يوميات جنين في بطن امه لا تفوتكم - وربي وناسه

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. ..*^bno0otah^*..
    23-03-2008, 08:28 PM

    يوميات جنين في بطن امه لا تفوتكم - وربي وناااسه

    يوميات جنين في بطن امه لا تفوتكم - وربي وناسه


    السلام عليكم ورحمة الله وبركاته



    .::يوميات جنين في بطن أمه::.



    المكان : في مكان ما

    الزمان : في زمان ما

    المناسبه : لا داعي للمناسبات !! فالعنوان واضح من كتابه


    تحديدا يوم دخل الشهر السابع وانا في بطن أمي !! كل الشهور اللي راحت وانا متحمله .. انام على جريش .. واقوم على عسكريم منجا .. واحيانا مطازيز ,, وللأمانة ( نادرا ) ملوخيه !!!

    اه مأساة .. ولكن :

    من يوم دخل الشهر السابع .. وانا النظام متغير علي !!! الله يهديها امي .. ماغير تاكل رز هندي !! قسم بالله احترررقت ما غير اصايح في بطنها يوم تأزززم الوضع مره .. دقيت على خويتي في بطن امها ..
    هلا .. هاه ؟؟ بشري وش تاكل امك ؟؟
    قالت : لا ابشرررك الأوضاع مايحتاج .. انواع التبولة .. والعصيرات ..
    قلت .. ياختي ياحظظظظك !!! تبادليني اسبوع بس !!
    قالت : ليه ؟؟ وش الوضع عندك !!؟
    قلت .. خليها على ربك ياشيخه .. والله ماغير ارافس . . انواع الحرارة . . احس اني ابحترق
    ومرت الأيام .. وانا ماغير ادعي بتالي الليل : اللهم اغثنا .. اللهم اغثنا
    وانا ادعي .. كني سمعت امي تقول لأخوي الكبير ,, رح جب ماك سبايسي اه ياويل قلبي
    بصراحه بيني وبينكم .. شهر سبعه كان أصعب وأقسى شهر عشته في حياتي يعني اقدر اسميه " شهر الجفاف " حررر ورطوبة .. وعطشششش .. وقل نوم ..!!!
    يوم دخل شهر ثمانية .. بدت تخف الحراره .. وتزول الحرائق !! ويرحل العطش .. ويندثر الجفاف << مقدررر !! اللي يبي مدرسة لغة عربية , يدق على ايميلي


    المهم شهر ثمانية .. ماش النفسيه كانت مش ولابد !!! مزززكمه وحالتي صعععبه ..!! والانفلونزا لعبت فيني لعب !!
    بس الحمد لله الدكتور معطيني اجازة مرضيه .. يعني اغيب على كيفي !!!
    بس مع هذا وذاك .. امي ماسكة معها غلططط !!! ماغير تاكل عسكريم .. المشكله العسكريم اللي تاكله بارد << لاياشيخه
    عاد ليت العسكريم ,, باسكن !!! كان زييين !!! ما تاكل امي الا عسكريم ابو فيييل !!! هذاك اللي ب نص ريال !!
    وانا مزززكمه .. ماغير اناشق .. وكل مايدخل العسكريم عندي , اسكررر خشمي بيدي .. كني أبطب في مسبح
    وادق على وحد ه من البنات في الشرقيه ,, قلت هاه بشري ؟؟ كيف الأجواء عندك ؟
    قالت ... لا ابشرك الحمد لله ,, العظمى خمسن واربعون , والصغرى ثلاثا عشرا !!
    قلت زييين ماشاء الله .. اسمعي الله لا يهينك ,,, انا هالشهر خاطري بكرواسون وسفن اب حار اذا جاك ,, تكفين ارسليلي وسائط
    مرت الأيام .. ودخل الشهر التاسع واقترررب الفرج .. وارسلت لأمي مسج , كان مفاده , ما يلي :

    أميمتي الغاليه :

    هذا اخر شهر !! الله يرحم والديك .. ودي احس اني انسانه .. ابي اكل بعيدا عن الحرائق .. وبعيدا عن المثلجات !! يعني حاولي تجربين لو لمجرد التجربه .. تبولة .. حمص .. كبة .. بطيخ .. جربي ولن تندمي !!
    أمي : هل تلبين رغبتي ؟؟
    المخلصه :
    حبوبتك الصغيره
    يوم كتبت المسج ,, وضغطت على " ارسال " طلع لي : تأكد من خدمات الشبكة
    دريت ان الجوال مفصول
    وجاني مسج : (( عزيزي العميل .. والله لو تناقز مناقززز .. ما فتحنا جوالك ))
    باءت محاولاتي بالفشل !!! وجلست انتظر .. وانتظر .. وانتظر .. لين مل الإنتظار
    والحمد لله .. واطلع للدنيا .. وانا عطشانه .. ويحطوني في غرفة الحضانه !! يوووه انواع المبزرة !!!!!
    وكلهم يصايحون .. !!! قسم بالله انواع الإزعاج .. والضجيج !!!
    وجنبي بالحضانة.. فلبينيه .. ياهي مززعجه .. واناظرها كذا بطرف عين !!!
    ياكوافيرة المستقبل .. الحين وش بك ازعجتينا ؟؟؟ اوووص نبي ننام شووي
    ناظرتني كذا .. وهي مفهيه ؟؟ قالت الحين وراه ما تصيحين ؟؟؟
    قلت الحمد لله والشكر !! وش يصيحني !!! والله لو سعد الحارثي مات .. <<< ايه صح
    عاد قعدت انادي الممرضه .. قلت لها جيبي لي كاس موية الله يرحم والديك ..!! قسم بالله ماعاد اقدر اتنفس .. من ذا الرز الهندي
    واسمعي .. اهم شي المويه يصير فيها ثلج !! والله لا يهينك ... ابي الثلج بارد
    المهم شربت وريحت .. كان ودي اخذ لي غفوه !!! بس اعوذ بالله ماخلوني في حالي ..
    نصيحه : لا أحد يصير حلو !!!!!!
    والله من واقع تجربه ..!! صدقوني .. ما خلوني في حالي .. كل شوي زايرني واحد .. وانواع البووووس واللعب بخدودي
    بس خلاص ... هذا درس !! وأخذت العبره منه !!!
    المره الجاية .. اذا جيت انولد .. أبدخل بودي ماستر عشان أقدر ادافع عن نفسي
    مرت الأيام .. وكنت رايحه ذاك اليوم للشرقيه ويوم ركبت الصاروخ ..
    كانت جنبي وحده ساكته طول الطريق ,,, وفجأه سألتني :
    عفوا اختي ,, انتي قد انولدتي ؟؟؟
    قلت .. ايه ,, ليه ؟؟
    قالت .. حلووو .. لأني ابنولد تقريبا عقب 7 شهور ,, وابيك تقولي وش اسوي .. وش اخذ معي ,, قبل لا أتوهق !!
    قلت .. اهم شي ,, سددي جوالك !!! بكره تبلشي !!! تبي مويه والا شي ... وترسلي ولا تقدر ي..
    ينقزون بوجهك ذولاك .. عزيزي وعزيزي

    وسلامتكم... >>الله يسلمك

    <<<< ميته ضحك وهي تقراها .. هههههههههه


    ..*^bno0otah^*..
  2. be16
    23-03-2008, 08:30 PM

    يوميات جنين في بطن امه لا تفوتكم - وربي وناسه


    ههههههههههههههههههههه

    احلى يوميات تجنن يسلمو يارب
  3. ..*^bno0otah^*..
    23-03-2008, 08:36 PM

    يوميات جنين في بطن امه لا تفوتكم - وربي وناسه


    تسلمين اختي على تواجدك بالموضوع وردك الجميل
    دمتي بود





    تحياتي
  4. evil girl
    23-03-2008, 08:51 PM

    يوميات جنين في بطن امه لا تفوتكم - وربي وناسه


    المشاركة الأصلية كتبت بواسطة
    وجنبي بالحضانة.. فلبينيه .. ياهي مززعجه .. واناظرها كذا بطرف عين !!!
    ياكوافيرة المستقبل .. الحين وش بك ازعجتينا ؟؟؟ اوووص نبي ننام شووي

    عاد قعدت انادي الممرضه .. قلت لها جيبي لي كاس موية الله يرحم والديك ..!! قسم بالله ماعاد اقدر اتنفس .. من ذا الرز الهندي
    واسمعي .. اهم شي المويه يصير فيها ثلج !! والله لا يهينك ... ابي الثلج بارد



    نصيحه : لا أحد يصير حلو !!!!!!
    والله من واقع تجربه ..!! صدقوني .. ما خلوني في حالي .. كل شوي زايرني واحد .. وانواع البووووس واللعب بخدودي
    بس خلاص ... هذا درس !! وأخذت العبره منه !!!
    المره الجاية .. اذا جيت انولد .. أبدخل بودي ماستر عشان أقدر ادافع عن نفسي



    والله المقاتع موتتني ضحك اهم شي كوافيرة المستقبل نكككككككككته

    ولا الثلج تبيه بارد

    الصراحه انا بعد من واقع التجربه انصحكم لا تصيرون حلوين << انو يعني انا حلوه هع



    يعتيكي العافيه ع الطرح

    نحياتي
  5. ..*^bno0otah^*..
    23-03-2008, 09:04 PM

    يوميات جنين في بطن امه لا تفوتكم - وربي وناسه


    يعطيك العافيه evil girl
    على ردك الجميل



    تحياتي