سلام الله

الشعر, قصيدة , شعراء, القصايد ارسال إلى Twitter ارسال إلى facebook
  1. قصر المعاني
    27-03-2008, 03:26 PM

    سلام الله

    سلام الله


    سلام الله على من هو نزل دمعه على خده=بكى خشية عذاب الله وضيق القبر واهواله
    وسلام الله على شيخ(ن) على الماضي كثر وجده=كبير السن وعاش بجيل مخالف عادة اجياله
    وسلام الله على صوت(ن) يدوه لمقفي ويرده=بدوي(ن) يتبع المرباع في حله وترحاله
    وسلام الله على قرم(ن) بناء صيته بفعل يده=كريم والجود به عاده وفعل الخير يسعاله
    وسلام الله على من هو خوي اليسر والشده=خوي(ن) يالفاك الضيم يجي ويضلك ضلاله
    وسلام الله على من هي تربي الابن وتعده=ليوم(ن) لاغدا رجال تفاخر به بأفعاله
    وسلام الله على بنت(ن) حياها فاق عن حده=مع حشمه ومع شيمه وعلى الاسواق ماتاله
    سلام الله عليهم عد وبل(ن) ماحصي عده=وعدد خلق(ن) خلقه الله باأنواعه واشكاله
    هذولاء وين ابلقاهم وزمنهم فات له مده=وبواقيهم كبير السن وتبروا منه عياله
    عليهم رحمة المولى عسى يكسيهم بوده=عظيم الشان سبحانه يجازي الكل باعماله
    زمنهم روح وعدا ولاله رجعه ورده=زمان(ن) ماكساه الذل عزيز بعزة رجاله
    هنا ابو(ن) مخلفهم وكد وخلفوا كده=هذاتا اللي يقال انه اسد تطلع له اشباله
    ولدهم نصرة المظلوم ياقف للظلم ويصده=ولدهم مايخيب اللي نصى بيته وتعناله
    ولدهم ماعتنى بشكله خشن مع حزم مع شده=ولا بالبنت يتشبه ولا اهتم بدلع حاله
    ولدهم مالبس الجنز ولا مكيج طرف iخده=ولا قص الشعر تقليد شعر مايكل وامثاله
    ولدهم ماسهر ليله غزل وهايم بوجده=ولدهم مانزل للسوق يقطط رقم جواله
    ولدهم مالبس ثوب(ن) ماهو ثوبه ولاقده=عزيز النفس مابدل ثيابه يقلد حثاله
    ولدهم حامي لدينه دين ابائه وجده=ولايرضى بغير العز لدينه بكل احواله
    ولدهم مارضي بالعار ولو جيش الامم ضده=ودونه يرخص الغالي ويرخص روحه وماله
    الا يالي رجال بحق زمنكم راح من مده=ورسخ ذكر(ن) لكم باقي طويل الوقت مازاله
    وبزمنا الرجال بحق قليل اللي نبي نعده=زمان اليوم شاف الذل بفعل وذلت عياله
    نشوف الذل ونتجاهل ونظرنا عنه نلده=نبي نجهل حقايق شعب عليم الله في حاله
    بنات(ن) ينتهك عرضه ولا له حول في يده=وابو مكتف الايدي وبناته تهتك قباله
    وبنت تفجر بنفسه من الضيم الذي حده=وام(ن) ذايبه كبده تشاهد مقتل اطفاله
    وطفل(ن) صاح وين امي؟ يايمه عجلي الرده=ولانه من العرب ماتت ولاحد(ن) قد تعزواله
    رجال من اعز امه تهان وينوطا خده=وبنات من اعز امه سلب عرضه من حثاله
    الا يأمة(ن) عزة قرون(ن) واعتلاء مجده=الا يأمة(ن) عزة بعز وغيرة رجاله
    وهنتي من فعايلنا وعزك حنا انهده=يكفي شوفنا للذل ونغني لاله ولاله
    وحنا الموت قافينا ولو طالت بنا المده=ونبي نلقاء فعايلنا ويجازا الكل بافعاله
  2. *مزون شمر*
    31-10-2008, 10:30 PM

    سلام الله


    قصيدة جميله
    صح السان اذا لك
    ويعطيك العافيه اذا منقووله
  3. ღ♥ღملك شباااااب ღ♥ღ
    01-11-2008, 12:49 PM

    سلام الله


    صح لسانك

    الله يعطيك الف عافيه ع قصيده جمييييييييله
  4. اميرة روحي
    01-11-2008, 01:10 PM

    سلام الله


    قصيدة رائعه

    يعطيك الف عافيه
  5. سامر202021
    01-11-2008, 01:39 PM

    سلام الله


    قصيدة غاية في الجمال
    يسلمووووووو قصر
    ودمت بخير
  6. النادر
    01-11-2008, 02:51 PM

    سلام الله


    قصيدة رائعه
    تسلم يمنيك
    تحياتي