أنا و بنت جيراننا ( اللي في راسه رومانسيه يجي )

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. ولد الحفر
    03-01-2005, 09:25 PM

    أنـا و بنـت جيراننــا ( اللي في راسه رومانسيه يجي )

    أنا و بنت جيراننا ( اللي في راسه رومانسيه يجي )


    بسم الله الرحمن الرحيم


    أنا و بنت جيراننا ( اللي في راسه رومانسيه يجي ) ههههههههه


    حيا الله المستانسين هع هع .. يا مرحبا .. علي الطلاق ما احد يقووم من مكانه .. و الا تدرون قوموا ما عندي اي مشكله هع هع هع

    تصدقون عاد اليوم انا متشقق و مرتاح .. مدري احس اني لقيت نصفي الثاني <<< اخس يا اللي بيتزوج خخخخخخخخخخ

    فقلت من باب اولى بما اني فاضي اني امحط لكم سالفه هنا .. اخثرق عليكم فيها عن نفسي .. << هات اللي عندك بس و فكنا
    على فكررره وشلونكم مع الدراسه انشاء الله ماشين << ماشين و الا يركضون وش دخلك انت

    المهم يا شباب ما لكم في الطويله انا بقولكم سالفه صارت لي منول و انا صغيرون ,, تقدرون تقولون سالفة حب و تقدرون تقولون مباراه على الكاس اللي يعجبكم <<< انت هالحين ورا ما تفكنا من بربرتك و تخش في السالفه >>>> يبلغ

    هذي يا شباب من زمان يعني كان لنا جاره فطيفيطه و توها في ريعان شبابها و كانت شيء لا يوصف من اللقافه و الطفاقه و شوشتها دايم طايره شكلها تكدها ببرايه و لونها برونزي على اخضر مدري كيف جاي ,, بس بصراحه دلع <<< امحق دلع .. و عاد انا في وقتها كنت صغيرون و في عمرها بس عاد ماني حاط اوصافي اخاف البنات اللي هنا يروحن فيها بس با اختصار كنت حلو ,, خاصه اذا لبست شورت و فنيله علاقي خخخخخخخخخخخ

    المهم يا الربع كانت هالبنيه زي ما قلت لكم جارتنا و الجدار في الجدار و البيت في البيت و الخشه في الخشه اربع و عشرين ساعه و كان بيننا ماني قايل عيش و ملح بقول خبز و جبن لاني احب الخبز و الجبن خخخخخ و كان دايم بيننا مطالب و مهاوش و فك الشوشه و افك الشعر <<< يعني دايم متماسكين بالشعر و من زود الميانه بعض المرات ترقد في حوشنا ها ها ها ها

    و كنا دايم نجلس في العشه حقة الحمام و نتبادل اطراف الحديث و الفقه و التاريخ <<< اقول فكنا من السماجه .. و في ذات يوم كعادتنا جلوس في العشه و هي تنقش اظافيرها بسيم معلاق و انا اناظر فيها نظرات تأمل و شفت البراءه في عيونها المغمصه و حسيت بشيء غريب مدري وشهو يدور في تسبدي و تنهدت تنهيده قويه و قلت احححححححححححححححح ,, قالت هي : لعنه وشفيك ؟؟ قلت : و الله مدري يا العوبا بس كنت افكر فيتس انتي و سيقانتس اللي تقول اناتل مورسيدس ,, قالت : من زين سيقانك المتلويه تقول اسلاك بواجي ,, و كملت و قالت : تصدق عاد جاني نفس الشعور اللي جاك و قعدت اصرف و انقش اظافري ,, قلت لها انا اسمعي هذا و الله شكله الحب اللي يقولونه ؟؟ يمكن من كثر ما اقابلتس حبيتس و الا انتي ما تنحبين ,, قالت اي و الله الظاهر و هي تنحاش من عندي مقرطه في ثوبها و هي تنقز الجدار على بيتهم ,, و يوم نقزت و اسمع لي قرقعه و صقع مدري وشهو ؟؟ اثرها طاحت في الغساله اللي حاطينها في الحوش خخخخخخخخخخخخخخخخخخخخخ

    المهم راح يوم و يومين و ثلاثه و البنت ما عاد اشوفها ؟؟ بالعاده من الصبح و هي محضره عند الباب و جايبه معها نبيطة ؟؟ هههههههه عاد قلت انا خلني اشوف المطفوقه وش صار عليها لا يكون ناشبه في دولاب و الا داخله في الثلاجه و الا شيء ,, المهم و انقز على الجدار و اقعد اناديها و ما دريت الا القدر اللي يمشي الفين محضر في جبهتي و اتهزهز على الجدار من اثر الصدمه بغيت اطيح ؟؟ و اناظر الا هي جالسه في السيب و تضحك ,, وشفيتس يا مال المرض لتس ثلاثة ايام ما جيتينا ؟<< يضرب الحب شو بيزل و هالحين تحذفيني بالقدر و تضحكين ؟؟ قالت و الله خلاص يا داشر ما عاد اقدر اجيكم انا كبرت ؟؟؟ قلت اما عاد كبرتي ,, ليش ما علمتيني طيب <<< يستهبل هو ووجهه
    اقول روحي هاتي الكنادر و ارواح معي فيه مباراه العصر مع الحاره اللي جنبنا ,, قالت : اقول انزل عن الجدار يا اللي ما تستحي ترا بعلم ابوي

    و انا يصيبني جفال ,, و مخي تضرب فيوزه و انا انزل مستعجل ,, و اقعد افكر في الموضوع ؟؟ وش السالفه يا ولد ؟؟ قلت اكيد البنيه انهبلت ؟؟ مسرعها تكبر ,, و انا ما كبرت لها الحين <<< يلعن ام التفكير اللي عندك
    و يوم حسبتها في راسي ,, طلعت البنيه معها حق ؟؟ الى متى حنا على هالحال صغيرين ؟؟ اكيد بيجي يوم و نكبر و نعقل <<< و الله الظاهر انك ما تعقل دايم ,,, فقررت اني اكبر <<< على تبن بس ههههههههههه

    المهم يا الربع كبرت انا و هي و صرنا ما نشوف بعضنا الا با الشفاقه << هذا حال المحبين مساكين هههههه
    و بدت قصة الحب و الرسايل من ورا الجدران نطل ؟؟ حتى اذكر مره نطلت لها دفتر ابو عشرين كاتب فيه ذكرياتي انا وهي خخخخخخخخخ و صارت تسير مع امها دايم عشان تشوفني <<< من زين هالوجه
    و عشت قصة حب ما راح انساها حياتي كلها مع هالمطفوقه ,, و في يوم من الايام كنت طالع العصريه عند الباب الا و اشوف عند بابهم دنه (شاحنه لغير الناطقين بالسعودي) و محمله عفش ؟؟؟ و طيران للسواق الهندي ,, قلت ايس فيه صديق ؟ قال هذا نفر خلاص روح ,, قلت وين روح عساك المرض و امسك الهندي بحلقه و اخنقه و بعد لحظه دريت ان ماله دخل الضعيف و فكيته ,, اثرهم طلعوا بيشدون انتهى عقد ايجارهم و بيطلعون من البيت تهي تهي تهي تهي
    و اخذت شوي الا و هم طالعين و راكبين سيارتهم و البنت يجرونها ما تبي تطلع من البيت يا بعد عمري و الله
    ويركبون سياراتهم و يمشون المهم و تشوفني و تقعد تنادي يا مشاكل يا مشكولي ,, قلت انا اخو عمشاء و انا انقز على الدنه و هي تمشي و اتجود في الحنايا حقتها و اصيح على الهندي وقف وقف ؟؟ و الهندي حاقد علي من يوم مسكته بحلقه و يبي الفرصه ,, و هو يقعد يفحط بي لين طحت ,,, و راحوا و انا مدري وين بيروحون ,,

    اخذت لي فتره عقبها مريض و مغير انشد عنهم في كل مكان و لا لقيتهم ,, و تقوم من بعدها المرثيات و الالفيات و القصايد الغزليه اللي لو يقراها الفرزدق جاني و محطني بالعقال لين اقول امين ,,

    و هذي هي قصتي مع هالبنيه اللي لن اعشق سواها <<< اقول شكلك حبيت من جد <<< مالك دخل اعقب

    و في نهاية المطاف اقولكم حبايبي ,, لا تحاولون تعرفون على بنيات و تحبون و تصير لكم مثل سالفتي و بعدين تنقهرون ,, لان الحب دايم نهايته مؤلمه <<< وش عنده روميو خخخخخخخخخخخخخخخخخخخ

    اشكرررر عطفففكم حبايب قلبي على حسن قرايتكم





    تحياتي



    اخوكم..............................حاشر البنات بقوطي
  2. دمعة جريحه
    03-01-2005, 10:36 PM

    أنا و بنت جيراننا ( اللي في راسه رومانسيه يجي )


    ههههههههههههههههههههههههه


    حلووووووووووووووووووووووووووووووووووووه يعطيك العافيه
  3. LeoGirl
    04-01-2005, 02:08 AM

    أنا و بنت جيراننا ( اللي في راسه رومانسيه يجي )


    يا حرام






    يضرب الحب شوووو بيذل..






    اتعييييش وتاكل غيييييرها يا حاشر ههههههههههههههههههههههه .... وتسلم ع القصة الحللللوة

    اختك
    LeoGirl

  4. anuar
    04-01-2005, 12:42 PM

    أنا و بنت جيراننا ( اللي في راسه رومانسيه يجي )


    مشكور على المعلومه الحلوه
  5. أشواق
    04-01-2005, 11:57 PM

    أنا و بنت جيراننا ( اللي في راسه رومانسيه يجي )


    هههههههههههههههههههههههههههه

    تسلم ياحاشر وهنيئا لك قدرت ترسم البسمه على وجه كل من يقرأ موضوع من مواضيعك


    يعطيك الف عافيه




    تقبل ارق التحايا
  6. أشواق
    05-01-2005, 12:00 AM

    أنا و بنت جيراننا ( اللي في راسه رومانسيه يجي )


    ههههههههههههههههههههه

    تسلم ياحاشر وهنيئا لك قدرت ترسم البسمه على وجه كل من يقرأ موضوع من مواضيعك


    يعطيك الف عافيه




    تقبل ارق التحايا
  7. na222
    05-01-2005, 01:07 AM

    أنا و بنت جيراننا ( اللي في راسه رومانسيه يجي )


    مشكوووووووووور يا حاشر على ها لقصه


    ان شاء تكون متذكرتك الى الحين
  8. صغيرونه بس شيطونه
    27-04-2008, 06:54 PM

    أنا و بنت جيراننا ( اللي في راسه رومانسيه يجي )


    المشاركة الأصلية كتبت بواسطة anuar
    مشكور على المعلومه الحلوه
    هههههههههههه الله يقطع بليسك انت وهالسالفه ياخي احس انك معقد بنات الحاره ههههههههههه