جاني يعايرني بقوله يافقيره.....

الشعر, قصيدة , شعراء, القصايد ارسال إلى Twitter ارسال إلى facebook
  1. شفايف توووت
    18-04-2008, 02:27 PM

    جاني يعايرني بقوله يافقيره.....

    جاني يعايرني بقوله يافقيره.....


    جاني يعايرني بقوله: "فقيره "
    قلت الفقر ماهوب في قلة المال


    الفقر هو نقص العقل والستيره
    واما بغيرة يا"...." نستر الحال


    قال: وعلى فقرك وكنك اميره
    تحكي بعز وتمشي بفخر تختال

    قلت: ايه وازيدك من البيت غيره
    الله عطاني من عطاياه مكيال


    وش هو له امشي في حياتي كسيره
    مادامني من خير ربي انا اكتال

    مادام مايسجد جبيني لغيره
    أللي خلق ارض وسموات وجبال

    اللي حباني نور عين وبصيره
    أميز يمين الخطاوي من الشمال

    ماني قليلة فهم مثلك غريره
    أمشي عدل واميل للوقت لامال

    ماغرني صوف الزمان وحريره
    ومهما يضيق الوقت فيّه أبا احتال


    وكانك تعايرني بقولة " فقيره "
    بقول شي(ن)صعب اشوي ينقال

    صحيح املاكك عددها كثيره
    صحيح تلبس غتره وثوب وعقال

    بقول لك كلمة ولو هي كبيره
    " عز الله اخطا من مسميك رجّال"!!!




    قصيدة أعجبتني فنقلتها لكم
  2. الأصيل
    18-04-2008, 02:32 PM

    جاني يعايرني بقوله يافقيره.....


    نقل رائع
    وذووق راقي
    في الأختيار والتنسيق
    يعطيك العافيه
  3. شفايف توووت
    18-04-2008, 02:41 PM

    جاني يعايرني بقوله يافقيره.....


    يسلموووواخوي الاصيل على المرور المميز.........
  4. (وٍدي إْرتآح)،،!
    18-04-2008, 03:18 PM

    جاني يعايرني بقوله يافقيره.....




    صح لسان قايلها ودمتي لنا
  5. شفايف توووت
    18-04-2008, 03:37 PM

    جاني يعايرني بقوله يافقيره.....


    يسلمووو على مرورك....
  6. حلا توووت
    18-04-2008, 03:41 PM

    جاني يعايرني بقوله يافقيره.....


    تسلمي ي شفايف التوت ع القصيده الرائعه
  7. شفايف توووت
    18-04-2008, 03:45 PM

    جاني يعايرني بقوله يافقيره.....


    تسلمين على المرور الرائع.............