تويت
قصيدة انا ونفسي وحالي
شايل ومحمل ومكمل
بدموع بتروخ ..
وممنوع اتألم واتكلم
مينفعش انخ ..
الدنيا كسراني ورمياني
قزاز في بلاط ..
وماليش غير صرخة احزاني
ووجع الاحباط ..
فتشت في ايامي لقيتها
مخزن نفايات ..
رصتها الدنيا وعبتها
وصناديقها اهات ..
انا ونفسي وحالي في ليالي
مليانه هموم ..
ساكن احزاني في بيت فاضي
بجدار مهدوم ..
فصلت شقايا شال وعبايه
والجرح هدوم ..
والحزن معايا بقي مرايه
لوشي المهموم ..
بقيت كاره لسنيني الجافه
وكرهت اعيش ..
وبزق في ايامي الواقفه
وليه مبتمشيش ..
ولا مره في عمري انا جبرني
فرحي ببقشيش ..
وتملي زماني مكدرني
ونازل تلطيش ..
توسونامي الاامي دمرلي
اطلال العمر ..
خلاني اضبش وبهبش
في بواقي الصبر ..
عايم في الضلمه ومش
شايف للعتمه فنار ..
وبحر اليل مالوش صاحب
والموج غدار ..
سحبتني الدنيا على عمايه
فتحت لقيتني في حكايه
بطلها الخوف ..
خلتني علي خوفي اتعود
والناس بتخاف لما تغمض
وأنا خوفي ظهر من كتر الشوف ..
ــــــــــــــــــ
عبدالحميد على
بدموع بتروخ ..
وممنوع اتألم واتكلم
مينفعش انخ ..
الدنيا كسراني ورمياني
قزاز في بلاط ..
وماليش غير صرخة احزاني
ووجع الاحباط ..
فتشت في ايامي لقيتها
مخزن نفايات ..
رصتها الدنيا وعبتها
وصناديقها اهات ..
انا ونفسي وحالي في ليالي
مليانه هموم ..
ساكن احزاني في بيت فاضي
بجدار مهدوم ..
فصلت شقايا شال وعبايه
والجرح هدوم ..
والحزن معايا بقي مرايه
لوشي المهموم ..
بقيت كاره لسنيني الجافه
وكرهت اعيش ..
وبزق في ايامي الواقفه
وليه مبتمشيش ..
ولا مره في عمري انا جبرني
فرحي ببقشيش ..
وتملي زماني مكدرني
ونازل تلطيش ..
توسونامي الاامي دمرلي
اطلال العمر ..
خلاني اضبش وبهبش
في بواقي الصبر ..
عايم في الضلمه ومش
شايف للعتمه فنار ..
وبحر اليل مالوش صاحب
والموج غدار ..
سحبتني الدنيا على عمايه
فتحت لقيتني في حكايه
بطلها الخوف ..
خلتني علي خوفي اتعود
والناس بتخاف لما تغمض
وأنا خوفي ظهر من كتر الشوف ..
ــــــــــــــــــ
عبدالحميد على