رد: رواية انت ملكي

الرواية بدايتها وايد حلوة ومشوقة ..
حبيتها ياريت ماتطولين علينا واليد وانتي تنزلين البارتات نحترق واحنا ننطر البارت الجديد..
اتمنى المانع خير وماتنسينا ببارت حلو من ايدج الحلوة..


Sent from my iPhone using منتدى عبير

رد: رواية انت ملكي

السلام عليكم ..
انا اسفه على التاخير بس والله صارتلي ظروف وانشغلت وكل ما فضيت اكتب شوي وانشاءالله بكره بنزل البارت .. واعتذر مره ثانيه على التاخير

Sent from my GT-I8160 using منتدى عبير mobile app

رد: رواية انت ملكي

بليييزز حاولي اليوم .. باجر مدرسه.. >_<

رد: رواية انت ملكي

من عيوووني .. والحين بنزل البارت واسفه مره ثانيه على التاخير

رد: رواية انت ملكي

السلام عليكم ورحمة الله تعالى وبركاته ..
اسفه على التاخير بس والله كنت مره مشغوله وكل ما افضى اكتب شوي
{ملاحظه} :: مرام ومنار نفس الشخصيه بس انت غلطت والاسم مرام..
البارت الرابع:
~~بيت ابو سلطان~~

نسرين: حبيبي.. سلطان عمري .. سلطان
سلطان : ............
نسرين صارت تهزه: سلطان قوم الله يخليك حبيبي ابي اروح عند ريما قوووم
سلطان بصوت رايح من النوم: بعدين اوديك
نسرين برجاء: حبي عشاني يلا بيبي ابي اروح تكفى
سلطان سحبها وحظنها لصدره وهي تحاول تفك نفسها
نسرين: اووه سلطان حرام عليك صارلي ساعه اتجهز خربت شعري
سلطان: الحين ريموو الهبله احسن مني ؟
نسرين باست عيونه: مافي احد بالدنيا كلها احسن منك انت حياتي كلها بس والله اشتفت لها الكل زاروها الا انا
سلطان بخبث: لالا بعد هالكلام تبيني افكك والله لا انسيك ريما وطوايفها كلهم
ريم وجهها قلب مية لون: سلطان بعد عني صاير قليل ادب
سلطان : ههههههههههههههههههه ياهوووو خجلك يضيعني
نسرين دزته وقامت بسرعه: خلاص بروح مع السايق
سلطان بضحكه: هههه لا والله مافي طلعه اليوم
نسرين بزعل : سلطان والله حرام عليك صارلي ساعه اتجهر وحمودي ويوسف فرحانين بنطلع يلا عاد
سلطان تقدم لها وباس راسها : من عيوني حبيبتي باخذ شاور ووصلكم
نسرين: الله لا يحرمنا منك -وراحت تجهز ملابسه-
~~بيت ابوليان~~
دخلت غرفتها وسكرت الباب بسرعه
ليان: هلا حبيبي
......: اهلييين لاحلى ليان بالدنيا
ليان جلست على تسريحتها: هههههه شلونك حياتي
........: تمام وانتي؟
ليان بحب: دامك انت بخير انا باحسن حال الحمدلله
....... : دوووم يا عمري .. بتروحين اليوم بيت عمي الله يرحمه
ليان : اي بروح باذن الله
......... : لولو ماله داعي كل ماشفتي فهد او علي تسلمي وتتكلمي معاهم
ليان: مروان انا ماسوي شي غلط اسولف معاهم عادي وقدام الكل
مروان بنرفزه : ولو انثبري مع البنات وماله داعي كل مره تنرفزيني عشان نفس الموضوع
ليان: هييييه حبيبي لا تعلي صوتك وبعدين كيفي لنا ماسوي شي غلط
مروان بصراخ: ليان اسلوبك هذا مو معي فاهمه
ليان خافت من عصبيته بس مابينت: لا مو فاهمه
مروان : اها اوكي اليوم بفهمك -وسكر بوجهها-
دخلت عليها حلا معصبه : منو كنتي تكلمين
ليان بنرفزه : مو شغلك طلعي برا
حلا : ليان الي تسوينه غلط وابوي اذا عرف والله بيذبحك
ليان وقفت وجرتها من يدينها ودزتها برا الغرفه : اولا مو شغلك، ثانيا انا اكبر منك وادرى بمصلحتي ويلا يلا بلا هذره زايده - وصفقت الباب بوجهها-
~~بيت ابورعد~~
الكل مجتمع بالصاله يتقهوون والاوضاع متكهربه
الرعد ببرود : يمه شوفي الي ناقص عشان الملكه واعطيني خبر
ام رعد ناظرت الريم الي مشغوله بجوالها وقالت : انشاءالله ريما حبيبتي ناقصك شي ؟
الريم ببرود : مثل شنو ؟
جومانه خافت من هدوؤها وقالت : احم يعني لوازم الحفله امم يعني الفستان و بعد لازم نحجز بمشغل
ريما بسخريه : وليش كل هذا ؟ لايكون بتتزوجين وانا اخر من يعلم ؟
الرعد ناظرها : جومانه قريب بتتزوج بس الاسبوع الجاي بتتزوجين انتي ؟
الريم : هههههههههههه لا والله احلف وانا اصدقك ..
الرعد بصراخ : تستهبليييييين
الريم وقفت وقالت بصوت اعلى : اي استهبل كالك دخل فيني والله لو تذبحوني مابتزوج واحد مثلك مريض نفسيا وشكاك
الرعد وقف ببرود وراح لها، ام رعد وقفت بينهم ومسكت يد ابنها
ام رعد : اذكر الله يا ولدي خلاص الزواج مو غصب وانتوا ما صار بينكم نصيب
الرعد ناظرهم ببرود وقرب من ريم وهمس فاذونها وبعد عنها وراح
الرعد وهو يمشي : خمس دقايق وانتي عندي بالمكتب
~~العصر ببيت ابو رعد~~
كل البنات قاعدين بالصاله (جومانه،نسرين،المها،مناير،ندى،ليان،حلا.)
نسرين : افول جوج وينها ريما مو كانه تاخرت
جومانه بارتباك : ها ههه اي اي اصلا هي كانت اممم يعني كانت تاخذ ا شاور ووالحين بتنزل
نسرين شكت ان في شي صاير بس ماحبت تضغط عليها
بعد ربع ساعه نزلت ريم وكانت لابسه *بلوزه باللون الاحمر الغامق وتنوره جلد سوده لفوق الركبه بشوي (البلوزه مدخله تحت التنوره )وكعب عالي اسود ومن تحت احمر (نفص تصميم لوبوتان)وشعرها مفتوح وسوته كيرلي ناعم، ومكياجها اكتفت بكحل داخل العين وايلانر رفيع ومرطب شفاه*
نسرين اول ما شافتها فزت وضمتها بقوووه
نسرين وهي تبكي: ا والله اشتقتلك والله
ريم تشهق بكاء : وانا بعد يابعدهم كلهم
|الريم ونسرين اصحاب مررره واسرارهم عند بعض|
وجلسوا سوالف وضحك الخ ...
ليان راحت المطبخ مع جومانه يجيبون الحلا والفطاير وليان متغطيه بثوب صلاه حق جومانه احتياط
جومانه بملل : اوووف مدري ليه مشغلين خدم واحنا الي نكرف
ليان تزين اطباق الحلا : اي والله بس معليش اهم شي اكل حلا ريمو الهبله
جومانه كشت عليها: مالت عليك انا وين وانتي وين بروح اوصي كومار يجيب ايس كريم وخرابيط حق السهره
ليان : اي تكفين ماقدر اسهر بدون مخدرات -جومانه ضحكت وطلعت بسرعه تناديه
........: ليانو يالخبله تتعاطين مخدرات افا وانا الي كنت اقول انك مؤدبه ومهذبه وحسنة الخلق
ليان اخترعت ولفت على الصوت :فهيدان يالقرد مالت عليك وقفت قلبي جعلك الي ماني بقايله
فهد : ههههههه هلا بجدتي مزنه
ليان ضحكت غصب: اذلف يل اهبل من وين طلعت
فهد اشر على باب الحديقه : من الباب المهم ابي حلا مروان ينتظرني
ليان خافت من سمعت اسمه بس مابينت: اها اوكي بحطلك الحين
فهد : شكره يا اميرة قلبي انا
.........: الله الله تتغزل انت وويهك
فهد لف عليه : اي كيفي بتغزل بليونتي بتعطيني حلا وهي الحلا كله
مروان عصب : ماشاءالله اقول ابوك يبيك
طلع فهد بسرعه وليان متسمره بمكانها مو قادره تتحرك
مروان وهو يحاول مايعلي صوته: اقسم بالله لو كلمتيه مره ثانيه لالعن خيرك
ليان بنرفزه: خيييييييير ليش شسويت يعني ! ترى فهد مثل اخوي الصغير
مروان: انتي ماعندك اخوان ويلا ذلفي داخل اقسم بالله اني ماسك نفسي بالغصب لا اسوي بوجهك خريطه
ليان تحركت تبي تطلع لس لما سمعت الي قاله رجعت
ليان بعصبيه: اذا انت رجال جرب تقرب مني والله لاقلب الدنيا على راسك
طررررررررررراخ<<مؤثرات صوتيه

رد: رواية انت ملكي

~~~تابع~~~
جاها كف طيحها على الارض وبان شعرها.. ليان ناظرته بصدمه وعيونها مليانه دموع وقفت بسرعه وناظرته من فوق لتحت وقالت: شفت انك موب رجال
مروان زادت عصبيته وشدها من شعرها: رجال غصبن عن اهلك يالمحترمه ومدام كلمتيني بتكلمي مليون واحد غيري ونفضها وطلع من الباب الي بجهة الحديقه
ليان انهارت وصارت تصيح بحرقه
~~عند البنات~~
الريم تلعب مع يوسف ولد نسرين والبنات منسجمين بسوالفهم
يوسف: ختو ليم (خالتو)
ريم بضحكه: يا عيون ختو ليم
يوسف: امتو منا مات اليك
ريم: ههههههههههههه شنو!! والتفتت على نسرين
ريم بصوت عالي لانها بعيده شوي: نسرينو تعالي ترجميلي
نسرين قربت منها: ها شتبين
ريم: ترجميلي وش يقول هالمزيون يويوتي شنو قلت حبيبي
يوسف يضحك: امتو منا مات اليك
نسرين انفجرت ضحك والكل التفتوا عليهم
نسرين: يقول طال عمرك عمتو مناير مالت عليك
الكل ضحكوا عليهم ومناير بققت عيونها
مناير بصوت عالي: يوووووسف يالخبل انا تقولي كذا يا حمار
يوسف ضحك: حمال منا
نسرين دنقت على ريم وقالت بهمس: ريما حبيبتي يلا نطلع فوق ابيك دقيقه
ريما فهمت قصدها وهزت راسها وحطت يوسف بخظن جومانه وطلعوا فوق
~~بالمجلس~~
محمد ولد سلطان جالس بحظن رعد ويسولف عن الروضه واصحابه
فهد: حموود ماتبي نزوجك
محمد: اسمي محمد رضا ال... مو حمود يا فهيدان
فهد ناظره بصدمه: بل بل كليتني انت كم عمرك يالشايب
محمد: عمري اربعه وقليب بتجوج
الرعد ضحك وباس راسه وقال: الله يحفظك ومنو الي بتتزوجها
محمد ضحك: وحده حلوووووه مررره وتعطيني شوكوطاطه
الشباب ضحكوا عليك ورعد باسه بقوه
رعد: فديت راسك ياشيخ شنو اسمها
محمد: اصلا هي هنا وقالتي انها تحبني فتيتها ريما مره احوبها
فهد يسوي نفسه بيطيح: وه فديت هالطاري بس يازينه ويازين صاحبته
رعد اختفت ابتسامته وناظر فهد بحده: اصطلب يا ولد
فهد خاف: شفيك الله يهداك تراها اختي
رعد رفع حاجبه: ماعندنا حريم ينذكرن بمجالس
محمد يقلد رعد: فهيدان ماعندنا حليم يتذكرن بمجلس عمو رعد
رعد ضحك غصب عنه على كلام هالخبل
~~بغرفة ريم~~
نسرين مسكت يد ريم: يلا قوليلي شصاير من جيت وانا شاكه انه في شي من ارتباك جومانه كل ماسالنا عنك
ريم بحزن: ياليتني مارجعت -وبكت بحرقه-
نسرين بحنيه: وشفيك يالريم شصايرلك يا قلبي
ريم وهي تشهق: مابي اتزوجه .. نسرين ماقدر .. بموت.. موقادره انسى الي سواه فيني اهئ ..
نسرين: حبيبتي خلاص والله قطعتي قلبي اهدي فهميني وشفيك
ريم مسحت دموعها ويدينها ترتجف: رعد يبي يملك علي وانا مابي خايفه منه
نسرين بعصبيه: وش يبي ذا ما كفاه الي سواه قبل جاي يكمل عليك
ريم: نسرين بموت جروحي لسه ما برت عشان يجرحني مره ثانيه
نسرين: يخسي الا هو وانتي ليه متضايقه ارفضيه وخلاص
ريم بكت بصوت عالي: ماقدر .. والله ماقدر ارفض
نسرين فتحت فمها بصدمه: انتي مجنونه قبل دقايق تقولي ماقد اخذه والحين ماقدر ارفض
ريم: هو قالي .. هددني ا اه شسوي ياربي
نسرين: حقييير نذل بشنو هددك -وشهقت- ريم لا يكون سوا..
الريم قاطعتها: لا لا يروح بالك لبعيد
نسرين تنهدت براحه: اووفف اشوا المهم بايش هددك
ريم: رحن مكتبه ..
~~قبل ساعات~~
......: اتفضل
الريم دخلت وجلست عالكنب: صح الكلام الي قلته بالصاله
الرعد ببرود: اي
الريم: وهي ايش ذنبها تسوي فيها كذا
الرعد ابتسم: ذنبها برقبتك انا مالي دخل
الريم "حرام عليك ليه تسوي فينا كذا": الرعد لا تدخلها بيننا
الرعد رفع سماعة التلفون الارضي: خلاص اللحين ارد عليه بالرفض
الريم باندفاع: لا .. خلاص .. انا موافقه
الرعد ابتسم ونزل السماعه: مبروك مقدما
الريم: بس عندي شرط
الرعد بهدوء: شروطك وطلباتك اوامر يالريم
الريم ناظرته بحده: ...........
•••••••••••••••••••••••••••••••••••••••••••
نسرين: الحقييييييييير واخته ايش ذنبها
ريم بياس وحزن: لو رفضت اتزوجه بيرفض عل ي وانتي عارفه انهم يحبون بعض من زمان
نسرين: انزين شبتسوين الحين ؟ وايش كان شرطك ؟؟
ريم: ............
~~نرجع للمجلس~~
ابوفهد قرب من الرعد وهمس: الرعد امس ابوصقر اتصل علي وقال يبينا انا وانت بموضوع خاص وبما ان الجمعه اليوم ببيتكم قلتله يتفضل
الرعد: البيت بيتك قبل مايكون بيتي يا عمي ومايحتاج تقولي لما تعزم احد وضيوفك على راسي من فوق
ابوفهد ابتسم "والله انك رجال يالرعد": ماعليك زود يابوي ماعليك زود
{ملاحظه} :: الكلام الي قبل النقطتين هو الكلا الي تقوله الشخصيه بينها وبين نفسها.
بعد ربع ساعه دخل ابوصقر وصقر وسلموا وجلسوا
ابوصقر: والله يابوفهد احنا جايين نبي ببي بنت اخوك لولدي صقر واحنا ماراح نلقى احسن منها لولدنا
ابوفهدارتبك وناظر الرعد: والله يابو صقر احنا يشرفنا نناسبكم وولدك صقر ماشاءالله رجال من ظهر رجال وماعليه زود
الرعد ناظر صقر بحده وهو يحترق لمجرد انه فكر فيها وخطبها
الرعد ببرود: يا عم والله انك فوق راسي وجيتك هذي غاليه علينا بس بنت عمي محيره لي من زمان وكنا بنملك من ثلاث سنين بس صارت ظروف وكلكم معزومين للملكه الاسبوع الجاي باذن الله
صقر ناظره وهو وده لو يهجم عليه: مبروك عليك الريييم يا الرعد والله انها جوهره ومافي احلى منها
الرعد عصب من كلامه عنها قدام الرجاجيل"الله يلعن شكلك والله لولا الحيا كان طلعتك من هنا للقبر"
صقر عرف انه عصبه وحب يقهره زود: بس لو صارت ظروف ثانيه انا موجود ههههه
الرعد بعصبيه: الزم حدودك يا صقر، وحريمنا ماينذكرون بمجالس ولولا ابوك وهالوجيه الطيبه كان علمتك كيف تتكلم الرجاجيل
صقر جا يرد بس مسكه ابوه: ماعليه يا الرعد امسحها بوجهي وبالاذن ورانا اشغال والسموحه منكم على الكلام الي انقال
الرعد شافه منحرج وقام وباس راسه: افا عليك ياعم انت بحسبة الوالد والله ماتطلع الا وانت متعشي
ابو صقر ابتسم باحراج: جزاك الله خير وابشر بسعدك
صقر عصب من كلام ابوه واعتذاره وقام طلع وشاف شخص بالحديقه وابتسم بخبث "هلا والله"
واسفه على التاخير مره ثانيه

رد: رواية انت ملكي

روعة البارت
الاحداث تسلسلها جميل جدا
كملي غلاتي للنهاية موفقة
تحياتي

رد: رواية انت ملكي

يعطيج العافية وتسلم الايادي ..
حلو البارت وان شاء الله البارتات الجاية احلى..


Sent from my iPhone using منتدى عبير

رد: رواية انت ملكي

شكرا جميعا على كلامكم وتشجيعكم والله انه يعني لي كثير وانشاءالله بنزل البارت الجديد باقرب وقت
دمتم سالمين

Sent from my GT-I8160 using منتدى عبير mobile app

رد: رواية انت ملكي

**البارت الخامس**
بعد اسبوع وتحديدا بيوم ملكة ابطال روايتي ..
الكل في حالة استنفار ويحاول يخلص اشغاله باسرع وقت ممكن ..
في غرفة ريما~~
دخلت عليها جومانه وحطت علبه بيضاء كبير على السرير
الريم ناظرتها بالمراه وقالت باستغراب : جومانه ايش هذي ؟؟

جومانه بابتسامه : هذا فستان الملكه
الريم رفعت حاجبها باستنكار : بس فستاني بالكبت اشتريته من يومين
جومانه بتردد : اممم هذا الفستان من رعد ويبيك تلبسينه
الريم جمدت اطرافها وبدت بالارتجاف وقالت بهدوء : سميره حبيبتي ممكن تخلينا شوي بعد اذنك

سميره (الكوافيره) : اكيد اخذوا راحتكم انا بنزل تحت -واشرت لمساعدتها تطلع معاها-
اول ما طلعوا التفتت الريم على جومانه

الريم بحده : جومانه الحين تاخذي هالفستان لصاحبه وقوليله شكرا انا عاجبني فستاني
جومانه بارتباك : ريما حبي اهدي شوي ماله داعي العصبيه
الريم : مو معصبه بس انا عاجبني الفستان الي شريته -وتوجهت بسرعه للكبت واول مافتحته مالقت فستانها، فتحت الجهه الثانيه بس هم مافي شي فتحت اخر اخر بابين من الكبت بس مالقته- ..

جومانه بخوف : ريييم فسس-تانك اخذته ميري لما كنتي بالحمام
الريم التفتت عليها ببرود : ممكن تخليني بروحي ..
جومانه : انا اسفه بس وربي ما كنت اعرف من شوي عطاني العلبه وقالي انه فستانك اخذته ميري ..

الريم ببرود : اوكي .. نادي سميره تخلص شغلها
جومانه بهدوء : طيب ..

جلست علي الكنبه وحطت راسها بين يديها .. "عمري ما اعترضت على تدخله بلبسي او بتصرفاتي، كنت اسوي كل الي يبيه بفرح.. ياه وش كثر اشتقت حق ذيك الايام، حتى لو كنت احبك اكثر من اول .. مستحيل نرجع مثل ما كنا يالرعد" ...

بعد عدة ساعات نزلت الريم بناء على طلب عمها ..
ابو فهد ناظر بنت اخوه الي تشبه ابوها بشكل كبير ودمعت عيونه
ابوفهد بابتسامه : كبرتي يا بنتي الحمدلله الي طول بعمري الين شفت هاليوم

الريم وهي تحارب دموعها : الله يطول بعمرك يبه ويخليك فوق روسنا
ابو فهد مسح على شعرها : شوفي يا بنتي الشيخ يبي يسمع موافقتك .. بس قبل ابغى اتاكد اذا موافقه على ولد عمك بدون ماحد يغصبك .. اذا كنتي خايفه من زعل خالتك او اي احد لا توافقي لازم تكوني موافقه على هالزواج بدون اي ضغوط -وسكت شوي وكمل- انا ماقول هالكلام لاني رافض رعد لا والله اني طول عمري اتمنى اشوفكم مع بعض والرعد رجال والنعم فيه طيب وكريم ومافي منه اثنين وبيحطك بعيونه بس انا كل الي قلته لانك بنتي مو بنت اخوي وبس والله يشهد علي اني اعزك مثل مرام ويمكن اكثر


الريم ما قدرت تقاوم دموعها وضمت عمها وبكت بحرقه محتاجه ابوها يطمنها ويحسسها بالامان .. محتاجه امها تضمها وتنصحها وتغمرها بدفاها وحنانها .. محتاجه اخو .. اخو يكون لها ذخر وسند، يحميها من الكل ويوقف بوجه اي احد ياذيها .. محتاجه اخت تهديها وتفرحلها .. كل هذول كانوا مجتمعين بالرعد بس كل شي انتهى ابتعد عنها وابتعدوا معاه
تعالت الزغاريد بعد ما وقعت ريم وجاء وقت الزفه


دخلت الريم بفستانها باللون العنابي الغامق الي برز بياض وصفاء بشرتها شكله ناعم ومثير بنفس الوقت اكمامه طويله ضيق مره وطويل والظهر كله عاري وشعرها مسكت نصه بتسريحه ناعمه وتاج صغير وناعم النص الثاني تركته ينزل على ظهرها بحريه ..

بعد ما سلموا عليها اهلها وصحباتها دخل الرعد وعمها وفهد ..
الرعد توجه لها بخطوات ثابته وواثقه وباس جبينها وقرب فمه من اذنها
الرعد بهمس : انتي الوحيده الي تخلي قلبي يرجف بجمالك ونعومتك .. مبروك يالريم


الريم دقات قلبها وقفت من قربه وارتعشت اطرافها من حرارة انفاسه على بشرتها الناعمه
ابو فهد بابتسامه : مبروك يا بنيتي الله يتمم عليكم
الريم بايت راسه وايد وقالت بهمس خجول : الله يبارك فيك ويطولنا بعمرك

فهد قرب منها وحضنها بقوه : مبروك يالغلا .. عمري ماحسيت انك اختي بالرضاع .. انتي اختي الي مافي زيها -شاف دموعها تهدد بالنزول وقال باستهبال- وقسم انك احلى من البقره مرامو الله يخاذها مع شكلها الي يجيب الهم اقول ريوم ابي وحده تشبهك
الريم ضحكت : هههعهههه حرام عليك والله لو تسمعك لا تخليك تبات بالحوش .. -وقالت بابتسامة خبث- واذا على الى تشبهني فانت ادرى
فهد احمر وجهه : احمم بلاش فضايح -وراح يرقص-
الريم ابتسمت بتوتر من نظرات الرعد الي حاولت تتجاهلها لها لما كانت تكلم اخوها

قربت منهم مرام بعبايتها المخصره ولثمتها الي مال لامها داعي والمكياج الصاخب
مرام وهي تناظر الرعد : مبروك حبيب.. اقصد رعد -وناظرت ريما بتحدي-
الرعد نزل عيونه من اول ما قربت منهم ومسك ايد الريم بقوه وقال : الله يبارك فيك .. عقبالك اختي (ومدد بكلمته الاخيره)
مرام بغت تموت لما مسك ايد الريم وزاد عليها لما قال اختي.. وقالت ببرود : مبروك ريما والتفتت بتروح بس رجعت وقالت : اه نسيت ترى شفت صقر برا ووصاني اسلم عليك سلام حار

الريم ناظرتها بحده وقالت بدلع وسخريه وهي تشد على ايد الرعد الي عصب زود من جابت سيرة صقر : الله يسلمه ويسلمك والله يخليلي حبيبي الرعد
مرام الي كانت تبي تقهرها وتعصب الرعد انقلبت عليها وهي الي انقهرت وراحت بسرعه ..
نادى الرعد اخته وقالها تجيب الشبكه يلبسها ويطلعوا للمجلس
جابت جومانه الشبكه ولبس ريما الدبله والاسواره وقرب منها بيلبسها العقد
الريم توترت بزياده من قربه لانها تقريبا بحضنه ولمسات اصابعه على رقبتها تربكها ..
لبسها العقد وجذبه خدها المحمر من الخجل وطبع عليه بوسه طويله ..
والبنات صفروا وصفقوا ..

طلعوا للمجلس البعيد عن مجلس الرجال .. واول ما اتقفل الباب
مسكها من ايدها بقوه وقال بهمس مرعب : الحين جاء الوقت الي احاسبك على وقفتك مع الزفت صقرالاسبوع الي فات
الريم خافت من عصبيته وقالت وهي تحاول تفك ايدها من قبضته
الريم : قلتلك قبل هو طلع بوجهي ايش ذنبي
الرعد بحده : واذا طلع بوجهك ليه وقفتي معاه اكثر من عشر دقايق - وهز ايدها بعنف- ووجهك ليه كان مكشوف كم مره تبيني اقولك تغطي وجهك

الريم بعصبيه : اووووف مابي اغطي وجهي بعد عني وشفيك علي -ودزته بقوه -
الرعد وقف شوي وهو يناظر ملامحها الي تفتنه وشفايفها الي ترتجف قرب منها دنق راسه وباس شفايفها برقه وارتوى منها
اما ريم الي من اول ما قرب منها وهي متخدره من انفاسه الي تلفح بوجهها وعطره الي اخذها لعالم ثاني ..


~~بجهه ثانيه من البيت~~
طلعت للحديقه تكلم صديقتها بعيد عن ازعاج الناس وصوت الاغاني
خلصت مكالمتها والتفتت بترجع ولقته يناظرها ..

وقفت للحظات تناظره واول ماستوعبت تحركت بتمشي بس وقفها صوته
............ : انا اسف
ليان ودموعها على خدها : ليه تتاسف لوحده رخيصه كانت تكلمك ويمكن كلمت عشره غيرك

مروان بحده : ليان .. ماعاش من قال عنك كذا بس انا كنت معصب وما كنت بالي اقوله
ليان ناظرته بحده : لو سمحت اخر مره تكلمني ورجاء تمسح رقمي
مروان بهدوء : احبك ..
ليان تجمدت بمكانها من كلمته
مروان : اليوم خطبتك من ابوك واتمنى توافقي ..

عند الرعد&الريم
بعدت عنه بسرعه وقالت بحده : هذي اخر مره تلمسني ..
الرعد رفع حاجبه وقال بسخريه : لا والله ؟
الريم بعصبيه : اي لاعاد تقرب مني انا مابييييييييييك
الرعد توجه لها بسرعه ومسك ذراعها بقوه : اقسم بالله اذا عدتي هالكلام مايصير لك طيب .. انت حلالي .. زوووجتي .. ملكي يالريم .. انتي ملكي ..

من هنا بتبدي روايتي واحداث شيقه بالانتظار ..
ركزت على الريم والرعد بشكل كبير في هالبارتات وانشاءالله من البارت الجاي بنتطرق لاحداث تخص شخصيات اخرى ولكن طبعا الاوليه لابطالي الاساسيين ..
انشاءالله تكون البارتات الي نزلتها نالت اعجابكم ..
ونلتقي بالبارت القادم الي راح يكون بداية حياه جديده بالنسبه لابطالي والي راح يشهد تغير اطباع شخصيات معينه ..
في امان الله حبيباتي ..