رد: الولاده القيصيريه

وعليكم السلام ورحمة الله


هلا بك اختي مس الحور

عملت القيصريه اربع مرات
وكل قيصريه تختلف عن الثانيه الصراحه في المها
بس اهم اشي للقيصريه
المداومه على المضاد الحيوي والمسكن
اول ما تستفيق الوحده من العمليه والتخدير
تبدى بشوية هذيان وكلام غير مفهوم اكثره
هذا اذا كان التخدير كلي للجسم
وفي تخدير بس موضعي وهو للبطن والظهر
والعقل يكون صاحي و واعيه الوحده للعمليه ومراحلها
وانا ما جربت التخدير الموضعي
تجربتي بس بالتخدير الكامل للجسم
ودايما من بعد العمليه واول وقوف على القدمين
تصاب المريضه بدوخه وعدم اتزان
وهون خذي الحيطه والحذر ولازم يكون احد بجانبك
والمحافظه على نظافة الجرح
من اهم اسباب الشفاء السريع

وجب وضع اليود او المطهر ثلاث مرات باليوم
وعدم ملامسة الماء للجرح
والافضل وضع الشاش والقطن بعد تطهيره
وذالك للمحافظه عليه من اوساخ تعرق الجسم
والمشي من اول يوم بمسك البطن ورفع الظهر
يفيد بالشفاء السريع

يعني لازم كل ساعه تقومي وتمشي
من خمس دقائق الى عشر دقائق

يعني الدلال والغنج والنوم على الظهر
ما فيد بالشفاء ^ ^
والاكل الصحي وخاصه الشوربات والفواكه
من افضل المأكولات للمريضه
و وجب الابتعاد عن كل نوع طعام يمسك المعده
يعني الابتعاد قدر المستطاع
عن الخبز والرز والبطاطا

وبس
اتمنى اني اكون قدمت لحضرتك الفائده المرجوه
وما بعرف اذا ناسي شي

وربي يسعد صباحك وكل اوقاتك