هلابك يا بعد عمري هلابك
فؤادي يا فؤادي مل غيابك
عيوني تحتري من هو هناها
وحالي بالعنا ذايق عذابك
عنا قلبي عيونك لو جفوني
شقا عيني بشوفه لك برابك
حياتي في يدينك لك رهينه
تبي تروي ظماها من رضابك
عذابي شوفتك تشكي همومن
وحا قلبي صداهـا ثم اجابك
لهيبن مشعلن فيني ضياها
عساها تحرقه من به اصابك
عساني يا بعد من هو فديته
فدن لك من غثاثة هم عثابك
هنا قلبي وجودك يا هناتي
ترى قلبي سروره في رحابك
عيونك جت تعاتب بي عيوني
رضا قلبي رضاتك او عتابك
عتابك زادني حرص ويقيني
تجيبه من ندا قلبه دعابك
حنانن يغفره زلة لساني
عسى تقبل عذر قلبن لجابك
رجا يسمح فؤادك له خطاته
ونا راضي على قلبي عقابك
شعورك منعكس فعله تجاهي
ونا ادري خطا قلبي قفابك
ولو تزعل وتقسى في ملامي
نها قلبي قساتـه ثم رضابك
فؤادي عن زعل قلبك نهيته
ولو قلبك زعل حلمك اتابك
تعب قلبي غيابك يا حبيبي
هنا قلبي تجي ساعة ايابك
وحيدن في ليالي مع همومي
ابي اشكي الم قلبن يهابك
ابي اشكي مرارة ما شربته
كؤوس المر ملت قلبن نخابك
يبي تسمع شكاته ثم تجيبه
عسى تمسح خطاته من حسابك
ولو كانت وفاتي في دروبك
رضا قلبي ولـو يتبع سرابك
حبيبي بك حلا وقتن زهيته
عسى تبقى لصب حاله زهابك