12

اقرا ومش هتندم الجزء التانى من ابداع صلاح جاهين

المواضيع الأدبية التي لا تندرج ضمن باقي الأقسام
  • ارسال إلى Twitter
  • ارسال إلى facebook
  • ارسال إلى google plus
    1. من انا؟
      27-03-2008, 08:35 PM

      اقرا ومش هتندم الجزء التانى من ابداع صلاح جاهين

      اقرا ومش هتندم الجزء التانى من ابداع صلاح جاهين


      الجزء التانى من رباعيات صلاح جاهين

      بصراحه كنت متوقعه ردود للجزء الاول

      غير كده خالص

      بس اللى ردو فيهم الخير

      وعلشان خاطر عيون المحاميه الصغير

      الجزء التانى

      اقرا ومش هتندم الجزء التانى من ابداع صلاح جاهين



      وقفت بين شطين علي قنطرة

      الكدب فين و الصدق فين يا تري

      محتار ح اموت .. الحوت خرج لي وقالي

      هو الكلام يتقاس بالمسطرة

      عجبي !!!



      سرداب في مستشفي الولاده طويل

      صرخات عذاب ورا كل باب وعويل

      .. وفي الطريق متزوقين البنات

      متزوقين للحب و المواويل

      عجبي !!



      الدنيا أوده كبيره للانتظار

      فيها ابن أدم زيه زي ...

      الهم واحد .. و الملل مشترك

      و مفيش .....بيحاول الانتحار

      عجبي !!



      أيوب رماه البين بكل العلل

      سبع سنين مرضان وعنده شلل

      الصبر طيب .. صبر أيوب شفاه

      بس الأكاده مات بفعل الملل

      عجبي !!!



      نسمة ربيع لكن بتكوي الوشوش

      طيور جميلة بس من غير عشوش

      قلوب بتخفق إنما وحدها

      هي الحياه كده .. كلها في الفاشوش

      عجبي !!!!



      يا طير يا عالي في السما طظ فيك

      ما تفتكرشي ربنا مصطفيك

      برضك بتاكل دود و للطين تعود

      تمص فيه يا حلو .. و يمص فيك

      عجبي !!!


      كروان جريح مضروب شعاع م القمر

      سقط من السموات فؤاده انكسر

      جريت عليه قطه علشان تبلعه

      أتاريه خيال شعراء و مالهوش أثر

      عجبي !!!



      ياللي نصحت الناس بشرب النبيت

      مع بنت حلوه .. وعود , وضحك , وحديت

      مش كنت تنصحهم منين يكسبوا

      تمن ده كله ؟ ... و الا يمكن نسيت

      عجبي !!



      ما حد في الدنيا واخد جزاته

      و لا حد بيفكر في غير لذاذاته

      ما تعرفيش يا حبيبتي .. أنا و انتي مين؟

      إنتي عروس النيل ... و أنا النيل بذاته

      عجبي !!



      رقاصه خرسا و رقصه من غير نغم

      دنيا . . يا مين يصالحها قبل الندم

      ساعتين تهز بوجهها يعني

      يترجرجوا نهديها يعني نعم

      عجبي !!!



      إخطفني ياللي تحبني ع الحصان

      الدنيا قالت يوم في ماضي الزمان

      إخطفني ياللي تحبني ع الفرس

      الدنيا قالت .. قام خطفها الشيطان

      عجبي !!!!



      من بين شقوق الشيش و شقشقت لك

      مع شهقة العصافير و زقزقت لك

      نهار جديد انا . . قوم نشوف نعمليه

      انا قلت يا ح تقتلني .. يا ح اقتلك

      عجبي !!!

      جالك أوان ووقفت موقف وجود

      يا تجود بده يا قلبي يا بده تجود

      ما حد يقدر يبقي علي كل شئ

      مع إن – عجبي – كل شئ موجود

      عجبي !!!



      جالك اوان وعرفت مشي الجنايز

      كيف شفتها يا عبد رب اللذايذ

      قال : شفت شيل بالحيل فقير أو امير

      كما شالوا في الخمامير فواضي القزايز

      عجبي !!



      أنا كنت شئ و صبحت شئ ثم شئ

      شوف ربنا .. قادرعلي كل شئ

      هز الشجر شواشيه ووشوشني قال :

      لابد ما يموت شئ عشان يحيا شئ

      عجبي !!



      يا مشرط الجراح أمانة عليك

      و انت ف حشايا تبص من حواليك

      فيه نقطة سوده في قلبي بدأت تبان

      شيلها كمان .. و الفضل يرجع إليك

      عجبي !!!



      كيف شفت قلبي و النبي يا طبيب

      همد و مات و الا سامع له دبيب

      قاللي لقيته مختنق بالدموع

      و ما لوش دوا غير لمسه من إيد حبيب

      عجبي !!!!



      تسلم يا غصن الخوخ يا عود الحطب

      بييجي الربيع .. تطلع زهورك عجب

      و انا ليه بيمضي ربيع وييجي ربيع

      و لسه برضك قلبي حتة خشب

      عجبي !!!

      قلبي عليل يا ناس و في الكاس دواه

      مديت له إيدي شربت م اللي حواه

      جنبي الشمال خف .. اليمين اتوجع

      و إيه يداوي الكبد م اللي كواه

      عجبي!!



      .. دي مزكرات و كتبتها من سنين

      في نوتة زرقا لون بحور الحنين

      عترت فيها .. رميتها في المهملات

      وقلت صحيح أما صحيح كلام مخبولين

      عجبي !!



      دخل الشتا وقفل البيبان ع البيوت

      وجعل شعاع الشمس خيط عنكبوت

      وحاجات كتير بتموت في ليل الشتا

      لكن حاجات أكتر بترفض تموت

      عجبي !!



      - الدنيا من غير الربيع ميته

      ورقة شجر ضعفانه و مفتته

      - لا يا جدع غلطان تأمل وشوف

      زهر الشتا طالع في عز الشتا

      عجبي !!!



      ياللي انت بيتك قش مفروش بريش

      تقوي عليه الريح .. يصبح ما فيش

      عجبي عليك حواليك مخالب كبار

      و ما لكش غير منقار و قادر تعيش

      عجبي !!!!



      سمعت نقطة ميه جوه المحيط

      بتقول لنقطه ما تنزليش في الغويط

      أخاف عليكي م الغرق .. قلت أنا

      ده اللي يخاف م الوعد يبقي عبيط

      عجبي !!!

      بحر الحياه مليان بغرقي الحياه

      صرخت خش الموج في حلقي ملاه

      قارب نجاه .. صرخت قالوا مفيش

      غير بس هو الحب قارب نجاه

      عجبي !!!



      فارس وحيد جوه الدروع الحديد

      رفرف عليه عصفور وقال له نشيد

      منين .. منين.. و لفين لفين يا جدع

      قال من بعيد و لسه رايح بعيد

      عجبي !!



      كان فيه قمر كأنه فرخ الحمام

      علي صغره دق شعاع شق الغمام

      أنا كنت حاضر قلت له ينصرك

      إشحال لما حتبقي بدر التمام

      عجبي !!



      النهد زي الفهد نط اندلع

      قلبي انهبش بين الضلوع و انخلع

      ياللي نهيت البنت عن فعلها

      قول للطبيعة كمان تبطل دلع

      عجبي !!!



      صوتك يا بنت الإيه كأنه بدن

      يرقص يزيح الهم يمحي الشجن

      يا حلوتي و بدنك كأنه كلام

      كلام فلاسفه سكروا نسيوا الزمن

      عجبي !!!!



      كرباج سعاده وقلبي منه اجلد

      رمح كأنه حصان و لف البلد

      و رجع لي نصل الليل و سألني .. ليه

      خجلان تقول انك سعيد يا ولد

      عجبي !!!

      مزيكة هادية الكون فيها انغمر

      وصيف و ليل و عقد فل و سمر

      يا هلتري الناس كلهم مبسوطين

      و يا هلتري شايفين جمال القمر ؟

      عجبي!!



      إنشد يا قلبي غنوتك للجمال

      و ارقص في صدري من اليمين للشمال

      ما هوش بعيد تفضل لبكره سعيد

      ده كل يوم فيه الف الف احتمال

      عجبي !!



      اه لو انا و محبوب جزنا الفضا

      في سفينة وحدينا .. واشيا رضا

      ساعة صفا تعجبنا نرجع لها

      و الهم قبل ما ييجي .. يبقي مضى

      عجبي !!


      أضرب بسهم الوهم وهم الغرام

      و هم الغرام من كتر ما هو لذيذ

      رشقت انا ف صدري جميع السهام

      عجبي !!!



      حدوته عن جعران و عن خنفسه

      اتقابلواسوا بعد ساعة مسا

      و لا قال لهم حد اختشوا عيب حرام

      و لا حد قال دي علاقة متدنسة

      عجبي !!!!



      ياللي عرفت الحب يوم و انطوي

      حسك تقال مشتاق لنبع الهوي

      حسك تقول مشتاق لنبع الغرام

      ده الحب .. مين داق منه قطره...ارتوي

      عجبي !!!

      زحام و أبواق سيارات مزعجة

      للي يطول له رصيف.. يبقي نجا

      لو كنت جنبي يا حبيبي أنا

      مش كنت أشوف إن الحياة مبهجة

      عجبي!!



      إيديا في جيوبي وقلبي طرب

      سارح في غربة بس مش مغترب

      و حدي لكين ونسان و ماشي كده

      وبابتعد ما اعرف .. أو باقترب

      عجبي !!




      يارب يعجبكم عجبى

      تحياتى ليكم

      اختكم / من انا؟
      250*300 Second
    2. آهات الحيارى
      28-03-2008, 04:29 PM

      اقرا ومش هتندم الجزء التانى من ابداع صلاح جاهين


      اختي الغالية من انا :

      كيفك ان شاء الله تكوني بخير من جد فقدتك وفقدت مشاركاتك لأن مشاركاتك صارت قليلة بالمرة قليلة ،،،،

      عموما كلمات قمة في الروعة وقمة في الأسلوب وقمة في الجمال ...
      كلمات وخواطر تذهب بالخيال بعيدا ...


      تسلم الأنامل اختي ( من أنا )


      أخوك
      (حزن الملامح ) سابقا
    3. من انا؟
      28-03-2008, 07:49 PM

      اقرا ومش هتندم الجزء التانى من ابداع صلاح جاهين


      المشاركة الأصلية كتبت بواسطة اهات الحيارى
      اختي الغالية من انا :

      كيفك ان شاء الله تكوني بخير من جد فقدتك وفقدت مشاركاتك لأن مشاركاتك صارت قليلة بالمرة قليلة ،،،،

      عموما كلمات قمة في الروعة وقمة في الأسلوب وقمة في الجمال ...
      كلمات وخواطر تذهب بالخيال بعيدا ...


      تسلم الأنامل اختي ( من أنا )


      أخوك
      (حزن الملامح ) سابقا
      ههههههههههههههههههههههههه

      تصدق والله احلى فجأه انك انت اخونا حزن الملامح

      احنا اللى كنا مفتقدينك

      بس الحمد لله انك رجعت

      تسلم اخوى

      واعزنى بقا كنت مشغوله الفتره اللى فاتت شويه

      بس ذى مانا فى قسم الحوار ماقدرش استغنى

      يسلملى مرورك العطر
    4. emyton
      28-03-2008, 08:21 PM

      اقرا ومش هتندم الجزء التانى من ابداع صلاح جاهين


      مشكورة من انا على الرباعيات
      انا مجنونة بيها وبجد بحبها موت الف شكر ليكى يا قمر
      انا عاوزة اللينك بتاع الجزء الاول لو سمحتى من انا
      تقبلى تحياتى
    5. من انا؟
      28-03-2008, 11:03 PM

      اقرا ومش هتندم الجزء التانى من ابداع صلاح جاهين


      ياهلا ياهلا بلقمرايه بتاعتنا

      من عيونى ياعسل بس كده

      انتى تؤمرى بس
    6. من انا؟
      28-03-2008, 11:05 PM

      اقرا ومش هتندم الجزء التانى من ابداع صلاح جاهين


      /91716/
    7. merycool
      29-03-2008, 01:22 AM

      اقرا ومش هتندم الجزء التانى من ابداع صلاح جاهين


      machkoura man ana 3a roba3iyat
    8. المحامية الصغيرة
      29-03-2008, 02:12 AM

      اقرا ومش هتندم الجزء التانى من ابداع صلاح جاهين


      من أنا ...

      ربنا يجزاك ألف ألف ألف خير..

      معلشي تعبتك بس بجد كلام تحفة..

      أمتعتينا ...

      أنا بشكرك بجد من كل قلبي..

      و معلشي لو الردود مكنتش كتيرة بس أغلبية إللي في المنتدى مش مصريين و كلام صلاح جاهين مصري صميم نادر إللي يفهموووووووووووووه ...

      و أرق تحياتي ليك يا عسل..
    9. من انا؟
      29-03-2008, 12:01 PM

      اقرا ومش هتندم الجزء التانى من ابداع صلاح جاهين


      المشاركة الأصلية كتبت بواسطة merycool
      machkoura man ana 3a roba3iyat
      العفو

      ويارب تكون عجبك عجبى

      تحياتى
    10. من انا؟
      29-03-2008, 12:04 PM

      اقرا ومش هتندم الجزء التانى من ابداع صلاح جاهين


      المشاركة الأصلية كتبت بواسطة المحامية الصغيرة
      من أنا ...

      ربنا يجزاك ألف ألف ألف خير..

      معلشي تعبتك بس بجد كلام تحفة..

      أمتعتينا ...

      أنا بشكرك بجد من كل قلبي..

      و معلشي لو الردود مكنتش كتيرة بس أغلبية إللي في المنتدى مش مصريين و كلام صلاح جاهين مصري صميم نادر إللي يفهموووووووووووووه ...

      و أرق تحياتي ليك يا عسل..

      ياهلا بالعسل

      ازيك يامحاميه

      ربنا يجازينى واياكى كل خير ياقمر

      برده كده ياعسل تعب ايه ده انتى ليكى اللى تطلبيه


      لا عادى مش بيهمنى من الردود القليل يكفى ويوفى

      اللى مقراش هو الخسران هههههههههههههههههههه

      مش كده برده

      وان شاء الله هنزلكم الجزء التالت لانى عندى كتييييييير رباعيات

      منورانى ياعسل بمرورك
    12