-
-
رد: يتيمــــــــه وظلم البشــــــــر
الجزء التاسع
من رواية
يتيمه وظلم البشر
الوصيه الخامسه/ كانت لهدى زوجة نافع يقول فيها..
نافع / ياهدى يازوجتي العزيزه انا قبل ان اتزوجك كنت متزوج من زوجه ولكنها توفيت بالمستشفى وهي تولد وانجبت لي طفلا اسمه(؟؟؟؟؟؟؟؟) ويحق له مثل مايحق لأولادي وهو الان يعيش
مع جدته واسمها ( رضيه ) وخاله والذي يدعى ( عامر ) وعنوان سكنهم الرياض حي(؟؟؟؟؟؟؟) فيلا رقم(؟؟؟؟؟)..
كايد / يتفاجأ بالوصيه ويضرب على رأسه سمعتي يادوشه ماسمعته وش رأيك الان..
دوشه / هذه الضربه القاضيه لنا كنا نريد الخلاص من حوريه طلع لنا الان مصيبه ثانيه ومن يدري وينه ومتى يطلع لنا ماندري..
خالد //حوريه......حوريه......حوريه....تعالي اسمعي الخبر اللي يسرك ويفرحك...
حوريه/ جاءت بسرعه وش فيك ياخالد وشو الخبر ماضنتي فيه اخبار ساره وانا عند امك وابوك...
خالد / انتي سمعتي الوصيه الخامسه من وكيل ابوك...
حوريه / لا..........وش فيه ياخالد....
خالد / انتي الان مانتي وحيده صار عندك اخو من ابوك ...
حوريه / كيف ياخالد فهمني ماني فاهمه شئ حتى الان..
خالد / عمي نافع قبل يتزوج امك كان عنده زوجه ولكنها توفيت بالمستشفى وهي تولد وانجبت لكم أخ هذا اللي يبي يسندك طول عمرك..
حوريه / يالله ماني مصدقه حتى الان معقول ابارجع لبيت ابوي مع أخوي صحين ان الله مايضيع أحد...
كايد / خالد....خالد.... وجع يقص ظهرك وش الأخبار اللي انت تقولها لحوريه انت مصدق كل مايقوله الوكيل أكيد هو طمعان بأموال عمك ويبي يزوج حوريه لواحد من اعياله على شأن
هم يورثون اموال عمك..
خالد / انا شفت الوصيه وموثقه من الجهات المختصه والقاضي مصدق عليها بالختم .....يعني يكفي الاعيبك انت وأمي تراني مع الحق...
دوشه / كايد تعال عندي بالغرفه ابيك بكلام اترك عنك المراهقين خالد وحوريه...
كايد / هاه وش عندك يادوشه يالله كبرت عليك المسؤليه والله ماعاد تنترقع ..المسأله صار فيها أخ...
دوشه / اسمع ياكايد الان جاء دورك..الوكيل هذا لازم نتخلص منه بأية طريقه وبسرعه وبعدها نزوج خالد لحوريه ونتخلص من حوريه بعد الزواج ويصير الوريث الوحيد لنافع بعد التخلص
من حويه هو خالد وش رايك بالخطه...
كايد / كيف يعني وش تبين اسوي مع الوكيل لاتقولين خطط على قتله تراني غاطس بالذنوب....
دوشه / اسمعني ياكايد انت لازم تعطي الوكيل الأمان وتعزمه على الغداء والباقي خله عليه...
كايد / خير ان شاء الله خلي الأمر عليه...يذهب كايد عند الوكيل بالشركه ويسلم عليه كيف حالك وينك كل ماجيت عندنا وقلت لك القهوه تعذرت مايصير ترانا اخوان وأهل لازم تواعدني اتغداء انا وياك..
الوكيل / ولا يهمك ياكايد ابشر بس خليها على التساهيل اوعدك ان شاء الله اتغدا عندك....
كايد / ايه بس ماتعطيني كلام وتصرفني وبعدين تسحب عليه...
الوكيل / لا...ياكايد ولا يهمك اوعدك وعد رجال....
كايد / يروح وينادي يادوشه.....يادوشه.....الرجال واعدني انه يتغدا عندي بس ماحدد الموعد...
دوشه / شي طيب الله يجيبه وأوريه وانا دوشه..
خالد / مساء الخير يابوي وش ذا العزايم بينك وبين وكيل عمي...ترا الجيب حقه مثل جيب عمي الله يرحمه...بس ترا ماحولنا ورشة سيارات...
دوشه / تسمع كلام خالد انت وش فيك ياخالد عمك عالق بذهنك الى الان عمك مات خلاص انساه...
خالد / ايه ياأمي بس الحق مايضيع ولا ينتسي انا من بكرا ابروح اسأل عن ابن عمي (؟؟؟؟؟؟؟؟؟)
دوشه / اي ابن عمك هذا كلام فاضي انت مصدق ان حوريه لها أخ...هذا وانا اخطط لك كيف أزوجك...
خالد / اسمعي ياأمي انا ماني متزوج حتى ألقى ابن عمي شيلي فكرة الزواج من راسك..
حوريه / خالد وش لون نبي نحصل أخوي والله صعبه....وقالت هذه الأبيات..
لغز الجزء التاسع
هنا يوجد بين الأقواس بمكان علامات الإستفهام اسم اخو حوريه
يتكون من خمسة أحرف..
5 -4 - 1 = وجد ظمن الأسنان
5 -3 -1 = بمعنى سلب
3 -2 -1 =بمعنى اختفى عن الأنظار
3 -2 = حيوان
( ؟؟؟؟؟؟؟) ياخوي وين القاك
.........................أبيك عن الناس تغنيني
وأحط انا يميني وسط يمناك
.....................ومالي أحد غيرك يراعيني
ثلاثة وعشرين عام ماشفناك
................وماتدري وش اللي حصل فيني
الوكيل / يتصل على كايد إسمع ياكايد ترا غداي عندك بكرا ماودي تأخذ بخاطرك عليه وانا واعدتك...
كايد / الله يحييك اخو وعزيز والبيت بيتك تشرفنا...يادوشه...يادوشه..ترا جاينا ضيف بكرا استعدي وجهزي الغدا والله تحقق طلبك يادوشه ...وكيل نافع غداه بكرا عندنا
دوشه / الله يحييه ياكايد ..والله جيت يالوكيل والله جابك انت ماعرفت دوشه الى الان....انتهى الجزء التاسع ماهي توقعاتكم وش يبي يصير للوكيل..هل تحقق دوشه ماتريده هي وكايد..
هذا ماسنراه بالجزء العاشر...
حقوق الطبع محفوظه للسحاب(الساري)تعليق
-
رد: يتيمــــــــه وظلم البشــــــــر
لغز الجزء التاسع
هنا يوجد بين الأقواس بمكان علامات الإستفهام اسم اخو حوريه
يتكون من خمسة أحرف..
ماهو اسم اخو حوريه
5 -4 - 1 = يوجد ظمن الأسنان
5 -3 -1 = بمعنى سلب
3 -2 -1 =بمعنى اختفى عن الأنظار
3 -2 = حيوان
( ؟؟؟؟؟؟؟) ياخوي وين القاك
.........................أبيك عن الناس تغنيني
وأحط انا يميني وسط يمناك
.....................ومالي أحد غيرك يراعيني
ثلاثة وعشرين عام ماشفناك
................وماتدري وش اللي حصل فيني
يالله شدوا حيلكم وموفقين جميعا
التعديل الأخير تم بواسطة السحاااااااااااب; 03-07-2014, 04:30 AM.تعليق
-
رد: يتيمــــــــه وظلم البشــــــــر
فصل جميل يعطيك ربي الخير ...اخيتعليق
-
رد: يتيمــــــــه وظلم البشــــــــر
رائع
سسلمت يداك
وبانتظار ظهور أخ حورية الجديد وكشف خالد لأبويهتعليق
-
رد: يتيمــــــــه وظلم البشــــــــر
يعطيك العافيه بارت رائع
ننتظر بالبارت القادم ظهور اخاها لحوريه
وما الذي سيفعله خالد وهل ستنجح خطة دوشه
تحياتي وتقديري اخي السحاب
Sent from my GT-P7500 using منتدى عبير mobile appتعليق
تويت
تعليق