تويت
رواية ضحية الحب المستعار
(ضحية الحب المستعار) السلام عليكم ورحمة الله وبركاته هذه نبذه عن الروايه..وهي واقعيه ودائما ..ماتحصل في مجتمعنا... والله يهدي الجميع.. عائلة(وضاح) الأب /اسمه وضاح الأم/مطلقه وتزوجت من رجل اخر البنت الكبرى اسمها مستوره..متزوجه وتعيش مع زوجها.. البنت الصغرى اسمها( نديمه) والتي تدور حولها الروايه.. زوجة وضاح الثانيه اسمها(تغريد)تكون خالة نديمه.. عندها ولد صغير يبلغ من العمر(4 سنوات) اسمه هلال ...... عائلة(صياد) صياد /شاب عمره(22 سنه) زوجوه أهله بالغصب يحب الصداقات مع البنات ويحب المغازل عنده قدرة النصب والإحتيال على البنات شاب وسيم بمعنى الكلمه..ويوم مع فلانه واليوم الثاني مع غيرها..مازال بسن المراهقه.لم يمضي على زواجه سوى (4 أشهر).. زوجته/ إسمها مجروحه.. وسيتم تنزيل الجزء الأول عن قريب ان شاء الله...نأمل المتابعه وابداء الاراء تحياتي وتقديري للجميع... حقوق الطبع محفوظه(للسحاب الساري) نشوف التفاعل أولا وردود الأعضاء قبل مانبدأ |
|
 |
-
-
رد: ضحيـــة الحب المستعـــار
ساكون من المتابعين
واسمها لفت انتباهي
بس عندي سؤال ليش مسمي الام مستوره وزوجت صياد مجروحه مع انه متماشي مع دورها لانها يبدو رح تصبر وتنجرح منو كتير بس بتمنى تكون شخصيتها قويه
تحياتي لك
Sent from my GT-I9060 using منتدى عبير mobile appالتعديل الأخير تم بواسطة ورده قيودها من اشواك; 21-02-2015, 07:13 PM. -
رد: ضحيـــة الحب المستعـــار
بإنظارك بشوق
اخوي يالغلا الله لايحرمنا منك ولا من جديدك
ع ووووافي عساك ع القوه .."تعليق
-
رد: ضحيـــة الحب المستعـــار
الجزء الأول
من رواية
ضحية الحب المستعار
وضاح /ينادي زوجته تغريد ويسألها عن نديمه..
تغريد / نديمه بغرفتها تذاكر دروسها تبي اناديها لك..
وضاح / ناديها الله يرضى عليك وبسرعه..
تغريد / تروح لنديمه وتدق عليها الباب..
نديمه / نعم ياخالتي تبين أخدمك بشئ..
تغريد / لا يابنتي مشكوره لكن ابوك يسأل عنك ويقول خلي نديمه تجي أبيها وبسرعه..
نديمه / نعم يابوي خير فيه شئ تبي أخدمك بشئ...
وضاح / لا..يابنتي لكن لاتنسين ان اليوم الخميس وانا عودتكم ان كل خميس يكون عندي اتصلي على اختك مستوره وبلغيها..
نديمه / حاضر يابوي وتتصل على مستوره..الو...الو..
مستوره / أهلين وسهلين اختي نديمه كيف حالك وكيف حال ابوي وخالتي ان شاء الله بخير وعساها ماتقسى عليك ترى بعض الخالات ماتدرين ويش ويش يجيك منهن...
نديمه / انا بخير يامستوره وخالتي تسلم عليك والله انها معي مثل العسل..لكن ابوي فال اتصلي على اختك على شان الغداء لأن اليوم الخميس وابوي معودنا على كذا...
مستوره / ايوالله ذكرتيني كنت ناسيه لو ماقلتي لي..
نديمه / خلاص يابوي مستوره جايه بالطريق..
مستوره / تحضر وتسلم على ابوها وعلى اختها وخالتها وتدخل على المطبخ تساعد خالتها على الغداء...
تغريد / الله يرضى عليك يامستوره روحي ارتاحي مع ابوك وسولفي معه مسؤلية الغداء خليها عليه انا...
مستوره / اللي يريحك ياخالتي وعساك على القوه...
تغريد / يالله ياوضاح ويامستوره ويانديمه الغداء جاهز على الطاوله...
وضاح / يالله يابناتي قولوا بسم الله الرحمن الرحيم وتغدوا وياهلا ويامرحبا فيكن والله خالتكم ماقصرت ونعم الزوجه.انا لاخلصت من الغداء ابارتاح لي شوي على شان ننزل للسوق سوا...
نديمه / إيه يابوي انت مواعدني تجيب لي جهاز لاب توب اللي طلبوه مني للمدرسه..
وضاح / مايكون بخاطرك الا الزين يابنتي...
نديمه / ياسلام....ياسلام..ابوي يبي يجيب لي لاب توب وواصير مثل الخلق والعالم...خالتي ممكن اطلب منك طلب ولا تخجليني...
تغريد / أطلبي يانديمه انتي بحسبة أولادي ولا يهمك...
نديمه / ابيك ياخالتي تكلمين ابوي يجيب لي مع الاب توب جهاز تلفون ايفون والله صديقاتي يضحكن عليه اذا شافن جوالي لأنه من النوع القديم ولا فيه واتس اب ولا أيت برامج الله يرضى لي عليك...
تغريد / ولا يهمك يانديمه بإذن الله ان يكون عندك الايفون اليوم...
وضاح / يتجه للسوق ومعه نديمه وتغريد ويوصلون للمحلات..انا اباروح اصلي العصر خلوكم بالسوق الين تفتح المحلات..
فتحت المحلات يالله يانديما وياتغريد إنزلوا خلونا نشوف المحلات...
تغريد / ممكن أطلب منك طلب ياوضاح ولا تقولي ..لا..
وضاح / لاتكونين تبين بعد لاب توب..
تغريد / لا ..ياوضاح الكمبيوتر كله مادخل مزاجي لكن ابيك تجيب لنديمه جهاز تلفون ايفون ترى جهازها قديم والعالم تضحك عليها...
وضاح / ماهو انا اللي ينضحك على بنتي أبشري رايح أجيبه لها لو ايش ماكان..
نديمه / ابوي...خالتي شوفوا المحل هذا ويش رايكم فيه(صياد للإتصالات)
تغريد / والله اسمه نادر من نوعه يالله خلونا نسأله ويدخلون على المحل يتقدمهم وضاح...
وضاح / السلام عليكم ورحمة الله وبركاته..
صياد /وعليكم السلام ياهلا فيكم المحل محلكم ان بغيتوا كاش أو تقصيد شعارنا الصدق...
وضاح / من كلامك ياولدي أكيد صادق يالله يانديمه تعالي شوفي الأجهزه اللي تعجبك وخوذيها كلها من هالمحل... وشوفي ويش طلباتك من البرامج..
نديمه / سرح فكرها..شاب وسيم أمامها وكلام زي العسل...ويحكيها ابوها ماترد..تشتت أفكارها.ويش هالجمال أول مرهأشوف شاب بهالوسامه...
صياد / بنفس التعابي التي حصلت مع نديمه ولكن بينه وبين نفسه..في هذه الأبيات..
والله وقعتي في يدي يانديمه
............وقت الندم ماينفعك عضة إبهامك
نيتي خداع وانتي نيتك سليمه
........وباخر زمانك تبي تضيع كل أحلامك
نديمه / إيه يابوي ابي هذا الجهاز وتحميل جميع البرامج ويسجل إميل وتلفون ايفون ويحمل جميع البرامج وأهمها الواتس اب..
وضاح / هاه ياصياد كل اللي هي اطلبت عندك والا..لا..
صياد / كل الطلبات عندي موجوده لكن البرمجه تبي لها وقت مع ادخال البرامج....
وضاح / طيب ويش المطلوب الان...
صياد / ابي رقم التلفون اللي له الايفون على شان ابرمج الواتس عليه بالجهاز...
وضاح / عطيه الرقم يانديمه..
نديمه / هذا رقمي (0500000001)..
صياد / خلاص نصف ساعه تحصلون كل شي جاهز....انتهى الجزء الأول وماذا تتوقعون للجزء الثاني..
لغز الجزء الأول...
المطلوب منكم اكمال القصيده بعلامات الإستفهام...
وهي لشاعر معروف ومشهور وبالتحديد من القصيم
تعزيت أهوم الصبر والصبر ما أطيقه
........................عيوني من(؟؟؟؟؟؟؟؟؟؟؟)
ألا يا عيوني من طوى الهم والضيقه
....................إلى أقبل سواد(؟؟؟؟؟؟؟؟؟؟؟؟)
يالله شدوا حيلكم وموفقين
حقوق الطبع محفوظه للسحاب(الساري)التعديل الأخير تم بواسطة السحاااااااااااب; 22-02-2015, 07:44 PM.تعليق
-
رد: ضحيـــة الحب المستعـــار
تعزيت أهوم الصبر والصبر ما أطيقه=عيوني من الفرقا شقاها يلاحقها
ألا يا عيوني من طوى الهم والضيقه=إلى أقبل سواد الليل هلت غوارقها
أنا إنتل قلبي وانصرم من معاليقه=جزع وانمزع والروح شبت حرايقها
ألا يا وجودي وجد من قل توفيقه=غدا له ذهيب جرته ما يعتقها
اللهم أني أسالك رضاك والجنه والنجاة من النارتعليق
-
رد: ضحيـــة الحب المستعـــار
بداية موفقة ورائعة
ارجو الاستمرار
متابعين معك
يعطيك العافيةتعليق
-
رد: ضحيـــة الحب المستعـــار
تعزيت أهوم الصبر والصبر ما أطيقه
عيوني من الفرقا شقاها يلاحقها
ألا يا عيوني من طوى الهم والضيقه
إلى أقبل سواد الليل هلت غوارقها
أنا إنتل قلبي وانصرم من معاليقه
جزع وانمزع والروح شبت حرايقها
ألا يا وجودي وجد من قل توفيقه
غدا له ذهيب جرته ما يعتقها
"
"
"
سلمت ولاهنت يالغلا هاذي رائعه جديدة
من روائعك وانا سأكون من المتابعين بإهتمام
بإذن الله دمت ودام لنا قلمك الراقي وروعة فكرك
ل روحك اطيب التحايا وخالص الود .."تعليق
تعليق