قصيدة ليت الحزن في عين دار الجديده - ضيدان بن قضعان

ديوان الشاعر ضيدان بن قضعان ارسال إلى Twitter ارسال إلى facebook
  1. *مزون شمر*
    08-03-2008, 07:31 PM

    قصيدة ليت الحزن في عين دار الجديده - ضيدان بن قضعان

    قصيدة ليت الحزن في عين دار الجديده - ضيدان بن قضعان


    مرثية قالها ضيدان بن منصور بن قضعان في
    الشيخ عبدالله بن بعيث شيخ شمل ال الحمراء بني هاجر رحمه الله




    ليت الحزن في عين دار الجديده
    ونقول حزن مرنا مثل الاحزان

    لكن حزن اليوم حاله فريده
    حزن شمل كل القبايل والاوطان

    حزن شمل يام بديده بديده
    من قبل لايشمل مداغيش قحطان

    حزن على شيخ علومه مجيده
    يفرح به ضعوف ويتاما وضيفان

    راعي يمين ماتمد الزهيده
    يشهد على قولي طراقي وجيران

    عبدالله بن بعيث محزم عظيده
    لاظاعة الهقوات بفلان وفلان

    شيخ ال الحمرا فالسنين الشديده
    كم فرج الكربه وكم سد ديان

    وكم من سجين فالدجاء فك قيده
    وأعتق رقبة إللي بلا أعمام وإخوان

    ياحلفنا ياطيبين العقيده
    ياصادقين الحلف مره وعجمان

    عزالله انه راح منكم فقيده
    شيخ جمع شيخه ومسجد وقران

    ولملم شمل ربعه بعينه وبيده
    وخلد لهم في قمة المجد عنوان

    الراس قاسي والمشابح بعيده
    والقلب لين والعطيات سفطان

    لوكل شيخ ياصل إللي يريده
    ماميز الله شيخ من بين شيخان

    من حبه الله حببه في عبيده
    ومن يعمل المعروف يجزا بالاحسان

    يالله عسى الروح الفقيده شهيده
    وعسى عوضنا في طويلين الايمان

    عواله إللي كل منهم وليده
    مقدامهم فهد وخالد ومشعان

    روس الحرار النادرات العنيده
    تخريجهم من مدرسة طير حوران

    يالله عسى عقب الحياة السعيده
    تجعل له الجنه مقر وعنوان
  2. طير القوافي
    21-08-2009, 11:54 AM

    قصيدة ليت الحزن في عين دار الجديده - ضيدان بن قضعان


    الراس قاسي والمشابح بعيده
    والقلب لين والعطيات سفطان

    لوكل شيخ ياصل إللي يريده
    ماميز الله شيخ من بين شيخان
    الله الله الله
    صح لسانك
  3. روح soso
    04-10-2009, 04:09 AM

    قصيدة ليت الحزن في عين دار الجديده - ضيدان بن قضعان



    من حبه الله حببه في عبيده
    ومن يعمل المعروف يجزا بالاحسان

    يالله عسى الروح الفقيده شهيده
    وعسى عوضنا في طويلين الايمان

    الله يعطيك الف عافيه ,,
    صح لسانك ولسان شاعرها
    ,,.
  4. المريسي
    09-09-2015, 11:52 AM

    رد: قصيدة ليت الحزن في عين دار الجديده - ضيدان بن قضعان

    قصيدة ليت الحزن في عين دار الجديده - ضيدان بن قضعان


    شكرا عالكلمات

    تحياتي