قصيدة اقرب الناس - حامد زيد

ديوان الشاعر حامد زيد - شاعر الجمهره ارسال إلى Twitter ارسال إلى facebook
  1. Є7šaš
    11-04-2008, 08:54 AM

    قصيدة اقرب الناس - حامد زيد

    قصيدة اقرب الناس - حامد زيد


    بمشي على درب له الناس يسعون
    واصد عن درب الدجي والعتامة
    وبقصر اليسرة عن الضيم والهون
    وطلق يميني للصخا والكرامة
    وبحترم نفسي وانا شخص ممنون
    ومن يحترم نفسة وجوب احترامه
    ماني من اللي في ذرى الحيط يمشون
    ولامن اللي معتلي في مقامه
    متواضع وأمشي على الحق بالهون
    متوسط المعرفة والشهامة
    ولي مجلس دايم له الناس يلفون
    شرعت بابه والدلال العلامه
    مايفتح الا فيه الاجواد يدنون
    ويالله عسى اللي يقرب للسلامه
    هذا طريقي وكثر الناس يدرون
    صديت عن درب حلاله حرامه
    ميزت ربعي بين عاقل ومجنون
    واكشف بليد المنفعة من سلامه
    واهل المصالح لو على يوم يبنون
    في يوم ثاني يرغبون الهدامه
    واهل الحكي لو لك عن الناس يحكون
    بيجيك يوم ويقصدك في كلامه
    لاصار سيفة لاقرب الناس مسنون
    يضرب رفيقة وان اقوى في عضامه
    ناس مع الكلمة يروحون ويجون
    بس المصيبة يدعون الفهامه
    ولانيب ديان ولانيب مديون
    ولا بغيت من الهروج الملامه
    ولاطلبت من المخاليق يبكون
    ولا بغيت من الحزين ابتسامه
    بمشي بدربي واترك الناس يمشون
    كلن على كيفه رقى كل هامه
    ولا صرت انا من راعي الطيب مطعون
    ابيستوي قرب الرفيق وعدامه
    وأن خاب ضني بأقرب الناس وشلون
    بعطيك ضني يارفيق الندامه
  2. سميا
    16-04-2009, 08:28 AM

    قصيدة اقرب الناس - حامد زيد


    ابيات رائعه جدا يسلمووو
  3. zezo
    28-09-2009, 02:12 AM

    قصيدة اقرب الناس - حامد زيد


    ابيات رقيقه كرقة ذوقك وجماله..
    صح لسانك ولسان الشاعر..
    يعطيك العافيه..
    مودتي ,,
    zezo
  4. Loli.
    23-10-2009, 05:22 AM

    قصيدة اقرب الناس - حامد زيد


    يسلموووووو
  5. عبير الخيال
    23-10-2009, 10:08 AM

    قصيدة اقرب الناس - حامد زيد


    [SIZE="6"]يسلمووووو على الابيات الحلوة[/SIZE]