12

مانكر احبه

الشعر, قصيدة , شعراء, القصايد ارسال إلى Twitter ارسال إلى facebook
  1. اكوس عربجيه
    23-03-2008, 03:21 PM

    ماانكر احبه

    مانكر احبه


    إيه أحبه والقلب شايل غرامه
    واعترافي بالهوى ما هو جريمه
    والعمر شمعة تنور له ظلامه
    له حياتي كالنجم تضوي عتيمه
    عشت أسولف به ليالي وبأنسجامه
    كنت أخبي بالحنايا له حشيمه
    والهوى دايم فرح يسقي خزامه
    والمسافة في غرامه مستقيمه
    والنعيم اللي خذاني في هيامه
    كالهيام اللي جنيته من نعيمه
    صرت أعاني من غيابه واعتصامه
    ولو حضر يجلس معي جلسة أليمه
    والغياب اللي طعن قلبي حسامه
    والشكوك اللي بدت ما هي رحيمه
    يعتذر لي عن غيابه وانهزامه
    كم يحاول بالكذب يخفي هزيمه
    ما تجيني من شفاته ابتسامه
    ولا غصوني زارها مرة نسيمه
    والغموض اللي سرقني في زحامه
    من ظلامه مهجتي صارت سقيمه
    صرت أتابع كل إشارة من كلامه
    كن حروفه تشتعل نار عظيمه
    قمت ألاقي هالبرودة في سلامه
    لو تبسم بسمته دايم عقيمه
    مع ظنوني خافقي يضحك أمامه
    ومع عذابي بسمتي دايم حميمه
    صرت أهوجس بالخيانة من مقامه
    قمت أناظر في عيونه هالأثيمه
    يا جفوني أحضني غدرة سهامه
    يا عيوني اسهري ليلة يتيمه
    حسبك الله من قوى يحمل خصامه
    كم عذابي لو بقى لي بالخصيمه
    شفتهم حين الغدر أطلق لثامه
    شفتهم صدفة تحت صورة ذميمه
    والعشق حاله ينازع في حطامه
    من فعايل غدركم جثة جثيمه
    الخديعه هي سواته وانتقامه
    يعتبر حصد الجروح أكبر غنيمه
    الخيانه عينها عين العدامه
    والخيانه دربها درب العديمه
    ومن على متن الوفى طاحت غمامه
    ومن ورى وجه الجفى هانت عزيمه
    والشراع اللي طويته بالملامه
    والمراكب سايره لاخر جحيمه
    من يلاحق بالهوى زيف ابتسامه
    ما جنى إلا حسايف مع شتيمه
    وما حصد غير المصايب والندامه
    وما عرف طعم السعادة والشكيمه
    من يلاقي بالخيانه أي علامه
    ما يواصل في غرامه للهزيمه
    ومن جلس فوق العشق ب أعلى سنامه
    ما يوافق بالثرى يدفن صميمه
    الخيانه لو جديدة من مقامه
    هي حكايه للبشر دايم أليمه
    من يراهن للمراكب بالسلامه؟
    والعواصف طبعها دايم غشيمه
    من يناظر للحقيقه في منامه؟
    والليالي كم تعاني من نميمه
    قلت أسافر عن عذابك واضطرامه
    الرحيل اللي يناديني عتيمه
    إن عطيتك بالغدر عالي وسامه
    ما وفيتك بالعطى قدر وقيمه
    وإن رميتك للزمن بك احتكامه
    ما يعادل لك حكم أقدم قديمه
    لا حشيمه في هواكم .. لا كرامه
    ولا كرامه في لقاكم..لا حشيمه
    كنت أحبه والقلب يمحي غرامه
    واعترافه بالغدر اكبر جريمه


    منقوووول
  2. نبع الألم
    23-03-2008, 03:41 PM

    مانكر احبه


    مرسي
  3. معاند زمانه
    23-03-2008, 04:35 PM

    مانكر احبه


    اشكرك على نقلك لجميل


    ابدعتي بنقلك

    تقبلي مروري واحترامي
  4. غرك غلاك
    24-02-2009, 01:02 PM

    مانكر احبه


    ابداع روعه
  5. c.ronaldo artist
    24-02-2009, 01:25 PM

    مانكر احبه


    يعطيك العافيه
  6. اكوس عربجيه
    06-02-2010, 06:20 AM

    مانكر احبه


    يعافيكم وكلكم، ذوق
  7. خاطري بمليون خاطر
    06-02-2010, 06:22 AM

    مانكر احبه


    تسلمي...
  8. بـــــــــرق
    06-02-2010, 02:06 PM

    مانكر احبه



    نقل رائع
    الف شكر لقلبك
    تحاياي

    أورنس
  9. اكوس عربجيه
    10-02-2010, 03:22 AM

    مانكر احبه


    يسلموونيشن ع المرور الرائع
  10. ᵽ¡ҋʞ ║•
    26-07-2011, 08:08 AM

    رد: ماانكر احبه

    مانكر احبه


    يعطيك العافيةة خيتو ع النقل الحلو ‘

    تقبلي مروري

    دمتي بخير ‘
12