تويت
يالله يالمعبود يامن ترجاك
من في زمانه ذاق سم المرارة
الهم وسط القلب قاسي وهتاك
ومن مر همي زاد دمعي غزارة
لو عيشتي قبر وغطوك بغطاك
ابرد علي من نار محرق شراره
وش عاد لي بالعيش والدرب مشتاك
كني سجين بجوف ظلمة مغارة
يالعنبوا عيشة بها الضيم مشاك
احرق حشاي وجار والصدق اداره
وين الرجال اللي على الطيب تنخاك
اهل القلوب الصافية مع طهارة
ووين الشيوخ اللي عن العيب تنهاك
وجدي عليهم وجد من ضاع ثاره
قفى زمان به هلا بك وحياك
واقفوا رجال الطيب واهل الوقارة
هذا زمان للردي دوم ضحاك
اللي بعام الفين مطموس عاره
يسب ذاك ويشتم بذاك وبذاك
نسي فعوله بالردى وبقراره
لا جاك بالمجلس دنى قرب مركاك
وله في كلام الزور مكر ومهارة
ولا حل بغيابك على الطيب طرياك
اعماه بالبهتان واضفى بهاره
ولا ذاق من جيبك دنى منك واغلاك
ولا راح ما بالجيب غير مساره
لا تحسب انك فوق والعيب منشاك
ما مع طرارة بالشوارع تجارة
ولا تحسب ان الطيب غدى وعشاك
ترى فعول الطيب عمقة بحاره
وختامها يالله ترني برجواك
ازل خبيث الساس واهدم عماره
#شعر / عمر بن عبدالمحسن
تعليق