رد: رواية انت ملكي

الرجاء كتابة نص ولا راح تحذف الرواية

رد: رواية انت ملكي

السلام عليكم ..
انا عضوه جديده وهذي اول روايه لي ..
والمرجوا اذا احد حب ينقلها ينقلها باسمي
البارت الاول
ناظرت البيت الي تربت فيه، البيت الي شهد على افراحها واحزانها، على دموعها وضحكاتها، الي شهد على حب الطفوله، الي شهد على اهانتها قدام كل الموجودين ..
انتشلها من ذكرياتها صوت ...
كومار: ماما انتي مافي ينزل ؟
ريم: بنزل .. بس شوي وبنزل
وبينها وبين نفسها: يا ترى هو موجود الحين ؟ تغير ولا لا ؟ الله يستر.
نزلت من السياره وقالت ل"كومار" ينزل شنطها .
وراحت باتجاه البيت ومع كل خطوه تحس قلبها بيطلع من بين ضلوعها
وقبل ما تدق الباب انفتح وماحست بنفسها الا وهي في حظن احد
جومانه وهي تظمها بقوه: يل حماره يل هبله يل دبه والله بذبحك وربي اشتقلك
الريم وهي تقاوم دموعها: ههههه وشفيك كسرتي ضلوعي .. حتى انا يا عمري اشتقتلك ولهبالك
جومانه: ههههههه اي ادري
الريم: لايكون قلتي لاحد اني بوصل اليوم
جومانه: لا والله ماقلت بس الكل مجتمع بالصاله يلا ندخل
الريم بقلق: جوجو لحظه ... هو موجود بعد
جومانه بحنان: اي حبيبتي بس انا معك لا تخافي
عدلت شكلها بالمرايه الي بالممر ودخلوا الصاله
جومانه بفرحه: تررا
الكل التفت عليهم وانصدموا !
ام رعد شهقت وبدت تبكي: يما بنيتي
الريم جرت لحظن خالتها وحظنتها بقوه وبكوا
الكل وقفوا الا هو، جالس ببرود وكانه ما صار شي. بس في نار بداخله تاكله شوي شوي .. مومصدق انها قدام عيونه بعد كل هالوقت رجعت، البنت الى رباها على ايده الي عشقها وحبها وتركته واليوم رجعت.
ام فهد بابتسامه: شلونك يمه ليه ماقلتيلنا على الاقل نستقبلك
الريم وهي تتجاهل نظراته:الحمدلله يل غاليه وانتي عساك بخير يمه، حبيت اسويلكم مفاجاه
فهد: احلى مفاجاه وش هالزين وش هالحلا من وين جايه انتي
الريم وهي تضحك: ههههه قول ماشاءالله اصلا طول عمري اهبل
مرام بابتسامه صفرا: ما تغيرتي ابد، بس واضح عليك التعب لايكون حبيتي واحد هناك
الكل ناظروا مرام بصدمه.
اما هو فناظر الريم ببرود عكس النار الي اشتعلت اكثر بصدره وهو يتخيلها مع احد غيره
ام رعد: قطع السانك الريم تربيتي
مرام: هه وش فيكم امزح
الريم ببرود: والله اذا انتي متعوده على هالسوالف انا لا
حلا حبت تغير الموضوع: ها ريم عسى ما تعبتك السفره
ريم بابتسامه: لا الحمدلله نمت طول الرحله
ام ليان: اشتقنالك يا بنتي، اشتقنا لهالضحكه الي ترد الروح
الريم قامت وباست خد خالتها: وانا بعد يالغاليه اشتقتلكم بس كاني رجعت وبتملون من شوفتي
ليان: وربي اشتقتلك حرام عليك ٣ سنين ما نشوفك
ريم: ههههه وانا بعد يا عمري بس كنت مره مظغوطه والحمدلله خلصت ورجعت
جومانه: اي احسن اصلا من اليوم بنشب بحلقك مافي تروحين مكان بدوني
الرعد: الحمدلله على السلامه
ارتجفت من سمعت صوته وحاولت ترد بصوت طبيعي ومايبين عليها شي
الريم وهي اتناظر عيونه: الله يسلمك
الرعد: ها اخذتي الشهاده وارتحتي
الكل يناظرهم بهدوء وخوف
الريم بتحدي: اي واشتغلت بعد
الرعد رفع حاجبه: اها انزين
مرام بابتسامه خبيثه: ريم باركي لرعد بيخطب
جومانه ناظرت الريم الي احمر وجهها ودموعها متحجره فعيونها بس ابتسمت وناظرته ببرود
الريم: صدق الف مبروك يالرعد عقبالي ههههه
خلاص مو قادر يستحمل يبي يطلع من هالمكان
الرعد: الله يبارك فيك عاد لازم تدوريلي على وحده مناسبه ادري ذوقك (بنبره ساخره) راقي
ردت جومانه: فهذي صدقت شرايك ريم تخطبيله موضي اخت صقر
الكل ناظرهم بصدمه والرعد اشتدت قبضته على ايده
الريم وهي فاهمه قصدها: ههههههههههه اي والله عاد اهل صقر والنعم فيهم
ام رعد: لا يمه تسلم
الرعد: اجل فمان الله
الكل: مع السلامه
___________________________________
الريم: عمرها ٢٠ سنه يتيمه، ماتوا اهلها بحادث لما كان عمرها ٥ سنين وانتقلت لبيت عمها ابو رعد مع انها ورثت الكثير من ابوها بس عمها مارضى تعيش لوحدها.. جمالها يفتن، شرها بني غامق لاسفل ظهرها وبشرتها بيضه، عيونها عسليه فاتحه وفمها صغير ممتلئ
*عايلة بو رعد*
بو رعد: متوفي من خمس سنين
ام رعد: انسانه طيبه حيل ومسالمه تصير اخت ام ريم
الرعد: عمره ٣٠ سنه، مسك حلال ابوه بعد مامات وصار كل شي عليه.وسيم مره و طويل واكتافه عريضه وجسمه رياضي. يتعامل ببرود ومافي احد يقدر يعصبه الا شخص معين او اذا كان الموضوع يتعلق بهالشخص.. شعره بني غامق مايل للسواد بشرته برونزيه وعيونه بنيه بس لما يعصب تصير عيونه سوده بالحيل
جومانه: عمرها ٢٣ سنه تحب الريم اكثر من روحها، طيبه وما ترضى بالغلط، شعرها اسود وبشرتها برونزيه وحلوه تشبه اخوها
*عايلة بو فهد*
بو فهد: عمره ٥٥ سنه اخو بو رعد وبو ريم .. انسان جدي وكل همه شغله
ام فهد: عمرها ٤٩ سنه انسانه طيبه بس ملقوفه ولئيمه شوي
حسنا: عمرها ٢٦ متزوجه من ولد خالها وعندها بنوته تهبل جمالها عادي بس جذابه مره
مرام: ٢٥ حقوده وتكره شي اسمه ريم، مغروره وكل يوم مع واحد، شعرها اسود وبشرتها مايله للسمار مملوحه وجذابه بس جسمها مليان شوي
فهد: هذا مغازلجي العايله بس مره طيب عمره ١٩ سنه ووسيم اخو ريم بالرضاعه
*عايلة بو ليان*
ابو ليان: عمره ٥٠ سنه انسان مرح وحنون يحب المزح والفله ويحب بناته ولا يرفضلهم طلب، ويحب الريم ويعاملها مثل بنته واكثر لانها بنت صديقه الغالي
ام ليان: اخت ام رعد وام ريم عمرها ٤٠ سنه طيبه وتهتم بنفسها وباناقتها والريم بمثابة بنتها الي تذكرها باختها الي توفت (ام ليان كانت متعلقه باختها مره)
ليان: ٢٢ سنه طيبه وماخذا الدنيا ضحك ووناسه مزيونه بس عربجيه شوي
حلا: ١٦ سنه بس عقلها اكبر من عمرها انسانه هادئه بس مرات تجيها حاله تصير مثل اختها. تشبه ليان بشكل كبير وجذابه بالحيل.
___________________________________
طلع من البيت وراح الجيم فرغ كل عصبيته وقهره بالرياضه..
فهد يغازلها وهي تضحك حتى لو كان اخوها ليش يغازلها ليش يناظرها ..ليش رجعت الحين، ما تغيرت ابد بس جمالها زاد، ما اقدرت اتحمل كلام فهد لها وعيونه الي تناظر زينها فكيف بتحمل انها تصير لاحد غيري،
٣ سنين وانا احترق، الغيره تاكلني لما اتخيل انه في رجال غيري كان يناظرها ويكلمها، كل شي كان تمام، ماكانت بتسافر، كانت بتصير ملكي لولا الي صار بذاك اليوم...
************


Sent from my GT-I8160 using منتدى عبير mobile app

رد: رواية انت ملكي

بداية جميلة وموفقة جدا جدا
ارجو الاستمرار بالكتابة
بنتابع معاك حتى النهاية
موفقة ويعطيك الف عافية

رد: رواية انت ملكي

مشكوووره حبيبتي وانشاءالله البارت الثاني بنزله اليوم

Sent from my GT-I8160 using منتدى عبير mobile app

رد: رواية انت ملكي

*********البارت الثاني**********
الجزء الاول:
استاذنت من خالتها عشان تطلع غرفتها ترتاح
تمت تناظر كل زاويه من الغرفه كل شي مثل ما تركته السرير الكبت التسريحه الديكورات جلست على كرسي التسريحه وغاصت بذكرياتها
**قبل ٤ سنين**
سنه حلوه يا جميل سنه حلوه يا جميل سنه حلوه رمروووومه سنه حلوه يا جميل
فتحت عيونها علي صوت جومانه: جومانه انقلعي خليني انام بعد شوي بروح المدرسه
جومانه تتصنع الصدمه: افا وانا الي متعنيه ومسويه كيكه علشان اكون اول وحده تباركلك تطرديني يا شريره
الريم وهي نشيل اللحاف: هههههههه يا عمري انتي الله لا يحرمني من هبالك بس للاسف انتي مو اول وحده
جومانه: لا حرام منو النذل الخسيس الي مايستحي على وجهه الي باركلك قبلي!
: انا، انا النذل الخسيس الي مايستحي على وجهه الي باركتلها قبلك
جومانه تجمدت مكانها"يالله الحين هذا من وين طلع"
الريم: هههههههههههههههههههه خلاص الرعد خوفت البنيه
الرعد يتصنع العصبيه: ايوه يا ست جومانه كملي ليش سكتي
جومانه: والله ما كنت اعرف انه انت اصلا انا النذله ياخوي والله انت مافي منك ٢
رعد: هههههه انزين انا نازل .. الريم بسرعه تجهزي عشان اوصلك بطريقي
الريم بفرحه: صدق! خلاص ثواني وانزل
جومانه بعد ماطلع الرعد وقفت مكانها من الخوف
الريم: ههههههه وشفيك جوجو خلاص الرعد راح من زمان
جومانه: حركات رمروم متى لحق حبيب القلب يباركلك
الريم: هييه جومانه وش هالكلام ضفي وجهك يلا
جومانه: فديت الي يستحوون انزين بروح بس ابي التفاصيل لما ترجعي
وقفت السياره عند المدرسه
الرعد: الريم تبين شي
الريم: لا سلامتك باي
بالفسحه:
هنادي: اقول بنات اليوم عيد ميلاد رمروم نبي نروح مطعم او كوفي نحتفل
الريم: لا تعالوا عندي البيت الرعد ماراح يرضى يخليني اطلع
حسنا: اووووففف ريمووو كل شي رعد رعد رعد
هنادي: اصلا منو قال بنطلع بعد المدرسه احنا بننحاش الحين ونروح نحتفل
الريم شهقت: لالالالالا انا مابي مستحيل الرعد اذا درى بيلعن خيري لالا ماقدر
حسنا: اقول بس طفشتينا بهالموال
هنادي سحبت الريم من ذراعها: ماله داعي الخوف يلا بسرعه
طلعوا من المدرسه بدون ماحد يشوفهم وراحوا مطعم وثلاثتهم كاشفين وجيههم
بمكان ثاني:
: الو
المديره: السلام عليكم الاخ رعد ال....
الرعد: وعليكم السلام هلا امري اختي
المديره: والله مدري شقول بس في ناس شافوا طالبات ينحاشون من المدرسه ولما راجعت الحظور لقيت الانسه ريم وحده منهم
الرعد شد يده علي الجوال: انا بشوف الموضوع وانشاءالله خير مع السلامه
مانتظر يسمع ردها وسكر بوجهها واتصل على الريم
عند البنات:
الريم شهقت: بنات الرعد يتصل
هنادي: انزين ردي
حسنا: لا لاتردين في احد يرد وهو بالمدرسه
بعد ثواني وصلها مسج
فتحته: "الريم ردي على التلفون احسنلك ادري انك طلعتي من المدرسه"
الريم ودموعها على خدها وبصوت مرتجف: اللوو
الرعدبهدوء: وينك
الريم وهي ترتجف من الخوف: انا .. والله ماسويت شي ورب..
الرعد قاطعها: انا سالتك وينك بجي اخذك
الريم: انا بكوفي ال....
سكر بوجهها وعلى طول ركب سيارته وراح لها
دخل الكوفي وشاف شباب على طاوله قريبه يناظرون الريم
الرعد وهو واقف جمب طاولة البنات: السلام، الريم يلا نروح وراي شغل
البنات انصدموا" هذا هو الرعد يمه يهبل شوفي شلون يكلمها بهدوء ومبتسم بعد صدق الريم ماعندها سالفه"
الريم قامت وهي خايفه من هدوءه لانه الهدوء ماقبل العاصفه
ركبوا السياره والتفت الرعد عليها
الرعد بصراخ: هذي اخرتها تنحاشين من المدرسه وتروحين كافيهات عاجبك كيف الشباب يناظرونك ها
الريم وهي تبكي: والله والله هم جبروني انحاش معاهم
الرعد: لييش طفله يجبرونك.. والله والله والله يالريم اذا سمعت انك سويتي شي مره ثانيه بتندمين
الريم: خلاص والله مابسوي شي انا اسفه اخر مره سامحني
كان يبي يقولها ماقدر ازعل منك بس قسى قلبه وطنشها وراح البيت وقبل ماينزلها
الرعد: امي مو موجوده بالبيت روحي لغرفتك ولا تعلمين احد باللي صار
الريم: انشاءالله باي
دخلت البيت وراحت على غرفتها ولقت علبه كبيره علي السرير مغلفه بالابيض الماسي، فتحتها وشهقت
كان عباره عن بيت كبير ابيض كانت دايما ترسمه وتقول هذا بيكون بيتي
ومعاه علبه مخمليه صغيره وكرت.. فتحت العلبه لقت اسواره الماس ناعمه والكرت مكتوب فيه " قريب راح نبني هالبيت.. الرعد"
انتبهت لصوت جومانه الي صحاها من ذكرياتها
الريم: ها شنو ؟
جومانه: وشفيك رمروم صارلي ساعه اكلمك
الريم: لا ابد بس كنت سرحانه شوي
جومانه: تصدقين اليوم مسكت نفسي بالقوه كنت بضحك على وجه رعد لما قلتي (وهي تقلدها) اهل صقر والنعم فيهم
الريم: هههههههه مالت عليك انا كنت بموت من الخوف اصلا الكل انصدموا لما نطقتي اسم صقر
جومانه: احسن علشان يحس شوي
الريم: جومانه هذا مهما كان اخوك
جومانه: وانتي اختي بعد، قهروني هو ومرام قال ايش قال اخطبيلي
الريم وهي تقاوم دموعها: خلاص انسي
جومانه حست فيها: يلا ننزل الحين امي بتلعن خيري تاخرنا
الريم: هههههههههه اجل يلا .. بس هو رجع ؟
جومانه بجديه: ريما ماله داعي الخوف رعد من رحتي تغير مو كانه الي نعرفه صار بارد بتصرفاته
الريم: اوكي يلا
________________________________
في مكان اخر *بيت ابو صقر* على الغدا
موضي وهي تناظر اخوها بابتسامه: يبا تدري انه ريم وصلت اليوم ؟
صقر اتسعت ابتسامته وعيونه تلمع فرحه وشوق
ابو صقر: الحمدلله والله اشتقنالها بنت الغالي -ودمعت عيونه-
ام صقر: شرايك يابو صقر نعزمهم اليوم ؟
موضي: لا يمه احنا نروح لانه الكل بيجتمع هناك بعد صلاة المغرب
صقر يحاول يخفي ابتسامته: انا من راي امي يجون هنا احسن
موضي بهمس : اي علشان تشوف حبيبة القلب براحتك مو مثل هناك
صقر: عندك مانع اخت موضي اي ابغى اشوفها
موضي: والله مانت بسهل ياخوي
ام صقر: علامكم تتساسرون انت وياها ها ؟؟
صقر: بنتك هبله شسويلها
موضي: انا هبله هين انا اوريك (وبصوت عالي) يما الاحسن انه نروحلهم لانه الكل بيكونوا هناك حتى الرجاجيل
ابو صقر: اجل خلاص بعد المغرب نروح
________________________________
**عايلة ابو صقر**
ابوصقر: ٥٥ سنه طيب وحنون على عياله و هو وابو ليان وابو ريم كانوا اعز الاصحاب
ام صقر: ٥٠ سنه طيبه بس مغروره شوي
صقر: ٢٥ سنه مغازلجي ومغرور ومستهتر ويحب الشي الي يعجبه يمتلكه باي ثمن وهو والرعد اعداء والسبب في البارتات القادمه
موظي: ٢٠ سنه صديقة الريم من ايام الابتدائي شعرها بني صابغته اشقر قصيره نسبيا بشرتها برونزيه ةعيونها بنيه عربجيه بس طيبه.


Sent from my GT-I8160 using منتدى عبير mobile app

رد: رواية انت ملكي

روعة الرواية
عجبني تناسق أحداثها
كملي حبيبتي ولا توقفي
معك لأخر بارت إن شاء الله

رد: رواية انت ملكي

السلام عليكم .. هذي هي روايتي الاولى وانا لسه اكتب فيها وباذن الله راح اكملها .. الروايه جريئه شوي واحداثها تقع بين الماضي والحاضر، اعتذر اذا كان في اخطاء املائيه او لغويه.. واتمنى الروايه تعجبكم. (ماصارت لي فرصه عشان اقول هالكلام لما بديتها لانه كنت متوتره P: )
**البارت الثاني** |الجزء الثاني|
ناظرت شكلها فالمرايه وابتسمت برضا -كانت لابسه فستان اسود ضيق لحد الركبه ناعم وضهره عاري شوي.. سيحت شعرها بالسشوار وتركته مفتوح وحطت مكياج ناعم (عيونها سوتهم سموكي وحطت بلاشر وروج هادي)
دخلت عليها جومانه وصفرت: يؤبرني الاسود
الريم: ههههه شرايك شكلي حلو ؟
جومانه: والله طالعه ١٠/١٠
الريم: مو كانه مبالغ فيه
جومانه شهقت: لعنبو دارك تبين تنزلين بالبيجاما مافي ابسط من كذا ويلا بسرعه يسالون عنك
الريم: ههههه انزين يلا
بالمجلس--
الرعد: حيالله من جانا
الكل: الله يحييك-تسلم-...
ابو صقر: الحمدلله على سلامتها ومبروك النجاح -وناظر بولده صقر- وعقبال الفرحه الكبيره انشاءالله
الرعد رفع حاجبه الايمن وناظرهم: الله يبارك فيك .. قريب انشاءالله
ابو ليان: والله اننا اشتقنا لها اهي الي بقت لنا من ريحة المرحوم
الكل: الله يرحمه
ابو فهد: فهد روح يبا شوف اختك قولها نبي نسلم عليها
فهد ناظر الرعد يبي الاذن ووقف الرعد : بالاذن ثواني بس -وراح معاه-
عند الحريم--
سلمت على الكل وجلست مع خالاتها
ام علي: شلونك ريما من زمان عنك ولا عجبتك الهياته والحريه برا
الريم: الحمدلله، اي عجبتني تبين اخذك معاي المره الجايه يمكن تشوفين بنتك عليا الا صدق تزوجت واحد مسيحي ؟
ام علي احمر وجهها والبنات فقعوا ضحك عليها
ام سلطان: خلي البنت بحالها،، مبروك يمه النجاح والله ورفعتي راسنا
بتسمت الريم: الله يبارك فيك يالغاليه والله انا الي دوم ارفع راسي فيكم
ام سلطان: الله يفرحنا فيك حبيبتي
مناير: اقول يمه ادعي لي انا ابي اتزوج، بنت اخوك كل يوم والثاني يخطبونها مالت على حظي الاهبل
مها: والله انتي الهبله مو حظك قولي ماشاءالله لا يصيب البنت شي
مناير: ها ها عيني بارده وبعدين انتي سكتي
جومانه: ههههههههه بنات خلاص لازم الهواش
مناير والمها: وانتي شدخلك
الكل ضحكوا عليهم منار ناظرتهم من فوق لتحت
منار بمياعه: اووفف بنات وشفيكم كل هذا عشان ناس ماتستاهل-وناظرت الريم- من عرفتوا بعض الناس صرتوا مره سيفاج
الريم رفعت حاجبها: قلبي ترى يقولون سوڤاج مو سيفاج مرام عصبت: وانتي منو كلمك يالهايته
جومانه وصلت حدها: هييه احترمي نفسك وصوني لسانك تراك فبيتها
الريم: خلاص خلاص شفيكم والل...
قطع عليهم سوالفهم صوت
الرعد: احم يا ولد يا ولد
البنات كل وحده لبست عبايتها والريم قامت للمطبخ
ام رعد: تعال يمه
الرعد وفهد: السلام عليكم
الكل: وعليكم السلام
فهد: خالتي وينها الريم
ام رعد: بالمطبخ يا ولدي
الرعد: جومانه روحي قولي لها تتغطى وتجي عمامي يبون يسلمون عليها
جومانه: انشاءالله
الريم سمعت كلامه وطلعت لبست عبايتها والشيله (ما تغطي وجهها)
نزلت بتروح المجلس ولقت الرعد واقف عند الباب -ناظرها ورفع حاجبه- كملت مشي ولما مدت يدها تفتح الباب دفها الرعد للباب الخارجي
الريم: خيير خيير شفيك
الرعد يصر عاسنانه: وانتي الي يشوف وجهك يصيرله خير بتدخلين كذا -اشر على وجهها-
الريم توترت من قربه: وان.. وانت شكو اي بدخل كذا
الرعد: الرييم روحي غطي وجهك
الريم: لا، انت مالك دخل فيني، كنت اسمع كلامك من زمان بس الحين انا ولية نفسي مو من حقك تتحكم فيني
الرعد فور من كلامها ومسك ذراعها بقوه: مو عشان سمحتلك تسافري وتسوي الي تبين معناته اني بسم...
قاطعته الريم وهي تحاول تسحب ذراعها منه: وانت منو عشان تسمحلي -ورفعت حاجبها الايمن ودمعوا عيونها- ولا نسيت، نسيت انك ما تتشرف انه وحده مثلي تكون زوجتك،
الرعد انصدم من كلامها والدموع الي بعيونها لسه تذكر كل الي قاله بلحظة غضب ما توقع انه هالسالفه بتاثر فيها
الريم ابتسمت بسخريه: وشفيك يالرعد نسيت اووه اسفه ذكرتك بسالفه تافهه
الرعد قرب منها اكثر وهي بعدت لين ما صدمت بالجدار وصار قريب منها وانفاسه تلفح وجهها: ما نسيتي ؟ السالفه صار لها سنين..
الريم تخدرت من قربه ونزلت عيونها خايفه تفضح شوقها له: رعد، بععدد ع..ني
الرعد ابتسم على توترها: ليش متوتره، تحبيني يعني
الريم انتفضت من كلامه وناظرت عيونه وابتسمت: ههه لا بس يمكن نسيت انه حرام
الرعد بعد منها وكانه مقروص هي الوحيده الي تخليه ينسى كل شي وتم يستغفر بقلبه
الريم تبي تقهره اكثر: وعشان حبيبي يغار ومايبي احد يقرب مني لاني بكون زوجته عن قريب
الرعد وصل حده من كلامها ومسك فكها بيده وضغط عليه بقوه وقال وهو يصر عاسنانه لايعلى صوته: لو ما كنت ادري انه هالكلام كذب كان بيصير اخر يوم بحياتك وحياته
ريم تحس فكها بيتفتت من قوة قبضته عليه بس تكابر لان النار الي فقلبها اقوى من اي الم ثاني: وليش اكذب ؟ انا ناسويت شي غلط او حرام بس واحد احبه ويحبني ويبي يخطب شفيها
الرعد زاد من قوة قبضته على فكها: انتي لي انا، ملكي انا والي يفكر ياخذك مني بذبحه
الريم داست على رجله ودفته: هه كل هذا حب
الرعد طالعها وهو يحس بقلبه بيطلع من مكانه من قالت انه احد بيخطبها: ههههه لا يا طفلتي انتي بنت عمي وما راح تكوني لاحد غريب
الريم ماسكه دموعها بالغصب: وانا مابيك كفايه الي سويته من ٣ سنين ابعد عني - ومشت بسرعه وهي تعدل شيلتها الي انعفست-
ناظرها الين دخلت وسند نفسه على الجدار ومرر اصابعه داخل شعره: يالله! مهما حاولت اكون بارد تطلعني من طوري، استغفر الله ماكان لازم اقرب منها، طول عمرها قدامي بس عمري ما تجرات اقرب منها وشصايرلي الحين..
طلعت لغرفتها وقفلت الباب ورمت نفسها على سريرها وبكت، بكت شوق له، بكت قهر عمتها الي بس تبي فرصه عشان تجرحها، بكت الراحه الي فقدتها من ثلاث سنين
دخلت عليها جومانه: ريما شفيك يا قلبي
ابتسمت لها الريم: مافي شي يا عمري بس تضايقت شوي
جومانه بحزن: الريم انا اكثر وحده تعرفك بس بعديها لك ويلا قومي الرعد يناديك عمامي يبونك تسلمين عليهم وعدلي هالحوسه الي بوجهك اول مابي سكتات قلبيه بالمجلس
الريم ضحكت على هبالها: هههههههههههه مالت عليك اصلا انا لو احط فحم على وجهي بطلع ولا احلى
جومانه باست خدها: فديت الواثقين والله يلا حبي بسرعه
دخلت للمجلس ووقفوا عمامها، باست راسهم وسلمت على صقر من بعيد وجلست جمب فهد
ابو فهد: كيف حالك يا بنتي
الريم: الحمدلله تمام وانت يا عمي بشرني عنك
ابوفهد: الحمدلله الحمدلله
وسولفوا مع بعض شوي
صقر: اخبارك ريما
الرعد عطاه نظره ولف عنه وناظر الريم بوعيد وهي لقتها فرصه تردله حركته بالحديقه: الحمدلله على حطت يدك وانت اخبارك ؟
صقر استانس لاهتمامها (من وجهة نظره هو): اذا كنتي بخير احنا بخير
ابو ليان وابو فهد ناظروه وابو صقر ابتسم
ابو علي: اقول يا بنتي حلال ابوك شسويتي فيه بعده عند رعد -الكل ناظروه والريم رفعت حاجبها- وكمل: ترى الدنيا مالها امان
انقهرت الريم بس حاولت ماترفع صوتها: عمي، انا امن الرعد على حياتي كلها مو بس فلوس، والحمدلله ماهو مقصر معي بشي
الرعد ابتسم وناظر ابوعلي بتحدي..
ابو علي ارتبك: لا .. انا ماقصد..ت شي.. احم. يعني..
الريم وقفت: عن اذنكم
_______________________________
ابوعلي: ولد عم ابو الريم وعمره ٥٥، رجال طماع ومايهمه الا الفلوس
ام علي: اخت ايو الريم، انسانه حقوده وتكره ريم بشكل مو طبيعي ومنقهره لانه فلوس اخوها راحوا كلهم للريم
عليا: ٣٠ سنه عايشه بلندن بعد ما تطلقت رفضت ترد لبلادها، مملوحه وجذابه بس اخلاقها وطباعها زفت
علي: ٢٦ سنه طيب وعاقل عكس امه وابوه بكل شي ويحب جومانه من صغره
مروان: ٢٣ مرجوج ويحب الفله دوم بالبر او مسافر مع ربعه بس قلبه طيب
ندى: ١٧ سنه حلوه مره وطيوبه تشبه الريم وتحب فهد
ابو سلطان: انسان مرح ويحب مرته وولاده ومدلعهم مره
ام سلطان: عمة الريم وتموت فيها طيبه وخلوقه
سلطان: ٣٠ سنه مملوح وطويل مره ومتزوج بنت عمه نسرين عنده ولدين (محمد ٤ سنين و يوسف سنتين)
مناير والمها: توام عمرهم ٢٠ سنه دايما يتهاوشون بس مره يحبون بعض، ملامحهم متشابهه مره وجذابه والاختلاف بينهم انه مناير شعرها اسوب والمها بني فاتح
سلمى: ١٠ سنين ملسونه والي يقولها كلمه تردها ب١٠

رد: رواية انت ملكي

روعة البارت يعطيك العافية
استمري حبيبتي ولا توقفي
بانتظار البارت الجاي
باقة ورد مع أعطر التحايا

رد: رواية انت ملكي

وايد حلوة بدايتها ...
يعطيج الف عافية اختي ...
ياريت ماتتأخري بتنزيل باقي الاجزاء ...



Sent from my iPhone using منتدى عبير