قصة من واقعي المرير
الناس بعيوني كلهة طيبة وزينه وحته اذا حقدت عل احد يوم بس ويمكن ساعة
منو يطلب مساعدتي اقدمهة واعامل الكل بحسن نيه
دخلت الجامعة وتخرجت مع انو احجي وي زملائي الاولاد
واتشاقه وندرس سوه ونتناقش الا انو عمري مافكرت اعمل
علاقة حب وغرام مثل جيل هالوكت لان اخلاقي وديني يحكمني ...

بس يوم من الايام انجرحت انصدمت من اقرب الناس الي ...
كان عرس صديقتي وابن خالي الي اعتبره مثل اخويه هو مدير القاعة مال
حفلات الزفاف طلبت منه من تخلص الحفله يرجعني لانو صعب ارجع وحدي والدنيا ليل ..
فهو وافق وطلب حته يجي ياخذني مو بس يرجعني ياريت كنت افهم نيته
واحنه بالطريق فتح وياي موضوع شنو رايج نطلع بعيد الحب سوووه
اني ضحكت كولتله مايصير طالع انت وزوجتك واني بنصكم كال لا بس انا وانتي
جان قلبي ينقبض وفكرته يمزح وصلنه للقاعة ونزلت
الافكار تاخذني وتجيبني صديقاتي انتبهوا اني مضايقة وزعلانة
بس بعدين كلت يتشاقه اكيد لايمكن يكون صدك
خلصت الحفله ورجعني وبالطريق كلي شكولتي نطلع اني رفضت
وهو مسك ايدي واعترفلي بحبه ووصلنه للبيت ونزلت
بس مرت اسوأ ايام وساعات عليه وضل كل مايجي اتهرب
ماريد الفت انتباه
ماما عصبيه واختي ماكدر اكوللهة ماريد اسوي مشاكل
بقت الحسره بكلبي واحسن شي حجيت وي صديقتي
بعدها قررت احضره عالواتس عالهاتف من كول شي بحيث
مايكدر يتواصل وياي ومن يومهة مابينه غير السلام
(بس العبره انو اعز الناس اقرب الناس همه سبب الخذلان والوجع الاكبر والحياة كل يوم تفاجأني بشي جديد )