رد: رواية انت ملكي

مشكوووورين على التشجيع وانشاءالله البارتات الجايه تنال اعجابكم

رد: رواية انت ملكي

وينج ؟؟
يلا ننتظر البارت الجديد

رد: رواية انت ملكي

السلام عليكم .. اسفه على التاخير وهذا هو البارت
~~~البارت الثالث~~~
من ٦ سنين..
كان عمرها ١٤ سنه من صغرها وجمالها وانوثتها تلفت النظر والكل كان يعتبرها طيبه زياده عن اللزوم وساذجه، كانوا مجتمعين فبيت ابو رعد. الرجال بالمجلس، الحريم بالصاله، والبنات بصاله ثانيه
منار بابتسامه خبيثه: ريموو حبي تعالي معاي ابي اروح اكلم صديقتي
الريم استاذنت وراحت معاها والكل استغرب تصرف منار راحوا للمطبخ وجلست منار على الكرسي والريم فتحت الثلاجه بتصب لهم عصير
منار تحاول تخفي ابتسامتها الخبيثه: ريما حبيبتي انتي تحبين رعد صح
ريم: ايش قصدك ؟
منار: احم شوفي حبي انا عارفه انك تحبين رعد وعندي طريقه عشان تخليه يحبك ويغار عليك
الريم بفرح: طيب قولي لي بليييز
منار بخبث: اوكي قلبي لازم تروحي الحين وتخليه ينتبهلك او يلحقك وبعطبك رقم واحد اتصلي عليه وقولي له احبك متى نطلع مره ثانيه وهو اذا يحبك راح يغار عليك بي لازم يسمعك وانت تكلمين
الريم: لا لا اخاف يعصب علي
منار تمللت منها: ريمو كلنا نعرف انك دلوعته وحتى اذا سويتي شي ما راح يضربك.. يلا روحي بسرعه عشان تخليه يحبك
الريم: اوكي ياي مره متحمسه بروح الحين باي- وطلعت-
منار ضحكت وفنفسها: واخيرا بشوف رعودي يضربها واي بيشيلها من تفكيره للابد-توها بتطلع بس صرخته جمدتها بمكانها
الرعد بعصبيه: منار! شوفي عاد كلامي يوصلك ويتعداك ابعدي عن الريم ولا توسخي عقلها بهالافكار الرخيصه والله لو ما عمي كان وريتك كيف تقصين على البنت
منار مو مستوعبه الكلام الي قاله! شلون عرف ؟ وكيف؟ كان راح يضربني عشانها.. يا ويلي اذا عرف ابوي..
~~~بغرفة الريم~~~
جومانه: ههههههههههههههههه اه حسافه ما كان معي كامره اصور وجهها يا ربي هههههههه
الريم: هههههههه تظن اني هبله اصدق كلامها وربي انها هي الهبله
جومانه: بس ما قلتيلي رعد كيف عرف !
الريم: احم احم اختك عبقريه حتى لو كنت بزر
جومانه: هههههه ومعترفه انك بزر
الربم ضربتها على كتفها: وووججع يا دبه امزح انا وبكل فخر مراهقه
جومانه: انزين يالمراهقه قولي شلون عرف
الريم: اوكي سمعي، لما طلعت من المطبخ اتصلت عليه وقلتله يجي للحديقه بسرعه
الرعد بقلق: وشفيك يالريم صايرلك يوجعك شي
الريم قلبها تحسه بيطلع من بين ضلوعها تنحت بشكله، كان لابس ثوب والشماغ بيده وشعره مبعثر بس طالع حلو عليه.. اما هي كانت لابسه جينز ازق غامق وبلوزه فوشي نص كم واسعه وطويله لين نص الفخذ وشعرها تركته علي طبيعته
الرعد خاف لما شافها ساكته وحاول يلهي نفسه عن شكلها الي رغم بساطة ملابسها الا انها تزيدها حلا
الرعد بخوف وتوتر: الريم علامك شصاير
الريم انتبهت على نفسها ووجهها قلب الوان: احم.. الر..عد ابغى اقولك شي
الرعد قلق اكثر: قولي وشفيك
الريم متخدره من قربه وتحس الكلام مو راضي يطلع: أا ..مم.. اح..م. ص..دق انه اذا كلمت ش..ب..اب بالجوال بتحبني اكثر ووتا..خذني للملاهي وتجيبلي هدايه كثييره (قالتها بنبره طفوليه عشان تمشي عليه>>> ان كيدهن عظيييم)
الرعد عصب وحس دمه يفوور: خيييييير هذا الي ناقص والله ان سمعت ان..
الريم خافت منه وتراجعت على ورى: والله مو انا مرام قالتلي انك بتحبني اذا كلمت شباب (ودمعوا عيونها) لا تصارخ علي -وبكت- (ملاحظه: الرعد نادرا ما يصرخ او يعصب على الريم ومثل ماقالت منار اهي دلوعته وما يرفض لها طلب)
الرعد من شاف دموعها نسى كل شي -مرر يدينه على شعره بقوه وزفر: خلاص لا تبكي قولي لي شنو قالتلك منار الزفت
الريم تمسح دموعها بكفها: قالتلي اذا تبين الرعد يحبك لازم تكلمي شباب
الرعد انصدم من كلامها والمصيبه بنت عمه الي ورى هالكلام وراح لها ولحقته الريم وجومانه الي اتصلت فيها الريم لما قبل لا يجي رعد ووقفت بعيد عشان ما يشوفها
جومانه بشماته: كفووو والله يا ريما احسن عشان مره ثانيه ما تحاول تخرب اخلاقك
الريم: هههههههههه الكل يظن اني طفله وساذجه هع بس كذا احسن اعرف كل واحد ونواياه
جومانه طقت راسها بخفه: طبعا الا انا خابزتك وعاجنتك
تربية ايديا وحياة عينيا
الريم: هههههههههههه اصلا منو خرب اخلاقي غيرك .. المهم شفتي علاوي اليوم ؟
جومانه تصتنع العصبيه: خييير من متى الدلع ما اسمحلك ترى
الريم فقعت ضحك وباست راس جومانه: فديت الي يغارون حقك علي
جومانه: ههههههه اي كذا تعدلي .. اممم اليوم عمتي تهاني(ام علي) كانت تخزني وتقط علي نغزات -ودمعوا عيونها- حتى اذا علي يحبني عمتي مستحيل ترضى يخطبني
الريم بحزن: اصلا عمتي ما تطيقنا خير شر، احمدي ربك انها على الاقل ما تهينك بطريقه مباشره وقدام الكل -ودموعها تنزل- انا كل ما شافتني تسب وتلعن وتجرحني قدام الكل
جومانه ندمت انها فتحت هالموضوع لان الريم تتحسس منه كثير فحبت تغير هالجو الكئيب: احم ريما يللا ننزل ابي اشوف ملامح الحيه الي تحت بعد الي صار
اليم ضحكت غصب عنها ونزلو يكملوا امسيتهم.
~~الوقت الحاضر~~
ابو علي: احم اقول تهاني شرايك نخطب ريما لعلي؟
ام علي شهقت: اسم الله على وليدي ياخذ هالعقربه ! لا يا عيوني علاوي باخذله شيخة البنات شيبي فهذيك العصلا
ابو علي ولع سيجاره وناظر بالدخان الي يطلع منهاوقال بهمس: والله انها قطعه هالبنت
ام علي ما سمعته: وشقلت يابو علي السموحه ما انتبهتلك
ابو علي توتر: ها لا ابد اقول انه اذا اخذها بتفسخ الوكاله الي مسويتها لرعد وساعتها كل فلوس ابوها بناخذها احنا
ام علي: لا عيوني مابيها تطب بيتي وتحرض ولدي علي "وكملت بحسره" مو كفايه فلوس اخوي الي خذتهم واحنا طلعنا من المولد بل حمص وتبيها تاخذ ولدي بعد
ابو علي بهمس: مالت عليك بس
********************
ام رعد سكرت السماعه وطلعت لجناح ولدها طقت الباب وبعد ثواني اذن لها
الرعد وهو يبوس راس امه: حياك يمه
ام الرعد جلست على الكنب بتوتر ملحوظ: اقول يمه رعد
الرعد: وشفيك يالغاليه صاير شي محتاجه شي ؟
ام الرعد تحاول تشتت انظارها باي مكان: قبل شوي اتصلت علي وحده من معارفنا تبارك بنجاح الريم ورجوعها بالسلامه
-الرعد حس ان في شي بس خلاها تكمل- مسكت يد ولدها وظغطت عليها: وتبي تخطب ريما لولدها
الرعد ناظر امه ببرود: يعني
ام رعد قلبها يرجف من هدوئه: الرجال واهله والنعم فيهم يا ولدي وامه تقول انه يبيها
رعد قام من مكانه وعطاها ظهره: يبيها .. ليش .. يعرفها
ام الرعد باندفاع: لا الريم تربيتك بس اخته تعرفها كانوا يدرسون مع بعض
الرعد ضغط على يده وضيف عيونه: انا ما اشك بالريم ومثل ما قلتي هي تربيتي
ام رعد وفقت: الله يرضى عليك يا ولدي الحين بروح لها اخذ رايها
الرعد التفت لها ورفع حاجبه: تاخذين رايها بشنو ؟
ام رعد توترت من نظرته: وشفيك يا ولدي باخذ رايها بالرجال عشان اذا وافقت يجون يخطبون رسمي
الرعد: يمه انا وانتي ندري انه الريم محيره لي
ام الرعد عصبت: الرعد خلاص اذا انت نسيت شسويت فيها انا ما نسيت، انا باخذ رايها واذا وافقت الله يوفقها
الرعد يصر على اسنانه: قوليلها تجي لعندي
ام رعد خافت عليها: رعد يا ولدي اذكر الله
الرعد باس راسها: انا بالمكتب ثواني وابيها عندي
ام الرعد تنهدت وراحت للريم ثواني وكانت عنده
الريم تناظره ببرود: امر يا ولد عمي
الرعد: في واحد متقدملك وانا رفضت
الريم رفعت حاجبها: انا مافكر بالزواج الحين بس ليش رفضت بدون ماتاخذ رايي ؟
الرعد: كيفي
الريم انقهرت من اسلوبه: لا والله احلف وانا اصدقك
الرعد ابتسم لانه قدر يكسر برودها ورجعت لاسلوبها الطفولي
الريم احمر وجهها من كلامها وانقهرت زود من اتسامته وقالت بتسرع: انا ابيه
الرعد ناظرهه بحده: نعم
الريم انتفظت من صرخته بس كابرت: اي ابيه كيفي
الرعد وقف وقرب منها: وانا قلت لا
الريم تمسكت بالكنب ومو قادره توقف: وانا قلتلك ابيه
الرعد ضغط على يده وبدت اعصابه تفلت: الريم روحي عن وجهي الحين
الريم خافت: ان..زين بروح اقول لخالتي اني موافقه -ووقفت بسرعه تبي تنحاش بس رعد جرها وكمن زندها ورماها على الكرسي
الرعد بعصبيه: الرييم لا تخليني امد يدي واكسر راسك قلت مافي زواج وما بعيد كلامي
الريم وقفت وبعدت عنه: وانا ابيه وبتزوجه غصب عن خشمك
الرعد رفع ايده وهب خبت وجهها بيدها،
الرعد مسك نفسه غصب قبل لا يضربها : انقلعي برا والاسبوع الجاي الملكه
الريم انصدمت من كلامه وابتسمت: اي احسن ابي اتعرف على زوجي
الرعد غمض عيونه وزفر بقوه: بس انتي تعرفينه
الريم ناظرته باستغراب: منو ؟ -وشهقت- لايكون صقر
الرعد بصراخ: ذلفي لا اكسر رايك
الريم خافت ويدينها ترتجف: وش..فيك انا سألت بس
الرعد صد عنها وهو يتنفس بقوه وحس بالم بكتفه وراسه
الريم وقف قلبها من شكلها وهو يضغط على كتفه: الرعد رجعلك الالم، رد علي -قربت منه وحطت يدها على كتفه- الرعد تكفى رد علي
الرعد تكهرب من لمستها: الريم طلعي برا مافيني شي
الريم بعناد: لا اشرب الدوا وبعدين اروح -وفتحت درج بالمكتب واخذت حبوب وصبت له مويه
بعد ما شرب الدوا ناظرها: الملكه بعد اسبوع ومابي نقاش
الريم انقهرت منه: وشفيك انت اليوم ! قبل شوي كنت رافض وتصارخ والحين تبيني املك
الرعد حاول يخفي ابتسامته: اي ومهرك بيتحول الصبح على حسابك
الريم نزلت دموعها: بس انا ما اعرفه حتى ما سالتوا عنه
الرعد ببرود: انتي تعرفينه
الريم بسخريه: اي ما انا كل يوم مع واحد
الرعد تنهد بضيق"يالله عمرها ما راح تنسى الي صار": الريم خلاص
الريم مسحت دموعها ووقفت: اظن من حقي اعرف منو باتزوج
الرعد وقف وقرب منها: انا
الريم تتحت وناظرته ببلاهه : ها.. -وقالت بصراخ- انت من ايش مخلوق نسيت الي سويته فيني تبي تكمل الحين انا ما صدقت انسى الاهانه والضرب تبيني اتزوجك الحين
الرعد زفر بقوه وقال ببرود: بنتزوج بالطيب بالغصب بنتزوج
الريم بعصبيه: وانا ما ابيك كفايه الي صار لي وش تبي مني .. انا احب واح...
الرعد قاطعها بصراخ: الريييييييم قسم بالله اذا ما رحتي الحين لا اكسر راسك ذلفي يلا
الريم: والله ما اجلس هنا دقيقه وحده
الرعد ناظر الباب الي طلعت منه ومسح على وجهه بيدينه
**قبل ثلاث سنين**
جومانه: كللللللللللللوووووووووووووششش الصلاه والسلام عليك يا حبيب الله محمد كلللللوووووووووش
المها: جومانوو ترى مو اليوم الملكه
جومانه بفرح: فرحانه فرحانه فرحانه واي واخيرا ريمو الخبله بتاخد رعودي
الريم ضربت كتفها: انا خبله يا هبله
ندى: ريموو ايش شعورك وبكره بتكوني حرم الاستاذ الرعد ال..
الريم بعصبيه مصطنعه: لا تقولين الرعد
ندى: اوووهوووووو علينا خلاص فهمنا اسمه رعد وانتي تسمينه الرعد
حلا: وانتي اسمك ريما واهو الوحيد الي يناديك الريم
جومانه: يا لبى الريم والرعد الله يخليكم لبعض ويرزقكم الذريه الصالحه ويحفظكم من كل شر
الريم: اميييييييييييييين
~~يوم الملكه~~
قبل الحفل بثلاث ساعات:
..........: الريييييييييييم
الكل انتفض من صرخته
ام رعد بخوف: وشفيك يمه
الرعد بعصبيه: وين الريم
جومانه وهي تبكي: رعد خلاص تكفى ياخوي اطلع فوق ونتفاهم مو هنا
الرعد نفض يدها من يده وطلع فوق بسرعه فتح الباب
الريم اخترعت من شكله قامت من مكانها: الرعد في شي ليه شكلك كذا
الرعد مناظر الكوافيره ومساعدتها وصرخ: برا انتي وياها
سكر الباب قرب منها ضربها كف من قوته طاحت على الارض ونزفت شفايفها
الرعد مسكها من شعرها: انا تخونيني مع الزفت صق
الريم منصدمه من ضربه وكلامه: صق..ر ليه .. انا ..والل.الرعد دفعها: لا تحلفي كذب يالواطيه، ليه سويتي كذا -وضربها كف ثاني- كل شي سويته عشان ما تحسي بالنقص صرتلك الاخو والصديق والحبيب وكل شي هذا جزاي
.....: بعد عنها البنت بتموت بين يديك
الرعد نفضها من يديه وتوجه له ولكمه على وجهه: انت اخر واحد تتكلم اطلع برا
صقر مسح الدم الي يطلع من خشمه بيده: الريم ما خانتك
الرعد مسكه من ياقة ثوبه: لا تنطق اسمها لا ادفنك بارضك
صقر ابتسم بحزن: مارضت حتى تكلمني شلون بتخونك كل الي قلته عشان استفزك والصور الي وصلتك مفبركه
الرعد بعصبيه: مو انا الي ينقص علي بكلمتين
صقر بسخريه: ههه المسجات من اختي نست تلفونها بالبيت ودزتلي من تلفون الريم عشان اوصلها البيت.. ومرام بنت عمك قصت عليك بكلمه وحده مو كلمتين -وناظر اخته الي حاضنه ريما- بس الحين مستحيل تردلك .. -وبعد يدينه عنه- سلام -وطلع-
الرعد وقف مصدوم مو قادر يناظرها ومو قادر يطلع
الريم وقفت وطلبت من موضي تطلع
الرعد وهو منزل عيونه: الريم ان..
الريم رفعت يدها بوجهه بمعني خلاص: الحين تحجزلي اروح عند عمي محمد
الرعد: الريم خلاص لا تكبري الموضوع
الريم ناظرته بصدمه واشرت على وجهها: لا اكبر الموضوع ! -وبصراخ- الموضوع كبير قبل لا اكبره اذا انت شكيت فيني وش خليت للناس
الرعد قرب منها: الريم خلاص والله اسف ما حسيت بالي كنت اسويه
الريم وهي تبكي بحرقه: اليوم كان المفروض يكون اسعد يوم بحياتي بس انت دمرت كل شي وصدقت مرام وصقر -مسحت دموعها بعنف- بتحجزلي ولا اروح احجز بنفسي
الرعد بحده: الرييم مافي سفر
الريم: الرعد انا بروح يومين وارجع ابي ارتاح تكفى
الرعد: الريم خلاص ماصار شي
الريم دزته: وصديقاتي الي سمعوا كل شي ومرام الي راح تتشمت فيني طول العمر واهلي الي تحت كيف بينسون الي صار
الرعد ببرود: مشاكل وتصير بين اي اثنين بيتزوجون
الريم بترجي: الرعد يومين بس تكفي طلبتك
الرعد غمض عيونه بقوه وزفر: يومين بس -وطلع-

رد: رواية انت ملكي

روعة الرواية يا عسل
لا توقفي عن جد ابداع
تحياتي لك وبانتظار البارت الجاي

رد: رواية انت ملكي

تجنن الروايه مشاء الله عليك. استمري ولا تتأخري علينا

رد: رواية انت ملكي

شكرا يا قلبي وانا جد سعيده انها اعجبتك وانشاءالله بنزل البارت قريب

رد: رواية انت ملكي

مشكوره حبيبتي
من عيووني

رد: رواية انت ملكي

تسلم الايادي ويعطيج الف عافية..
لاتتأخرين علينا بالبارتات ..
الرواية وايد حلوة ومشوقة ..


Sent from my iPhone using منتدى عبير

رد: رواية انت ملكي

شكرا يا عمري والحمدلله انها اعجبتك وانشاءالله البارت بينزل قريب

رد: رواية انت ملكي

وين البارت
طولتي علينا