تويت
نضرتي لها قبل موت
مرادي في الجبال السود نظرة قبل موت
لساني حضرمي و أبيات شعري حضرمية
وجدي حضرمي والده . وأمه حضرمية
وتجري في عروق القلب عشقة حضرموت
مرادي في الجبال السود نظرة قبل موت
مع كل طير يتوجه لها برسل تحية
منار العشق والفن والشروع النومسية
وبلسم كل داء نسمة تهب من حضرموت
مرادي في الجبال السود نظرة قبل موت
شجر زينه بها تنبت وريحته زكية
وتربتها ذهب و أحجارها فضة نقية
وماها عذب ماشي مثل ماها حضرموت
مرادي في الجبال السود نظرة قبل موت
إذا حل الضما في صبح بي وألا عشية
بكاس العطف تسقيني عسل صافي بغية
وتحضني بحنية ورقة حضرموت
مرادي في الجبال السود نظرة قبل موت
مناظر في العليا شفتها والناصرية
وفي لندن مناظر شفتها زينة بهية
وأجمل ما راءت عيني مناظر حضرموت
مرادي في الجبال السود نظرة قبل موت
سكن من طين جدرانه في الأرض الأبية
يعادل في ثمنه المملكة والفيصلية
على القلب المنازل غالية في حضرموت
مرادي في الجبال السود نظرة قبل موت
إذا سافرت منها حطت الدنيا عليه
وقضي وقت في غربتي مجهول الهوية
معذب كل من مثلي مفارق حضرموت
مرادي في الجبال السود نظرة قبل موت
مناطق حبها . فارقتها غصبا عليه
وفارقت أهل جم وأحباب كلمتهم وفيه
عسى الأيام تجمعنا بهم في حضرموت
مرادي في الجبال السود نظرة قبل موت
روابيها لها من حيث ولي جاذبيه
ترجعني لها وترجع البسمات ليه
وتمسح دمع يجري من عيوني حضرموت
مرادي في الجبال السود نظرة قبل موت
في أيام الربيع الباردات ارضي دفيه
وفي عز الحرارة جوها مافيه زيه
تسر الحال عليا نسنست من حضرموت
مرادي في الجبال السود نظرة قبل موت
إذا حط البرد في غيث وأمطاره قويه
وبرقه يلتهب والرعد يرعد في النشية
تكن الرأس من نار الصواعق حضرموت
مرادي في الجبال السود نظرة قبل موت
لها في العصر هذا والعصور الجاهلية
مكانه بارزه وتكون دائم الأولية
في العز والكرامة و الأمانة حضرموت
مرادي في الجبال السود نظرة قبل موت
وجوه اللي إليها ينتموا سمحة رضية
وطيبتهم تميزهم على كل البرية
ومسقط رأس من هذه صفاته حضرموت
مرادي في الجبال السود نظرة قبل موت
بلادي عند ما فارقتها شفت الأذية
وشفت أشياء تشيب بالشعر ما هي شوية
وهمي ينجلي من حين لامس حضرموت
مرادي في الجبال السود نظرة قبل موت
ليالي واجدة مرت على العاشق بطيه
متى تشرق في الغربة علي شمس الضحية
وقضي ما بقي من عمر لي في حضرموت
مرادي في الجبال السود نظرة قبل موت
عبر وقتي في الغربه يداتي خليه
ولكن يوم جنسي حضرمي نفسي غنيه
غنتني عن كنوز الأرض كلمة حضرموت
مرادي في الجبال السود نظرة قبل موت
عيالي قبل ما ينزل علي سهم المنية
بخط واضح لهم بكتب وبوصيهم وصيه
يواروني إذا مت الثراء في حضرموت
مرادي في الجبال السود نظرة قبل موت
ومن ليف النخيل الباسقات المعتلية
يجيبون الكفن أو من شجر خضرا ندية
ويلقون الشواهد لي حصي من حضرموت
مرادي في الجبال السود نظرة قبل موت
وفي كل شاهدة ينقش بفن وإخلاص نية
هنا قبر الذي نفسه من الغربة شقية
لا نه من وعاده طفل فارق حضرموت
مرادي في الجبال السود نظرة قبل موت
متى يا من ملكتوا في دبي والخاسكية
تحطون النقط فوق الحروف الأبجدية
وتلتفتوا إلى نبع الأصالة حضرموت
مرادي في الجبال السود نظرة قبل موت
وفيها توقدوا للحضرمي شمعة مضيه
تنور له دروب الشوك فيها والأذية
وتتفانون في خدمة بلدكم حضرموت
مرادي في الجبال السود نظرة قبل موت
لها حان الوفاء ارض الوعول المربعية
عطت وانتوا من الواجب تردون العطية
وتعطوها كما ماهي عطتكم حضرموت
مرادي في الجبال السود نظرة قبل موت
للشاعر / عبدالله بلجذم
الرد مع إقتباس
لساني حضرمي و أبيات شعري حضرمية
وجدي حضرمي والده . وأمه حضرمية
وتجري في عروق القلب عشقة حضرموت
مرادي في الجبال السود نظرة قبل موت
مع كل طير يتوجه لها برسل تحية
منار العشق والفن والشروع النومسية
وبلسم كل داء نسمة تهب من حضرموت
مرادي في الجبال السود نظرة قبل موت
شجر زينه بها تنبت وريحته زكية
وتربتها ذهب و أحجارها فضة نقية
وماها عذب ماشي مثل ماها حضرموت
مرادي في الجبال السود نظرة قبل موت
إذا حل الضما في صبح بي وألا عشية
بكاس العطف تسقيني عسل صافي بغية
وتحضني بحنية ورقة حضرموت
مرادي في الجبال السود نظرة قبل موت
مناظر في العليا شفتها والناصرية
وفي لندن مناظر شفتها زينة بهية
وأجمل ما راءت عيني مناظر حضرموت
مرادي في الجبال السود نظرة قبل موت
سكن من طين جدرانه في الأرض الأبية
يعادل في ثمنه المملكة والفيصلية
على القلب المنازل غالية في حضرموت
مرادي في الجبال السود نظرة قبل موت
إذا سافرت منها حطت الدنيا عليه
وقضي وقت في غربتي مجهول الهوية
معذب كل من مثلي مفارق حضرموت
مرادي في الجبال السود نظرة قبل موت
مناطق حبها . فارقتها غصبا عليه
وفارقت أهل جم وأحباب كلمتهم وفيه
عسى الأيام تجمعنا بهم في حضرموت
مرادي في الجبال السود نظرة قبل موت
روابيها لها من حيث ولي جاذبيه
ترجعني لها وترجع البسمات ليه
وتمسح دمع يجري من عيوني حضرموت
مرادي في الجبال السود نظرة قبل موت
في أيام الربيع الباردات ارضي دفيه
وفي عز الحرارة جوها مافيه زيه
تسر الحال عليا نسنست من حضرموت
مرادي في الجبال السود نظرة قبل موت
إذا حط البرد في غيث وأمطاره قويه
وبرقه يلتهب والرعد يرعد في النشية
تكن الرأس من نار الصواعق حضرموت
مرادي في الجبال السود نظرة قبل موت
لها في العصر هذا والعصور الجاهلية
مكانه بارزه وتكون دائم الأولية
في العز والكرامة و الأمانة حضرموت
مرادي في الجبال السود نظرة قبل موت
وجوه اللي إليها ينتموا سمحة رضية
وطيبتهم تميزهم على كل البرية
ومسقط رأس من هذه صفاته حضرموت
مرادي في الجبال السود نظرة قبل موت
بلادي عند ما فارقتها شفت الأذية
وشفت أشياء تشيب بالشعر ما هي شوية
وهمي ينجلي من حين لامس حضرموت
مرادي في الجبال السود نظرة قبل موت
ليالي واجدة مرت على العاشق بطيه
متى تشرق في الغربة علي شمس الضحية
وقضي ما بقي من عمر لي في حضرموت
مرادي في الجبال السود نظرة قبل موت
عبر وقتي في الغربه يداتي خليه
ولكن يوم جنسي حضرمي نفسي غنيه
غنتني عن كنوز الأرض كلمة حضرموت
مرادي في الجبال السود نظرة قبل موت
عيالي قبل ما ينزل علي سهم المنية
بخط واضح لهم بكتب وبوصيهم وصيه
يواروني إذا مت الثراء في حضرموت
مرادي في الجبال السود نظرة قبل موت
ومن ليف النخيل الباسقات المعتلية
يجيبون الكفن أو من شجر خضرا ندية
ويلقون الشواهد لي حصي من حضرموت
مرادي في الجبال السود نظرة قبل موت
وفي كل شاهدة ينقش بفن وإخلاص نية
هنا قبر الذي نفسه من الغربة شقية
لا نه من وعاده طفل فارق حضرموت
مرادي في الجبال السود نظرة قبل موت
متى يا من ملكتوا في دبي والخاسكية
تحطون النقط فوق الحروف الأبجدية
وتلتفتوا إلى نبع الأصالة حضرموت
مرادي في الجبال السود نظرة قبل موت
وفيها توقدوا للحضرمي شمعة مضيه
تنور له دروب الشوك فيها والأذية
وتتفانون في خدمة بلدكم حضرموت
مرادي في الجبال السود نظرة قبل موت
لها حان الوفاء ارض الوعول المربعية
عطت وانتوا من الواجب تردون العطية
وتعطوها كما ماهي عطتكم حضرموت
مرادي في الجبال السود نظرة قبل موت
للشاعر / عبدالله بلجذم
الرد مع إقتباس