تويت
مطبخ روزانا مع الأكلات السورية المتعددة
السلام عليكم ورحمة الله وبركاته
هيدا الموضوع ان شالله بيعجبكن
الكبة السورية
الكبة ائلها اكتر من اسم
واكتر من طريئة
منهن
الكبة اللبنية
الكبة الحلبية
الكبة الكزابية
الكبة بالصينية
الكبة مع البطاطا
الكبة سوار الست
كبة صاجية
الكبة الدمشقية
الكبة المشوية على السيخ (الكبابة)
الكبة الكيمشون
الكبة النابلسية
وإن شاء الله رح خبركن
عنهن بمواضيع تانية
وأكلات سورية متعددة
رح ببدأ
بالكبة المئلية
مكونات الكبة
لترين مية
بدنا كيلوا برغل
نص كيلو لحمة
بصلاية وحدة
رشة ملح ورشة فلفل
عرء نعنع
وإشرة لمون
الحشوة
شى اربع معالئ زيت نباتي
بصللتين مفرومات منيح وناعمات
نص كيلو لحمة هبرة مفرومة
وئية جوز مفروم
رشة فلفل أبيض
رشة زنجبيل مطحون
رشة فلفل أسود
رشة ملح
هلاء
اول شى بننئع البرغل بالمية شى نص ساعة ونصفيهن منيح
وبنحطن بئلب الزبدية وع جنب
وبعددين بنجيبن لمكونات الكبة وكلن بنحطن بئلب فرامة الكهربة مع البرغل ونخلطهن منيح
بعد هيك بنجيب اللحم مع الخلطة وكمان مرة بنحطن بئلب فرامة الكهربة هلاء شيليهن من فرامة الكهربة
وبعدين بتدعكيهن منيح باديكى ليصرو متل العجينة
هيك عجينة الكبة صارت
جاهزة
هلاء
بنجيب مئلاية وبنحط بئلبا الزيت
ليحمي الزيت وبعدين هدى النار
بنجيب البصلتين مفرومات ناعمين وبنئليهن ليدبلو
وبعدين بنضيف اللحمة ورشة الملح والفلفل والزنجبيل وشى سبع دئايئ ع نار هادية
وبعدين بنجيبو للجوز وبنخلطهن مع بعضن منيح
هيك الحشوة صارت جاهزة
هلاء لنعمل الكبة بنجيب عجينة الكبة بتعمليها ائطع صغيرة وبتؤريهن متل الطابة بشكل بيضوى
وبدخلى اصبعتك وبتعملى فتحة للحشوة او ملعئة صغيرى بيمشى الحال
بتعملى فيهن الفتحة وبتحطى بئلبن الحشوة هيك لتنهى كل العجينة صارة جاهزة للئلى
اهم شى تكون الكبة مغمورة بالزيت وبعد ما تسخنى الزيت منيح
بتلئيهن بالب الزيت
لحتى يتحول لون الكبة ائريب من لون الدهبى
وتكون الكبة مئرمشى بتشيلهن وبتزينى طبئك
يلى بدك تئدمية لعائلتك او لرفئاتك
وصحتين وعافية
ع ائلبكن
