السلام عليكم ورحمة الله ...قعدت احوس في النت ولقيت لي روايه جديده وجميله وحبيت انشرها في هذا المنتدى..

الكاتبه اشتاق للجنان

البارت الاول:



احببت يوما ان اقف على شرفت الضلام..
لارى حقيقة البشر..
حب يضهرونه..
ويكره يخفونه..
نفاق..
وقد ترى بشر يبدون مصالحهم على حساب سعادتك..
انانيه
وقد ترى بشر يدمرو معدنك الجميل وطيبتك..من اجل تحطيمك..
شر..
فلا تياس ايها الانسان مهما المتك الحياه..
ولقيت من البشر اصناف واصناف تنصدم من حقيقتهم والقناع الذي يخفونه امام تحقيق مصالحهم..
سابدا بسرد روايتي واتمنى ان تنال اعجابكم..
الشخصيات..

منيره:عمرها 19 سنه بشرتها برونزيه..وملوحه شعرها بنيي شكلاته..ابتسامتها رائعه..طموحه ولها اهداف تسعى الى تحقيقها...اهمها الشهاده..وهي الدكتوراه..طولها متوسط\ عيونها عسلي فاتح..ورموشها كثيفه وطويله...وشعرها ناعم حيييل ولحد كتفها..ابوها مطلق امها وساكنه هي وامها في بيت خالها فهد..
وامها :سعاد تركت الزواج لاجل ابنتها وتربيت ابنتها ورعايتها...امراه جميله وتهتم بشكلها..بيضاء وطويله نوعا ما وجسمها رشيق..ومنيره ماخذه بشرت ابيها السمرا وملامح امها الجميله..
وام مشاري اخت ام منيره:سعاد..
ام مشاري اسمها نوره..طيبة القلب وعلى نياتها ومتدينه ..جدا..وزوجها متوفي في حادث سياره ولها ولد اسمه مشاري..بطل روايتنا..
مشاري اوسم اوووسم شاب بالعايله..طويل وطوله مناسب وجسمه معضل..وشبيه للمذيع السعودي طراد فهد..لدرجه انه مافيه وجه مقارنه بينه وبين المذيع..
لكن له عيوب مدلع من قبل امه وهذا سبب انه مايحب يتحمل اي مسؤوليه في البيت..وفيه مرض الله يجيركم منه..مرض في القلب..
وطبعا ساكنين في بيت خاله
وخاله فهد:صاحب اكبر الشركات في العالم..له سمعه ونفوذ في اقطار العالم..وله شركات يعني غني مرره ملياردير..وهذي الاموال كلها مو بحق له..لشخص راح تعرفونه..
وعيال فهد..
عبدالعزيز:دكتور جراحه..
زوجته ديالا..له سنتين متزوج..
وناصر البدوي الاصييل صاحب الاصاله من كلامه ومن صوته وطريقته وشخصيته ..يحب القنص والبر وركوب الخيل وله اسطبل في مزرعة القصر..ويحب الابل..
ومتزوج له ثلاث شهور واسم زوجته ريم..مربية اطفال...
وخالد وهنادي التوام..
خالد نادرا مايبتسم وعصبي ومزاجي وجدي جدا..
وهنادي عكسه تماما مرحه وتحب الضحك ومبتسمه..طالعه على اخوها من الرضاع مشاري ولد عمتها..بس بالشكل والجسم والمشيه بويه على اخوها خالد شبيهته.طبعا لانهم توام..
وعمرهم 19 سنه
وهيفاء 18 دلوعه جدا..وتشبه الممثلات التركيات بالهيئه ..وسمينه شوي وزنها بالخمسين..
وشعرها كستنائي وملفلف..ورووعه عليها طويل لحداخر ضهرها..
العنود طالبه في الجامعه تدرس ادارة اعمال...
هاديه وقليلة الكلام..
وام عبدالعزيز سيدة مجتمع..

عايلة ابو نواف...ابو نواف تاجر في الابل وعضده ن.وشريكه ولد اخوه..ناصر
ام نواف ربت بيت
نواف يدرس برا في جامعة هارفرد..
وجمانه عمرها 19..

ابو سالم له عماير وعقارات ولكن مواغنى من ابو عبدالعزيز...
وام سالم ربت بيت
سالم يدرس في كلية الصيدله..
وغلا:19
سديم 18
ونور ورامي اخر العنقود 6
والجده ام فهد....

وفاطمه اخت فهد وابو سالم وابو نواف..
زوجها يشتغل في شركة ابو عبدالعزيز...
اسمه حمد..ولها بنت عمرها بالشهور..

وانتهى الجزء الاول

البارت الثاني..




الكل يوم الجمعه مجتمعين في بيت ابو سالم..
والبنات يسولفون في حديقة القصر..
جمانه:يابنت اسمعي كلامي قصي شعرك..
هيفاء:مابي مابي انا شعري كذا عاجبني..
جاؤ البنات لهم
هنادي:وشفيكم كنكم تهاوشون..
جمانه:اقولها قصي شعرك رافضه..
هيفاء:كيفي
هنادي:اييه كيفها
نور:انا من رايي تقصينه
هيفاء:جتك الثانيه
منيره:بنات شوفو شووفو شرف صاحب السمو الملكي الامير مشاري ههههههههههههه
البنات:اوووه
"وقفت سيارة مشاري ولونها احمر بي ام دبليو"
نزل مشاري وسالم وخالد..راح سالم داخل عند الرجال..
هنادي بصوت عالي:اقييين اقييين..
خالد:وجعععععع
جا لهم..
خالد:وش عندكم واقفين هنا..؟
مشاري:اكييد تبون تشوفون سيارتي كاشخ فيها..
جمانه:مبروك يامشاري.
مشاري:الله يبارك فيك..
نور وغلا:الله يعطيك خيرها ويكفيك شرها
مشاري:امييين..
العنود:مشاري نبي نركب فيها
جمانه بدلع ماصخ:مشاري وانا وانا بركب معكم
خالد يقلدها:مشاري وانا وانا..بركب معكم..
ضحكو البنات..
منيره:لالا خالد مايصلح ..انت مشاري قلدها يبطلع احلا عليك..
مشاري:بالله"ماصدق خبر"
هنادي:اييه قلدها
مشاري قلدها ماتو البنات من الضحك وكرشهم خالد ودخلو عند الحريم..
في الليل ..انوار القصر تشع من كل مكان..قصر فخم..جدا..
وفي الصاله الواسعه فيها من البذخ ولغنى مالله به علييم..جالسه لوحدها وتدقدق بالبيبي..
وتدندن :ياحبيله ولاغيره هوى قلبي..لالا ياحبيله لاغيره شغل قلبي..لالا ياحبيله ولاغيره سكن قلبي ياحبييييلله..فجاه:بوووووه..صرخت وطاح الجوال منها..قامت ونظرت له..وهو يضحك بقووه..جلس وحط ايده على صدره وبانت على ملامحه التعب والالم..قربت له:مشاري وش فيك؟..حمار ليش تخرعني هذي جزاتك..
مشاري:اه ابعدي ابعدي خلاص..
منيره:طيب اتصل عليهم..مشاري رد علي لاتخوفني عليك...
رفع راسه وناظرلها:تخافين علي..
منيره:ايه
ابتسم ولم يديه ببعضها ولاكان فيه شي..
منيره:مافيك شي.ز
مشاري يبتسم بغباء:لا..
منيره انقهرت وضربته كف..
مشاري قام:تضربيني كف
منيره رجعت على ورا:اييه اضربك كم مره تسوي هالحركه الماصخه..فرضا دخل احد وشافك ولادخل خالد وش يكون موقفي انا وياك..استح على وجدهك
مشاري:وبععد تعلمني الادب..وشدها من زندها ولف يدها ورا ضهرها
منيره:اه هدني..انت غبي ماتفهم..هدنني عورتني يدي بتنكسر.
:مشاري..
تركها مشاري ونظر......
......




لخاله:يبه"هو خاله بس لانه رباه"
منيره:خالي شوفه ..وراحت لخالها..كم مره خرعني لاعاد يسوي هالحره..يستغل سرحاني ويخرعني..فرضا مت ياخالي من لكم وحده تسليكم غيري بناتك كل وحده منشغله بنفسها
خالها:صح صادقه..من لنا غيرمنوور
مشاري:لاتسمعك دلوعتك هيفاء بسس..
ابو عبدالعزيز:ماحد يجي ربع منيره
منيره:بعلمها
ابو عبدالعزيز:لالا اسكتي
مشاري:ايه شفتي انه يكذب عليك..
ابوعبدالعزيز:ماعليك من هالشيطان هذا..
مشاري اخذ الجوال حق منيره وركبه وعطاه منيره اخذ ته وكشت عليه وراحت...
ضحك مشاري على هبالها وجلس هو ويا خاله..
ابوعبدالعزيز:مشاري يابوك لاعاد تمزح معها..عندك خواتك امزح معهم..البنت ماتحللك وبيوم من الايام بتصير لخالد
مشاري ساكت ومزل راسه..
ابوعبدالعزيز:اذا بتزوج انا مختارلك بنت ومشاور امك عليها وابو نواف قايله نبي بنتك لولدي قال خلاص تخلص من دراستها ويتزوجها..وش قلت يابوك؟
مشاري ناظر خاله مستغرب:كل هذا يصير وماعلمتوني كني بنت تغصبونها اللحين حتى البنت صار لها راي..
ابوعبدالعزيز:لييه وش ناقصها بنت اخوي جمال وادب وعلم وعقل وطول مثل الاميرات..وتصلحلك..
مشاري:بسس يبه..
ابوعبدالعزيز:وافق عشاني انا معطي الرجال كلمه..
مشاري ابتسم وقام وباس راس ابو عبدالعزيز:موافق..دامه شورك واختيارك راضي فيه..
ابوعبدالعزيز:الله يرضا عليك..
مشاري:يالله انا بروح اعجل بالبنات عشان الطلعه للمطعم..تبي شي؟
ابوعبدالعزيز:سلامتك..انتبه على نفسك.
مشاري:ان شالله..
راح مشارري فوق ويغني:ياحبيييللله ولاغيره وفا لقلبي ياحبيييله..عيووني لاه ...هلا ورا..ويرقص..
هنادي تصفر وتصوره:شي جنان..صورتك وصوتك بالفديو عطني فلوس ولافضحك هههههههههههه
مشاري:خبله ماعليك شرهه.وراح لغرفته..دخلت على البنات..:هيفاء والعنود شوفوو مشاري ههههههههه
هيفاء لبست وخلصت والعنود بعد قربو وشافو مشاري وضحكوو..
هيفاء:يالبيي المزيوون..
العنود:هههههههههه
دخلت منيره:بنات مابي ارووح
هنادي:لييش ان شالله
منيره:مابي اروح ومشاري موجوود
العنود:لاياشيييخه رايحه معنى مومع مشاري
منيره بوزت:يغثني
هيفاء:منيييره انتي اللي تغثيين مشاري وكذا مرره طاح بسببك تذكرون بنات..يوم كنا قاعدين بالصاله..

ام عبدالعزيز وام منيره جالسين يسولفون..وام مشاري تناظر التلفزيون على شيخ..
وهنادي مندمجه بالبيبي وهيفاء تاكل شبس وتشرب ببسي"عاده حتى لو موجوعانه"
والعنود تقرا كتاب"تمووت على القرائه لها مكتبه خاصه فيها مليانه كتب انواع واشكال..."
وعبدالعزيز وديالا نزلو:السلام عليكم..رد الكل السلام.
منيره سحبت من مشاري الايباد:هددده هذا حقيي..
مشاري:من متى حقك ضايع شوفي هذا حقي"هو حق منيره"
ام مشاري نظرت لولدها:منيره حبيبتي خليه يقع عليه شوي موماكله"
منيره:مشاري خبل الحاجه ماتقعد عنده يوم واحد..
مشاري:الله واكبر يالعاقله..
منيره:تراه حقي
مشاري:ادري
هنادي وهيفاء:ههههههههههههههه
هيفاء:ياخساره يامشاري تقول عنك خبل وتسكت
ام عبدالعزيز:بنت اعقلي..
سكتت هيفاء..
منيره:خبل وحمار بعد
ضرب مشاري الايبارد بالارض بقوه وتكسر وكانوضربها على كتفها وقامو كلهم ومسكه عبدالعزيز:مشاري انجنييت
جته ام منيره:منيره يالله رووحي فووق
منيره بكت:خاله شوفه يضربني وتسكت
طاح مشاري واغمي عليه وصرخو الحريم..ومن يومها ياويل منيره بس تستفز مشاري حتى لوهو غلطان."

العنود:اييه انتبهي تستفزينه ويصدم فينا..
منيره:اذا تكلم علي برد عليك
هنادي:ثم اشنقك..هذا دلوع الماما لاحد يقوله شي هههههههه
هيفاء بصوتها الطفولي:حدك..
هنادي تناظر لها باستخفاف:حدك..يالله انتي منيرووه تحركي قدامي لاتطوليين..
منيره:اوووف..وطلعت..

ديالا واقفه قدام المرايه وتمكيج مكياج خفيف..
وعبدالعزيز جالس قدام التلفزيون في صاله صغيره جنب السرير فيه تلفزيون وثلاجه صغيره وطاوله بالوسط..
عبدالعزيز:ديالا ماصارت خلاص حلوه..
راحت له ديالا وجلست جنبه..
ديالا:عزووزي
عبدالعزيز:خير اللهم اجعله خير كم تبين..
ديالا تناظر له ..ضحك عبدالعزيز:امزززح..امريني ياقلبي
ديالا:بروح مع البنات للمطعم..
عبدالعزيز:غرييبه...!!!...خبري ماتحبين الببنات شاللي تغير..؟
ديالا:نفس الاحساس بسس انا مورايحه لهم رايحه للمطعم حق مشاري
عبدالعزيز:يعني اللي بيوديكم مشاري..
ديالا:يب
عبدالعزيز نظر لتلفزيون ورد برد جاف:لا
ديالا :ليييه..؟؟
عبدالعزيز:كييفي..انتي تعرفين ان مشاري مايعرف يسووق تذكرين يوم صدم فيكم..تذكرين وش قالولك اهلي وش صارلي بغيت انجن..
ديالا:ربي يخليلنا لبعض..اللي رببي كاتبه بيصير..تكفى وافق
عبدالعزيز:قلت لا ماتفهميين..
ديالا:عبدالعزيز عشاني..قوله لايسررع
عبدالعزيز:طيييب..بسس قدري موقفي
ديالا:مقدره خلاص لو قلت له ماراح يسرع مشاري يسمع كلامك..
عبدالعزيز:موافق..
ديالا باسته على خده
عبدالعزيز:بسسس بسس خدي راحديالا نظرت له وحبست ضحكتها قامت..وراحت اخذت عبايتها ...وتغطت وتلثمت.........وطلعت..
ولحقها عبدالعزيز..
دخلت ديالا عند البنات ومشاري واقف عند الدرج..جاه عبدالعزيز:شووف يامشاري والله لوتسرع ياويييللك مني..فاهم..
مشاري:ههههههههه..رح رح شوف شكلك وتعال كلمني.
عبدالعزيز:وش فيه شكلي.
مشاري:ياخي رووح وشووف..
عبدالعزيز يتلمس وجهه:شكلي مافيه شي..المهم حذرتك..
مشاري:عاد كيفك اذا بتروح للمستشفى وكذا وجهك براحتك..هههههههههههههههه
راح عبدالعزيز ودخل الغرفه..وشاف شكله وضحكو البنات
ديالا:عبدالعزيز اطلع منيره ماتحرملك..
عبدالعزيز قرب لديالا:ديالووه ثاني مره لابغيتي تبوسيني..تمسحيين رووج فمك..
هنادي:هههههه لارووج خشمها..
تغير وجه ديالا وانقلب احمر واخضر واصفر..اشارة مرور مو وجه..

تكلمه في السياره ...
هيفاء :مشاري حبيبي
مشاري:عيون مشاري..
هيفاء حطت يدها على صدر مشاري
هنادي:حشا موباخته زوجته
هيفاء:تفتف قل اعوذ برب الفلق من شر ماخلق
هنادي:خلاص موالايه كلها..هههههههههه
مشاري باس يد هيفاء وناظر لمنيره من المرايه..نزلت منره عيونها..
مشاري:هيفاء مو اخت وبسس هيفاء الهواء اللي اتنفسه
منيره انقهرت لانها تحس بالفراغ الاخوي حتى عبدالعزيز اللي قريب منها..منشغل عنها بالمستشفى..وامها دايم مع ام عبدالعزيز وام مشاري ياطلعين يابسوق ولا العزايم ولاجالسين يسولفون مع بعض يعني امها مادرت عن هوا دارها..من كبرت امي امي انشغلت عني ياليتني ارجع صغيره..ومشاري هو اللي يعرف بالشي لانها مره قالت له ..وهو اسستغل هالنقطه ويقهرها فيها<نذل..ويعرف انها نقطة ضعفها..
هيفاء:ودنا مجمع الراشد
مشاري ترك يدها:لا
هيفاء:لييييش؟
مشاري:كذا يوديكم خالد..موانا..انا الغبي اللي اخذكم وامشيكم وانتم ماصدقتو على الله..ودنا لمدري اييش ودنا لمكان هذا..خلاص عاد سواقكم انا
العنود:بسم الله وش زينك تو اكلتنا بقشورنا..
ديالا:مشاري عشاني ودنا لراشد..ماراح نطول بالمطعم واللحين احنا المغرب تو الوقت على العشا واحنا خالصيين
هنادي:لييه جايين نتفرج ولاناكل
مشاري:اقوول اسكتي انتي نقطينا بسكاتك..
هنادي:انا ولاهي؟
مشاري:ديالا..بعد لك عيين تكلمين حضرتك كافي اسوق على بيض عشانك..
العنود:مشاري عيييب..
هيفاء:طيب اهدى مايسوى علييك تعصب لاعادت من روحه لراشد
العنود:اعوذ بالله لاتدعيين..
مشاري:اييه اسوق على مهلي عشانها..
العنود:ههههههههه طيب خلاص.
منيره:لييه احنا رخيصات
العنود تندغ منيره تسكت
مشاري:اييه رخيصات وانتي اولهم..
هنادي:هوودني عليه بشن عليه الحررب هدووني
منيره تمثل:اسحب جيوشك ايها الوغد
هنادي:انا وغد ياووغده..ياللهي
مشاري:بسس انتي وياها انا رجال مرييض ماتحمل ثقالة دمكم..
هيفاء:ايه والله وانت الصادق مالهم داعي في الحياه
مشاري:صادقه بسس لاسف وش نسوي لازم نتحملهم..
منيره:بنات ناصر ومرته وينهم؟
العنود:وين انتي عايشه..مسافرين للعمره
منيره:حسبالي رايح للكشته كالعاده وهي عند اهلها عاد هي ماتعلمنا
مشاري:لييه تبينها تستاذن منك انتي وهالوجه
منيره:لا وجهي لحاله اكييد انا ووجهي
هنادي:حلللللللللللوووه:"كفك..
منيره:اسحب ملفك
هنادي:قديمه..
منيره:جدددها يابهيمه..تصدقون اشتقت لناصر وكلمته..
هيفاء:مسرع مالك يوميين..
العنود:لا وبعد ماتدري وين هو رايح..
هيفاء:خخخخخخخخ
مشاري:لاعاد تعيدين هالضحكه عند الناس
هيفاء:هههههههههه
منيره:يجن لاقال ابك ابك ابك
ابتتسم مشاري بطرف شفته
هنادي:اويلي وييييلاه...ههههههههههههه
منييره:ههههههههههههههههههههه
مشاري بنفسه"يالبي هالضحكه بسس"<طلع يحبها"
وقف عند الاشاره وكان فاتح الجامه..سمع بسياره جنبه صوت بنات والسواق هندي مايدري وين ربي حاطه..والبنات من عند الدريشه ويصورون..
البنت:طراد فهههد انا احبببك
مشاري:انا موطراد فهد انا شبييههه...
البنت:بعد يكذب..
مشاري:استحي على وجهك
البنت:طيب عطني رقمك مزيون مثلك مايتفووت
منيره:قليلة ادب..
مشاري يشر لمنيره تسكت..
مشاري:اقوول لمي اللي عندك وسكري دريشتك انا ماكلم هالاشكال..وسكر الجامه وحرك..اعجبني بحركته...
منيره تساسر هادي:كبر بعيني
هنادي:ليه قبل طايح من عيونك
منيره:يعني هههههههه
هنادي:اسكتي لايسمعك...

وصلنا للمطعم وانا اخذ بصحني من البوفيه وصدمتت بشخص..وطاح الصحن وانكسر صرخت والتفتو الناس..
مشاري:حصل خير حصل خيير..انتي..
رجع الناس لاشغالهم..
منيره:مشاريووه!!
مشاري:يالييل القراده انتي دايم مخرووشه..
منيره:اقول روح ..ابعد بروح للبنات.
مسك مشاري يدها
منيره شهقت..
جت هنادي:مشاري..منيره..
ترك مشاري يدها
هنادي:وين رحتم؟..تر جمانه جت..
مشاري:وش تبيني اسويلها افرش لها الارض ورود..
منيره:انكسر صحني..اشر مشاري للعمل يجي ينضف..
هنادي:بسس بسيطه..هات..اخذت صحن مشاري..وحط لنفسك
مشاري:هنادي..منيره..اكلي..راحو..
منيره:عيب لييش اخذتي اكله..
هنادي:ياربي ذابحك العيب
منيره:اللي يسمعك يقول اني ماستحي
هنادي:سوري اسفيين انا قصدي ان انتي وياه دايم تهاوشوون مسكت على هالشي..
منيره:هاتي..وعطتها الاكل ودخلو للكابينه...
جمانه:هاي ويين رحتم؟..وين مشاري؟
هيفاء:مشاري مايجي عندنا له مكان لحاله...ولاتبين تكشفينن عنده
جمانه:عادي موهو خطيبي
منيره بققت عيونها لجمانه
والكل:خطيييبك!!!
جمانه:لييه ماقلكم..هو خاطبني بروح له..قامت وراحت..
العنود:من متى؟
هنادي مصدومه:اكييد متحلمه..هيفاء عطيني كفف..
هيفاء قامت :بسس ماطلبتي..وعطتها ذاك الكف اللي كنها طالع من واحد حاقد..
هنادي:وووجججججج
البنات:ههههههههههههههههههههه
ديالا:ماصدق هذا كفك ياهيفاء!!
هيفاءابتسمت ابتسامه صفرا..طلعت منيره
هنادي:ويين ويين؟...فاضيه ادورك مره ثانيه..
العنود:خليها اقعدي بسس...
رحت لمشاري ولقيت جمانه تسولف معه وهو فرحان ومتشقق من الوناسه وشفته يضحك انقهرررت..مادري لييش.وتذكرت خالد...ترا هذا موخطيبي يوم انقهر ولاحبيبي لاتسين انك مخطوبه..لييش انقهرت..استغربت من نفسي..رحت لهم
جمانه:اهليين..اووه قطعتي علينا الحديث
منيره باستخفاف:سوري حبيبتي..مشاري خذ
جمانه:لانا احطله مشكووره
مشاري:ايه جوجو تحطلي
منيره:هذا حقك ولافقدت الذاكره..وحطته على الطاوله وراحت..
جمانه:وش فيها؟!!!
مشاري يهز كتوفه:مدري علمي علمك..تعالي نجلس ونختار بالمنيو..

البارت الثالث...




رجعنا البيت بعد الطلعه للمطعم..جلسنا بالصاله وام مشاري زعلانه على ولدها..تقول.
ام مشاري:لييه يامشاري!..افا ياولدي كذا تسوي باميمتك
مشاري مايدري وش سبب زعلها:وش مزعلك يالغاليه..علميني..
ام مشاري:سيارتك الجديده ماركبتها ومطعمك مادخلته المفرووض انا اول من يدخله كذا تسوي فيني..
مشاري قام وجلس عند رجولها وباس رجولها وانا اناظرلهم..وابتسم..والبنات يناظرون وساكتات
مشاري:سامحيني يالغاليه مكانك بالقلب..بسس هذولي يعني تعرفين البنات..اوعدك ان شالله راح اوديك المطعم بس انا وانتي مافيه ولازبون وافرفر فيك بشوارع الدمام كلها بسيارتي وش قلتي..اهم شي رضاك..انتي عمرك ماقصرتي معي..انتي ربيتيني سهرتي على راحتي..مابيك تزعلين مني لو اي شي..اعرفي مو قصدي..امه باست راسه..
منيره:الله يخليلك ولدك ياخالتي
ام مشاري:اميين..
مشاريرفع راسه وناضر لمنيره من فوق لتحت ضحكو البنات على نظراته..
منيره:خير ليش تناظر لي كذا..!!!...تبي الله ياخذك
هيفاء:اعوذ بالله الله لايقوله..توك وش زينك تدعين له
مشاري:غريبه منيره ذربه..هههههه
البنات:ههههههههههه
هنادي:اييه صح منيره تدعي لمشاري ومؤدبه معه مايلييق..
منيره:صدق ماعندكم سالفه
ام مشاري:هههههههه ايه وانتي الصادقه يابنتي يغارون منك لاتلوينهم..
العنود:من زينك..ترا مافيك زود عنا
مشاري:يسلم باوك اللي بينقط عسل العنود
العنود:احححمم تسلم ياخوي..
منيره:مالت عليكم..
هنادي:هدوووني عليها اكفخها..امسكيني..ياهيفاء
هيفاء تمسكها
هنادي تمثل:هدووني بكفخها هههههههه
راحت منيره فوق..وانا افكر بمشاري..طيب مع خواته ومع امه..حنووون مرره عليهم..وكرييم ..اخخ عكس عن خالد اللي مايحب الانفسه..عكسه..لييه خالد بيصير لي...رحت لصاله الفوقيه ووقفني وانا اتخبي عنهم وهم يقولون..
ام منيره:ياولدي البنت توها ماخلصت دراستها..
خالد:عادي ياعمتي مو اول وحده ولاخر وحده تتزوج وهي تدرس ياعمتي انا مستعجل.
ام منيره:على اييش ياحبيبي حتى الوضيفه ماتوضفت
خالد:الشركه تستناني..والوالد عنده واسطات..راح اتوضف بالساهل..خليها توافق
ام عبدالعزيز:قلت لابوك؟
خالد:ايه قلتله..كان رافض بالبدايه واصريت عليه ووافق بسس قال اهم شي راي منيره..
ام منيره:طيب انا بقولها وبحاول اقنعها
خالد:لييه هي موموافقه؟؟
ام منيره:اكييد بترفض اعرف منيره تفيرها بدراستها وبسس..
خالد:بتوافق بتوافق..انا رايح انام..تبون شي
ام عبدالعزيز:لاسلامتك يمه...تصبح على خير
خالد:وانتي ممن اهله..طلع من الصاله الا وهو بوجهي وانا مصدومه..
خالد:منيره انتي هنا من اليوم
منيره:هاه اييه..
خالد:اكييد سمعتي..ابي اسمع راييك موافقه صح
ممنيره:لا
خالد:كيييف؟؟؟
منيره توترت:ققصدي..يعني
خالد قاطعها:ماتبيني...
منيره ببرر:لا..مو
خالد بصوت عالي:عمتي...يمممممه...منيره ماتبيني....قرب لي"انا اورييك يامنيره..رفعت هالخشم هذي بكسرها لك..وزاج غصبا عنك بتزوجك
منيره:حلوه هذي موعلى كيفك
خالد:لا كيفي..يامدامي..راح خلد
منيره:هذا انجن..
:منيييره
منيره:جايه يمه"اول مره اشوف رجال يعامل اللي يبي يتزوجها كذا"..

خالد:رفضتني..
مشاري:ايييش؟
خالد:ماتبيني..
مشاري:لييش؟؟
خالد:مدري عنها..
مشاري:والله اكييد انت غاثها
خالد:وربي لاكسر خشمها..يصيير خيير ياممنيره
مشاري"تخسا"..:خالد هذي بنت عمتك..طيب دامك تشوفها متكبره لييش بتزوجها..تبي تضيع حياتها وتضيعها معك.انت تعرف ان الزواج مو لعبه..وتعرف ان منيره ماتواطنها لييه بتاخذها..خالد لاتحمل نفسك ذنوب منت بقدها..حرام عليك البنت محرومه من الحنان..كافي لاتكسرها زياده..صدقني ان كسرتها بتجرحك..
خالد تنهد وقلبه يشتعل نار:انا سالتها تبيني تقولي لا..هي اللي جرحتني..من زمان من وانا صغير يقولون منيره لك ياخالد..زوجتك جت..زوجتك راحت..لحد ماخلاص ثبتت بعقلي..وبعدين من قال اني مابيها انا احبها بس ماحب اضهر حبي..وبنفس الوقت ماببيها تجرحني..لانها ملكت قلبي..تكفى لاتقول اني ماحب منيره..
مشاري:عاد تبي الصدق مو واضح عليك
خالد:توني اعترفلك عشان تعرف اني احبها..والكلام اللي قلته تعبير عن غضبي
مشاري"ياخساره يعني خلاص بتزوجها..لييش انا متضايق انه بيتزوجها..معقوله احبها...لالا انا احبها..انا دايم نقره معها..."..
قام مشاري:انا بطلع تحت مع البنات..وبنشوي بالحديقه..تعال معنا
خالد لاحض ان مشاري تغير وجهه..:لانا بنام..
مشاري:براحتك..
طلع مشاري وسكر الباب بهدووء..
خالد"وش فيه"..!!

منيره:خلاص انا بستخير واشوف ..
ام عبدالعزيز:وش تشوفين وحي هو..!!...منيره ولدي من وعيتي على الدنيا وهو قدامك...وانا انك حافضته عدل..مايحتاج نعلمك بشي...اذا منتي موافقه ليش تعشمينه وتسكتين طول هالسنين
منيره:وانا وش دريني ان الموضووع جد
شهقت امها وانخرعت منيره..
ام منيره:منتي موافقه يابنت
منيره بخووف:وش فييكم..؟
ام عبدالعزيز:وش وش فينا؟...ولدي ومحيره له من انتم صغار..وش الشي اللي ناقصه طول وزيين ورزه وذكا..وغني وولد خالك..
ام منيره:يابنتي احمدي ربك افضل من انك تزوجين واحد من برا العايله لاتعرفينه ولايعرفك وتنصدمين فيه بعديين..ولد خالك عارفته ومعك بالبيت وان اخطا نربيه لك..وقدام عيونا..وافقي يابنتي ولاتخربين شمل العايله صدقيني خالد لو مايحبك..مافكر ياخذك..
منيره ضاق صدرها قمت:انا بروح..ويصير ان شالله اللي يرضيني..
ام عبدالعزيز:ويرضينا بعد
منيره بلعت ريقها:وو..يرضيكم..رحت وطلعت من الصاله..وقفت وانا اشوف مشاري جالس..تلاقت عيوننا مع بعض..
مشاري بعيونه حكي..وقريت اللي بعيونه لانه نفس اللي بعيوني...حسيته اقرب لي من القريب..في فاصل يامشاري يفصل بينا...الي هو خالد..دخلت الغرفه..وجلست على السرير تذكرت...
منيره بالمطبخ:هذا التشيز كيك لك...
هيفاء:ماشالله تحبون بعض من وراي
مشاري:هههههههههههههههه...
منيره نظرت لهيفاء:هيفاء وش هالكلام.هو شاف طبخه بالتلفزيون وعجبته وقال لامه تسويله مثلا وامه قالتلي اسويله وماحبيت ارد خالتي فهمتي..ونظرت لمشاري:ولا مشاري ماحبه"ومديت لساني له"
مشاري:عادي من زينك يوم احبك
هيفاء:تبون الصراحه يلوق عليكم الحب..احسكم راكبين على بعض..انتي ومشاري مثل توم وجيري اذا تقابلتم تتناقرون واذا افترقتم تشتاقون لبعض..

الدنيا لاتاتي على مقاس قلوبنا...
اما ان تضيق ف تجربنا على التنازل....
عن الكثييير من الاشياء الثمينه...!!
او ان تكبر ف نضيع ونتوه ونفقد الكثير...
وبعد هالتفكير اللي بدال مافكر بخالد..استرجعت كل ذكرياتي مع مشاري...وكل مافكر بخالد يربط التفكير بخالد مع مشاري..وجود مشاري بحياتي صار بدال الاعتياد الى حب..
،
في الصباح
ام عبدالعزيز تشرب قهوتها بالصاله وابو عبدالعزيز في الشركه ..
ام عبدالعزيز ناظرت ساعتها..ضغطت على الزر اللي يودي للمطبخ..جت سنيتا مفحطه:نام مدام..
ام عبدالعزيز:روحي قولي للعنود تنضف غرفة اخوها ناصر لانه بيجي من السفر بعد ساعه او ساعتين وانتي جهزي البخور وبخري الغرفه..ونادي هيفاء وهنادي ابيهم..
سنيتا:هادر مدام ام ابدالازيز"حاضر مدام ام عبدالعزيز"..راحت..
ام عبدالعزيز:يالله بسرعه...

طلع خالد من دورة المياه الله يكرمكم...
وعلى راسه منشفه ينشف شعره..قرب لمشاري:مشاري قوووم...الساعه 11...ياوولد..ياهوو..وندغه..ماتحرك..ترك المنشفه وقرب لمشاري:مشاري..ولفه وحط راسه على صدر مشاري..تركه وهو خايف..ركض وفتح الباب..:ياعبدالللعزيييز..يايبببه...ياعمممم ه...الحقوووني مشاررري تعبان...
ديالا جلست جنب عبدالعزيز:عبدالعزيز...عزوووز قم
عبدالعزيز:هممممم
ديالا:قووم شووف وش صاير برا؟!!...
عبدالعزيز:وش صاير يعني..
ديالا:يالله منننك قممم..
عبدالعزيز قام وشاف الساعه..وسمع صوت خالد والبنات..
عبدالعزيز توه ماصحصح:وش صاير؟؟
ديالا:تسالني..قووم يابردكك..
عبدالعزيز:بعدي..
قامت وبعدت عنه ولبس زنوباته الله يكرمكم..وركض لبرا..
مشاري دخلوه غرفة العمليات وسووله عمليه وصار احسن ونقلوه للعنايه المركزه..وبعد ماتطمونو عليه راحو لاشغالهم وامه قعدت عنده تقرا عليه وتدعي ربها انه يقووم..ماتدري وش اللي زعله..تعرفه مايتعب الا اذا فيه شي ضايقه ..

عرفت منيره باللي صار لمشاري وتضايقت..
والبنات هنادي وهيفاء راحو المطبخ بامر من امهم ينضفون مع الخدم والخدامات عددهم خمس ثنتين للبيت وثنتين للمطبخ ووحده لغسيل الملابس..وفوق هذا امه ماتحب البنات مايتعلمون الطبخ وتنضيف الاواني والبيت..لازم يتعلموون.عشان يصيرون سنعات..
والعنود نضفت غرفة اخوها وكنستها ..
منيره راحت فوق للعنود:عنوود..
العنود تبخر الغرفه والشغاله واقفه..
منيره:العنووود ...ماتسمعيين
العنود:خير اسمعك وش تبيين..
منيره:خالتي ام مشاري تقول انا برجع البيت وتبي وحده منكم تروح لمشاري تجلس عنده لحد مايقوم وتشوف وش يحتاج..
العنود:خلوده وينه..
منيره:خلوده على قولتك رايح المطار يستقبل ناصر
العنود نظرت لمنيره:ناصر جا..
منيره:ايه وصل اتصلت على خالد وقلتله قال انا بالمطار والمطار بعيد عن المستشفى..قولي للبنات..
العنود:انا موفاضيه بعديين انا يامنيره ماحب المستشفيات تدوخ راسي..يالله يالله خلاص ياسنيتا..وعطتها المبخره وراحت الخادمه
منيره:العنود تكلمين من جد..هذا اخوك مشاري محتاجلك..كذا تسوين فيه..جد طحتي من عيني
العنود:انا يامنيره والله ماحب روحت المستشفيات انا لاتعبت لو تقطيعني مارووح كييف لو ارافق مرييض..سوري.
طلعت وانا مقهوره ونزلت تحت وقلت لهنادي عاد هنادي دجه...ماتبي ..رحت فوق ادور هيفاء اكييد بتوافق دام مشاري حبيب قلبها ماراح ترفض..ماهي دايم تدافع عنه ضدي..رحت لهيفاء لقيتها جالسه في الصاله قدام التلفزيون..وتاكل دونات بالشوكلت وموكا بارد..
منيره:انتي هنا وانا ادورك بغرفتك
هيفاء تناظر لتلفزيون:وش عندك..تكفيين تراني ميته من التعب..امي كرفتني لحد ماقلت اميين..لاتحمليني شغله..
منيره:وحتى لو قلتلك ماراح توافقين
هيفاء:شاطره..
منيره:هيفاء تروحين المستشفى
هيفاء:لييش؟؟
منيره:مشاري لحاله هناك وخالد رايح المطار يستقبل اخوه وعبدالعزيز مشغوول
هيفاء تقاطعها:وامه..
منيره:تقول تعبت وجايه للبيت مع السواق وتبي وحده منكم تروح
هيفاء:قولي للبنات..
منيره:البنات مافيهم خير وانتي مو تحبين مشاري وتقلدها"اغلطي علي بسس مشاري لاتغلطيين عليه."
هيفاء:اقوول لايكككثر..
منيره:هيفاء من حجدكم مشاري مطلعكم ومايرفض لكم طلب..وخاصه انتي كذا تسوون فيه..مالت عليكم من خوات انا لو عندي خوات كذا ماتشرف فيكم..
هيفاء:هيييه اننتي وش جاك..منيره انا تعرفييني ان شفت مشاري تعبان ابكي ماشفتي وش صارلي يوم هو مغمي عليه زيين مسكتني هنادي وامي..مستحيل اروحله واشوفه كذا تعبان ..المفرووض ماتقلون لي..تعرفيني حساسه وقلبي رهييف..
منيره:قلبك رهييف وانتي تبلعيين..ماشالله..
هيفاء تركت الاكل :اعوذ بالله منك..
منيره:ليه وش شايفتني شيطان..!!..الشرهه مو بعليك على مشاري اللي معطيم وجه...
هيفاء:طيب انتي روحي يام الخيير
منيره:انا!!
هيفاء:ايه انتي ياعمري واذا عن خالد نقوله احنا كنا مشغولات ومافيه الا منيره فاضيه..رووحي اكسبي فيه اجر..انا اعرفك قدها بهالمواقف
منيره:صدق انك..بس انا اعلم مشاري لاقام بالسلامه

طلعت من الغرفه وانا دموعي اربع اربع..صعد عبدالعزيز:منيره وش فيك من مبكيك..؟؟
منيره تمسح دموعها وهي تشاهق :هيفوووه..
عبدالعزيز:هذي البزر تبكييك..
منيره:كلكم خونه مشاري لحاله هناك وماحد واقف معه..مافي قلوبهم رحمه..حقيرات..
عبدالعزيز:ههههههههههههه ياحليلك اشوف تغيرتي يامنيره منتي مثل اول...
منيره:انا ماتغيرت هذا انا..البلا فيهم اخوهم طايح لحاله وامه بترجع البيت تقول ضغطها اترفع وتبي وحده منهم ترووح..ورفضو وقالو انتي رووحي
عبدالعزيز:خلاص وانتي موافقه..
منيره:هاه مدري.
عبدالعزيز:عادي مشاري مثل اخووك..يالله تجهزي وانا استناك هنا..
منيره:وانت..؟
عبدالعزيز:انا عندي شغل لاراسي ومرضاي ماشفتهم
منيره:طيب دقايق وانا جاهزه...
دخلت الغرفه......
ركبنا السياره..
وصلنا المستشفى ووصفلي عبدالعزيز الغرغه وقال ان عنده عمليتين ولايقدر يبقى معي...
المهم ركبت الاصنصير وكان معي واحد قليل ادب يعلك بصوت عالي..وشغل على اغنيه بجواله لاصاله..وناظرلي بنظرات وقحه وقرب منيره وانا خايفه مرره ورجعت على ورا..ووقف الاصنصير وزيين ان الباب فتح وهو يقرب وصكيته بالشنطه باقوووى ماعطاني ربي من قوه..ودفيته وطاح على الارض على فكره الشنطه فيه حديد وجت على وجهه هههههههه مدري هو مات ولاعايش..احسسن هذي جزاته مايخاف على خواته..وانا امشي ووصلت للغرفه..ترددت بالدخول ودخلت وياليتني مادخلت ..نايم على سرير ابيض وكل جسمه اجهزه..انرعبت..اول مررره اشووفه كذا وانا تحسب على البنات..لييش وافقت ارووح له..غبيييه..وقفت اناظر له واضح تعبان وفيه عمليه..الله يشفييك...جلست على ابعد كنبه عنه..ورسلت للبنات اني وصلت وقمت وصورة مشاري ورسلتها عن طريق الواتس اب....وبعدها ارسلولي ياحرام الله يشفيك يالغالي وحطوها بالبروفايل الله يشفيك يامشاري وفيس سبكي...المهم
وناصر وصل من السفر واستقبلووه..ودرا خالد اني عند مشاري..
وصل للمستشفى..ودخل الغرفه ونظرت له بصدمه وكذالك مشاري ومشاري صحى ولله الحمد..قرب لي وشدني من يدي:وش جابك هنا؟؟!!...هاه تكللمي..ماتستحييين..
منيره:اه وش فييك...وانا رحت لمشاري مو واحد غرييب..عادي..
مشاري بتعب:خالد اتركها..
تركها خالد خايف لايتعب مشاري :امشي لبرا..برا..
منيره:طيب لاتهاوش..وانا اقوول لخالي عنك..صدق انك متخللف
خالدبتهدييد:منيييره..طيب الوعد قرب ان ماقصيت هالللسان ماكون ولد ابوي
طلعت منيره من الغرفه وجلست بررا وانا مقهووره من حركت خالد..
مشاري:الله يهديك ياخالد..
خالد:المهم كيفك؟
مشاري:زين..
خالد:ناصر وصل من السفر يقول بكره بيجيك يتطمن عليك..
مشاري:الحمدالله على سلامته
خالد:الله يسلمك
دخل سالم.وهو يغني:سلامات حبيبي مو على بعضه سلامات.سلامتك يالغالي..وق رب له وباس راسه ورفع يده وباسها..
مشاري ابتسم:الله يسلللمك ماتقصر..روح ياخالد وصل البنت البيت..
خالد:طيب..
مشاري:خالد
وقف خالد والتفت لمشاري..
مشاري:والله اذا زعلتها بزعل منك
خالد..!..:طيب..مع السلامه..طلع من الغرفه وناظر لي:يالله قدامي..
قامت وراحت معه..ركبنا السياره وماحكى ولاكللللمه معي حتى ماعبرني احسسن..مابيه يكلمني..شكاك مرييض..معقد..



ووانتهى البارت الثالث



وأبي ردود