تويت
لا تسألوني ليش انا ما لي أصحاب
الفقر اخذ مني جميع الرفاقه
فقري على حد الزمن حط له باب
وان جيت اسد الباب حط الف طاقه
كرهني الدنيا وضليت مرتاب
اصفق يديني والحشا با حتراقه
من سبته ياناس طايح ومنصاب
وفي ديرتي اسمي خوي الطفاقه
بين المرابع عايش عيشة غراب
فقري سرق مني حياتي سراقه
كتب على وجهي فقير وكذاب
وعلى الظهر سجل باسمه بطاقه
كل يكشر لي ولي يظهر الناب
حتى سلام الله غدى له شفاقه
والا الهوى اللي قالوا الناس غلاب
شفته مع الناس الفقارى حماقى
حبيت ثم حبيت واسهرت الاهداب
واقفت وقالت لي مجرد علاقه
واكبر ذنوبي ما لي فلوس واحساب
ولا لي مع الناس الكبيره صداقه
والله ثم والله.. ماني .. بكذاب؟!
فقيرنا يا ناس ... ماله رفاقه
بقلمي
فواز خالد
الملفات المرفقة
تعليق