أحبك لين صار الحب ثوبي وقوتي

الشعر, قصيدة , شعراء, القصايد ارسال إلى Twitter ارسال إلى facebook
  1. MaLaK Al-RoOo7
    31-03-2008, 12:00 PM

    أحبك لين صار الحب ثوبي وقوتي

    أحبك لين صار الحب ثوبي وقوتي


    أحبك لين صار الحب ثوبي وقوتي

    احبك كثر ماتنبت على خد الثرى اشعاري...
    كثر مالشمس تمطر نور وكثر الحزن في عيني

    احبك لين صار الحب ثوبي وقوتي وداري...
    واحبك لين مل الصبر وعيا لا يواسيني...

    وهبتك للاسف روحي وعمري واجمل ازهاري...
    وزرعتك والسبب ضعف جروحن في بساتيني

    ورغم حبي واخلاصي وعشقي الصادق العاري...
    رحلتي وصارت الغربه خناجر في شراييني...

    كرهت الامس والصدفه واقدامي واقداري...
    وكل اللي يجمع في يوم مابينك ومابيني...

    وصرت اركض ابي ادفن في عين الشمس اصراري...
    وكل اللي بقى منك وكل اللي بقى فيني...

    جمعت الحب في كلمه هديتك عذر لأعذاري...
    جمعتي لي الجفا بكلمه وفي كلمه جمعتيني...

    تلحفت الوجع لاجلك وصرتي دمي الجاري...
    تبعتك لو امل كاذب يضحكني ويبكيني...

    نويت وكانت القصه بدا والحزن مشواري...
    كأن جروح خلق الله غدت عقبك عناويني...

    رحلت وكانت الغربه وظل هناك تذكاري...
    وحلم اني بعد كم عام اشوفك او تشوفيني...

    مضيت وصورتك نجمه يداعب ضيها افكاري...
    واصد وصورتك فعيني ودمعه فوق خديني...

    مظاهر هالجفا والكره كانت اخر ادواري...
    تناسى مانسى قلبي ولو انك نسيتيني...

    وصيتي تذكريني بخير اذا ماجابوا الطاري...
    واذا مامات حب الكون قصيدة حب غنيني...

    ياجمل من هنا الماضي فمان الحافظ الباري...
    ترى مابه في هالدنيا سوى موتي ينسيني...

    الم هم وفرح اصفر وهذي اخر اخباري...
    وامانه ان كان باقي جرم اخذيه ولاتزيديني...

    وهذا اخر احساس القصيد ونبض انهاري...
    واذا قد هو بدى تقصير ..فليتك لو تعذريني...


    تحيتي //

    MaLaK Al-RoOo7



    منقووول
  2. بعدهم كلهم
    31-03-2008, 12:23 PM

    أحبك لين صار الحب ثوبي وقوتي


    ملاك الله يعطيج العافيه اختي
  3. راجد الماشد
    31-03-2008, 01:08 PM

    أحبك لين صار الحب ثوبي وقوتي


    وصيتي تذكريني بخير اذا ماجابوا الطاري...
    واذا مامات حب الكون قصيدة حب غنيني...




    ابيات في قمة الروعة وقصيدة جميل

    الله يعطيك العافية ملاك
  4. مدوخه خلق الله
    31-03-2008, 03:39 PM

    أحبك لين صار الحب ثوبي وقوتي


    الله يعطيك العافيه ..