رد: حسبتك عديم احساس و صرت لي كل احساسي

الله يعطيك العافية أختي
روايتك حلوة وفكرتها مميزة
الله يوفقك وبنتظارك :)

رد: حسبتك عديم احساس و صرت لي كل احساسي

{البارت الرابع}

'

كلنا عندنا تجارب خاطئة في حياتنا؟
بس لما نعرف إننا غلطنا، ونصحح الغلط، ونتعلم منه، مانحب إن أحد يرجع يذكرنا به بأي طريقة -لإننا نكره أنفسنا وقتها-




-لينا تدخل متوتره و تجي عندها ريم و تمسكها : هذي لينا بنت سالم
ام خالد : هلا حبيبتي تعالي و تروح تسلم عليها
ريم ؛ هذي عمتك الجوهره
ام تركي : تعالي حبيبتي انا عمتك فوزيه
-وسلمت عليى عماتها و حريم عمانها و البنات -
ام طارق : بنات ما شفتوا غاده
ريم : راحت بالحمام
لينا بصوت واطي : لا ياعمه هي كانت فوق
ريم بإستغراب : فوق ليش راحت فوق
لينا : سلمت علي انا و مازن
ريم بصدمه : ايش
لينا : ايه حتى سعود سألني عن اخوي قلت له مع غاده و عصب جد ليش سعود عصبي كذا دايم
ريم قامت بسرعه و راحت تدور غاده
لينا استغربت وش فيها قامت ذي كذا
ريم تدور غاده لقتها فالمغاسل تبكي
غاده : عمه بس بطني يوجعني
ريم بعصبيه : ما سألتك
غاده استغربت و ريم تعطيها كف
غاده تبكي زياده : عماه
ريم بعصبيه : دريت انك معجبه بمازن بس مو تروحين له وش بيقول عنك سعود وش يقول انتي ما هموك اهلك ما همتك امك يقولون ما عرفت تربي
غاده تضم ريم : عمه و الله انا مو كذا بس انا كنت غبيه صدقت فاتن بكل شي
ريم : فاتن وش دخلها
غاده : اقولك كل شي بعدين انا قايله لامي اني بنام عندك
ريم تهدى شوي : خلاص امشي معي لغرفتي اضبط شكلك
غاده : طيب
-
مشعل : مازن ترى بكره تسهر عندنا بنفلها زي زمان
مازن : وش فيكم علي انا الحين بقعد عندكم دايم يعني خلوني شهر ارتاح
خالد : ترتاح من ايش
محمد يغمزله عشان يسكت
مازن : بس تعبان شوي - ويطلع -
محمد يلتفت للعيال : يا كلاب امه ما صارلها خمس ايام ميته
العيال : الله يرحمها
ابو مازن : يا عيال وين مازن
العيال : طلع برا
ابو مازن طلع : مازن
مازن التفت : هلا يبا
ابو مازن :يلا بندخل نسلم على عماتك
مازن : طيب
-
الجده: يا بنات مازن بيدخل
تغطوا البنات
دخل مازن و ابوه و عمانه
فوزيه : هلا بإخوي سالم هلا-و سلموا -
ابو مازن : لينا عرفتي الحين عمانك و عماتك كلهم
لينه تبتسم و تهز راسها
ابو طارق يضمها : الحين بأي سنه
ابو مازن : ثاني ثانوي
ابو طارق : سجلتوها بالمدرسه
ابو مازن : لا تو
ابو طارق : خلاص بسجلها مع غاده
ابو مازن : ايه احسن
ابو طارق : و مازن انت اي سنه بالجامعه
مازن : انا اخر سنه الحين
ابو طارق : ما شالله ربي يوفقك
مازن : امين وياك
ابو مشعل : الحين بتضبط بيتك و تسكن فيه
ابو مازن : ايه ان شالله
ابو سعود ؛ مالك داعي يا سالم ابوي و انا نبيك هنا
ابو مازن : بيطول البيت ترى بعدين بتطفشون منا و تطردونا لبيتنا و تشوفون هههههه
ابو سعود : لا من جدي يا سالم بيتك ضبطه و خله لمازن اذا تزوج و انت اقعد هنا
ابو مازن : هههههه خلاص يصير خير
- و طلعوا و تعشوا و كلن راح لبيته الا البنات -
غاده تمسك لينا بعيد : لينا اسمعي لا تقولين لاحد اني سلمت على مازن لان ما شالله ما بقيتي احد ما علمتيه
لينا : بس علمت سعود و عمتي ريم
غاده : ما قصرتي هههههه
لينا : لا جد غاده ليش سعود و ريم عصبوا يوم دروا
غاده : لانه عيب و غلط عندنا بنت تسلم على ولد
لينا : اها لا انا ما رح اعلم احد
غاده : حبيبتي انتي
فاتن تغمز لغاده : و ش عندكم تتساسرون تاخذون اخبار الحبايب
غاده تطالع فيها ببرود : وش تبين
فاتن تسأل لينا : وش عندها غاده
لينا تناظرها منصدمه : وش دخلك بعدين انتي مين
غاده : ههههههه من تدخل فيما لا يعنيه سمع ما لا يرضيه
لينا : غاده مين هذي
غاده : هذي فاتن بنت عمك محمد متوفي من زمان و عنده ولد اسمه بدر
لينا : اها
فاتن : غاده انتي وش فيك متغيره علي
غاده : ما فيني شي وش فيني
فاتن : ما ادري - و تروح-
لينا : غاده ما حبيتها هاذي
غاده : ايه هي كريهه ما عليك تعالي نروح عند ريم
-راحوا عند ريم و البنات -
مرام : لينا تعالي اجلسي هنا
لينا : طيب
غاده : لينا تعرفين كل البنات
لينا : لا
غاده : هذي
مرام تقاطعا : انا مرام بنت عمتك الجوهره انا كبرك
غاده : بسم الله قولي قصة حياتك
لينا : ههههههه ايه عادي
مرام : ايه و ش فيها المهم و هاذي اختي نوره بثاني جامعه
لينا : طيب بنات عمتي فوزيه وين
غاده : عمتي فوزيه ما عندها الا بنت وحده ثريا بس شكلها تحت
لينا : طيب غاده انتي بعد ما عندك خوات
غاده : لا بس عندي اخوان اثنين
لينا : معليش عالاسئله بس عشان اعرفكم
مرام : ههههه اصلا لو ما سألتي كان علمتك ايه و هذي عبير بنت عمك عبدالله بعد ما عندها خوات
لينا : احس العايله عندها فقر بنات العيال اكثر شي
غاده : ايه صادقه ههههههه
-سمعوا طق الباب -
و دخل ابو مازن : كيفكم يا بنات
البنات : بخير
راح و جلس جمب لينا : مبسوطه مع البنات
لينا تبتسم : ايه
ابو مازن : بس كنت بطمن عليك قبل ما انام بتنامين هنا
لينا : لا بابا بروح معك
مرام : وين وين الي ساعه اعرفك عالبنات و تقطع حلقي اخر شي ما رح تجلسين عندنا مو بكيفك
لينا انحرجت
ريم : مرام يا ام لسان خلي البنت على راحتها البنت حيويه
مرام : خلاص وش قلت امزح يا لينا ترى
ابو مازن : هههههههه ما عليه بنات بعدين تتعود عليكم
-و راحوا -
مرام : يا حبي لخالي سالم احس اخذ راحتي معه اكثر من خوالي الباقين مع انه بعيد عنا
عبير : ايه و الله
غاده : وش رايكم بلينا
نوره : مره حبيتها
مرام : ما كأنها كبري احسها بزر
ريم : تدرون قبل العشاء تهاوشت انا و هي
غاده : اما ذي النتفه تتهاوش
ريم : ايه عشان شي سخيف واضح ان نفسيتها تعبانه
غاده : ايه يا حياتي امها توفت ثم شدوا هنا عاد هي ما تعرف احد مازن اشوى يعرفنا من يوم هو صغير
مرام : جد ليش هي قبل ما تجي
ريم : اتوقع متعلقه بأمها
عبير : طيب ليش ما تجي هي و امها
ريم : ابوي يوم تزوج سالم قال مرتك ما تطب السعوديه
غاده : اما جدي كان رافض
ريم : ايه فالبدايه بس بعدين رضا بس ما يبي مرته تجي و سالم كان يحب مرته و سوا شركه بأمريكا و عاش هناك
عبير : عشان كذا يوم ماتت مرته شد و رجع
ريم : ايه يقول ما عاد عندي شي عشان اقعد علشانه
مرام : يا حياتي
ريم : بس بنات لا تعلمونها و لا تعلمون احد و خصوصا فاتن
نوره : ايه اكيد
غاده : على طاري فاتن بقولكم شي
ريم : قولي قولي من اولا استنا
غاده : انتم تدرون ان فاتن تشك انه سعود يحبني
مرام : فاتن لو بس سلم علي سعود بتقول وش سويتيله
غاده : المهم قد قلت لها اني معجبه بمازن و بأخلاقه و الله يا بنات بس قلتها كذا يعني مو قصدي شي انتم تعرفوني
ريم : تلقينها تفكر بشي ثاني
غاده: بعدين جتني و قالت ان اخوها بدو يقول ان ما زن يحبني بس فاتن قالت لبدر اني احب سعود و علم بدر مازن و قال اني طحت من عينه المهم علمتني هالكلام بالحديقه و قالت ابعد عن سعود و دفتني و طحت عالارض انا ما صدقتها بالبدايه بس جاني مازن و كان خايف علي و يقول وش فيك ووقفني و انا صدقت كلامها و ضميته و بكيت و قالي بنفس نبرت الخوف وش فيك قلت لا تتركني
ريم : يا الخبله وش سويتي
غاده : فاتن كانت تقوللي ولد عمك و يحبك اكيد بيتزوجك حسيت ان ذا الشي عادي
ريم بعصبيه : لانك خبله
غاده بعصبيه : ادري بس خليني اكمل لان بعدك ما سمعتي شي
مرام تربعت : ياويلي يعني هذا و لا شي وش مهببه
غاده تطالع بريم بخوف : شافنا سعود
ريم بصدمه : ايييش
غاده : و كنت ابثبت لمازن اني ما احب سعود ناظر فيني مازن عشان اعلم سعود السالفه لانه كان معصبه
نوره : وش قلتي له
غاده بتردد : قلت لسعود انا احب مازن و جاني و ضربني و بعدها تهاوش هو و مازن حتى مازن قالي يا كلبه انصدمت من نفسي ذاك اليوم بس قلت مازن قال كذا لان سعود موجود و اذا جا بتفاهم معه
ريم : عشان كذا رحتي اليوم له فوق
مرام بصدمه : نعم نعم رحتي له اليوم
غاده : ايه و بعد شافني سعود
ريم بصدمه : بععد
نوره : معليش غاده طحتي من عيني
ريم : مو بس انتي يا نوره
غاده تبكي
مرام : بنات افهموها هي تعلمكم عشان تنصحونها
ريم : بعد ايش بعد ما كشفتها
مرام ؛ وش قلتي له يوم رحتي
غاده : قلت له ليش تعاملني كذا قال اني زي اخته بس
ريم : زين قالك زي اخته لو اني مكانه بقول انتي زيك زي الجزمه
مرام : ريييم خلاص خلي البنت تكمل
غاده : قلت له وش قالت لي فاتن قال اني غبيه اصدقها و جا سعود ضحك علي بس مازن فوق كل هذا دافع عني عند سعود و قاله اني مالي ذنب و اعتذرت و رحت اركض و بس و ترى سعود و مازن متهاوشين بسببي
ريم : حسبي الله عليك الكل يفكر وش اللي غيرهم
مرام : لحظه ريم انتي قريبه من سعود حيل صح
ريم بإستغراب : ايه ليه
مرام : طيب قولي الصدق هو يحب غاده صح
غاده بصدمه : مرام وش هالكلام
مرام : اص انتي ما اكلمك
ريم بتوتر : بصراحه قبل ايه بس الحين لا و انا كنت مستغربه بس عرفت السبب و ما الومه الصراحه
غاده تبكي : حسبي الله على فاتن و الله انا مو كذا نكفين ريم صالحيهم مع بعض قوليلهم غاده الغبيه اللي فرقتهم
مرام تضم غاده : خلاص لا تبكين الحين بتجي فاتن و بتشوفك بهالحاله
- نهاية البارت -
اتمنى يعجبكم :$

رد: حسبتك عديم احساس و صرت لي كل احساسي

مره روووعه البارت
تحمست مع الأحداث كمليها
متابعه لك ^.^


لا اله الا الله محمد رسول الله

رد: حسبتك عديم احساس و صرت لي كل احساسي

رائعه/صراحه مبدعه وخيالك واسع/


طموح

رد: حسبتك عديم احساس و صرت لي كل احساسي

كملي قصصك واستمري وموفقه بس حاولي الهدف يكون بناء للمجتمع على الاخلاق الحميده


طموح

رد: حسبتك عديم احساس و صرت لي كل احساسي

وين باقي الرواية تحمسسسست للاحداث

رد: حسبتك عديم احساس و صرت لي كل احساسي

حلوه استمري
اتمنى تكمليها
يعطيك العافيه

رد: حسبتك عديم احساس و صرت لي كل احساسي

ان شاء الله يكون تأخيرك خير
كتير حابة اعرف شو رح يصير بعدين
ياريت تكملي