مواقف جدية في حياتنا

حوارات ونقاشات جميلة - الاختلاف في الرأي لايفسد للود قضيه ارسال إلى Twitter ارسال إلى facebook
  1. روح مشرقة
    26-04-2008, 12:04 AM

    مواقف جدية في حياتنا

    مواقف جدية في حياتنا


    نرجوا من كل من يشرفنا بالحضور ...أولا ...تبادل الرأي الواقعي والمفيد والنافع ...

    ثانيا ...النقد الموضوعي والهادف ...وعدم الخروج عن مسار الموضوع ..(احط تحتها300 خط)

    والبعد عن فرض الرأي ......( حشا كنها شروط دخول البنتاجون )...

    وعلى قول المثل ...ماعلى الكريم تشرط ...وانتم نبع الكرم

    الفياض ...


    ×××××××××××××××××××××××

    .....(الزمان ...من كمن يوم )

    (المكان ...جيان هايبر ماركت )...

    دخلت السوق ...كان هادي شوي ...(يمكن هذا السبب اللي خلاني اخذ راحتي )...

    أول منظر لفت نظري ...رجال عن قسم الجرايد والمجلات ...يفتح بهالجرايد ويقرا ...

    واذا خلص من جريدة نطلها ..بدون حتى مايحاول يرتبها زي ماكانت ...

    طيب ..مافكر أن فية ناس بتدفع فلوس عشان تشتري الجريدة اللي حاسها ....عجبي !!

    في الممر ...سواق ..هندي شكله ..كاتبة له المدام نوع معين من الشوكولاتة ...

    ولا عرف وش المطلوب ...(شكله ينرحم ..) مابقى نوع ماشاله وحطة ..(كان عطتة قرطاسة

    على الأقل ...احسن من هدر الوقت )..

    رحت لقسم الأجبان ...ابي جبن سايل ...ويوم شلتة ..عمى عمى عمى ...زايد سعرة 4 ريال ...

    لا ...وكيس الرز ابو 10 كيلوا ...النوع اللي اشترية دايما ..كان ب42 ...وخذتة ب62 ...

    (والله ماأرحم غير اللي رواتبهم على قدهم ...الله يكون في عونهم ويفرج هالغمة )

    وجيتكم انا وعربيتي مدرعمه ...وادخل حدا هالممرات ..وعيوني طايرة فوق

    ادور صوص ابية .....وووووووودردددددبب ...اصدم في ظهر فلبينية قدامي ( يالله الخيرة )

    قلت ( ايام سوووو سوري )...والله إلا وتخزني بذيك النظرة ...جو ارض ...ولا ردت ..

    ماجاز لها ...( جنبها قوارير كتشب ..زين ماخذت وحدة وهبدتني على راسي )..

    طيب قولي ( ويلكم ...ياكافي )..مشكلتنا ....

    شكرا ,وعفوا ,ومن فضلك ,ولو سمحت ...ثقيلة على لساننا ...

    مع العلم أنها كلمات بسيطة ...تبعث الطمأنينة ..

    يعني أنا لو مثلا تصدمني وحدة ..وتقول لي عفوا ..ولا أسفه ..بقول اصدميني مرة ثانية

    من زود التشقق .....

    ويوم جيت عاد امسك دور عند الكاشير ...

    إلا ذا اللي تارسة عربتين وحدة معها وحدة مع الشغاله ..قسم بالله تقولون مقبلين على قحط ...

    المشكله الأسعار غالية ,, ماتقولين مثلا دسكوانت وفرصة ....

    لكن سياسه التكديس والإستهلاك عندنا ما أحد ينافسنا فيها ..

    واللي قدامي ...واقف يحاسب ومعه طفل صغير ...وشكل الابو عيونة تطق طق شرار ....شكل الفاتورة

    معورة قلبة ....قام ولدة اللي معه اخذ حلاوة من الرفوف اللي عند الكاشير ...قام الابو معطها من يدة

    ونفخ علية ..ورجع الحلاوة على الرف ...يالله ياهو قطع قلبي ...حرام ...يعني فرقت معه ريال ولا ريالين

    (والله نظرات هالبزر عورت قلبي ..وبغيت اعطية اياها واحاسب عنها ..بس بصراحه خفت من ابوة ..

    بسم الله ..شكله يخوف ...)....

    ويوم وصل دوري ...شفت منظر ...اسعدني للحظة لكن عصر قلبي للحظات ..

    شاب سعودي على الكاشير ...انبسطت ان فية شباب سعوديين صارو يرضون

    بوظائف متواضعه ...وحز في خاطري يوم سمعتة يطلب من العامل البنقالي

    يحط اغراضي في الاكياس ...وذا ينافخ علية ...( انتا مافية سوووف انا فية سوغول )


    وقام هو يحطها .....

    ووووبس ....انتهت جولتي المتواضعه ....وزي ما لاحظتوا ...مافية مكان ممكن تروحين

    وماتشوفين مواقف ..ممكن تستفيدين منها بطريقة أو بأخرى ....

    ××××××××××××××××××××
    منقول
  2. rory
    26-04-2008, 03:50 PM

    مواقف جدية في حياتنا


    اخت الجروح


    مواقف جدية في حياتنا
  3. ادينى عايشه
    26-04-2008, 04:03 PM

    مواقف جدية في حياتنا


    تسلمى ياخت الجروح
  4. ساسوشي
    26-04-2008, 04:06 PM

    مواقف جدية في حياتنا


    المفرض الدولة تراقب الاسعار شكرا على الموضوع