الاياصاحبي طالت بك الغيبة عساك بخير
ترى قلبي من غيابك حزين وفاقد شعوره
،،

توسدت الألم لما بكاك الحب والتقدير
ووجهي من شقى بعدك تجهم وانطفى نوره
،،

ألا ليت اللقى يشرى وابيع العمر بالي يصير
واشوفك بس لو لحظة ترد الروح مسروره
،،

أنا لي صاحب ما ارضى أبدل خوته بالغير
وفي وقفته مثل الصبا والارض ممطورة
،،

تخاوينا على وضح النقى ياصاحبي والخير
على شرع الوفا نمشي ونوقف عند دستورة
،
،
خذاه الوقت بظروفه وبدل فرحته تعكير
عساه من السفر يرجع وهجره ينتهي جورة
،،

ألا ياصاحبي رد الخبر لا تشغل التفكير
بدونك عشت في غربة مع ساعات مهدورة
،،

يموت القلب فغيابك من صروف الزمن تعزير
أذوق الموت وامالي من الاهات مبتورة

،،
خذاني شوقي الجامح على الأوهام والتغرير
ما الوم العين لاهلت دموع الشوق معذورة
،،

اشوف العذر فغيابك خجول ولا لقى تبرير
يردد للقى (لحظة !) ويتلعثم من قصوره !
،،

تواعدني على اللقيا ومن الفرحه بغيت اطير
ولكن للأسف خابت ظنون فيك مغرورة
،،

تمنيني وتتركني رهين الصبر و التأخير
يا ليت تشوف فالخاطر مشاعر حيل مكسورة
،،

ألا يا صاحبي يكفي! ترى هذا الزمان اقصير
يموت الوقت فغيابك ويفنى الدهر وشهوره
،،

أناديلك ولا تسمع ! وقرانك شكى التقصير
بكتك ايامنا وحنت عليك ايات مهجورة
،،

ترى لو تقصد الزلة معي أوخانك التعبير
تموت الروح ! ما أنسى زمان الود وزهوره
،،

الا يا صاحبي طالت بك الغيبة عساك بخير
يموت الود فغيابك وتبقى للألم صورة





منقوله