمدة ثلاثة اشهر حتى يلتم الجرح.. وضاح / ابشر ولا يهمك ابنفذ اوامر الدكتور...ويخرج مع ابنه هلال للبيت وفي استقباله العائله.. تغريد --- مستوره ---- نديمه تغريد / ببرودة أعصاب مرحبا بزوجي العزيز الحمد لله على السلامه..كيفك مع رحلة العلاج... وضاح / كذا الإستقبال منك ياتغريد..الحمد لله بخير.. مستوره / يامرحبا بابوي الغالي الحمد لله على سلامتك والله البيت مايسوى من دونك شئ..ونور البيت بوجودك.... نديمه / ياهلا بأبونا وتاج راسنا حنا من لنا غيرك الحمد لله على سلامتك..وطالع من الشر...أطفوا انوار البيت جاء من ينور البيت علينا... وضاح / ياهلا ببنتي مستوره ونديمه انا والله لولا الله ثم ابني هلال ووقفتكم معي ماكنت موجود على الحياة والله يكثر من أمثالكم..اتركوني انا وتغريد لحالنا ورحوا شوفوا أشغالكم عندي كلمتين ابا قولهن لتغريد.... تغريد / ويش عندك ياوضاح أكيد عندك كلام خطير تبي تقوله والله يستر... وضاح / اسمعيني زين ياتغريد انتي طال ؟؟؟؟؟ويدور الحوار بينهم.. صياد / بالبيت وينادي لمجروحه..يامجروحه.. يامجروحه...وينك ترا جاء وقت الغداء.. مجروحه / الله يجرح قلبك مثل ماجرحت قلبي انا وانت ياصياد لازم كل واحد يروح بحاله وغداء ماعندي لك غداء المطاعم فاتحه ابوابها والا روح شوف من يغديك من هالبنات اللي تلعب عليهن..وازيدك من الشعر بيت محل الإتصالات...سحبت كل الإجهزه اللي فيه وسلمت المحل لصاحبه ماعاد فيه شئ يذكر..هذا المحل فتحته لك من عرق جبيني ومن حقي اتصرف فيه.. صياد / نعم...نعم..ويش تقولين لاتكونين بعتي الأجهزه فيهن حاجات خاصه فيني.. مجروحه / ههههههه..الان نبي نشوف من اللي يضحك بالأخير...الأجهزه سويت لهن عملية تفتيش ومشاهده لقيت فيهن الفضائح..ومحتفضه فيهن كأثبات ودلائل عليك على شان تتطلقني غصب عليك ماهو برضاك. صياد / انتي كذا يامجروحه ضيعتي مستقبلي.. مجروحه / وانت ياصياد ضيعت مستقبلي ومستقبل ناس كثيرين ونهايتك ياصياد تبي تكون وخيمه وبشعه وتذكر كلامي بعدين وخل غرورك ينفعك... صياد / يخرج من البيت وعلى المطعم ويطلب وجبة غداء ولكن أفكاره متشتته ويرجع للبيت وعلى غرفته كالعاده ويفتش بالجوال..يالله خلينا نشوف هالرقم..لا وبعد الإسم مطنوخه ان شاء الله يصير إسم على مسمى ويتصل على مطنوخه..ترررررن....ترررررن... مطنوخه / ترد نعم مين اللي يتصل... صياد / واحد يموت فيك وبحبك .. مطنوخه / متى المعرفه على شان تحبني وتموت فيني أقول ضف وجهك لايجيك علم ثاني.. صياد / وتهددينني ...والله ان تندمين على كلامك اللي تقولينه وان تجين تحبين ارجولي.. مطنوخه / ماتخسى ياكلب ياحقير مين انت أول على شان تهددني..ومتى جاء هالحب...وبعدين من انت وويش اسمك على شان اعرف اتصرف معك لاأعرفك ولا تعرفني... صياد / أول قولي لي من انتي وبعدين أعلمك بإسمي... مطنوخه / واذا علمتك بإسمي ويش تستفيد...انا اسمي مطنوخه يالله قول لي ويش استفدت... صياد / أوووووه..عاشت الأسامي أكيد اسم على مسمى وأكيد من اسمك له جاذبيه عند الناس مثلي..عمرك بحياتك جربتي الحب.. مطنوخه / طبعا ..لا..وماجاء على بالي أحد بس قول لي من انت.. صياد / انا اسمي صياد ماعمرك سمعتي بها الإسم.. مطنوخه / ماأتذكر مادري يمكن قد مر عليه ويش المطلوب مني الان.. صياد / انا أحبك ويش رايك تربطين معي علاقة حب والله ان تكوننين مبسوطه معي..اسمعي كلامي ومارايح تندمين وترا اليوم وين اللي يصدق بكلامه وانا والله صادق معك وماودي أطول عليك مع السلامه.. مطنوخه / صياد!!!! وعلاقة حب !!! ويش السالفه..اه صياد اللي يتكلمن عنه زميلاتي انه وسيم ويحب الرومانسيه ..واسلوبه راقي والله راحت عليه فعلا شاب ينحب يالله يارب يكون من نصيبي خلين أتصل عليه واتحارش فيه..المشكله كان مارد عليه..وتتصل مطنوخه على صياد ...تررررن...تررررن صياد / يرد أهلين مين .... مطنوخه / انا مطنوخه ياصياد...توني أعرفك وسمعت عنك الكثير انك شاب وسيم وتحب الرومانسيه.. صياد / ياهلا فيك وقال بينه وبين نفسه جيتي والله جابك وقال هذه الأبيات... مرحبا باللي ماشافته عيني ..............في كلمة الحب جبناها ماقدر اترك عادة(ن) فيني ............وكم وحده معنا ظلمناها هاه ويش رايك تشاركيني بالحب.. مطنوخه /خلاص خلينا بالبدايه دردشه وبعدين نقرر.. صياد / لا..قولي لي يامطنوخه تحبيني والا... لا..انا ابارسل لك صوره لي اذا اعجبتك والا قولي لي.. مطنوخه / خلاص ياصياد ارسل لي صورتك.. صياد / دقايق وتوصلك الصوره...هاه وصلت الصوره يامطنوخه....بس لازم انتي ترسلين لي صوره لك.. مطنوخه / ايه وصلت الصوره ياصياد الله ويش هالوسامه ..انا رايحه أرسل لك صوره... هاه وصلتك صورتي وويش رايك فيها... صياد /الله...الله...الله..ويش هالجمال والله عز الطلب..متى ودك نتقابل ونشوف بعضنا على الطبيعه.. مطنوخه / خليها بعدين على التياسير ابشر ولا يهمك ياصياد..يالله مع السلامه..عندي شغل أخلصه واتصل فيك بعدين.. صياد / يالله في امان الله ياعمري وحياتي.. نديمه / تتصل على صياد..تررررن..ترررن.. صياد /أهلين نديمه كيفك ويش اخبارك.. نديمه / الحمد لله بخير لكن الوالد تعبان وطالع من المستشفى ومشغولين معاه.. صياد / مايشوف شر ان شاء الله ومتى موعد لقائنا يانديمه تراني مشتاق لك والله كثير وطفشت.. نديمه / خليني أفضي بعدين أتصل فيك ونقرر متى نلتقي..وانا عند وعدي انا مالي بالحب غيرك وانت وعدتني نتزوج وانا الان موافقه لأني احبك وماصبر عنك ياعمري وياروحي وياحياتي... صياد / خلاص اتركك على راحتك مع السلامه... مضمونه / الله لايوفقك ياصياد ان من وين لي (5000 ريال)على شان أسوي العمليه..مافيه الا أتصل على صديقتي نديمه هي اللي تبي تحل أزمتي مع الفلوس.وتتصل على نديمه..ترررن..ترررن... نديمه / أهلين مضمونه وينك من زمان ماتصلتي فيني والله مشتاقه لك كثير... مضمونه /انا بخير يانديمه ولكن انا بحاله لاأحسد عليها انا في ورطه اباطلب منك طلب ياليت تنفذينه لي وأكون ممنونتك.. نديمه / امري يامضمونه ولا يهمك لكن ويش فيك حصل لك حاجه قولي لي انا مثل أختك..وقولي طلبك. مضمونه / انا عندي عمليه ومحتاجه (5000)ريال للعمليه تقدرين تجيبين لي المبلغ.. نديمه /عملية ويش وان شاء الله يكون المبلغ عندك انا رايحه أكلم اختي مستوره ولا يهمك هي اللي تقدر تجيب المبلغ.. مضمونه / بعدين أقول لك ويش هي العمليه قصه طويله عريضه تبي لها جلسه ماتصلح على التلفون. نديمه / أوكي انا انتظر منك اتصال..مع السلامه..انتهى الجزء...اعطونا توقعاتكم.. أ – الحوار الذي جرى مع وضاح وتغريد.. ب – ماذا سيجري لمطنوخه هل تستسلم... ج –هل تحصل مضمونه على المبلغ لإجراء العمليه.. لغز الجزء(18) منطقه ومصيف بإحدى الدول الخليجيه يتكون اسمها من (4) حروف فماهي؟ 1 – 4 – 2 = بمعنى زواج 2 – 1 – 3 = مرتبط بالحج 1 – 2 – 4 = عكس يسر 3 – 2 – 4 – 1 = يريد الوصول بأقرب وقت يالله شدوا حيلكم وموفقين ان شاء الله حقوق الطبع محفوظه للسحاب(الساري) |
|
 |
تويت
تعليق