رد: حبيبك يحبك

ان شاء الله إذا كان عندي وقت اليوم راح أكتب البارت2 أو بكرة العصر لأني مشغولة بالاستعداد لأختبار قياس ومتوترة دعواتكم لي

رد: حبيبك يحبك

الله يوفقك غاليتي
موفقه ..

رد: حبيبك يحبك

الله يجزاك بالجنه مشكورة

رد: حبيبك يحبك

بالتوفيق اختي اتمنى تشرفيني في روايتي.

رد: حبيبك يحبك

اشكرك على مروورك ؛؛يوفق الجميع
بإذن الله انتظريني

رد: حبيبك يحبك

بسم الله ؛؛
البارت 2
الساعه 4 العصر ؛؛سعود حرق جوال نايف اتصالات ؛؛ رد نايف اللي كان متعمد انه مايرد على سعود لاجل يتأخروون على الطلعه
نايف مسوي انه نايم :همممممممممممممممممممممممممممممممممم
سعود: نايم ي مال المرقد
نايف كاتم ضحكته <<عرف انه نرفز سعود<<:اللي يرقدك ؛؛ويش عندك امداك تشتاق لي ؟؟
سعود: انا اشتاق لك انت ووجهك !!لا مأخذ مقلب في نفسك ي مسكين أقول بسرعه تعالني ولا ترى برووح وأخليك
نايف يستهبل : وين بتروح ؟؟
سعود وصلت معه: للبر جعلك اللي ماني بقايل
نايف مسوي ناسي: أوووووووووووووه نسيت ي الله جايك
سعود: انتظرك
--قفل نايف من سعود وهو مستانس على اللي ناوي يسويه ومتحمس وعلى طول قام يتجهز بسرعه
--------------------------------------------------------------------------------------------------------------

في المستشفى:
تالا " ام تالين ": الحمد لله على سلامتك ي خالة
المريضة : الله يسلمك ي بنيتي وطلعت
رجعت تالا تكمل شغلها ؛؛فجأة انفتح الباب
..........:السلام عليكم
وعليكم السلام هلا وغلا بنور حياتي هلا بعيالي
تالين وهي تبوس رأس امها :اهلين فيك ي حياتي ودنيتي
نواف يبوس رأسها :الله لا يحرمنا منك ي الغاليه
ترف وهي تسلم عليها :عاد حنا جايين اليوم مخصوص لاجل الدكتورة الغالية تالا
تالا: الله يحييكم نور المستشفى
نواف: النور نورك ؛؛ي الله استعجلوا انا عازمكم اليوم على العشاء واحلى تمشية ي الله بسرعه علشان ما يفوتنا جو العصر
تالا : على بركة الله
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


في بيت ابو نايف تحديدا في الحديقة ؛؛ابو وام نايف جالسين يتقهون ويسولفون
ابو نايف : يووووووووووووووووووووووه نسيت
ام نايف : بسم الله ويش نسيت؟؟
ابو نايف: اليوم انا وحمد اتفقنا اننا نطلع في الويك اند للمزرعة اتصلي على ام عادل وبلغيهم اننا بنطلع يوم الخميس نهاية الدوام وقولي لها لا يقولون
للعيال لأننا نبي نسويها لهم مفاجأة
ام نايف :واخيرا بنطلع مابغيتم
ابو نايف : اللي يسمعك يقول ماتطلعون من البيت ابد وانتم كل يوم في السوق
ام نايف :ويش نسوي ؛؛ انا قصدي متى اجتمعنا ومتى هي اخر مرة رحنا للمزرعة
ابو نايف :عاد انا علشانكم اقترحت هالاقتراح
ام نايف: كثر الله خيرك بدري
ابو نايف:لا يضيق صدرك ي الغالية هذانا الويكند الجاي بنطلع
نايف وهو طالع:وين بنطلع؟؟كني سمعت طاري طلعة
ابو نايف يغير الموضوع : وعليكم السلام
نايف اسف السلام عليكم ..وين بنطلع؟؟
ابو وام نايف:وعليكم السلام اقعد تقهوى
ابو نايف لاجل يضيع سؤال نايف : وراك متكش وين رايح؟؟
نايف :يوووووووووووه نسيت ؛؛اي ي الغالي بطلع مع الشباب
ابونايف : وين بترووحون ؟؟
نايف: رحله للبر ويمكن نمسي هناك ونرجع بكرة العصر إلا إذا كان الجو بارد رجعنا الليلة
ابونايف : الله يستر عليكم انتبهوا لنفسكم
نايف :ابشر يبه تأمروني على شئ ؟؟
ام وابو نايف :سلامتك
نايف :في أمان الله
ابو وام نايف:الله يحفظك
~~~~~~~~~~~~~~~~~~~~~~~~~~~~~~~
نايف طلع من البيت متحمس وعلى طول على بيت عمه حمد ودق على سعود وقاله انه تحت
طلع سعود مستغرب من سرعة حضور نايف اللي ماهي من عوايده
سعود:سلام عليكم
نايف: وعليكم السلام
سعود:غريبة!!!!
نايف: ويش هي؟؟
سعود: جاي بدري ما تأخرت!!!
نايف: متحمس للطلعة
سعود:وخير ان شاء الله هذي اول طلعة برية لك
نايف:لا بس احسها مختلفة
سعود زاد استغرابه: مختلفة في إيش ؟؟
نايف وهو يزيد السرعه:في هذا
سعود اللي ارتعب من حركة نايف :نايف ويش صار لك هد السرعه الحين بنصدم
نايف يزيد السرعه ويضحك ضحكة شر: ها ها ها ها ها ي
سعود :نايف انتبه
نايف صرخ صرخة عالية ومعها سحب بريك لين صقع سعود في الدرج اللي قدامه
........................................................................................................................
في مكان ثاني من العاصمه في مول{..............}
.............: ويش رأيكم ندخل هالمحل؟؟
..............:اي والله شكله حلوو خلينا ندخله ي ماما
تالا: اجل ي الله امشوا خلونا ندخله
نواف عصب:يمه الله يهديك ماخليتوا محل وانتي كل ماقالوا لك شئ قلتي ي الله حرام عليكم تعبت من الفرفر
تالين :اقول لايكثر؛؛
ترف:ما أحد جابرك وقالك تعال معنا رووح للكوفي ولا بكيفك لاتزن علينا
نواف:الشرهه ماهي بعليكم الشرهه علي اللي مطلعكم
تالا تضحك على هبال عيالها :هههههههههههههه خلاص انت وياهم ترانا في السوق مو بالبيت لهواشكم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ه
ام نايف دخلت للصاله وكلمت اختها ساميه "أم عادل" واتفقوا على الطلعة و بدأت العائلة تتجهز للطلعة من اليوم وبدوون علم العيال
ملاحظة: اليوم الأحد والطلعة نهاية الأسبوع يوم الخميس .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
انتظروا تكملت البارت الثاني قريبا
تحياتي fatooo الشهراني
توقعاتكم :
نايف وسعود ويش صار لهم ؟؟
ي ترى راح تتأجل الروحة للمزرعة؟؟
الأحداث القادمة راح تكون سعيدة أو حزينه ؟؟
بانتظار ردودكم وتفاعلكم ....

رد: حبيبك يحبك

السلام عليكم
صار لهم حادث اليمم.
يس يس.
معرفش واللهه.

رد: حبيبك يحبك

وعليكم السلام ؛؛
ننتظر ونشوووف

رد: حبيبك يحبك

مشاهدات كثيرة لكن مافي ردوود
شكلي راح انسحب

رد: حبيبك يحبك