السلام عليكم ورحمة الله وبركاتة عندنا اب الله يهديه قاسي جدا عصصصصبيي المهم القصة تقول



ابوي عمره 58 سنة عصصبي حييل ضرب وضرب وضرب وضرب دايم اذا ماجيت يطلع غرفتي وقسم بالله يابنات اني ارتجف من الخوف انا الحين عمري 21 سنة قبل سنة تقريبا يعني كان عمري 20 سنة نسيت ماسويت له الفطور جا في غرفتي وفتح الباب باقوى ماعنده وانا مسكينة ماسكة بالبطانية ودموعي عيت ماتتوقف ويمسك شعري ويلعنني ليش ياحقيرة اخ تف عليك يعطيني كفوف ويطيحني وصك راسي بالجدار ذي السالفة عمري مارح انسساها والفلوس والله بخييل جدا اخواني الكبار يخافون منه بس اذا اخوي الكبير قال بيطلع مع اصحابه يبي 100 ريال بس يجي ابوي ويضربه ويلعنه ويدعي عليه من قلبه القاسي ويوم من الايام قبل 4 سنين تقريبا اخذ امي وضربها ضرب مبرح والله الدم قاعد ينزف من قوة لدرجة ان امي اغمى عليها واخوي الكبير الي يبلغ 32 سنة متزوج وعنده 3 اطفال بعض الاحيان او اظاهر سنويا يجون يزورونا مرة من الايام يمكن قبل اسبوعين كذا جا هو وزوجته وعياله ابوي تفل عليه وطردة من البيت تخيلو هو ساكن بمكة واحنا بالرياض يعني تعب نفسه في الاخير ابوي يطردة ويضربه بالعقال وزوجته جدا تخاف من ابوي بعض الاحيان ابوي يخاصمها ويهاوشها واتذكر يوم كان بيضربها والله يابنات عايشين فقر في فقر ابوي الحمدالله ثروته كبييرة جدا والله مايعطي امي ولا قرش شهريا امي المسكينة صارت تشتغل بياعة ملابس من كثر الفقر الي فينا والله باعت كثير من ملابسها علشان تصرف علينا اختي الصغيرة عمرها الحين 9 سنين قبل سنة كذا عمرها كان 8 سنين كانت تعبانة حييل تطرش دم وكحة قوية وسخونة وزكام مزمن امي المسكينة قاعدة تترجى ابوي عشان اختي تعبانة وابوي يدعي بذاك الدعاوي على امي ويضربها ويقول خليها تموت وش نبي فيها قسوة & اهانات & ذل & ضرب & تعذيب & حزن & فقر والله يابنات لو تشوفون حالتنا تقولون مثل الشحاذة الي بالشارع مانقول غير حسبي الله ونعم الوكييل على كلام امي ان ابوي لم كان صغير جدتي وجدي ابو امي وام امي كانو يعذبون ابوي كثثير واكثر مننا ومرة من الايام اختي بكت وقالت ليش تعذبنا ليش ابوي نزلت دموعه لاول مرة وقال اعذبكم ابي اخذ كل حق من امي وابوي الي كانو يعذبوني 9 سنين ويحبسوني في الحمام لشهور واسابيع وذاك الوقت ابوي كان متاثر كثثير وسالت امي وقالت اي ابوي كان يتعذب اكثر مننا لدرجة امي قالت كان يتشحذ في الشارع عشان لقمة العيش وجاي يحط البلاء علينا وثروة جدي الله يرحمة اخذ ابوي وخلاص تم التعذيب والله يابنات ان ابوي حرمني من الدراسة وانا بصف ثاني ابتدائي حرمني منها حرمني من الصداقة حرمني من ملح الحياة حرمني من كل شي والله يابنات حتى بعض الصلاة ماعرفها لاني مدرست والسبب ابوي ودايم مثلا امي تبي تعلمني التحيات وش اقول لم اصلي والله ولا اعرف شي واذا عرفت بعد يومين انسى للاسف لازم مدرس المهم بعدين اذا كنت نايمة يجي ابوي ويطفي المكيف ويصحيني قومي سوي لي فطور الله يلعنك وماعندي ولا صديقات ايام متواصلة تعذيب والله افكر ادق على خطابة تخطب لي اي احد والله يابنات بموووت من التعذيب تكفوووووون ساعدوني اتعذبت في الحياة ذي كثثثثثثثير