يا شاعر الفصحى انا عذبوني
ذيك القوافي اللي تناغم لحونه
ناحت بها ورقا وهاجت لحوني
احيت حكايا في الفؤاد وسكونه
ردت على نوحه مشاعر دعوني
اكتب لحونن لي تزايد شطونه
ناحت بها نفسي وغنت بكوني
يا دالهن قلبك حيت به غبونه
بالقلب ضيقه والمشاعر عصوني
حـتى حروفي حايره ينصفونه
حتى كبار العقل ما هم فتوني
او هم دروا قلبن شكا وش طعونه
وش هي سواتي في سهامن رموني
صابت فؤادن ما خلا من حزونه
شوقي مجافي عن منامي جفوني
والفكر حاير والنظر يرهبونه
دعج العيون الواثقه يرهبوني
منها لساني لا نطق يخرسونه
بيض المنا عند اللقا واعدوني
احظن عيون اللي هلاكي بدونه
واهل الوبا باللي وبا هاجموني
ما همهم غير الوفا يعذلونه
لا يا عيوني اكذبوا واتهموني
اللي يقولوا شاعرن في مجونه
وقت اللقا كوني على ما تكوني
خلي النظر يسبح ويلثم فتونه
خلي النظر يشرح لها عن فتوني
عل وعسى تقرا عيوني فنونه
عاهد ولا هي لي عهوده وفوني
ذاك اللسان الهايبن من منونه
عند اللقى وسط اللقى واذهلوني
ياصاحبي هالة سنا يحرسونه
هيبة ملك تكسي وصوفن خذوني
تمنع عيون الكون تبحر بكونه
عجل علي يسأل ولا ساندوني
عطش الدقايق والحشا يكتوونه
نجل العيون اللي بنظره سبوني
نظره بها قلبي رضا يستبونه
تسأل عيونه وش بلاها عيوني
ويلك عيوني حادثيها عيونه
هاتي قديمك مع جديدك وصوني
ذيك العيون اللي بعمري اصونه
قولي وبالك من وزانك يروني
قولي لها كل الكلام وشجونه
يمكن احادثـهـا واريح شجوني
باللي المشاعر شوفته يحترونه
قولي لها خفت النظر يا جنوني
يزعل عيون اللي المنا يرتجونه
بالك تـزعلينه وبالك تخوني
ذيك العيون اللي محالن اخونه
ون هو امر روحي فدا ون نهوني
العاذلين اللي علي يمنعونه
تفرح عيون العاذلين الحزوني
ما يتركون الشمل ما يفرقونه
وش للعواذل في الهوى يعذلوني
غير الكدر واللي عنا يشربونه
هذا كلامي حتى لو انكروني
والكلمه اللي صادقه ينكرونه
اختم هروجي يالغلا بالوزوني
واطلب ردودن بالوفا توزنونه
عطني امل يجلي ظلايم ظنوني
هاتك لحن يبري الفؤاد وظنونه
خذني وطن تسكن شغافن دعوني
اجمح شرودن تايهن في ظعونه