تويت
الخوة
الخــوه اللـي فعــــول الطـيـب تزهـاها
انا مـــن اللـــــي يثمنهـــا ويشــــريها
والخوه اللـي تعــاف الـــــروح لاماها
والله لقـطـــــــع عـلاقتـهـــا وطــاريها
نفســي عزيزه ودرب العـــز ممشاها
واهل الردى ما نشدنا عــن مساعيها
اهل النـوايــــا الــرديه خـاب مسعاها
اهل الـردى مـن رداهــا مـن يخاويها
ماني مكلـف بنـاس ظــــاع مـبـــداها
والناس وجهــة نظرهــا من مباديها
به ناس تسعــى ورا الفتنــه وتبراها
وبه ناس تخمــــد لهايبـهـا وتطفيـها
ناس بفعــــل الجزيله تكــــرم لحـاها
وناس فعول الردى تكشـف خوافيها
وناس لعـــز الخـــوي يشيــد مبناها
وناس ردا افعالهــــا يهـــدم مبانيها
سلم على اللي ذرى الخوه ويحماها
قد قيل مال للمواقف غـيـــر راعيها
والظيقه اللي تحــد النفـس لقصاها
مانـــي مبـيــن سبايـبــها ومبــديها
هيضتهـا بالقصـيــــد وبان فحـواها
اهل العقول ان درت تعرف معانيها
ومـــن لا تخصـه حروفي لايتلقاها
كـل كلمـــة قلتهــا حاسـب قوافيـها
شعر / فهد بن سعيد .