يايمه ضميني .....أدري ما تغدريني
إذا كنت في صدرك ... في ظهري أعرفك ... ما تطعنيني
//
يايمه .... ضميني
\\
أبي أحس بحضنك بالأمان
من هالزمان ... وهالمكان
والأصحاب ... والأقراب ... وكل هالأمه
وأنسى نفسي ثواني ... وما أعاني ... من زماني
وأنسى هالعالم وغمه ... يايمه
<
أبي أحكي لك ... عن إلي جرا فيني
وبشكي من سنيني
و كيف حزني عجزت... يايمه ... ألمه
أنا أحزاني مطر...عيا يتوقف
كلما قلت : انتهى ... رجع ثاني ينهمر
ويبرق ... ويرعد ... وتتكاثف غيومه
//
يايمه ضميني .....أدري ما تغدريني إذا كنت في صدرك
وأنا بالعمر دوبي ...تايه في دروبي
ماعرفت الفرح ... بس أعيش الجرح
ولو أشوف الفرح مقبل من بعيد
واستبشر بالشي الجديد
قبل لا يجني ...يفنى وينتهي عمره
وأنا بعيني أشوفه ... لما يموت.... وقلبي يذبحه همه
//
\\
يايمه ليه الدنيا أذى؟!!
وليه الناس مو مثلك كذا ؟!!
قلبك كبير ... ولناس تتمني الخير
وهم من الثاني وده... لو يشرب من دمه !!
يايمه ... ليتني مثلهم والله
وأعيش... مثل باقي خلق الله
ولا اهتم .... وأعيش بهم
ويجرعني الألم سمه
//
ضميني يا يمه ...ولو بكيت ؟
لا تسألني أش فيني ؟... ولا تهديني ... خليني
أبي ارتاح عندك ... أبي تلميني في حضنك
وعطرك ودي أشمه
أحس برد.... داخل عظامي
وأحس إني بعد ظامي... وأنا رويان يا يمه
من إلي فيني .... ألخبط بعمري
مدري وش إلي راح... وإلي جاء كمه
//
\\
ضميني... بالحييييل يمه ترى حيل تعبانه
؛؛؛؛
(الله يخليك يمه والله دنيتي من دونك ما أبيها )