رد: روايــة: الوحـــده للكاتبه الموسويه

اول شي هلا وغلا فيك حبيبتي نورتي
ثاني شي الروايه جميله مررره
ومشوقه بإنتظار البارت الثاني فديتك لا تطولي

رد: روايــة: الوحـــده للكاتبه الموسويه

البارت الثاني:

(مرام)

كنت واقفه عند باب بيتنا بعد ماوصلت ريم و ساره لبيتهم

دقيت الجرس و فتحت الخدامه الباب

اول مادخلت كان الكل متجمع:السلام عليكم

الكل:وعليكم السلام

كنت بصعد فوق بس وقفني صراخ اخوي:مرام..وييين كنتي

قلت:رحنه للسوق انا وبنات عمي

بصراخ:الحين ساعه كم؟؟؟

قلت16..خلود والله ادري تأخرت بس لان رحنه تعشينه وم...

قاطعني بحده:مرام انا كم مره اقولك حدك للساعه عشره ونص...ليش ماتمشين بكلمتي...عقاب لك مافي طلعه منا لشهر

قلت:يبا شوف خلود يعاقبني كيفه مو كنه انت ولي امري

ابوي:خالد خلاص....وانتي بعد اذا مره ثانيه تأخرتي بتشوفين شيء مايعجبج

قلت:انزين
وصعدت.....


(خالد)
اول ماصعدت مرام:يبا انت دايما مساحمهه هاذي يبيلهه العين الحمرا لزوووم تعاقبهه عشان تتوب

ابوي:خالد خلاص انت لاتتدخل

انقهرت من ابوي لان دايما متساهل مع خواتي
ولا مره بحايته عاقبهم او رفع صوته عليهم:وانت فيصلوه حضرت جنابك تدري فيها طالعه و ماتكلمت معاها ولا قلتلها لاتتأخرين...شفيك انت ماتخاف على خواتك لاصارلهم شي بنص الليل

فيصل:اسمعني خالد انا خايف على اختي مثل مانت خايف عليهه بس انا قلت لها لاتتأخرين...شدراني عنها بتتأخر


قلت:لا والله زاحمت نفسك على هالكم كلمه

فيصل:خلاص خالد..لاتسويلك عراك


قلت وانا صاعد:انا مومسوي عرك بس خايف على خواتي ياللي ماعندك غيره وصعدت لغرفتي ...
/
\
/
\
/
\
/
\
بهالاثناء
(ساره)
اول مادخلت البيت كانت منال و ابوي قاعدين بالصاله:السلام عليكم

:وعليكم السلام

ابوي:سوييير الحين ساعه كم؟؟؟؟؟

قلت:ساعه اثنعش

ابوي:وانا متى قايل لك ترجعين؟؟

قلت:يبا قلت بهدعش بس انا جعت و رحنه تعشينا في مطعم

منال:الخدامه مسويه عشى كللله ذبينا مو حرام انتي تطلعين برا تتعشين و الاكل ينذب

قلت:انتي لاتتدخلين....ادري فيك انتي اللي محرضه ابوي...والا ابوي م

قاطعتي ابوي بصراخ:ساره....احترمي امك


قلت:يبا هاذي مو امي....هاذي وحده حقيره ماتستاهل كلمة يمة

ابوي اجه وشد شعري:ترفعين صوتك علي ياللي ماتستحين...والله لأعلمك شغلك ياحقيره(دفني عالدرج)يلا صعدي يلا

صعدت لغرفتي و تمددت عالسرير وانا اصييح:يمةة....الله يرحمك
/
\
/
\
/
\
(ريم)
اول مادخلت
كان الكل نايم ماعدى محمد و تركي:السلام عليكم
الكل:وعليكم السلام
محمد:وين كنتي ريوم
قلت:كنت بالسوق مع بنات عمي و بعدين تعشينه

محمد:استانستو؟

قلت:اييي وايد

محمد:بالعافيه

قلت:الله يعافيك...شعجب سمور نايمه؟

تركي:لا فوق

قلت:اها اوكي يلا تصبحون على خير

...:وانتي من اهله

صعدت لغرفتي انا وسمر:هاي سمووور

سمر:هلا ريم...

قلت:ليش ماجيتي معانا والله وناسه

سمر:شسوي كنت عازمه صديقتي والا كان جيت والله زمان مو طالعه

قلت:يلا انشالله غير مره ....بسكر النور نعسانه موت


سمر:يلا انا بعد بنات

سكرنه النوم...ونمت

انتهى البارت

رد: روايــة: الوحـــده للكاتبه الموسويه

البارت الثالث


(محمد)
صحيت من النوم على الساعه 5:16
دخلت للحمام(تكرمون)اخذت دوش سريع
وطلعت لبست
و اخذت تلفوني و نزلت تحت
كان الكل نايم
قعدت على طاولة الطعام انتظر الفطور
بعد 10دقايق جات الخدامه و معاها الفطور:ميري
ميري:نعم بابا
قلت:وين ابوي
ميري:طلع للشركه
قلت:اها طيب روحي صحي سمر و ريم خل يفطرون ويروحون للجامعه...تأخروا
ميري:اوكي


(سمر)
قمت من الفراش بعد ماقعدتنا ميري و كنت بروح للحمام اللي بغرفتي انا و ريم بس كانت اهي بالحمام(تكرمون) تاخذ شاور
فرحت لحمام تركي
اول مادشيت لقيته توه بيصحى
ولما جيت بدش الحمام:هييي هيييي سمور تعالي تعالي انا بدش
عندكم حمام بغرفتكم شكو جايه هنا
قلت:اوووو تروك خلتي ادش،،، حمامنا ريم دشت قبلي
قام وهو يقول:مو مشكلتي ودش الحمام و سكر الباب بوجهي
:اففففففففف
نزلت للحمام اللي تحت و اخذت شاور و صعدت فوق لقيت ريم مكمله ولابسه بنطلون جينز و بلوزه و كانت قاعده تلف شعرهه:ريموو ليش دشيتي قبلي للحمام
خليتيني انزل تحت اتسبح
ريم:هههههه شسويلك كم مره قلت لك خليني غرفه بروحي و انتي غرفه بروحك بس انتي مو راضيه
قلت وانا البس:جب يلا جب كم مره اقول لكم اخاف انام بروحي بغرفه و ضلمه
ريم:مو لازم ضلمه افتحي النور و نامي
قلت:ماعرف انام و النور مفتوح و اخاف انام بروحي بالضلمه
ريم:طفل مو بيدج
طنشتهه و كملت لبس و لبسنا طرحاتنا و عباياتنا و نزلنا تحت:السلام عليكم
تركي و محمد و امي:وعليكم السلام ورحمة الله و بركاته
تركي:انا اليوم محاضراتي بتتأخر فبطلع مع الربع الحين ماقدر اوصلكم منا لين ساعه تسعه
قلت:شنوووو انا بعد نصف ساعه تبدأ مخاضرتي من بيوصلني
ريم:انا محاضرتي تبدأ ساعه سبعه ونص...خلاص نروح مع السواق
محمد:خلاص انا بوصلكم مو مستعجل
قلت:تسلللم ياحلى اخو
محمد ابتسملي
ريم:عشتووووووو
قلت:سكتي انتي تغارين مني لان محمد يحبني اكثر منج
محمد:من قال احبج اكثر منهه
ريم:هههههههههههاي جبهه
اتفشلت و كملت اكل
و بعد ماخلصنا وصلنا محمد ع الجامعه و بعدهه طلع للشركه

اول مارصلت لمحت ساره من بعيد:سويييييير
دارت وجهه ساره و شافتني وجات تركض:سمووووور حياتي مشتاقتلج
قلت:اهلييين حياتي انا الاشوق وينج ماشوفج بالجامعه
ساره:اي والله الاسبوعين اللي طافوا كله كانو محاضرتي العصر بس الحمدالله اليوم صبح
قلت:اييي زين تعالي قوليلي شخبار عمي
قلت:الحمدالله بخير انتي قوليلي شلون عمي و مرت عمي عساهم بخير
قلت:ايي الحمدالله
ساره:سلميلي عليهم و على تركي و محمد زمان ماشفتهم...والله ودي نسوي طلعه نروح للبر
سمر:اييي والله ودددي ناخذ اجازه و نروح نستانس..من زمان ما اجتمعنا
ساره:اي والله
بعد ١٠ دقايق جاتنه عبير وبعد السلام:عبوور وينك ماتنشافين من انخطبتي وانتي قاعده بالبيت
عبير:والله ياسمور ماتدرين شكثر مشغوله مع هالملكه تدرين باقي شهر عليها
سمر:ايي صح
ساره:انا شريت فستان للملكه بس باقي الجزمه و الاكسسوارات
سمر:انا بعدني كلللشي ماشريت...امس ريمو شرت جزمه و الاكسسوارات لما رحتوا بقى لها بس الفستان...غير مره نطلع كلنه و نشتري
عبير:اي...الا وين سمارا و فتون
الا بجيتهم:الطيب عند ذكره
سمارا:اهلين بنات شخباركم
عبير:هلا سمور انتي شخبارج
سمارا:الحمدالله
فتون:هلاو بنات
الكل:هلا فتووون
....:فتووووووووووووووووووووون
فتون:بسم الله الرحمن الرحيم ...منو هاذي
الكل:ههههههههه
قلت:ههههههههههه هاذي ريم من غيرهه
جات ريم و كملت الجمعة مالت بنات عمي

و كلنه اتفقنه نقول لاهلنه و نجتمع بالبر
يوم الخميس


انتهى البارت

رد: روايــة: الوحـــده للكاتبه الموسويه

البارت الرابع

(منال)

كنا قاعدين على طاولة الطعام نتغدا

ساره:يبا

سعود:هلا يبا

ساره:يبا ابي اطلب منك طلب بلييييز لاتردني

سعود:طلباتج اوامر..قولي يبا وانشالله اقدر و ماردج

ساره:ا..يبا شرايك نطلع نحن و عمامي للبر والله زمان ماشفناهم خلنا نستانس و نوسع صدورنا خاصتا هالايام الجوو حلوووو

سعود:والله انا ماعندي مانع خاصتا هالفتره ماعندي وايد ضغوطات بالشغل بس شلون الجامعات و اللويه و عمامج اخاف عندهم اشغال

ساره:لا يبا عادي ناخذ اجازه

سعود:اها طيب ...انا موافق والله يجعله خير

وفجاه قلت:شنوووووو موافق انت تعال....مستحيل انا اطلع مع اهلك....هذول ماينحملون....انا يالله مستحملتك انت و بنتك.....والله لو ما فلوسك و شركاتك كان انت ماتسوى ضفر رجلي
عيل انا منال بنت ال.... اتزوج واحد طفل
والله لو م...

قاطعني سعود بصوت عالي:بس
ايا جليلة الحيا ياللي ماتستحين على ويهج
الحين انا طفل ؟

وينج عن هالكلام يوم خطبتج
ولا انتي منو يبيج؟؟
معنسه عمرج ٣١
وجاج واحد اكبر منج بأربع سنوات و فلوس و عز
وانتي بنت الفقر ماصدقتي على الله
بس الشرهه مو عليج
علي انا اللي ساكتلج طول هالثلاث سنين
وفوق هاذه كله عقيم...

والله و طلع ساره عندهه حق يوم انها ماتطيقج

ساره:يبا طنشهه طنشهه هاذي الكلام معاها مايسوه

قلت:انتي جب ولا كلمه....كل هاللي يصير من وراج...يبتي هالبر و هاللويه يالوسخه

قاطعني سعود مره ثانيه:يوم الخميس بنروح البر و الحين اتصل بأخواني على عنادج يا....
و بتروحين خصبن عنج و الحين يلا فارقي مابي اشوف ويهج
عيل انا اخواني ماينحملون؟؟؟

قمت وانا معصبببه حدي و اشوف نظرات ساره المنتصره
انقهررت حديي وانا اقول بخاطري والله ماراح اعدي هالطلعه على خير...عيل انا يعايرني بكلمة عقيم؟؟!!!
/
\
/
\
/
\
/
\

(ابو راهي)

قبل شوي سكرت من اخوي سعود

وقالي عن الطلعه

دخلت البيت و لقيت عيالي متجمعين بالصاله:السلام عليكم

الكل:وعليكم السلام

راهي:شلونك يبا عسى الشغل مو متعبك

قلت وانا اقعد:لا والله زين الحمدالله...دام انت معاي كلشي بخير

راهي:فوق راسي انت يايبا

قلت:طول عمرك اصيل....وانت ياصالح شخبارك بالدراسه

صالح:بخير يبا

قلت:والله انا اقول لو تترك الجامعه و تجي تشتغل معاي بالشركه ابرك لك

صالح:يبا انت من صجك..الحين انا كل هالسنين اركض ورى معدل زين و التعب و الدراسه عشان ادخل طب اخر شي تبيني ابطل...لا يبا اسمحلي هذا مستقبلي وانا عاجبني اصير دكتور جراحه

قلت:كيفك يا يبا انا مابي اجبرك على شي...

وبعد صمت دام لمدة 10 دقايق
واحنه نشوف تلفزيون

قطعت هالصمت سمارا:يبا

قلت:هلا يبا


سمارا:يبا انا و بنات عمي اتفقنا كلنا نجتمع بالبر و نستانس و ناخذ اجازه ٤ ايام والله زمان ما اجتمعنا

فتون:اي يبا والله وددي

قلت:اي صح نسيت اقول توه عمكم سعود متصل و يقول يوم الخميس اذا نبي نروح للبر او لا؟

سمارا:ايييي يبا الله يخليك والله زمان عنهم

قلت:والله يا يبا انا ابي سعادتكم واللي يرضيكم
خلاص تم

سمارا و فتون:ييييييس

صالح:اي والله عالاقل نرتاح من الجامعه و لويتها

راهي:بس يبا انا يوم الخميس عندي شغل ليين راسي...انشالله بلحقكم يوم الجمعه

قلت:براحتك
/
\
/
\
/
/
(عبير)
كانو عندنا بيت عمي ابو محمد و خالتي ام محمد(اخت امي)

ابوي كان فاتح السبيكر و يتكلم مع عمي سعود:اي خلاص انا موافق..خ..خلاص تم تم يوم الخميس...لا لا مافي مشكله....انشالله...اي اربع ايام كافيه عشان الجامعات...اي اي...يلا مع السلامه..

بس انقطع الخط
قالوا سمر و ريم و مرام :واو وناسه

قلت:هههه اي والله حددده وناسه...

مرام:بس والله سوير داهيه انا من الصبح اقنع ابوي و اهو رافض الفكره مادري اهي شلون اقنعت ابوهه

ريم:لا حبيبتي لا تنسين ان ابوها اللي يشوفه يقول اخوها عنده روح شبابيه و يحب هالطلعات

سمر:اي صح كلامج...بس والله وناسه عمي سعود تخيلوا عمره 35 وبنته عمرهه عشرين هههه

عبير:ايي لان اهو تزوج و عمره 14 وو بعدها بسنه صار عنه سوير

سمر:اييي بس حدده وناسه نيال سوييير

ريم:اي نيالها؟؟؟ مسكينه ماعندها ام...حمدي ربج عندج ام

سمر:اي والله الحياة بلا ام تخوووف الله يساعد سمارا و فتون و ساره ماعندهم ام

مرام:قولي الله يرحمهم


الكل:الله يرحمهم
/
\
/
\
/
\
/
\
انتهى البارت الرابع
ادري انه قصير بس انشالله ماقصر معاكم كل يوم بنزل بارت
و اذا صار عندي ضروف بنزل باليوم اللي بعده....

رد: روايــة: الوحـــده للكاتبه الموسويه

مررة حلو اعذريني م رديت كانت عندي ظروف


Love you All

رد: روايــة: الوحـــده للكاتبه الموسويه

البارت الخامس

(عبير)
قعدت من النوم على صوت الخدامه وهي تناديني

دخلت الحمام(تكرمون)

بعد ماطلعت لبست و كملت
نزلت تحت
شفت مرام وفيصل قاعدين يفطرون....


مالقيت امي و ابوي لانهم الحين بدواماتهم....



ابوي عنده شركه و هو مديرهه

وامي دكتوره بنفس الجامعه اللي ندرس فيها انا و مرام و بنات عمي
بس ما تدرس ولا وحده فينا...اذا تبون الصراحه انا حددددي متضايقه ان امي تدرس بنفس جامعتي...
وللاسف ان جميع الطلاب ماخذين فكره ان اللي امهم تكون دكتوره او معلمه بنفس الجامعه او المدرسه اللي اهم يدرسون فيها
فهذول الطلاب لازم و اكيد وطبعا يكونون مغرورين
و متكبرين
مع ان انا ابدا ابدا مو من صفتي الغرور و التكبر

وكل اللي يعرفوني يقولون هذا الكلام

بس هذي نضرية طلاب لا اكثر ولا اقل
وطبعا محد يقدر يستغني عنها
فهذا الشيء اللي مضايقني و مكدر خاطري
ان محد يحب يصادقني و الكل لما امر من جنبهم لازم يذبون كلمه علي

و طبعا انا اطنشهم
بس كمان اتضايق
ودايما انا اقول لامي ان تستقيل من هالوضيفه

بس هي كانت تقول:لا مستحيييل اطلع من هالوضيفه...نفعهه اكثر من ضرهه

وانا اقولها:يايمة يا حبيبتي ابوي راتبه يكفينا و يكفي لعشر عوائل...انتي ليش قاعده تشتغلين

هي تقول:انها قاعده تشتغل مو عشان الفلوس بس عشان تضيع وقت خاصتا ان ماعندها طفل تحتار فيه كل اطفالها كبار ف الصباح ماتحب تقعد بروحهه.....المهم
.
.
.
.
.

تذكرت...

بعد يومين بنروح للبر

وانا ماجهزت ولا شيء

ياي يعني راح اشوف راهي ولد عمي و خطيبي

وناسه

اكيد الحين على بالكم ان انا احببب راهي

لا...لا

انا ماحبه

بس احترمه...ووو...و

مادري شقول ههه

بس مادري احس ان لاشفته استانس

احس اني بأمان

هو يحبني لما كنت صغيره

كان تقريبا عمري ٧ او ٨ سنوات

دايما كان يقولي عبير انا امووووت عليج و لما اكبر بتزوجج

انا بعد لما كنت صغيره كنت وايد احبه و دايما العب معا

وكان لما يقولي لما اكبر ابي اتزوجج

كنت اقوله وعد؟

وهو يقولي وعد

وهو وفا بوعده...

كنت صغيره لما كان يحبني...بعد مادري لما كبرت
بقى يحبني ولا تغيرت مشاعره للاحترام و التقدير مثلي!!

...:عبووووووووووووووووووور

قلت:ها هلا

مرام:شفيييج صارلي ساعه اناديج ماتردين

قلت:كنت افكر

مرام:اي بس بغيت اقولج ترى فيصل طلع و السواق امي ماخذته معاها و توني اتصلت عليه قال انه رايح يتسوق في الجمعيه ناقصنا كم شغله قايلتله الخدامه....اليوم محاضراتج الساعه كم؟

قلت بتفكير:ممممم ساعه ثمانيه ونص يبدون

مرام:ايي زين انا ساعه ثمانيه...عيل انتضري نص ساعه او ساعه لين يجي السواق و يوصلنه

قلت وانا اخذ التوست:طيب
/
\
/
\
/
\
بعد حوالي الثلاث ارباع الساعه اجه السواق ورحنه للجامعه...كان باقي على محاضرتي نصف ساعه

اول مادخلت الجامعه:عبيرررررررر
التفت وراي و شفت سمارا تأشرلي

كانت قاعده بروحهه:هلا سمور حبيبتي شلونج

سمارا:هلا فيج الحمدالله انتي شلونج

قلت:بخير الله يسلمج...شنو ماعندج محاضرات

سمرا:قبل شوي خلصت و طلعت برا انتضرج...اليوم تأخرتي ؟

قلت:لا بس محاضراتي يبدون ساعه ثمانيه ونص

سمارا:اها عيل انا يخلصون ساعه ثمانيه...خلاص باقي نص ساعه و ارجع البيت وانتي روحي للمحاضره

قلت:اي اوكي...تجهزني حق البر؟؟

سمارا:اييي صح والله وناسه ذكرتيني....اي جهزت بس مو كلل شي...وانتي؟

قلت:لا والله بعدني

سمارا:صح نسيت اقولك خطيبج راهي ماراح يجي

انصعقت....مستحيييل...ليش ياراهي...وانا مستانسه على بالي تجي:ص..صج؟

سمارا:اي بس راح يجي الجمعه

زفرت براحه:ريحتيني

سمارا:هههههههههههههه انا متعمده العب عليج شوي

قلت:مالت عليج

سمارا:شفتي انج تحبينه؟؟....ليش تقولين ماحبه والله كل تصرفاتج تثبت انج تموووتين فيه

قلت:سمعي سمور...انا ماحبه بس احترمه حيل لانه راح يكون زوجي بالمستقبل و لزوج يكون بيننا احترام...
سمارا:بس الحب اهم و احلى

قلت:المهم سمارا قوليلي شخبار عمي؟

سمارا:الحمدالله تمام




وكملنه سوالف لين صارت ساعه ثمانيه ونص و دخلت انا لمحاضرتي و رجعت سمارا للبيت
/
\
/
\
/
\

انتهى البارت الخامس

رد: روايــة: الوحـــده للكاتبه الموسويه

البارت السادس

(مرام)

اليوم نروح للبر

قعدت من النوم ساعه 5 الفجر
دخلت الحمام(تكرمون)
اخذت شاور سريع

طلعت و لبست و كملت

نزلت تحت:السلام عليكم

الكل:وعليكم السلام

عبير:مرام اخذتي معجون الاسنان

مرام:اي حطيته بشنطة فيصل

فيصل:منو سمحلج تحطينه بجنطتي؟؟؟

مرام:انا...لان جنطتي بالقوووه سكرتهه و ماقدر افتحه حتى الجيوب مليانييين

فيصل:شدعوووه كلها اربع ايام...كنهه شهر

ام خالد:هاذي سوالف البنات يعني ماتدري...اذا مافرغوا الكبت مايرتاحون

فيصل:هههه مجانين...الا صح انا عزمت رائد راح يجي للبر



انا مادري ليش من عرفت انه راح يجي استانست

عبير:يووووو مانبي احد غريب...نبي ناخذ راحتنه

خالد:يعني الحين اذا اجه رائد او لا النساء راح يضلون بخيمه و الرجال بخيمه

مرام:اي صح...الا اقول خالد شلونه المخيم حلو كبير ولا لا

خالد:عجيييييب كبيييييير وواسع

مرام:وناسه...منو اختاره

خالد:صلوح من غيره

مرام:هههه يموت على هالسوالف

بعد 10 دقايق

ابو خالد:يلا يا عيال قوموا خل نتوكل

ورانا طريق ساعتين او اكثر

طلعنه كلنه

والخدم شالو اغراضنا

انا و عبير و فيصل بسيارة فيصل

و امي و ابوي و خالد بسيارة خالد

و سيارة السواق فيها اغراضنا و الخدم
/
\
/
\
/
\
/
(ريم)


كنت انا و سمر بسيارة محمد

و امي و ابوي و تركي بسيارة ابوي

تركي ماجاب سيارته لان ابوي ماخلا

يقول يكفي ثلاث سيارات

الثالثه للخدم

سمر:باقي كم نوصل

محمد:ساعه ونص

سمر:افففف وايد

محمد:احسن لج تنامين

سمر:موجايني نوم

قلت:انا بنام

و خليت راسي على رجل سمر و تمددت

بعد كم دقيقه

نمت

و سمر حطت راسهه جنب

ونامت
/
\
/
\
/
\
/
(سمارا)

وصلنه كلنا نفس الوقت وبعد السلام وهالسوالف

ابو راهي:يلا كبو الغداء

ابو محمد:لا تو الناس ساعه 11

ابو راهي:والله انا مافطرت من الصبح على لحم بطني

قلت:يبا اسوي لك بيض سلق

ابو راهي:اي يبنيتي

قمت اسوي لبوي و انا اشوف نضرات محمد لسارا

اخخخخخ بس لو تعطيني نضره يمحمد

والله بتخليني اكره ساره بنت عمي من وره نضراتك
/
\
/
\
\
/
(فتون)

كنا نتمشى انا وريم بعد ماخلصنا غداء:اقول فتون

فتون:هلا

ريم:شرايج نتسلق ذاك الجبل(كانت تأشر على جبل عالي وكله منحدرات)

قلت:لا ريم واللي يسلمج انا اخاف

ريم:يووو انا نسيت جايبه معاي خوافه

:السلام عليكم

درنه وجوهنه و شفنه تركي ورانا

ريم:هي تروك تراقبنا

تركي:ميت عليج انا....ولف لي

شلونج فتون

قلت ببرود:الحمدالله بخير

تركي:انا الحمدالله

قلت:ماسألتك

تركي:من الذوق انج تسألين

قلت:مو شغلك

ترمي:براحتكم

وراح

ريم:فتوووونووو حرام عليج زعلتي اخوي
والله انه يحبج بس انتي نذللله

فتون:انا ماحبه مو غصب

ريم:بتندمين...والله ان تروك رجال روووعه و مافي منه و يس..

قاطعتهه:بسسسس اففف وخري سيرته...خلينا نرجع للمخيم قبل لا نضبع

ريم بتأفف:يلا...بقول لمرام تجي معاي نتسلق الجبل...ادري فيها تحب هالسوالف

فتون:احسن

ورجعنه
/
\
/
\
/
\
(مرام)

كنا متوجهين انا وريم للجبل اللي قالتلي عنه و انا متحمسه:واي ريوم وناسه

ريم:حددده...والله لو سوير جات معانا

قلت:اي والله

ريم:شرايج نسوي سباق مين اول يوصل

قلت:يلا

وركضنه حييييييييل





بالاخير ريم هي اللي سبقتني

ريم:سبقتججججججججج

قلت:هههههه يلا امشي خلينا نصعد

كان الجبل كلللله صخور و منحدرات وصعععععب تصعدين عليه

قلت وانا اصعد بالقووووه:ريوم هذا كنه صعب


ريم وهي سابقتني بكثيير:يلا سعدي بسرررعه

قلت:افففف

وبعد 5 دقايق

ريم:وصلللللت للقمه

قلت وانا بعدني بالنص:ههههه ها حلو المكان

ريم:روووووعه

وفجاه





وقعت من الجبل


وانا اوقع بصوت عالي:ريييييييييييييييييييييم اه
/
\
/
\
/
\
/
(رائد)

بعرفكم عن نفسي
انا رائد

رفيج فيصل روووح بروووح

عمري 26

اشتغل دكتووور باحد ارقى المستشفيات بالرياض

اليوم فيصل عزمني على مخيمهم

وانا توووني اوصل

بعدني على بعد 8 كيلو مترات سمعت صوت عالي:رييييييييييييييييم

اتجهت ناحية الصوت بالسياره بسررررعه


وشفت بنت فوق جبل عالي تصيح وهي تحاول تنزل و ماتقدر

نزلت من السياره ابي اساعدهه

الا و اشوف بنت واقعه بالارض مغمي عليهه

بسرررعه شلت البنت و عرفت انها اخت رفيجي فيصل لاني شفتها كذا مره بدووون قصد وانا ببيتهم

كانت اهي تدش عليه بدون ماتدري

وحفضت ملامحهه

المهم
اخذتهه لسياره

وطلعت جنطة الاسعافات

وسويت لها اسعافات اوليه

الا وتجيني البنت اللي كانت فوق الجبل:مرام وينه مرام
اجت عندها و هي تبي تصحيهه

قلت لها:اهدي ياختي الحين بتصحى

قالت وهي تبكي:مرام حياتي قوووووومي ..........تعال انت منو

قبت:انا رائد رفيج فيصل

قالت:شنووووووووو.....الله يخليك لاتعلم فيصل باللي صار والله ليذبحها"وبدت تشاهق"

قلت:خلاص اختي مراح اقول

هي تبكككككي



وبعد حول الربع ساعه

فاقت مرام(عرفت اسمهه من بنت عمهه وهي تناديهه)

و شكرتني ووصتني اني ماقول لفيصل باللي صار

رحت انا عند الشباب و كان بالي كله يمهه
/
\
/
\
/
(مرام)

:ياحقيره يا ريم كللله من وراج انتي اللي خليتيني اصعد هالجبل

ريم:جب يلا جب...مو انتي اللي كنتي متحمسه

مرام وهي تشهق:امبييييي والله فشله من رائد الحين شبيقول عننا انا بموووووت اهئ اهئ

وبعد ماوصلنه

امي:وين رحتو قلقت عليكم

مرام:لا يمه بس تمشينه

امي:انزين يلا تعالى شربوا شاي معانا

قعدنه نشرب شاي معاهم و انا خايفه ان رائد يقول لفيصل

وتصير لي مشكلللله وانا للحين مو مستانسه بالبرر
/
\
/
\
انتهى البارت السادس

انا راح اترككم لمدة ثلاث ايام

لاني بسافر

بس اذا رجعت راح انزل الباقي انشالله

سامحووني

رد: روايــة: الوحـــده للكاتبه الموسويه

البارت السابع

(خالد)

كنا قاعدين كلنا بالمخيم

بعد ماجه رائد

وبعد السلام

فيصل:شباب شرايكم نلعب كرة القدم

تركي:فكررره حلوه...يالله قومو

قلت:اي والله يلا مشوا

قمنا كلنا ماعدى محمد

قلت:محمد يلا قوم

محمد:انا مابي اجي شوي تعبان ابي ارتاح

قلت بخوف:عسى ماشر شفيك

محمد:لا بس شوية ارهاق...انتو روحوا و انا شوي و الحقكم

قلت:يلا اوكي ناطريك

وطلعنه للملعب اللي يكون قريب من مخيم النساء

يعني اذا تبي تروحله لازم تمر بمخيم النساء

و جبنه الكره اللي كانت مع فيصل بالسياره

و انقسمنا فريقين

فريق فيصل اخوي و رائد وصالح ولد عمي

و فريق انا و تركي ولد عمي و راهي ولد عمي
/
\
/
\
/
\
/
\

(محمد)

تقلبت ع الفراش ابي انام

كنت تعبان و مرهق حددي

بس ماكان يجيني نوم

تقلبت و تقلبت و تقلبت

بس مانمت كان ارررق مو طبيعي



اخر شي قمت و غسلت و لبست لبس سبورت و رحت العب مع الشباب احسن لي

طلعت متوجه للملعب القريب من مخيم النساء






وبهاللحضخ

(سمارا)

كنه تونه طالعين انا و ساره من مخيمنه نتمشه شوي

و اول مامشينا كم متر

طلع بوجهنه

"محمد"

محمد شافنا:السلام عليكم

قلنه:وعليكم السلام

محمد:شخباركم

قلت:الحمدالله تمام

ساره:بخير

محمد:شلونج ساره

ساره بخجل:الحمدالله اسأل عنك

محمد:تسأل عنج العافيه....وين رايحين

كنت بجاوب بس سبقتني ساره:رايحين نتمشى شوي

محمد:اها انتبهي لنفسج ساره ..يلا عن اذنكم

وراح




..



كان ودي اذبحه

يقول لساره انتبهي لنفسج و يسأل عنها و انا مو معبرني؟؟؟

قههههههر

و من القهر اللي فيني

لفيت وجهي لساره ولقيته احممممر من الخجل:تحبينه؟؟

ساره انصدمت:؟!؟؟؟؟!!!!

قلت:انا ادري انج تحبينه...اعترفي

ساره:انتي شقاعد تقولين هههه سمارا لا تنخبلين

قلت بصراخ:ساره احسن لج تنسينه ولا تتحديني لان محمد لي يعني لي..وماراح تاخذينه مني

ساره:احترمي نفسج شهالكلام انا متى تحديتج

سمارا:الايام بيننا يا (بأستهزاء)حبيبة محمد ههههههه

ساره مسكتني من زندي حيل:سموور تأدبي احسن لج لايسمعونه...

قلت:خايفه..خايفه يكشفوج ياندله...والله راح تندمين ع اليوم اللي تحديتيني فيه...والايام جايه يا حبيبة محمد

ورحت داخل المخيم وانا حدددي معصبه




..


اول مادخلت رحت للحمامات و ماكان فيه احد

دق تلفوني وشلته:هلا رعد

رعد:هلا بحبي هلا بحياتي هلا بقلبي

قلت:اخلص وش تبي

رعد:شفيييه الحلو زعلان

قلت ودموعي تنزل:تحبه يارعد تحبه

وعد:منو تحب منو...مافهمت شقاعد تتكلمين

قلت:ساره بنت عمي تحب محمد

رعد:اي وانتي ليش قاعد تبكين...لايكون تحبين محمد وتغارين عليه؟

رقعت الموقف قبل لا اجيب العيد:لا حبيبي شنو احبه انت الوحيد اللي احبك و امووت فيك

رعد:اكيييد

قلت:اكييييد

و سولفنه شوي و بعدها سكرت منه و طلعت



..

الحين انتو اكيد تفكرون ان انا من النوع اللي اكلم شباب و اطلع معاهم

لا

لا

انا مو من هالنوع

انا اكلم رعد بسس

و ماحبه

بس جذي اتسلى معا و اجذب عليه واقوله ان انا احبه

ووقت انا اكون زهقانه اتصل عليه جذي اضيع وقت معا وبببس

حدي تلفون

غير كذا مافي

....



..


طلعت لقيت الكل مجتمعين

وكانت ساره معاهم

اول ما صارت عيوني بعيونهه وخرتهه عنهه

بس هي ابتسمت لي

ولا كأن صار شي بيناتنه

هاذي شفيهه ماتحس

انا احب اللي هي تحبه و للحين تبتسملي

لايكوون ماتحبه


لالا اكيد تحبه

ولا ماكان خجلت منه و دايما تناضره

اصلا مبين من شكلهه تحبه

...



..


قعدت معاهم شوي و بعدهه طلعنه بره احنه البنات كللنه نتمشى
/
\
/
\
/
\
انتهى البارت

انشالله اكمل الباقي باكر نفس هالموعد و كلل يوم نفس هالوقت انزل بارت


بس بلييز ابي تعليقات اكثر

يعني مايصير كتبت سبع بارتات و للحين مافي بس تعليقين

بس انا راح اكمل الروايه و ماراح اوقفهه وانشالله القى تعليقات اكثرر

تحياتي

رد: روايــة: الوحـــده للكاتبه الموسويه

البارت الثامن

(سمر)

طلعنا نتمشى احنا البنات كللنا

ريم:بنات شرايكم نسوق سيارة واحد من الشباب

انا شهقت:هئ مجنونه انتي؟؟؟.....تبين توهقينا

قالت:لا وش فيها انا اعرف اسوق

ساره:ايييي وناسه هههه

فتون:بنات والله اخاف يعصبون علينا

سمارا:لا اصلا وناسه

عبير:بنات انتو من صجكم؟؟....عيب عليكم يلا اهجدو

مرام:اسكتي بس...وش العيب بالموضوع؟؟

قلت:كلام عبير صح...عيب عليكم والله مسكين هاللي بتاخذون سيارته

ريم:الا صج ناخذ سيارة منووو؟؟

سمارا:مافي غير سيارة صلووووح

انا فز قلبي:للا الا سيارة صالح خلوها اخاف يصير فيها شي و نبتلش

سمارا بصوت محد يسمعه:خايفه على سيارة حبيب القلب؟

قلت:جب يلا جب

مرام:بس منووو يجيب لنا سيارة صالح

سمارا:انتي روحي قولي لاخوج فيصل ياخذه من عنده..موهو رفيجه؟...عادي يقدر بسرعه ياخذه

مرام:لا انا ماقول لفيصل اخاف منه(قصدهه عشان سالفة رائد)انتي قولي لاخوج راهي ياخذ سويج صالح...مو انتو اخوان؟؟؟

سمارا:مالت....عاد انتي تعرفين راهي مو تبع جدي سوالف...ريم انتي قولي لأخوج تروح خلي ياخذ سويج صالح

ريم بتفكير:مممم اوكي الحين ادزله مسج

الكل تحمس بأستثناء انا



...




كتبت ريم مسج لأخوي تركي

(تروووووووك حبيبي عندي لك طلب)


بعد كم دقيقه جاها الرد و كللل البنات متحمسين

(شنو،...طلبي؟)


(تروك حبيبي عمري حياتي قلبي ممكن تجيب لنا سويج سيارة ابن عمي صالح....بلييييز)


(نعم؟؟....وليش)


(نبي نسوق)


(لو تموووتين ماراح اجيبه...تبين تكسرين سيارة الولد)


(تروووك الله يخليك والله ماراح نسوي لها شي...اطلب اي طلب بس جيب لنا السويج)


وبعد 10 دقايق جاها الرد

(اطلب اي اي طلب؟)

(ايي اي طلب)

(اكيييد؟)


(اكييد تروك يلا عاد)



(انزين في احد قاعد يمج)



(اي كللل البنات)


(روحي قعدي بروحج بقولج طلبي)



الكل قام يناضر ببعض و نصدمنه

بعدهه قامت ريم وحت انا اشوف شنو بيطلب اخوي ترووك من ريم و مايبي احد يعرررف

(يلا رحت...شنو طلبك؟)


(ابيج لما تجين تاخذين السويج تجيبين فتون معاج ابي اشوفهه)


ها السالفه فيها فتوون

هههههه والله انك تضحك ياخوي

البنت مومعطيتك وجه وانت ميت عليهه

(تروك اطلب غير طلب لان فتون مستحيييل راح تجي)

(اجل باي ماراح اجيب السويج)


(لالا خلاص بحاول اجيب فتون...الله ياخذك بتورطني)


(خهههههه عفيه عليج ابيج جذي)


(مالت،...بس متى بنجي ناخذ السويج؟)


(انا بدزلج مسج واقولج تعالي...جنب الملعب اووكي)


(اووكي...باي)


(باي)

يتبع