12

صباح الخير يا طير تأصل من شياهينه

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. درة الشوق
      03-01-2006, 05:59 AM

      صباح الخير يا طير تأصل من شياهينه

      صباح الخير يا طير تأصل من شياهينه


      صباح الخير يا طير ن تأصل من شياهينه
      صباح المسك ودهن العود لمعتق بها لونه
      صباحك هيل وريح البن لي فايح فناجينه
      صباح السعد يا وجه السعد بريح الورد فمتونه
      هلا باللي غلا قلبه توضح من عناوينه
      حبيب غالي عندي أشوف الحب فعيونه
      اخط الشعر لعيونه وارسخها بنياشينه
      وارتبها واظهرها من الخافق بمضمونه
      كتبت الشعر في وصفك ولعيونك منقينه
      و أبياته تعبر عن شعور القلب ومكنونه
      يا زين الشعر لي ياني ثمر باهي فبساتينه
      خيالي له عيوني له وروحي لعينه مرهونه
      احبه حب ما يوصف قلب قلبي وموازينه
      سكن روحي .. سلب عقلي .. بحبه صرت مفتونه
      انا والشعر تخاوينا فدروبه وفي ميادينه
      واسوقه لكم بامثاله حروفه دوم موزونه
      سلامي لها مثل عطر سكب منه رياحينه
      وباعداد البروق وما نزل غيثن من مزونه
      أبرسل بوسه لخلي تلامس عالي جبينه
      و أرسل له ورود الشوق ما ترسل لحد دونه
      وأرسل له (رسالة حب) تلمس راحت ايدينه
      ترا والله يستاهل .. وكل الخلق يفدونه
      اذا كان الخيال يشرد ويبحر في دواوينه
      فلج ابحر بحور ما يطولها انس بركونه
      عيونج لي تذوبني وجرحي بج تداوينه
      ترا جرحي عجز طب البشر لا ما يداونه
      احب اسمك احب رسمك وكل شي فيك مغلينه
      ولك عندي مكانه عاليه فالقلب مصيونه
      حروفه بالوتر ايقاع عذوبه في تلاحينه
      ابا كل البشر تطرب وابا منهم يغنونه
      ألا يا منبع الطيبه ترا ودك مدارينه
      فوسط العين حطيته و أهدابي يدارونه
      ولو يعطوني العالم مع كنوزه وملايينه
      محال ارضى بحد غيرك وسط روحي يحطونه
      ولو دار الزمن ولا تغير شي فسنينه
      بيبقى الغالي السامي وغيره ما يساوونه
      انا وياك في الدنيا وللعالم براهينه
      تبرهن لك في خافي القلب دستوره وقانونه
      انا مجنون بهذا الحب وكم في الحب مجانينه
      انا مجنون حبه وقبلي ليلى قيس مجنونه
      تحيرت بالوصف رمان مشمش باهين تينه
      ابا القى حلاوتها لقيت الفاكهه دونه
      من الطيبه ومن الاخلاق والامجاد تكوينه
      فخر وسناد ونخوه لكل اللي يخاوونه
      اصيل والنعم باصله تفرد في معادينه
      جميع الناس تشهد له بكل الخير يطرونه
      غلاه بخافقي واضح فلا يحتاج تبيينه
      تراه حبي على وجهي جميع الخلق يقرونه
      انا اهواك في الماضي وانا اهواج ذالحينه
      ودرب الحب غيري يعجزون ولا بيمشونه
      وانا امشيه لج حتى اذا شايك مجارينه
      ولو وداني لبكين وموسكو وحتى لشبونه
      يا دم جاري فيني ويسري في شرايينه
      يا جوهر باهي الماس عجزوا ما بيشرونه
      جمالك يا بعد عمري جمال حلو يا زينه
      وصوفه غايه فالروعه ويبهر لي يشوفونه
      يذوبني بأوصافه.. تشوقني تلاحينه
      يوديني إلى عالم خيالي زاهي بلونه
      واشوف إني انا وياك نحنا بس الاثنينه
      تبادلنا غرام غيرنا لا ما يعرفونه
      يعل ربي يحميها من عيون ومن شياطينه
      وتبقى نجمة وسط الليالي ساطعه فكونه

      اهداء / شووواقه عمان ؛ ولهانة

      تقبلو خالص تحياتي (دردر)
    2. هاوي الطير
      03-01-2006, 05:14 PM

      صباح الخير يا طير تأصل من شياهينه


      سكن روحي .. سلب عقلي .. بحبه صرت مفتونه
      انا والشعر تخاوينا فدروبه وفي ميادينه
      والله ابداع والله لايحرمنا من مشاركاتك يادره الشوق.
    3. درة الشوق
      04-01-2006, 12:34 AM

      صباح الخير يا طير تأصل من شياهينه


      يسلمو هاوي وانشاءالله المزيد من الاقدام
      مشكور على مرورك الله لا يحرمنا منك
    4. alhedhed2
      06-01-2006, 01:51 PM

      صباح الخير يا طير تأصل من شياهينه


      رائع و جميل
    5. درة الشوق
      06-01-2006, 08:04 PM

      صباح الخير يا طير تأصل من شياهينه


      مرورك احلى الهدهد وانشاءالله المزيد من الاعطا
    6. hairan16
      06-01-2006, 08:31 PM

      صباح الخير يا طير تأصل من شياهينه


      مششششششششششششششششششششكور
    7. درة الشوق
      18-01-2006, 02:40 AM

      صباح الخير يا طير تأصل من شياهينه


      يسلوووو على مرورك متصفحي حيران
    8. الرميلي
      18-01-2006, 05:08 AM

      صباح الخير يا طير تأصل من شياهينه



      احب اسمك احب رسمك وكل شي فيك مغلينه
      ولك عندي مكانه عاليه فالقلب مصيونه


      الاخ العزيز و الغالي درة الشوق ( مهموم ) صح لسانك و تسلمك يمينك على هذا الابداع كلمات قمة في الروعة و السحر الجذاب
      تقبل مني كل التقدير و الاعجاب
    9. بدون عنوان
      18-01-2006, 09:39 AM

      صباح الخير يا طير تأصل من شياهينه


      يعطيك العافية
    10. درة الشوق
      18-01-2006, 11:22 AM

      صباح الخير يا طير تأصل من شياهينه


      اخوي الرميلي انت اخ عزيز وغالي علي بدون مجامله
      مشكور على مرورك الذي نور متصفحي الله لا يحرمني منكم
      تحياتي
    12