بسم الله الرحمن الرحيم
السلام عليكم.. حبيت انزل لكم روايتي الاولى( واغار من كف الهوى اذا شال عطرك وانتي لي) واتمنى انها تنال اعجابكم ولكن ابغى تفاعلكم معي بالردود الجميله واقبل اي انتقاد لان انتقادكم هو سيفي ولكن اتمنى ان لا يتضمن الانتقاد السب والتجريح ولا احلل او ابيح من ينقل الروايه بدون ذكر اسمي..
مدخل:
واحساس قلبي اجر الشداد في حبك هدب
كسرنا صخر جابه الوادي وحدر من علي
وانا عليك اغار وان حرك طرف ثوبك مهب
واغار من كف الهوى لا شال عطرك وانت لي
يا اصدق من عيوني اذا هالكون بعيونك برد
يا مبتدى يا منتهى يا اخري يا اولي
(البارت الاول1)
كانت في المول بتشتري هديه لصاحبتها لانها ولدت و هي تتمشى صدمت بصدره العريض وما حست الا بريحة عطر رجالي قويه تمكنت منها ووصلت لرئتها لكنها رجعت على ورا بسرعه ولفت عشان تبعد عنه مشت بسرعه وهي ميته خوف وتندب حظها الي خلاها تصدم في وما تنتبه للي قدامها.. اما هو وعى من سرحانه الي كان على شكلها بالعبايه المخصره واللثمه الي خلت منها شي خيالي مع شنطتها اليد الي كانت بلون بيج وحاول يمشي وراها بدون ما تحس فيه ودخلت محل ملابس اطفال عشان تشتري هديه للبيبي لكنه ما دخل وراها بس وقف قريب من المحل ينتظرها تخرج وفعلا خرجت بعد شوي واول ما خرجت راح وراها يبي يغازلها لكنها فاجاته بنظرة الاستحقار وتهديدها انها تنادي رجال الامن اذا ظل يلاحقها وانها حاسه فيه من اول ما بدا يلحقها وراحت اما هو انقهر منها لانهاول وحده تستحقره وتهدده وقال في نفسه/هين ان ما خليتك تزحفين وراي ما اكون عزام…..............( عزام: عمره20سنه شكله جذاب مررره يعني حلم كل بنت ودايما البنات يخقون عليه بس هو ما يعطيهم وجه لكنه مغرور وشايف نفسه بزياده ورافع خشمه ع الكل الا اهله)اتصلت هي على السواق عشان يجي ياخذها من المول على بيت صاحبتها وجا بعد عشر دقايق السواق ووصلها لبيت صاحبتها لمى الي تعرفها من زمان……………… (لمى: تؤام عزام لكنها متواضعه حيييل ومرجوجه وجريئه مرره عمرها 20)دخلت البيت بعد ما فتحت لها الخدامه الباب وسالت الخدامه عن مكان لمى.. الخدامه/ماما لمى في الصاله.. سلمت على لمى بحراره وفصخت عبايتها الي كانت تخفي تنوره سودا سترتش مخصره ع الجسم وقصيره من قدام ل ¼ الساق ومن الخلف لها ذيل طويل نسبيا وبلوزه بيضا كم طويل مصفطه اطرافها بزرار فضي لماع ولها ياقه دائريه مرتفعه مفتوحه من عند الصدر شوي وفوقها جاكيت عباره عن بودي ساتان اسود من تحت الصدر بس مغلق بزرارين فضيه تلمع وشعرها الي وصل لنهاية اكتافها بلونه الكاكاوي الفاتح وقصته المدرجه تركته منسدل وكانت ماسكه الطرف الايمن بمشبك على شكل فراشه فضيه والطرف الايسر كذلك ومو حاطه الا ماسكارا وراسمه عيونها وختمت كشختها بشوز اسود واطي عباره عن خيوط متضاربه على رجلها لحد ما تنربط بشكل ورده على نهاية الساق اما بالنسبه للمى فكانت لابسه فستان قصير لتحت الركبه ليموني ومقلم برمادي فاتح وشريطه تحت الصدر مخمل رماديه وكانت رابطه شعرها ذيل حصان بشريطه ليمونيه على شكل فيونكه ومنزله كم خصله قصيره على وجهها بشكل يجنن وحاطه بس ماسكارا وروج وردي كانت انوثه ونعومه متجسده بعد السلام الحار ..لمى/والله محلوه ي دوب
جوري بغرور مصطنع/ادري.
لمى/ي شين الواثقه…………… ..……… .… (جوري: عمرها 19تدرس في الجامعه صديقة لمى الروح بالروح مرره طيبه اما شكلها بيضا مرره شعرها كاكاوي فاتح يوصل لنهاية اكتافها وعيونها وساع ولونها عسلي فاتح تدوخ الي ما يدوخ ورموشها كثيفه وشفايفها ممتلئه بشكل مغريرولونهم وردي خلقه وخصرها منحوت يعني باختصار فتنه)وكملت جوري /اي صح فاتك اليوم في المول صار لي موقف خطيير
لمى بحماس/ وش صار
جوري/كنت امشي…( وعلمتها بالسالفه كلها)اما لمى دخلت في نوبة ضحك طويله وجوري تنرفزت من ضحك لمى المتواصل فقالت بنرفزه/لمى وش الي يضحك بكلامي??.. لمى ما قدرت ترد من الضحك ..جوري بعصبيه اكثر/لمى ووجع قولي ايش فيك?.. واخيرا ردت لمى/يالخبله لك ساعه تتكلمين واخوي واقف من اول عشان تروحين ويتعدى هو… اما جوري وجهها صار اشارة مرور وراحت بسرعه لاول غرفه جات عليها عينها دخلت الغرفه وسكرت الباب بسرعه.. لمى/عزام تعال ما في احد جا عزام وكان لابس تيشيرت ليلكي ومكتوب ع الصدر بابيض كلمات انجليزيه وبنطلون جنز كحلي محكوك بابيض معجزمه سبورت بيضا( وانتوا بكرامه)وراح غرفته على طول بدون كلام استغربت لمى من حركته لانه مو من طبعه يطنشها ويمر من عندها بدون ما يعبرها ولا حتى بنظره كانت بتناديه بس بطلت لانها توقعته معصب وهو كان فعلا معصب من حركة البنت الي غازلها اليوم في المول( جوري)راح بسرعه وفتح باب غرفته وتفاجا بالي واقفه فغرفته…… هنا نهاية البارت الاول ولكن هل هي بدايه موفقه لروايتي??