تويت
قصيدة قل امين - عبير بنت أحمد
من قصائدها العاطفيه .........
~ قل امين ~
ترجع ل جسمي بالسلامة.. قل امين
والا ترى روحي معك يالمسافر
من رحت .. صار الزين في ناظري شين
واعمري اللي مع هناي امتنافر
أطلقت عقبك من عيوني مساجين
يمشون في درب على الخد حافر
واحترت في أصلي .. أنا شمع .. أو طين ؟!
العين ذابت .. وابيض الوجه صافر
والضيق / يبدا : من مدى وحدتي لين ..
.. اخر حدود الكون -- عند الأظافر
يوم انت عندي .. يغبطونا سلاطين
واليوم شح الحظ .. والحزن وافر
يا فرق حالي بيننا أمس .. والحين
مثل اللي يفرق بين مؤمن و كافر
ترجع ل جسمي بالسلامة.. قل امين
وتجيب لي روحي معك يالمسافر