تويت
حكي شباب بضحك ...:c:
شو بدك بطول السيرة
جملة محشوة داخل قصة يزيد عدد كلماتها عن 1000000كلمة
* بدك الصحيح والا ابن عمه
مقدمة لكذبة من الحجم العائلي
* وماشفنالك إلا ..
موسيقى تصويرية قوتها 7.9 على مقياس ريختر لقصة سخيفة
* وما كذبت خبر
عبارة لنفش العضلات وبداية لكذبة ورسم بطولات ما حصلت إلا بالخيال
* انت لسا ما بتعرفني
تقال عندما يشعر المتكلم انه تبهدل وانمسحت بكرامته الارض
* الله يستر عليها
تقال بعد نهاية كل قصة تم فيها نشر غسيل جميع بنات الحارة وصديقات بنات الحارة
* إشتهيناك تكون معنا
تقال لحرق أعصاب
المستمع واذلال شعوره
* أنا، لا تواخذني بهالكلمة
مصطلح يهيؤك نفسيا لسماع مسبّة ولكن بطريقة مؤدبة
* نا والله مو فارئة معي
تدل على اهتمام المتكلم حتى الموت بالموضوع
* سيدي ما علينا
نهاية الحديث البايخ الذي كان يتكلم فيه على غيره بما لا يخصه
* عيّن خير
بعبارة أخرى ....انسى الموضوع
* لا يروح فكرك لبعيد
يعني طنّش عن كل البلاوي اللي خبرتك عليها
* والله لو عرفان ما كنت تركتك
عبارة لتسفئو منّيّة ببلاش فوء الكمّ اللي أكلو